Komisioneri i Bashkimit Evropian për Demokracinë, Drejtësinë, Sundimin e Ligjit dhe Mbrojtjen e Konsumatorit, Michael McGrath, ka zhvilluar sot një vizitë në Tiranë ku ka takuar kryeministrin e Shqipërisë, Edi Rama.
Pas kësaj vizite ai është shprehur se Shqipëria është një nga vendet pararendëse në procesin e anëtarësimit në Bashkimin Evropian.
Në një reagim të publikuar në rrjetet sociale pas McGrath thekson se Shqipëria “e ka vendin në BE”, ndërsa nënvizon se ende ka punë të rëndësishme për t’u bërë në rrugën drejt anëtarësimit.
“Shqipëria e ka vendin në BE dhe është një nga vendet pararendëse në procesin e anëtarësimit në BE”, shkruan McGrath.
Ai thotë se Bashkimi Evropian do të vijojë ta mbështesë Shqipërinë në çdo hap të këtij procesi.
Sipas McGrath, në takimin me Ramën u diskutua përparimi i Shqipërisë në zbatimin e reformave në drejtësi dhe në fushën e sundimit të ligjit, të cilat i cilëson si “spirancën politike” të procesit të anëtarësimit.
Komisioneri europian vlerëson gjithashtu qeverinë shqiptare për progresin e arritur deri më tani.
“Ka një historik të fortë progresi dhe një ambicie të qartë. Tani, ky ritëm duhet të ruhet për të dhënë rezultate të qëndrueshme dhe të pakthyeshme”, shprehet McGrath./Shqiptarja.com
Presidentja e sapozgjedhur, Justina Shiroka-Pula, sot e ka emëruar shefe të stafit Berita Abazin, ish-shefen e stafit të Albulena Haxhiut, njëherësh asambliste e Vetëvendosjes në Prishtinë.
Por, kjo nuk është e tëra, edhe Getoar Sylaj, i cili ishte edhe në Prekaz në vizitën e parë të Presidentes së re, jashtë zyrës, është militant i Vetëvendosjes. Ai qëndroi në krahun e Presidentës, Pula edhe gjatë takimit të saj me Kurtin. Por, në fakt Sylaj është krejt i njohur për Kurtin, si aktivist i hershëm.
Ai përveç që ka shërbyer në kabinetin e Albulena Haxhiut, është edhe prej aktivistëve, brenda Lëvizjes Vetëvendosje.
Shefen e stafit, aktivisten e Vetëvendosjes Berita Abazin, presidentja Shiroka-Pula e ka autorizuar që t’i emërojë edhe nëpunësit e tjerë të kabinetit, si asistentët etj.
Përmes një reagimi publik, organizata ka vlerësuar se deklaratat kundërshtuese ndaj këtyre ndryshimeve janë “sa të nxituara, aq edhe të pabazuara në një shqyrtim serioz juridik”.
Sipas Veteranëve të UÇK-së, deri më tani nuk është bërë publike ndonjë analizë apo studim i mirëfilltë juridik që do të argumentonte se ndryshimet e miratuara janë të pazbatueshme ose në kundërshtim me detyrimet ndërkombëtare të Kosovës.
“Në vend të argumenteve juridike, opinioni publik është përballur kryesisht me polemika, interpretime të njëanshme dhe qëndrime politike, të cilat nuk mund të trajtohen si përfundime të pakontestueshme”, thuhet në reagim.
Organizata ka thënë se refuzon të besojë se pas këtyre reagimeve qëndron një përpjekje e qëllimshme për të dekurajuar qytetarët që, sipas saj, kanë protestuar “natë pas nate e ditë pas dite” me shpresën për drejtësi. Megjithatë, Veteranët kanë vlerësuar se mënyra dhe koha e reagimeve të fundit krijojnë pikërisht një përshtypje të tillë.
“Ne, kategoritë e dala nga lufta e UÇK-së, besojmë dhe jemi të bindur se ndryshimet e miratuara përbëjnë një hap të rëndësishëm për ta vendosur Gjykatën Speciale në binarët e duhur të drejtësisë”, thuhet më tej në reagim.
