Blog

  • Kurti: Qeveria do të angazhohet për korrigjimin në Apel të aktgjykimit ndaj ish-krerëve të UÇK-së

    Kurti: Qeveria do të angazhohet për korrigjimin në Apel të aktgjykimit ndaj ish-krerëve të UÇK-së

    Kurti: Qeveria do të angazhohet për korrigjimin në Apel të aktgjykimit ndaj ish-krerëve të UÇK-së

    Kryeministri i Kosovës, Albin Kurti, ka deklaruar në seancën e sotme se lufta çlirimtare e Kosovës ishte e drejtë dhe e domosdoshme përballë shtypjes, krimeve dhe gjenocidit të regjimit të Serbisë.

    Kurti ka theksuar se mbrojtja e së vërtetës për luftën çlirimtare kërkon përgjegjësi shtetërore, unitet politik dhe veprim të organizuar.

    Duke folur për aktgjykimin ndaj ish-krerëve të Ushtrisë Çlirimtare të Kosovës, Hashim Thaçi, Kadri Veseli, Rexhep Selimi dhe Jakup Krasniqi, kryeministri ka thënë se ky vendim e ka thelluar hendekun mes asaj që është shpallur në emër të drejtësisë dhe asaj që, kërkojnë e vërteta historike, faktet dhe parimet e drejtësisë.

    “Ky aktgjykim e ka thelluar hendekun mes asaj që është shpallur në emër të drejtësisë dhe asaj që kërkojnë e vërteta historike, faktet dhe vetë parimet me të cilat drejtësia duhet të qëndrojë”, ka deklaruar Kurti.

    Ai ka shtuar se kjo padrejtësi, duhet të korrigjohet në procedurën e Apelit, duke theksuar se Qeveria do t’i angazhojë kapacitetet e saj për të mbështetur këtë përpjekje.

  • Krerët e shtetit diskutojnë strategjinë për Apelin ndaj ish-krerëve të UÇK-së

    Krerët e shtetit diskutojnë strategjinë për Apelin ndaj ish-krerëve të UÇK-së

    Krerët e shtetit diskutojnë strategjinë për Apelin ndaj ish-krerëve të UÇK-së

    Presidentja e Kosovës, Justina Shiroka Pula, ka zhvilluar sot takimin e parë koordinues me drejtuesit e institucioneve të larta të vendit, ku janë diskutuar zhvillimet e fundit politike dhe çështje me rëndësi për shtetin.

    Në takim morën pjesë kryetarja e Kuvendit, Albulena Haxhiu, kryeministri Albin Kurti dhe zëvendëskryeministri, njëherësh ministri i Punëve të Jashtme dhe Diasporës, Glauk Konjufca.

    Sipas njoftimit, diskutimet u përqendruan në situatën aktuale në vend dhe zhvillimet e fundit, si dhe në çështje të tjera që lidhen me funksionimin dhe koordinimin e institucioneve të Republikës së Kosovës.

    Një nga temat e trajtuara ishte edhe krijimi i Grupit Punues për Strategjinë Shtetërore lidhur me apelin ndaj ish-krerëve të Ushtrisë Çlirimtare të Kosovës (UÇK).

    Takimi, sipas njoftimit të Presidencës u zhvillua në kuadër të koordinimit të rregullt ndërmjet institucioneve të larta shtetërore.

    Sinjali – aty ku e vërteta flet para lajmit!

    /GazetaSinjali/

    The post Krerët e shtetit diskutojnë strategjinë për Apelin ndaj ish-krerëve të UÇK-së appeared first on Sinjali.

    Burimi: Sinjali

  • Kurti për Grupin Punues për Apelin në Hagë: Fillimisht hartohet strategjia shtetërore, pastaj kostot

    Kurti për Grupin Punues për Apelin në Hagë: Fillimisht hartohet strategjia shtetërore, pastaj kostot

    Kryeministri i Kosovës, Albin Kurti, ka thënë se fillimisht duhet të hartohet strategjia shtetërore për mbështetjen e mbrojtjes së ish-krerëve të UÇK-së në procesin gjyqësor në Hagë dhe më pas të përcaktohen kostot e zbatimit të saj.

