Blog

  • Kurti për 80 punonjësit serbë që paguhen pa punuar: Po veprojmë brenda procedurave ligjore

    Kurti për 80 punonjësit serbë që paguhen pa punuar: Po veprojmë brenda procedurave ligjore

    Kurti për 80 punonjësit serbë që paguhen pa punuar: Po veprojmë brenda procedurave ligjore

    Kryeministri i Kosovës Albin Kurti u pyet lidhur me punonjësit serb në institucionet e Kosovës që paguhen nga buxheti i shtetit pa shkuar asnjë ditë në punë.

    Deputeti i PDK-së, Eman Rrahmani tha se 80 punonjës të tillë kanë vazhduar të marrin pagë me 589 mijë euro në vitin 2025, punonjës që siç tha ai i përkisnin strukturave paralele serbe.

    “Pyetja ime është për disa pagesa që i janë bërë 80 punonjësve pa shkuar asnjë ditë në punë. Ata persona janë ish-persona të strukturave paralele që prej kohësh paguhen dhe që ju po vazhdoni t’i paguani, pra janë paguar me vlerë 589 mijë e 884 euro në vitin 2025, pra jeni duke i pagu strukturat paralele që kanë funksionu në veri e që as nuk dihet çka janë, çka bëjnë, në veri apo ku ndodhen?”, tha Rrahmani.

    Kurti në përgjigjjen e tij tha se ish-Ministria e Administratës Publike ishte obliguar të sistemonte punonjës të komunitetit serb me qëllim të integrimit të tyre në institucionet e Republikës së Kosovës me vendimin e 22 korrikut 2015.

    Ai tha se Ministria e Brendshme ka transferuar disa punonjës në funksione të tjera brenda ministrisë, por pas shqiptimit të masave disiplinore kryesisht për mungesat e tyre në vendin e punës, transmeton Klankosova.tv.

    “Bazuar në vendimin e Qeverisë 06/39 të datës 22 korrik 2015, ish-Ministria e Administratës Publike ishte obliguar të sistemonte 20 punonjës të komunitetit serb me qëllim të integrimit të tyre në institucionet e Republikës së Kosovës. Megjithëkëtë, që na nënshkrimi i akteve të emërimit këta zyrtarë asnjëherë nuk kanë ushtruar detyra zyrtare në kuadër të ministrisë. Në këtë kontekst gjatë vitit 2025, Ministria e Punëve të Brendshme në cilësinë e ministrisë përgjegjëse për Administratën Publike, ka ndërmarrë veprime duke i transferuar ata në funksione të tjera brenda ministrisë. Pas nxjerrjes së vendimeve për transferim 4 prej këtyre zyrtarëve janë larguar nga shërbimi civil si rezultat i shqiptimit të masave disiplinore, ndërsa 15 të tjerë kanë paraqitur ankesa. Në Ministrinë e Mjedisit dhe Planifikimit Hapësinor, u janë shkëputur sivjet kontratat 29 zyrtarëve qytetarë nga komuniteti serb të cilët ishin të njohur si pjesëtar të mbrojtjes civile e cila në qershor të vitit 2023 u shpall organizatë terroriste pikërisht nga Qeveria jonë. Shkëputja e kontratës së punës për ta është bërë për shkak të mungesave të vazhdueshme në vendin e punës”, tha ai.

    Kurti theksoi se ishte qeverisja e tij që kishte vullnetin të shpallte si organizata terroriste, mbrojtjen civile dhe brigadën e veriut dhe se sipas tij kostot e gabimeve të së kaluarës i kushtojnë shtetit dhe buxhetit.

    Ai tha se vonesat në procedura të tilla nuk janë vonesa për shkak të vullnetit, por për shkak të procedurave të mekanizmave të tjerë të shtetit.

    “Këto janë kosto të gabimeve të së kaluarës dhe ne nuk mund t’i rregullojmë të gjitha përnjëherë. Kohëzgjatja kushton, i kushton shtetit edhe buxhetit. Tash sapo më njoftoi edhe ministrja e Ekonomisë, Artane Rizvanolli që në vitin 2024, 18 zyrtarë të tillë janë larguar nga puna. Edhe njëherë po e theksoj nuk kemi mundur t’i largojmë të gjithë përnjëherë. Vullneti i kësaj Qeverie nuk mungon, nuk duhet të dyshoni në vullnetin e një qeverie që për herë të parë dhe më në fund i ka shpallur organizata terroriste, mbrojtjen civile dhe brigadën e veriut. Është kjo qeveri që ka tregu vullnet, mirëpo që vullneti të zbatohet në përpikëri ka procedura dhe ligje, nëse ne nxitojmë atëherë organe të ndryshme të shtetit i rikthejnë në punë dhe duhet të paguash dëmshpërblim, vonesa nuk është vonesë e vullnetit, vonesa është vonesë e procedurave të mekanizmave të tjerë shtetëror”, tha ai.

