Blog

  • “Shqipëria mike e vërtetë e Izraelit”, Sa’ar: Rama një lideri i jashtëzakonshëm, ka admirimin tim

    “Shqipëria mike e vërtetë e Izraelit”, Sa’ar: Rama një lideri i jashtëzakonshëm, ka admirimin tim

    “Shqipëria mike e vërtetë e Izraelit”, Sa’ar: Rama një lideri i jashtëzakonshëm, ka admirimin tim

    Ministri i Jashtëm i Izraelit, Gideon Sa’ar, ka shprehur mirënjohje për Shqipërinë për mbështetjen dhe qëndrimin e saj kundër terrorizmit, antisemitizmit dhe Iranit.

    Këto deklarata ai i ka bërë gjatë vizitës në Tiranë, me ç’rast në konferencën e përbashkët për media me ministrin për Evropën dhe Punët e Jashtme, Ferit Hoxha, ai ka thënë se Izraeli nuk do ta harrojë kurrë atë që ka bërë Shqipëria.

    Shqipërinë, kryediplomati izraelit, e ka vlerësuar si një mike të vërtetë.  

    “Shqipëria është një mike e vërtetë e Izraelit. Me zgjedhjet që do të zhvillohen në Izrael nuk është momenti më i lehtë për të udhëtuar, por ishte e rëndësishme të gjeja kohën për të vizituar Shqipërinë. Nuk do ta harrojmë kurrë atë që bëri Shqipëria. Shohim sot të njëjtën qasje morale pas masakrës së 7 tetorit”, ka thënë ai.

    Ai ka shprehur admirimin për kreun e qeverisë shqiptare, duke vlerësuar qëndrimin e tij ndaj Izraelit.

    “Dua të shpreh admirimin tim të jashtëzakonshëm për kryeministrin Rama, që është, në këndvështrimin tim, një nga udhëheqësit më të jashtëzakonshëm në botën e sotme. Udhëheqja e tij, bindja dhe busulla e palëkundur morale kanë vlerë përtej Ballkanit, përfshirë edhe rajonin tonë. Faleminderit për punën e pareshtur për ta çuar marrëdhënien tonë përpara”, ka thënë ministri izraelit.

    Ai është ndaluar edhe te bashkëpunimi ekonomik mes dy vendeve, duke përmendur rritjen e numrit të turistëve izraelitë që vizitojnë Shqipërinë dhe mundësitë për zgjerimin e mëtejshëm të marrëdhënieve dypalëshe.

    “Numri i vizitorëve izraelitë është rritur në 100 mijë, me shumë shpejtësi dhe në mënyrë të jashtëzakonshme, sepse izraelitët ndihen të sigurt dhe të mirëpritur në Shqipëri. Potenciali për rritje është edhe më domethënës dhe, bazuar në atë që kemi parë, kur vjen turizmi, investimet ndjekin. Duam ta ruajmë këtë moment për të ndërtuar bashkëpunim në energjetikë, ujë, mbrojtje dhe inovacion.”, është shprehur ai.

    Gjithashtu, ministri izraelit ka kujtuar marrëveshjen dypalëshe për shëndetësinë, të nënshkruar një vit më parë, ndërsa ka bërë të ditur se palët synojnë ta zgjerojnë partneritetin me një marrëveshje më të gjerë.

  • Inflacioni në Kosovë arrin në 7.8 për qind në shtator

    Inflacioni në Kosovë arrin në 7.8 për qind në shtator

    Sipas të dhënave të Agjencisë së Statistikave të Kosovës (ASK), çmimet e konsumit në shtator janë rritur për 0.2 për qind edhe në raport me muajin gusht.

    Rritja më e madhe e çmimeve është regjistruar te transporti, me 23.9 për qind, ndërsa shtrenjtim i ndjeshëm është evidentuar edhe te grupi i banimit, ujit, energjisë elektrike, gazit dhe lëndëve të tjera djegëse, me 11.9 për qind.

    Rritje të çmimeve janë regjistruar edhe te pijet alkoolike dhe duhani, me 6.3 për qind, restorantet dhe akomodimi, me 5.2 për qind, si dhe shëndetësia, me 4.5 për qind.

    Ndërkohë, çmimet e mobilieve dhe pajisjeve shtëpiake janë rritur për 3.5 për qind, veshjet dhe këpucët për 3 për qind, ndërsa ushqimet dhe pijet joalkoolike për 2.4 për qind.

    Rritje më të vogla janë shënuar edhe në kategoritë e rekreacionit, sportit dhe kulturës, informacionit dhe komunikimit, si dhe shërbimeve financiare dhe sigurimeve.

    E vetmja kategori që ka shënuar rënie të çmimeve është ajo e shërbimeve arsimore, me 0.3 për qind.

    Të dhënat e ASK-së tregojnë se presioni i çmimeve vazhdon të ndihet në ekonominë familjare, veçanërisht për shkak të shtrenjtimit të transportit dhe shpenzimeve për banim e energji.