    Duke iu përgjigjur deputetes së PDK-së, Ariana Musliu-Shoshi, e cila e pyeti nëse është ndarë buxhet për zbatimin e strategjisë dhe cilat masa konkrete do të ndërmerren pa pritur përfundimin e afatit 30-ditor të grupit punues, Kurti tha se kostot do të përcaktohen pasi të qartësohen vizioni, mekanizmat dhe masat.

    “Së pari ne kemi afatin deri më 30 dhjetor që ta votojmë në mbledhjet e Qeverisë buxhetin për vitin 2027. Dhe këtë do ta bëjmë dhe natyrisht që aty do të përfshihen të gjitha linjat e nevojshme për secilën fushë, por edhe për çështjen e mbështetjes financiare për katër ish-krerët e UÇK-së”, tha Kurti në Kuvend.

    Ai theksoi se duhet pritur puna e grupit punues, i cili është ngarkuar me hartimin e propozimit fillestar të strategjisë.

    “Por ta kemi parasysh që së pari duhet strategjia shtetërore dhe më pastaj kostot. Njëherë vjen ideja, vizioni, mekanizmat dhe masat, e më pastaj edhe kostoja e tyre. Jo kostoja para mekanizmave e vizionit”, deklaroi Kurti.

    Kryeministri tha se nuk mund të paragjykojë rezultatet e punës së grupit, duke kërkuar që atij t’i lihet hapësira për t’i zhvilluar takimet dhe për të paraqitur propozimet.

    Sipas Kurtit, grupi punues do të jetë gjithëpërfshirës dhe do të përbëhet nga përfaqësues të institucioneve të Kosovës.

    Ai tha se synimi është që strategjia të jetë shtetërore dhe se masat që do të parashihen në të do të mbështeten financiarisht nga Qeveria e Kosovës.

    “Qëllimi ynë është që të jetë strategji shtetërore dhe më pastaj, natyrisht, veprimet e caktuara do të kenë kosto dhe ajo do të mbështetet nga Qeveria e Republikës së Kosovës”, tha Kurti.

    Burimi: Dukagjini

  • Ekstradohet nga Italia në Kosovë i kërkuari për vrasje në tentativë dhe armëmbajtje pa leje

    Ekstradohet nga Italia në Kosovë i kërkuari për vrasje në tentativë dhe armëmbajtje pa leje

    Ekstradohet nga Italia në Kosovë i kërkuari për vrasje në tentativë dhe armëmbajtje pa leje

    Një shtetas kosovar, i kërkuar me letërarrestim ndërkombëtar për veprat penale “vrasje në tentativë” dhe “mbajtja në pronësi, kontroll apo posedim i paautorizuar i armëve”, është ekstraduar nga Italia në Kosovë.

    Policia e Kosovës ka njoftuar se ekstradimi është realizuar më 14 tetor 2026, pas arrestimit të të dyshuarit nga autoritetet italiane, bazuar në kërkesën e institucioneve të drejtësisë së Kosovës përmes INTERPOL-it.

    Sipas njoftimit, operacioni u realizua nga Drejtoria për Bashkëpunim Ndërkombëtar Policor, në koordinim me njësitet e tjera relevante të Policisë së Kosovës dhe institucionet e drejtësisë.

    Policia bëri të ditur se ekstradimi u mundësua falë bashkëpunimit ndërmjet institucioneve të Kosovës dhe atyre të Italisë, në përputhje me legjislacionin në fuqi.

    Pas ekstradimit, i dyshuari iu dorëzua njësive përkatëse të Policisë së Kosovës në rajonin e Mitrovicës, për vazhdimin e procedurave të mëtejshme ligjore.

    Sinjali – aty ku e vërteta flet para lajmit!