  • Dënohet me 22 vjet burgim burri që vrau fqinjin në Klinë

    Dënohet me 22 vjet burgim burri që vrau fqinjin në Klinë

    Dënohet me 22 vjet burgim burri që vrau fqinjin në Klinë

    Gjykata Themelore në Pejë ka shqiptuar dënim unik prej 22 vjetësh burgim ndaj të pandehurit A.N., i shpallur fajtor për tri vepra penale, përfshirë vrasjen dhe vrasjen e rëndë në tentativë.

    Aktgjykimi është shpallur nga Departamenti i Krimeve të Rënda, me trupin gjykues të kryesuar nga Musë Povataj, me anëtarët Veton Ademaj dhe Shaqë Curri, transmeton Klankosova.tv.

    Sipas aktgjykimit, për veprën penale të vrasjes, të pandehurit i janë shqiptuar 19 vjet burgim. Për veprën penale të vrasjes së rëndë në tentativë, ai është dënuar me pesë vjet burgim, ndërsa për mbajtjen, kontrollin ose posedimin e paautorizuar të armëve, me një vit burgim.

    Pas shqiptimit të dënimeve individuale, gjykata ka caktuar dënimin unik prej 22 vjetësh burgim.

    Po ashtu, gjykata ka urdhëruar konfiskimin e armëve dhe municionit të sekuestruar, ndërsa ka vendosur vazhdimin e paraburgimit ndaj të pandehurit deri në marrjen e formës së prerë të aktgjykimit, por jo më gjatë se dënimi unik i shqiptuar.

    M.A. dyshohet se u vra nga fqinji i tij, tashmë i dënuari, A,N., në prill të vitit 2022. Vrasjes dyshohet se i parapriu një zënkë mes disa familjarëve të viktimës dhe të dyshuarit që eskaloi në rrahje, e më vonë rezultoi të jetë edhe fatale.

    Mësohet se familjari i të dyshuarit në kohën kur ndodhi vrasja ishte duke u intervistuar nga policia në cilësinë e viktimës për rrahje.

  • Rama u përgjigjet protestuesve: Nuk do të jap dorëheqjen, Qeveritë ndryshohen me zgjedhje, jo me dhunë

    Rama u përgjigjet protestuesve: Nuk do të jap dorëheqjen, Qeveritë ndryshohen me zgjedhje, jo me dhunë

    Rama u përgjigjet protestuesve: Nuk do të jap dorëheqjen, Qeveritë ndryshohen me zgjedhje, jo me dhunë

    Kryeministri i Shqipërisë, Edi Rama, ka përjashtuar mundësinë e dorëheqjes pas protestave të shoqëruara me përplasje dhe dëmtime në Tiranë, duke theksuar se qeveritë ndryshohen përmes zgjedhjeve demokratike dhe jo përmes dhunës.

    Në një përgjigje për agjencinë ndërkombëtare të lajmeve Reuters, Rama është shprehur i gatshëm për dialog me studentët dhe për adresimin e kërkesave të tyre legjitime, ndërsa ka bërë dallimin mes protestave paqësore dhe akteve të dhunës.

    “Ne respektojmë studentët e Shqipërisë dhe të drejtën e tyre themelore për të protestuar, për të sfiduar qeverinë e tyre dhe për të kërkuar arsim më të mirë, më shumë mundësi dhe llogaridhënie. Zëri i tyre është dëgjuar edhe në të kaluarën dhe do të dëgjohet gjithmonë. Jemi të gatshëm të angazhohemi dhe këtë e kemi thënë shumë qartë.

    Korrupsioni duhet të luftohet dhe, siç e rikonfirmoi së fundmi edhe vetë Bashkimi Europian, Shqipëria po e lufton atë si kurrë më parë. Për herë të parë në historinë e saj, dhe falë Reformës së thellë në Drejtësi që unë drejtova dhe çova përpara, Shqipëria po sheh njerëz të fuqishëm të japin llogari përpara një gjyqësori të pavarur.