Sipas organizatës, ndryshimet duhet të shihen në funksion të respektimit të standardeve juridike dhe parimeve mbi të cilat duhet të mbështetet çdo institucion i drejtësisë.
Veteranët kanë kritikuar gjithashtu, siç i kanë quajtur, “spekulimet” mbi pasojat e mundshme juridike, duke theksuar se ato nuk mund ta zëvendësojnë një analizë profesionale.
“Kushdo që pretendon të kundërtën, ka përgjegjësinë ta argumentojë qëndrimin e vet me fakte, dispozita konkrete dhe arsyetim juridik, jo me deklarime politike”, thuhet në reagim.
Organizata ka theksuar se Kosova e ka dëshmuar gatishmërinë për të bashkëpunuar me drejtësinë ndërkombëtare, edhe në raste kur, sipas saj, janë marrë vendime jashtëzakonisht të vështira.
Megjithatë, sipas Veteranëve të UÇK-së, bashkëpunimi me drejtësinë ndërkombëtare nuk nënkupton heqje dorë nga e drejta për të kërkuar drejtësi të paanshme, përgjegjshmëri institucionale dhe respekt për dinjitetin e luftës çlirimtare.
Në fund, organizata ka bërë thirrje që debati për ndryshimet ligjore të zhvillohet mbi bazën e argumenteve juridike dhe jo të interpretimeve politike.
“Shpresa e qytetarëve për drejtësi meriton përgjigje të argumentuara, jo përpjekje për ta relativizuar apo shuar atë”, përfundon reagimi i Organizatës së Veteranëve të Luftës së UÇK-së.
Organizata e Veteranëve të Luftës së UÇK-së ka reaguar ndaj qëndrimeve të ditëve të fundit lidhur me ndryshimet në Ligjin për Dhomat e Specializuara, të miratuara nga Kuvendi i Kosovës.
OVL-UÇK i ka cilësuar këto reagime si “të nxituara” dhe “të pabazuara në një shqyrtim serioz juridik”, duke thënë se deri tani nuk është bërë publike ndonjë analizë juridike që argumenton se ndryshimet janë të pazbatueshme apo në kundërshtim me detyrimet ndërkombëtare të Kosovës.
Sipas kësaj organizate, në vend të argumenteve juridike, në opinion publik janë paraqitur kryesisht polemika, interpretime të njëanshme dhe qëndrime politike.
“Ne, kategoritë e dala nga lufta e UÇK-së, besojmë dhe jemi të bindur se ndryshimet e miratuara përbëjnë një hap të rëndësishëm për ta vendosur Gjykatën Speciale në binarët e duhur të drejtësisë, duke kërkuar respektimin e standardeve juridike dhe të parimeve mbi të cilat duhet të mbështetet çdo institucion i drejtësisë”, thuhet në reagim.
OVL-UÇK ka theksuar se spekulimet mbi pasojat e mundshme juridike nuk mund ta zëvendësojnë analizën profesionale dhe ka kërkuar që pretendimet kundër ndryshimeve të argumentohen me fakte dhe dispozita konkrete ligjore.
Organizata ka thënë gjithashtu se Kosova ka dëshmuar gatishmërinë për bashkëpunim me drejtësinë ndërkombëtare, por ky bashkëpunim, sipas saj, nuk nënkupton heqjen dorë nga kërkesa për drejtësi të paanshme, përgjegjshmëri institucionale dhe respekt për dinjitetin e luftës çlirimtare.
“Shpresa e qytetarëve për drejtësi meriton përgjigje të argumentuara, jo përpjekje për ta relativizuar apo shuar atë”, përfundon reagimi i OVL-UÇK-së./Telegrafi/
Ambasadori i Gjermanisë në Kosovë, Rainer Rudolph, ka thënë se zgjidhja e krizës institucionale i ka krijuar Kosovës mundësinë për të rifilluar aktivisht ndjekjen e agjendës së saj evropiane.