    /GazetaSinjali/

    The post Ekstradohet nga Italia në Kosovë i kërkuari për vrasje në tentativë dhe armëmbajtje pa leje appeared first on Sinjali.

    Burimi: Sinjali

  • BE-ja dënon dhunën në protestat në Tiranë: Dhuna nuk ka vend në demokraci

    BE-ja dënon dhunën në protestat në Tiranë: Dhuna nuk ka vend në demokraci

    Në reagimin e tij, Delegacioni i BE-së u ka bërë thirrje protestuesve të tregojnë vetëpërmbajtje dhe të shmangin çdo akt dhune. Ai ka theksuar se liria e tubimit dhe e shprehjes janë të drejta themelore, të cilat duhet të ushtrohen në mënyrë paqësore.

    “Dënojmë me forcë përshkallëzimin e dhunës gjatë protestës dhe shkatërrimin e pronës publike dhe private. U bëjmë thirrje protestuesve të tregojnë vetëpërmbajtje dhe të shmangin çdo akt dhune. Dhuna nuk ka vend në demokraci. Liria e tubimit dhe e shprehjes janë të drejta themelore dhe vlera thelbësore evropiane. Ato duhet të respektohen dhe të ushtrohen në mënyrë paqësore”, thuhet në reagimin e Delegacionit të BE-së.

    Delegacioni ka theksuar gjithashtu rëndësinë e dialogut konstruktiv ndërmjet të gjitha palëve, duke e cilësuar atë si rrugën për adresimin e shqetësimeve legjitime.

    “Dialogu konstruktiv mes të gjitha palëve është e vetmja rrugë përpara për të adresuar shqetësimet legjitime”, thuhet në reagim.

    Ndërkohë, edhe sot, studentët kanë nisur protestat dhe janë grumbulluar në rrugët e Tiranës që në orët e para të mëngjesit. Protestës u janë bashkuar edhe nxënës, ndërsa një pjesë e tyre kanë bojkotuar procesin mësimor.

    Në terren janë angazhuar forcat e Policisë, të cilat kanë marrë masa për ruajtjen e rendit publik dhe parandalimin e dëmtimit të objekteve.

    Burimi: RTKLive

  • Shembja e çatisë së një shkolle në Pakistan lë të vdekur të paktën 27 nxënës

    Shembja e çatisë së një shkolle në Pakistan lë të vdekur të paktën 27 nxënës

    Shembja e çatisë së një shkolle në Pakistan lë të vdekur të paktën 27 nxënës

    Të paktën 27 nxënës, shumica nën 13 vjeç, janë vrarë pasi çatia e një shkolle u shemb gjatë mësimit në Peshawar, në veriperëndim të Pakistanit . Një mësues vdiq gjithashtu në incident, sipas autoriteteve lokale, të cilat thanë se numri i të vdekurve mund të rritet.

    Pamjet televizive treguan ambulanca që nxitonin drejt shkollës private Al-Khair Education Center, ndërsa ekipet e shpëtimit nxirrnin nxënës të gjakosur nga rrënojat, shkruan The Guardian.

    “Kemi nxjerrë të paktën 45 fëmijë”, tha oficeri i emergjencave të distriktit Iftikhar Khan, duke shtuar se raportohet se më shumë fëmijë janë varrosur në rrënoja, transmeton Sinjali.

    Ekipet e shpëtimit po punonin për të nxjerrë trupat dhe për të transportuar të plagosurit në spital, tha zyrtari qeveritar Bilal Faizi.

    Njëzet nga të plagosurit u dërguan në spitalin Lady Reading të qytetit, tha zëdhënësi i tij, Mohammad Asim.

    Një zyrtar i ekipeve të shpëtimit tha se tavani ra mbi studentët pasi çatia e një kati më të lartë u shemb, duke shembur dy katet.

    Autoritetet thanë se ishte urdhëruar një hetim për të përcaktuar shkakun.