    Por ekziston një dallim i qartë mes protestës paqësore dhe dhunës, mes studentëve dhe banditëve. Dhe ne kemi dy fakte shumë të qarta përpara nesh. Së pari, shumica dërrmuese e studentëve nuk është në rrugë. Së dyti, dhuna nuk është e organizuar nga studentët. Sulmet ndaj institucioneve, shkatërrimi i pronës publike dhe rrezikimi i sigurisë publike nuk kanë asnjë lidhje me kërkesat legjitime të studentëve.

    Ndoshta dikush, apo disa forca brenda dhe jashtë vendit, nuk duan që Shqipëria të shkëlqejë si një nga vendet pararojë drejt Bashkimit Europian, por unë nuk do të lejoj që dhuna të devijojë të ardhmen europiane të Shqipërisë. Po ashtu, nuk do të lejoj që zërat legjitimë të studentëve tanë të mbyten nga ata që zgjedhin shkatërrimin.

    Sa u përket thirrjeve për dorëheqjen time, qeveritë ndryshohen përmes zgjedhjeve demokratike, dhe ne i zhvilluam ato vitin e kaluar, jo përmes dhunës. Përgjegjësia ime është të dëgjoj, të trajtoj shqetësimet legjitime dhe ta çoj Shqipërinë përpara. E kundërta do të ishte një tradhti ndaj të gjithë shqiptarëve që më dhanë një mandat shumë të fortë për të përmbyllur negociatat e anëtarësimit në BE”, ka thënë Rama.

    Sinjali – aty ku e vërteta flet para lajmit!

    /GazetaSinjali/

    The post Rama u përgjigjet protestuesve: Nuk do të jap dorëheqjen, Qeveritë ndryshohen me zgjedhje, jo me dhunë appeared first on Sinjali.

    Burimi: Sinjali

  • Haxhiu nënshkruan Ligjin për Specialen dhe ia përcjell Presidentes për dekretim

    Haxhiu nënshkruan Ligjin për Specialen dhe ia përcjell Presidentes për dekretim

    Kryetarja e Kuvendit të Kosovës, Albulena Haxhiu, ka nënshkruar Ligjin për ndryshimin e Ligjit për Dhomat e Specializuara dhe Zyrën e Prokurorit të Specializuar dhe ia ka përcjellë atë presidentes, Justina Shiroka Pula, për dekretim.

    Këtë për televizionin Dukagjini e ka konfirmuar këshilltari i saj, Glauk Tahiri.

    “Ligji është miratuar në seancën plenare të Kuvendit më 6 tetor 2026 dhe i është përcjellë Presidentes në mbështetje të nenit 80, paragrafi 2, të Kushtetutës së Republikës së Kosovës”, thuhet në përgjigje.

    Sipas Kushtetutës, tani Presidentja ka në dispozicion 8 ditë afat për ta dekretuar atë para se i njëjti të hyjë në fuqi.

     

    Burimi: Dukagjini

  • LEX | Nga dënimi me 2 vjet burgim te lirimi nga akuza – Kthesë në rastin e 8 mijë eurove ryshfet ndaj ish-kryeshefit të KPM-së, Luan Latifi

    LEX | Nga dënimi me 2 vjet burgim te lirimi nga akuza – Kthesë në rastin e 8 mijë eurove ryshfet ndaj ish-kryeshefit të KPM-së, Luan Latifi

    LEX | Nga dënimi me 2 vjet burgim te lirimi nga akuza – Kthesë në rastin e 8 mijë eurove ryshfet ndaj ish-kryeshefit të KPM-së, Luan Latifi

    Ish-kryeshefi i Komisionit të Pavarur të Mediave (KPM), Luan Latifi, është liruar nga akuza për korrupsion, pasi Gjykata ka konstatuar se nuk është vërtetuar fajësia e tij.

    Aktgjykimi lirues është shpallur sot, më 15 tetor 2026, në një rast që kishte nisur në vitin 2021, pas arrestimit të dy zyrtarëve të lartë të KPM-së nën dyshimet për marrje ryshfeti.

    Rasti lidhet me dyshimet për marrjen e 8 mijë eurove ryshfet, me qëllim ndikimin në shmangien e ndëshkimit të një subjekti biznesor për shkelje të pretenduara të rregullave të KPM-së.

    Nga arrestimi në vitin 2021 te dënimi me burgim në vitin 2024

    Gazeta Sinjali kishte raportuar më 30 qershor 2021 për arrestimin e Luan Latifit dhe Arben Bilallit, drejtorit të atëhershëm të Administratës dhe Financave në KPM.