Rudolph i bëri këto deklarata gjatë pritjes së organizuar me rastin e “Ditës së Bashkimit Gjerman”.
Ai tha se krijimi i institucioneve stabile mund të sjellë një bashkëpunim më të fuqishëm dypalësh mes Kosovës dhe Gjermanisë, si dhe hapa të rinj në procesin e integrimit evropian.
“Pas zgjidhjes së krizës institucionale, pres me padurim të punoj me energji të re, si në bashkëpunimin tonë dypalësh, ashtu edhe në agjendën evropiane të Kosovës. Duke krijuar institucione stabile, vendi tashmë e ka vendosur veten në pozitë që ta ndjekë sërish në mënyrë aktive këtë agjendë”, deklaroi Rudolph.
Megjithatë, ambasadori gjerman paralajmëroi se rruga drejt integrimit evropian nuk do të jetë gjithmonë e lehtë, duke theksuar se do të nevojiten debate dhe vendime të vështira.
Rudolph tha se e kupton padurimin në Kosovë për shkak të zgjatjes së procesit të integrimit, por theksoi se ky synim është edhe më i rëndësishëm në rrethanat e reja të sigurisë në Evropë.
Ai përmendi luftën e Rusisë kundër Ukrainës dhe shtimin e kërcënimeve hibride, duke vlerësuar se këto zhvillime e bëjnë integrimin e Kosovës në strukturat evropiane edhe më të rëndësishëm.
“Në këtë mjedis, Kosova tani nuk mund dhe nuk duhet të shikojë më vetëm nga brenda, por përkundrazi duhet ta shohë integrimin e saj evropian si një kontribut aktiv për paqen dhe sigurinë në Evropë”, përfundoi ambasadori gjerman.
Deputeti i Partisë Demokratike të Kosovës, Rrustem Mustafa, ka deklaruar se PDK-ja e konsideron sukses të saj zgjedhjen e Justina Shiroka-Pulës në postin e Presidentes së Kosovës.
Duke folur në Debat Plus, Mustafa tha se partia e tij e pranon zgjedhjen e Shiroka-Pulës si një nga rezultatet e marrëveshjes së fundit politike.
“PDK e ka marrë si sukses të vetin. Dhe e pranon si sukses të vetin, si presidente të vetën zonjën Justina Shiroka-Pula”, deklaroi Mustafa.
Justina Shiroka-Pula u zgjodh Presidente e Kosovës më 6 tetor, me 81 vota të deputetëve, pas ‘marrëveshjes’ së arritur mes Lëvizjes Vetëvendosje dhe PDK-së.
Justina Shiroka-Pula, e cila më 7 tetor u zgjodh presidente e Kosovës, kishte reaguar më 26 shtator, përmes një shkrimi në Facebook, ndaj vendimit të Dhomave të Specializuara të Kosovës për katër ish-drejtuesit e Ushtrisë Çlirimtare të Kosovës (UÇK-së).
Në reagimin e saj, Shiroka-Pula kishte shprehur rezerva të thella ndaj mënyrës se si është konceptuar dhe perceptuar kjo gjykatë, duke theksuar se drejtësia duhet të jetë e barabartë, gjithëpërfshirëse dhe e paanshme.
“Vendimi i fundit ndaj katër ish-drejtuesve të Ushtrisë Çlirimtare të Kosovës na obligon të reflektojmë jo vetëm mbi verdiktin gjyqësor, por edhe mbi vetë natyrën, mandatin dhe mënyrën e funksionimit të Dhomave të Specializuara”, kishte shkruar ajo.
Shiroka-Pula kishte thënë se qëndrimi kritik ndaj Dhomave të Specializuara buron nga bindja se besueshmëria dhe qëndrueshmëria e drejtësisë varen edhe nga perceptimi për barazinë dhe paanshmërinë e saj.