    Shefi i policisë së Peshawarit, Mian Saeed, transmeton sinjali tha se numri i të vdekurve mund të rritet pasi vetëm 47 nxënës ishin shpëtuar nga 110 që kishin qenë në tre klasat e prekura në kohën e shembjes.

    “Ishte një strukturë e dobët ndërtese“, shtoi Saeed. “Çatia e saj ishte mbipeshë me ndërtime mbi një strukturë të dobët që shkaktuan shembjen”.

    Nuk pati asnjë koment të menjëhershëm nga zyrtarët e shkollës.

    Sinjali – aty ku e vërteta flet para lajmit!

    /GazetaSinjali/

    The post Shembja e çatisë së një shkolle në Pakistan lë të vdekur të paktën 27 nxënës appeared first on Sinjali.

    Burimi: Sinjali

  • Kadrijaj i dhuron Kurtit fotografinë me Ernest Lumën: Shokun e lëvizjes studentore e ke larguar nga punë, turp

    Deputetja e Aleancës, Time Kadrijaj, ia ka rikujtuar kryeministrit Albin Kurti se e ka larguar nga puna në Radio Televizionin e Kosovës (RTK) gazetarin Ernest Luma, me të cilin kishte qenë shok në lëvizjen studentore.

    Kadrijaj e ka cilësuar këtë veprim si të turpshëm, ndërsa gjatë seancës së sotme të Kuvendit të Kosovës, ia ka dhuruar Kurtit një fotografi të përbashkët të tij me Lumën.

    “Ermes Luma është një gazetar me integritet dhe personalitet. Si mundet Albin Kurti shokun e vet te lëvizjes studentore me e largu nga puna. Kjo është turp, kjo është marre. Reflekto kryeministër se e ke pas shok e ke shok dhe mos i lejo këto borde dhe këta njerëz politik me largu gazetar që janë me integritet. Foton po ta dhuroj dhe shiko çfarë turpi po bën”, ka thënë Kadrijaj.

    Sinjali – aty ku e vërteta flet para lajmit!

    /GazetaSinjali/

    The post Kadrijaj i dhuron Kurtit fotografinë me Ernest Lumën: Shokun e lëvizjes studentore e ke larguar nga punë, turp appeared first on Sinjali.

    Burimi: Sinjali

  • Shiroka Pula mbledh krerët institucionalë, diskutohet edhe strategjia për Apelin në Hagë

    Shiroka Pula mbledh krerët institucionalë, diskutohet edhe strategjia për Apelin në Hagë

    Presidentja e vendit, Justina Shiroka-Pula, këtë të enjte ka mbajtur takimin e parë koordinues me kryetaren e Kuvendit, Albulena Haxhiu, kryeministrin Albin Kurti dhe zëvendëskryeministrin e ministrin e Punëve të Jashtme dhe Diasporës, Glauk Konjufca.

    Siç bën të ditur Presidenca, mes temave të diskutimit ishte edhe krijimi i Grupit Punues për Strategji Shtetërore për Apelin ndaj ish-krerëve të Ushtrisë Çlirimtare të Kosovës, njofton Dukagjini.

    Tutje bëhet e ditur se takimi u mbajt, në kuadër të koordinimit të rregullt ndërmjet institucioneve të larta të shtetit.

    Burimi: Dukagjini

  • Haradinaj: Të bashkohemi kundër keqqeverisjes së Kurtit

    Haradinaj: Të bashkohemi kundër keqqeverisjes së Kurtit

    Haradinaj: Të bashkohemi kundër keqqeverisjes së Kurtit

    Deputeti i Aleancës, Ramush Haradinaj tha se opozita duhet të bashkohet kundër siç e quajti ai, keqqeverisjes së Kurtit.

    Ai në foltoren e Kuvendit të Kosovës e cilësoi si detyrë kombëtare të deputetëve të bashkohen kundër qeverisjes së Kurtit, klankosova.tv.