    Sipas pretendimeve të Prokurorisë, rasti lidhej me kompaninë “Tel Kos”, nga e cila dyshohej se fillimisht ishin kërkuar 20 mijë euro, ndërsa më pas ishte përmendur shuma prej 8 mijë eurosh.

    Sipas aktakuzës, shuma prej 8 mijë eurosh dyshohej se ishte dorëzuar në një restorant në Gjilan, ndërsa paratë ishin sekuestruar nga Policia.

    Në janar të vitit 2022, Gjykata e Apelit kishte konfirmuar aktakuzën ndaj Latifit, ndërsa në korrik të po atij viti, Arben Bilalli ishte dënuar me 140 ditë burgim dhe 12 mijë euro gjobë, pasi kishte pranuar fajësinë.

    Procesi gjyqësor ndaj Latifit kishte vazhduar ndaras.

    Më 13 shkurt 2024, Gjykata Themelore në Prishtinë e kishte dënuar Luan Latifin me dy vjet burgim dhe 5 mijë euro gjobë për marrje ryshfeti.

    Gjykata tani e liron nga akuza

    Pas zhvillimeve të mëtejshme procedurale, sot është shpallur aktgjykimi lirues ndaj Latifit, me arsyetimin se nuk është vërtetuar fajësia e tij për veprën penale që i vihej në barrë.

    Kështu, rasti që kishte nisur me arrestimin e ish-kryeshefit të KPM-së dhe kishte rezultuar me një aktgjykim dënues në vitin 2024, tashmë ka marrë një tjetër epilog në shkallë të parë.

    Aktgjykimi i sotëm mund të ankimohet në përputhje me dispozitat ligjore.

    Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

    Sinjali – aty ku e vërteta flet para lajmit!

    /GazetaSinjali/

    The post LEX | Nga dënimi me 2 vjet burgim te lirimi nga akuza – Kthesë në rastin e 8 mijë eurove ryshfet ndaj ish-kryeshefit të KPM-së, Luan Latifi appeared first on Sinjali.

    Burimi: Sinjali

  • Policia e Shtetit apel nxënësve dhe prindërve gjatë protestave: Qëndroni larg dhunës dhe situatave të rrezikshme

    Policia e Shtetit apel nxënësve dhe prindërve gjatë protestave: Qëndroni larg dhunës dhe situatave të rrezikshme

    Policia e Shtetit apel nxënësve dhe prindërve gjatë protestave: Qëndroni larg dhunës dhe situatave të rrezikshme

    Policia e Shtetit u ka bërë thirrje nxënësve dhe prindërve që të ruajnë qetësinë dhe të shmangin përfshirjen në akte dhune, në një kohë kur protestat e studentëve po vazhdojnë mes tensioneve.

    Përmes një reagimi në rrjetet sociale, Policia u ka kërkuar nxënësve të mos përfshihen në veprime që mund të rrezikojnë jetën, shëndetin dhe të ardhmen e tyre, si dhe të largohen menjëherë nga vendet ku ushtrohet dhunë.

    Apel i veçantë u është drejtuar edhe prindërve, të cilëve u kërkohet të kujdesen për fëmijët e tyre dhe t’i këshillojnë që të qëndrojnë larg situatave të rrezikshme.

    Policia ka theksuar se zyrtarët policorë janë në terren për të garantuar rendin, qetësinë dhe sigurinë publike, si dhe për të mbrojtur jetën dhe shëndetin e qytetarëve.

    Sinjali – aty ku e vërteta flet para lajmit!

    /GazetaSinjali/

    The post Policia e Shtetit apel nxënësve dhe prindërve gjatë protestave: Qëndroni larg dhunës dhe situatave të rrezikshme appeared first on Sinjali.

    Burimi: Sinjali

  • I kërkuar ndërkombëtarisht, ekstradohet nga Italia në Kosovë

    I kërkuar ndërkombëtarisht, ekstradohet nga Italia në Kosovë

    I kërkuar ndërkombëtarisht, ekstradohet nga Italia në Kosovë

    Një shtetas kosovar, i kërkuar nga autoritetet e Kosovës përmes INTERPOL-it, është ekstraduar nga Italia në Kosovë më 14 tetor.