“Çdo mekanizëm i drejtësisë që trajton periudha të ndjeshme historike duhet të jetë veçanërisht i kujdesshëm që të mos krijojë perceptimin e një drejtësie selektive apo të një trajtimi të pabarabartë të viktimave dhe përgjegjësive”, kishte deklaruar Shiroka-Pula.
Ajo kishte theksuar se respektimi i procedurave juridike nuk e përjashton të drejtën për kritikë ndaj institucioneve të drejtësisë.
“Respekti për të drejtën dhe për procedurat juridike nuk përjashton të drejtën për kritikë institucionale. Përkundrazi, në një shoqëri demokratike, legjitimiteti i institucioneve të drejtësisë forcohet pikërisht përmes transparencës, llogaridhënies dhe debatit të argumentuar publik”, kishte thënë më tutje.
Shiroka-Pula kishte vlerësuar gjithashtu se proceset gjyqësore ndaj individëve nuk duhet të interpretohen si gjykim i përgjithshëm ndaj UÇK-së apo ndaj historisë së luftës në Kosovë.
“Ushtria Çlirimtare e Kosovës është pjesë e një kapitulli vendimtar të historisë sonë. Proceset penale ndaj individëve nuk duhet të shndërrohen në gjykim të përgjithshëm të një lëvizjeje, të një periudhe historike apo të aspiratës së një populli për liri”, kishte deklaruar ajo.
Po ashtu kishte theksuar se, pavarësisht respektimit të së drejtës për proces të rregullt dhe të mjeteve juridike në dispozicion, ajo mbetet kritike ndaj mënyrës së funksionimit dhe perceptimit të Dhomave të Specializuara.
“Shprehim rezervat tona të thella ndaj mënyrës se si kjo gjykatë është konceptuar dhe perceptuar, si dhe ndaj pasojave që mund të ketë në kujtesën historike, besimin publik dhe ndjenjën e drejtësisë”, kishte shkruar Shiroka-Pula.
Në fund, ajo kishte thënë se institucioni që drejton do të jetë në dispozicion për të ndihmuar proceset e hulumtimit dhe interpretimit të të dhënave dhe fakteve lidhur me luftën në Kosovë.
“Institucioni që unë e drejtoj është gjithmonë në dispozicion për të ndihmuar proceset e hulumtimit, të kërkimit dhe të interpretimit të të dhënave dhe të fakteve lidhur me luftën në Kosovë”, kishte përfunduar Shiroka-Pula./Telegrafi.
Dikur konsiderohej një prej talenteve më premtues shqiptarë në futbollin evropian. Labinot Kabashi ishte pjesë e La Masias, u ftua në Kombëtaren A të Kosovës në vetëm 16 vjeç dhe Barcelona besonte aq shumë tek ai, saqë në kontratën e tij vendosi edhe një klauzolë largimi prej 40 milionë eurosh.
Sot, historia e tij është krejt tjetër. Kabashi e ka mbyllur karrierën profesionale në moshën vetëm 22-vjeçare, pasi aventura e fundit ishte te Villarreal C.
Nga një prej emrave që premtonte shumë në akademinë e Barcelonës, ai u largua gradualisht nga skena e futbollit.
Kabashi dhe Dembele në stërvitje
Tetë vite në La Masia
Historia e Kabashit me Barcelonën kishte nisur shumë herët. Në vitin 2010, kur ishte vetëm 10 vjeç, ai iu bashkua klubit katalunas nga Gimnàstic Manresa, edhe pse ai kishte lindur në Finlandë, ku jeton edhe sot.
Për tetë vite ai ishte pjesë e strukturave të Barcelonës dhe kaloi nëpër grupmoshat e akademisë së njohur, La Masia. Në Katalonjë e shihnin si një futbollist me potencial të madh, ndërsa pozita e tij kryesore ishte në mesfushë, edhe pse mund të luante në role të ndryshme në repartin ofensiv.
Në mediat spanjolle ai u përshkrua si një lojtar teknik dhe kreativ, ndërsa në një periudhë të karrierës së tij të re pati edhe krahasime me Andrés Iniestën.