    “Lirinë tonë e mbrojmë kur bëjmë opozitë të vërtetë, demokracia vdes atë ditë kur nuk ka opozitë të vërtetë, duhet të bashkohemi kundër keqqeverisjes së Kurtit, kundër kapjes së shtetit, kundër korrupsionit të tij, kundër krejt përçarjes që ia bën këtij vendi. Është detyrë e jona kombëtare, ka të bëjë me sigurinë kombëtare. Ju ftoj të bashkohemi me i bë opozitë të vërtetë keqqeverisjes Kurti”.

    Tutje, ai nënvizoi se siguria kombëtare rrezikohet kur nuk mbrohet UÇK-ja.

    “Siguria e jonë kombëtare buron nga sakrifica për liri, buron nga UÇK, themel e ka Ushtrinë Çlirimtare të Kosovës, po të mos ishte UÇK, nuk do ishim të lirë. Siguria jonë kombëtare buron nga aleanca me Amerikën dhe NATO-n. Siguria jonë kombëtare rrezikohet kur ne nuk e mbrojmë vlerën tonë që është themel i ekzistencës sonë UÇK-në. Për çfarëdo arsye që e gjejmë ne dhe dështojmë ta mbrojmë UÇK-në, rrezikojmë sigurinë tonë kombëtare, lirinë tonë, sovranitetin tonë. Nëse nuk e mbrojmë aleancën me Amerikën dhe NATO, prapë rrezikojmë sigurinë tonë kombëtare, kush ka dilema në këtë nuk jeton në këtë shekull… Si rrezikohet ndryshe siguria jonë kombëtare? Rrezikohet kur ne nuk i kryejmë punët tona, nuk e respektojmë Kushtetutën, nuk i respektojmë ligjet tona dhe varësisht interesave pozicionohemi ndaj vlerave tona sublime…”, tha ai.

  • “Specialja e ndërlidhur për mosanëtarësimin e Kosovës në KiE”, Hoxhaj kërkon nisjen e një mocioni

    “Specialja e ndërlidhur për mosanëtarësimin e Kosovës në KiE”, Hoxhaj kërkon nisjen e një mocioni

    “Specialja e ndërlidhur për mosanëtarësimin e Kosovës në KiE”, Hoxhaj kërkon nisjen e një mocioni

    Deputeti i PDK-së, Enver Hoxhaj në seancën plenare të Kuvendit të Kosovës, ka deklaruar se Kosova nuk e përmbylli procesin e anëtarësimit në Këshillin Evropian, sipas tij, për shkak të Gjykatës Speciale.

    Për këtë, ai ka kërkuar që Kuvendi dhe Grupet Parlamentare të nisin një mocion për Këshillin e Evropës, transmeton Klankosova.tv.

    “Në prill të vitit 2008, Këshilli i Evropës e nisi një mocion për ta hartuar raportin e Dick Martyt. Në dhjetor të vitit 2010, dhe në janar të vitit 2011, ky mocion u shndërrua në një raport me pretendime për trafikim të organeve. Ky mocion dhe ky raport ka qenë pjesa më komplekse, më goditëse e luftës hibride ruse kundër Pavarësisë dhe shtetësisë së Kosovës. Sot unë dola në foltore që të kërkoj që Kuvendi i Kosovës, të gjitha Grupet Parlamentare të nisin një mocion për të cilin duhen vetëm 20 nënshkrime, në Këshillin e Evropës nga 5-6 vende. Një mocion që ndërtohet mbi atë që të verifikohen të gjitha burimet që i ka përdorur Këshilli i Evropës për ta hartuar këtë raport, të sqarohet metodologjia, të kërkohet anëtarësimi i Kosovës në Këshill të Evropës meqë unë jam i bindur që arsyeja që Kosova para dy vitesh nuk e ka përmbyllur procesin e anëtarësimit të saj në Këshill të Evropës nuk është asociacioni i komunave, por është pikërisht i ndërlidhur me Gjykatën Speciale”, tha Hoxhaj.