    Sipas njoftimit të Policisë së Kosovës, i dyshuari ishte arrestuar nga autoritetet italiane, pasi ndaj tij ishte lëshuar letërarrest ndërkombëtar nga institucionet e drejtësisë së Kosovës, transmeton Klankosova.tv.

    Ai kërkohet nën dyshimin për përfshirje në veprat penale “vrasje në tentativë” dhe “mbajtje në pronësi, kontroll ose posedim të paautorizuar të armëve”.

    Ekstradimi u realizua nga Drejtoria për Bashkëpunim Ndërkombëtar Policor, në koordinim me njësitet relevante të Policisë së Kosovës dhe institucionet e drejtësisë, bazuar në legjislacionin në fuqi dhe në bashkëpunimin ndërmjet institucioneve të Kosovës dhe Italisë.

    Pas ekstradimit, i dyshuari iu dorëzua njësive përkatëse të Policisë së Kosovës në rajonin e Mitrovicës, për vazhdimin e procedurave të mëtejshme ligjore.

  • Kosova pjesë e procesit të vlerësimit nga ENCASIA për sigurinë e aviacionit

    Kosova pjesë e procesit të vlerësimit nga ENCASIA për sigurinë e aviacionit

    Paneli i ENCASIA-s që qëndroi në Kosovë u udhëhoq nga Italia, ndërsa anëtarët e tjerë të delegacionit ishin nga Franca, Holanda, Luksemburgu dhe Islanda.

    Republika e Kosovës është i vetmi shtet i Ballkanit Perëndimor pjesë e ENCASIA-s.

    ENCASIA përbëhet nga autoritetet për hetimin e aksidenteve ajrore të 27 shteteve anëtare të Bashkimit Evropian dhe katër shteteve me status vëzhgues: Norvegjisë, Islandës, Zvicrës dhe Kosovës.

    Procesi i vlerësimit për sigurinë e aviacionit zhvillohet për të gjitha shtetet anëtare, në përputhje me standardet dhe metodologjinë e Bashkimit Evropian.

    Burimi: RTKLive

  • IKD-ja propozon gjashtë amendamente për Projektligjin për Byronë

    IKD-ja propozon gjashtë amendamente për Projektligjin për Byronë

    IKD-ja propozon gjashtë amendamente për Projektligjin për Byronë

    Hulumtuesi i lartë në Institutin e Kosovës për Drejtësi (IKD), Gzim Shala, ka prezantuar një hulumtim lidhur me Projektligjin për Byronë Shtetërore për Verifikimin dhe Konfiskimin e Pasurisë së Pajustifikueshme.

    Shala ka deklaruar se me këtë raport kanë përgatitur edhe ndërhyrjen konkrete ligjore.

    Ai ka theksuar se qëllimi është që para miratimit përfundimtar të ligjit të adresohen problemet e mbetura dhe të mbyllen hapësirat kushtetuese, ligjore dhe ato të sigurisë juridike.

    Një nga çështjet e ngritura nga IKD-ja lidhet me pavarësinë e Byrosë dhe mënyrën e zgjedhjes së drejtuesve të saj.

    Sipas Shalës, projektligji parasheh që drejtori i përgjithshëm dhe anëtarët e Komisionit Mbikëqyrës të zgjidhen me shumicën e deputetëve të pranishëm dhe që votojnë.

    “Për një institucion që do të merret me pasurinë e qytetarëve, privatësinë dhe të dhënat e tyre, kjo shumicë është e ulët. IKD propozon që këto pozita të zgjidhen së paku me 61 vota”, ka deklaruar Shala.

    Një tjetër rekomandim ka të bëjë me specializimin e gjykatave që do të trajtojnë rastet e konfiskimit civil.

    Shala ka thënë se projektligji parasheh krijimin e një divizioni të tillë në Gjykatën Themelore në Prishtinë, por jo edhe në Gjykatën e Apelit.

    “Nëse këto raste janë aq të ndërlikuara sa kërkojnë gjyqtarë të specializuar në shkallën e parë, e njëjta logjikë duhet të vlejë edhe në shkallën e dytë. Për këtë arsye, propozojmë që një Divizion i tillë të krijohet edhe në Gjykatën e Apelit”, ka thënë ai.

    IKD-ja ka ngritur shqetësime edhe për paqartësitë në përcaktimin e pasurisë që mund të verifikohet pas përfundimit të funksionit publik.

    “Projektligji thotë se verifikimi mund të zgjerohet kur pasuria është “në masë të madhe më e lartë” se të hyrat e ligjshme. Por ligji nuk tregon çfarë do të thotë kjo. Sa është “në masë të madhe?”, ka pyetur Shala.