Pritshmëritë ndaj tij ishin të mëdha. Dhe këtë e dëshmon edhe një detaj i jashtëzakonshëm nga viti 2019.
Labinot Kabashi
Barcelona i vendosi klauzolë prej 40 milionë eurosh
Në vitin 2019, Barcelona vendosi të vazhdonte kontratën e Kabashit, duke i ofruar një marrëveshje të re që do ta mbante në klub deri në vitin 2021, me mundësi zgjatjeje edhe për dy vite të tjera. Por ajo që tërhoqi më shumë vëmendje ishte klauzola e largimit.
Barcelona i kishte vendosur Kabashit një klauzolë prej 40 milionë eurosh. Për një futbollist të ri të akademisë, kjo ishte një shifër e jashtëzakonshme dhe tregonte se sa shumë besim kishte klubi katalunas në potencialin e tij.
Në atë kohë, Kabashi konsiderohej futbollisti nga Kosova me klauzolën më të madhe të largimit nga klubi i tij. Ai ishte vetëm 18 vjeç, por Barcelona po e mbronte talentin e tij me një vlerë që zakonisht lidhej me futbollistë të një niveli shumë më të lartë.
Gjithçka dukej se po shkonte në drejtimin e duhur. Kabashi kishte kaluar pjesën më të madhe të fëmijërisë në La Masia dhe tashmë kishte edhe një kontratë që tregonte besimin e madh të Barcelonës tek ai.
Por rruga drejt futbollit të madh do të bëhej shumë më e vështirë.
Labinot Kabashi kur nënshkroi kontratën me Barcelonën
Në moshën 16-vjeçare u ftua te Kosova
Në vitin 2016, kur ishte vetëm 16 vjeç, Kabashi mori një tjetër vlerësim të madh. Përzgjedhësi i Kosovës në atë kohë, Albert Bunjaki, e ftoi në Kombëtaren A.
Ftesa ishte e veçantë për një lojtar të asaj moshe. Kabashi ishte ende pjesë e akademisë së Barcelonës, por në Kosovë e shihnin si një futbollist që mund të bëhej pjesë e rëndësishme e përfaqësueses në vitet e ardhshme.
Megjithatë, ai nuk arriti të debutonte me Kombëtaren A. Barcelona kishte kërkuar që ai të mos aktivizohej në ndeshjet e asaj periudhe, ndërsa çështjet e regjistrimit dhe statusit të tij ndërkombëtar ndikuan gjithashtu në situatën e tij.
Në atë moment, megjithatë, emri i Kabashit po qarkullonte gjithnjë e më shumë. Një talent shqiptar nga Kosova, i rritur në La Masia dhe i ftuar në Kombëtaren A që në adoleshencë.
Por më pas erdhi goditja që do të ndikonte seriozisht në vazhdimin e karrierës. Ai sot me 26 vite, do të ishte një nga lojtarët kryesorë të Kosovës.
Labinot Kabashi dhe Herolind Shala
Dëmtimet që ndryshuan gjithçka
Kabashi pësoi dëmtime të rënda në gju, duke humbur periudha të gjata të zhvillimit. Problemet me ligamentet e gjurit e lanë jashtë fushës për një kohë të gjatë dhe ia ndërprenë ritmin pikërisht në momentin kur duhej të bënte hapin e rëndësishëm drejt futbollit senior.
Në vend të progresit të vazhdueshëm, ai u detyrua të përballej me rikuperime të gjata dhe rikthime të vështira.
Megjithatë, Kabashi vazhdoi të luftonte për rikthimin. Në vitin 2020 ai u afrua me Barcelona B, por nuk arriti të bëjë debutimin me ekipin e parë të klubit.
Pas dhjetë vitesh në Barcelonë, rrugët e tij me klubin katalunas u ndanë dhe Kabashi kërkoi një mundësi të re për ta ringjallur karrierën.
Ansu Fati dhe Labinot Kabashi
Villarreal C – kapitulli i fundit
Në vitin 2020, Kabashi iu bashkua Villarrealit, ku u aktivizua me ekipin C.
Ky duhej të ishte një kapitull i ri për mesfushorin kosovar. Pas largimit nga Barcelona, Villarreal i dha mundësinë të vazhdonte të luante dhe të rikthehej gradualisht në nivelin ku kishte qenë para dëmtimeve.
Kabashi pati edhe paraqitje pozitive me Villarreal C dhe shënoi gola, por nuk arriti të bëjë hapin drejt ekipit të parë.
Në fund, Villarreal C do të rezultonte të ishte skuadra e fundit e karrierës së tij.
Në vitin 2022, Labinot Kabashi e mbylli karrierën profesionale. Ishte vetëm 22 vjeç. Një futbollist që kishte kaluar tetë vite në La Masia, që Barcelona e kishte mbrojtur me një klauzolë prej 40 milionë eurosh dhe që ishte ftuar në Kombëtaren A të Kosovës në moshën 16-vjeçare, tashmë nuk ishte më pjesë e futbollit profesionist.
Historia e Kabashit është një prej atyre rasteve që tregojnë se sa e paparashikueshme mund të jetë rruga e një talenti. Në moshën e adoleshencës, gjithçka dukej se po e çonte drejt niveleve më të larta të futbollit evropian.
Por dëmtimet e rënda dhe vështirësitë për t’u rikthyer në nivelin e mëparshëm bënë që ëndrra e madhe të përfundonte shumë më herët nga sa ishte parashikuar.
Nga La Masia, kontrata me klauzolë 40 milionë euro dhe ftesa e Kosovës, deri te Villarreal C dhe pensionimi në moshën 22-vjeçare – kjo është historia e një prej talenteve kosovarë për të cilët dikur pritej shumë. /Telegrafi/
Lamine Yamal dhe Erling Haaland kryesojnë listën e futbollistëve me vlerën më të lartë në tregun botëror, me nga 220 milionë euro.
Në vendin e tretë renditet Kylian Mbappé me 200 milionë euro, ndërsa Michael Olise vlerësohet me 180 milionë euro, plus 10 milionë euro në raport me vlerësimin e mëparshëm.
Jude Bellingham është në pozitën e pestë me 160 milionë euro, i ndjekur nga Pedri me 150 milionë euro.
Në top-10 janë edhe Joao Neves, Khvicha Kvaratskhelia dhe Vitinha, të gjithë me vlerë 140 milionë euro.
Listën e mbyll Vinicius Junior me 130 milionë euro, 10 milionë më pak se vlerësimi i tij i mëparshëm.
10 më të shtrenjtët në botë:
Lamine Yamal – Barcelona: 220 milionë €
Erling Haaland – Manchester City: 220 milionë €
Kylian Mbappé – Real Madrid: 200 milionë €
Michael Olise – Bayern Munich: 180 milionë € (+10 milionë)
Jude Bellingham – Real Madrid: 160 milionë €
Pedri – Barcelona: 150 milionë €
João Neves – PSG: 140 milionë €
Khvicha Kvaratskhelia – PSG: 140 milionë €
Vitinha – PSG: 140 milionë €
Vinicius Junior – Real Madrid: 130 milionë € (-10 milionë)
Deputeti i Partisë Demokratike të Kosovës, Rrustem Mustafa, ka deklaruar se PDK-ja e konsideron sukses të saj zgjedhjen e Justina Shiroka-Pulës në postin e Presidentes së Kosovës.
Duke folur në Debat Plus, Mustafa tha se partia e tij e pranon zgjedhjen e Shiroka-Pulës si një nga rezultatet e marrëveshjes së fundit politike.
“PDK e ka marrë si sukses të vetin. Dhe e pranon si sukses të vetin, si presidente të vetën zonjën Justina Shiroka-Pula”, deklaroi Mustafa.
Justina Shiroka-Pula u zgjodh Presidente e Kosovës më 6 tetor, me 81 vota të deputetëve, pas ‘marrëveshjes’ së arritur mes Lëvizjes Vetëvendosje dhe PDK-së.