    Për këtë çështje, IKD ka propozuar që të përcaktohet një prag i qartë prej 25 mijë eurosh, me qëllim që të shmangen interpretimet e ndryshme gjatë zbatimit të ligjit.

    Sa i përket barrës së provës, Shala ka thënë se projektligji mund të krijojë rrezikun që qytetarët të detyrohen të arsyetojnë pasurinë e tyre vetëm pasi Byroja të paraqesë një propozim në gjykatë.

    “IKD propozon që kjo të mos ndodhë automatikisht. Fillimisht, Gjykata duhet të kontrollojë nëse Byroja ka paraqitur prova dhe bazë të mjaftueshme. Vetëm pasi Gjykata ta konfirmojë këtë, se ka një bazë të mjaftueshme se çfarë duhet të verifikohet, barra e provës mund të kalojë te pala”, ka deklaruar ai.

    Në hulumtim është trajtuar edhe çështja e kompensimit për personat të cilëve u bllokohet pasuria gjatë procedurave të verifikimit.

    “Çështja e pestë është kompensimi i palëve. Një person mund ta ketë pasurinë e bllokuar për muaj ose vite dhe, në fund, Gjykata mund të vendosë se konfiskimi nuk ka bazë. Në një rast të tillë, nuk është e drejtë që kompensimi të varet vetëm nga fakti nëse pala arrin të provojë se institucioni ka vepruar në mënyrë të kundërligjshme. Nëse procedura përfundon pa konfiskim dhe masa ka shkaktuar dëm, duhet të ketë një bazë të qartë për kompensim”, ka thënë Shala.

    Rekomandimi i fundit lidhet me mbrojtjen e të drejtave të palëve të treta që mund të përfshihen në procedurën e verifikimit të pasurisë.

    “Projektligji është përmirësuar në këtë pjesë, por ende nuk ua jep qartë të drejtën që ta kundërshtojnë në Gjykatë vendimin me të cilin futen në procedurën e verifikimit. IKD propozon që kjo e drejtë të përcaktohet qartë në ligj”, ka shtuar ai.

    Në përfundim, ai ka theksuar se synimi për konfiskimin e pasurisë së pajustifikueshme duhet të shoqërohet me garanci të qarta ligjore për mbrojtjen e të drejtave të qytetarëve.

  • Kryeministri flet për pjesët themelore të Grupit Punues për Apelin ndaj çlirimtarëve

    Kryeministri flet për pjesët themelore të Grupit Punues për Apelin ndaj çlirimtarëve

    Kryeministri flet për pjesët themelore të Grupit Punues për Apelin ndaj çlirimtarëve

    Kryeministri Albin Kurti, gjatë seancës të Kuvendit të Kosovës ka folur rreth themelimit të Grupit Punues për procesin e Apelit ndaj ish-krerëve të Ushtrisë Çlirimtare të Kosovës.

    Ai tha se Grupi Punues do të bashkëpunojë me ekipet mbrojtëse për identifikimin e nevojave për dokumentacion, ekspertizë profesionale, dhe mbështetje institucionale, duke përfshirë ekspertë si vendor, ashtu edhe ndërkombëtar, transmeton Klankosova.tv.

    Sipas kryeministrit, pjesë themelore e punës do të jetë sistemimi dhe analizimi i dokumentacionit historik, juridik dhe gjyqësor, përfshirë aktgjykimet e Tribunalit Ndërkombëtar Penal për ish-Jugosllavinë

    “Grupi [Punues] do të bashkëpunojë me ekipet mbrojtëse për identifikimin e nevojave për dokumentacion, ekspertizë profesionale, dhe mbështetje institucionale, duke përfshirë ekspertë si vendor, ashtu edhe ndërkombëtar, sipas nevojave të cilat identifikohen. Pjesë themelore e punës do të jetë sistemimi dhe analizimi i dokumentacionit historik, juridik dhe gjyqësor, përfshirë aktgjykimet e Tribunalit Ndërkombëtar Penal për ish-Jugosllavinë, lidhur me krimet e kryera gjatë luftës në Kosovë nga Serbia. Kjo bazë dokumentare do t’i shërbejë mbështetjes së mbrojtjes, dhe një komunikimi ndërkombëtar të qëndrueshëm”, tha Kurti.

    Ai shtoi se puna duhet t’i lihet Grupit Punues.