    Burimi: RTKLive

  • LEX | Kërkohet përjashtimi i gjyqtarit në rastin e Nagip Krasniqit – Ndërpritet seanca ku pritej të dëshmonte Dejona Mihali

    LEX | Kërkohet përjashtimi i gjyqtarit në rastin e Nagip Krasniqit – Ndërpritet seanca ku pritej të dëshmonte Dejona Mihali

    LEX | Kërkohet përjashtimi i gjyqtarit në rastin e Nagip Krasniqit – Ndërpritet seanca ku pritej të dëshmonte Dejona Mihali

    Seanca gjyqësore ndaj ish-kryeshefit ekzekutiv të Korporatës Energjetike të Kosovës (KEK), Nagip Krasniqi, dhe të akuzuarit tjetër, Isuf Zejna, është ndërprerë këtë të hënë në Gjykatën Themelore në Prishtinë, pasi mbrojtja e Krasniqit kërkoi përjashtimin e kryetarit të trupit gjykues, Rrahman Beqiri.

    Gazeta Sinjali raporton se në seancën e sotme, më 12 tetor 2026, ishte planifikuar të dëshmonte Dejona Mihali, mirëpo dëshmia e saj nuk u dëgjua për shkak të kërkesës së mbrojtjes.

    Avokati i Nagip Krasniqit, Florian Petani, kërkesën për përjashtimin e gjyqtarit e arsyetoi me pretendimet për cenim të parimit të paanshmërisë.

    Sipas mbrojtjes, në aktgjykimin e marrë ndaj Ymer Dragushës janë bërë konstatime faktike dhe juridike që, sipas tyre, vënë në dyshim paanshmërinë objektive të kryetarit të trupit gjykues.

    Petani deklaroi se mbrojtja ka dorëzuar gjatë mëngjesit kërkesën me shkrim për përjashtimin e gjyqtarit, pasi ishte pajisur me aktgjykimin ndaj Dragushës.

    Ai theksoi se kishin kërkuar një kopje të këtij aktgjykimi që nga muaji gusht, por nuk e kishin siguruar më herët.

    Mbrojtja pretendon se përmbajtja e aktgjykimit ndaj Dragushës mund të ndikojë në përfundimin e procesit gjyqësor ndaj Nagip Krasniqit.

    Prokuroria kundërshton pretendimet e mbrojtjes

    Në anën tjetër, prokurori special Ilir Morina deklaroi se nuk ishte pajisur me një kopje të kërkesës për përjashtim dhe për këtë arsye nuk mund të deklarohej në mënyrë të plotë lidhur me bazën e saj ligjore.

    Megjithatë, ai i cilësoi të pabazuara pretendimet e mbrojtjes, duke theksuar se aktgjykimi ndaj Ymer Dragushës lidhet kryesisht me marrëveshjen e tij me Prokurorinë.

    Morina shtoi se, pas veçimit të procedurës ndaj Dragushës, bëhet fjalë për një çështje tjetër procedurale.

    Pas deklarimeve të palëve, kryetari i trupit gjykues, Rrahman Beqiri, mori aktvendim për ndërprerjen e seancës gjyqësore, ndërsa shkresat e lëndës do t’i përcillen për shqyrtim dhe vendimmarrje lidhur me kërkesën për përjashtim.

    Dejona Mihali mbetet pa dëshmuar

    Në këtë seancë ishte paraparë dëgjimi i Dejona Mihalit në cilësinë e dëshmitares, mirëpo zhvillimet procedurale pamundësuan marrjen e dëshmisë së saj.

    Nagip Krasniqi dhe Isuf Zejna po përballen me proces gjyqësor lidhur me akuzat për keqpërdorim të pozitës apo autoritetit zyrtar.

    Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

    Sinjali – aty ku e vërteta flet para lajmit!

    /GazetaSinjali/

    The post LEX | Kërkohet përjashtimi i gjyqtarit në rastin e Nagip Krasniqit – Ndërpritet seanca ku pritej të dëshmonte Dejona Mihali appeared first on Sinjali.

    Burimi: Sinjali

  • LEX | I dënuar me burgim të përjetshëm për vrasjen e Liridona Ademajt, Naim Murseli kërkon ulje të dënimit – Caktohet seanca në Apel

    LEX | I dënuar me burgim të përjetshëm për vrasjen e Liridona Ademajt, Naim Murseli kërkon ulje të dënimit – Caktohet seanca në Apel

    LEX | I dënuar me burgim të përjetshëm për vrasjen e Liridona Ademajt, Naim Murseli kërkon ulje të dënimit – Caktohet seanca në Apel

    Naim Murseli, i dënuar me burgim të përjetshëm nga Gjykata Themelore për vrasjen e bashkëshortes së tij, Liridona Ademaj, ka kërkuar prishjen e aktgjykimit ose shqiptimin e një dënimi më të butë.

    Gazeta Sinjali raporton se seanca në Gjykatën e Apelit, ku do të shqyrtohet ankesa e Murselit, është caktuar të mbahet më 29 tetor 2026, duke filluar nga ora 09:50.

    Sipas raportimeve, mbrojtja e Murselit ka dorëzuar një ankesë prej 30 faqesh, përmes së cilës kundërshton vendimin e gjykatës së shkallës së parë.

    Në ankesë pretendohet se gjykata i ka vlerësuar provat në mënyrë të njëanshme dhe selektive, ndërsa janë ngritur pretendime edhe lidhur me mënyrën se si Murseli është marrë në pyetje nga Policia.

    Avokatët e tij pretendojnë gjithashtu se gjykata nuk ka marrë parasysh disa propozime të mbrojtjes, përfshirë kërkesën për rindërtimin e vendit të ngjarjes dhe ekzaminimin e rrobave të Murselit.

    Përmes kësaj ankese, mbrojtja synon që Gjykata e Apelit ta prishë aktgjykimin e shkallës së parë ose ta ndryshojë atë duke shqiptuar një dënim më të lehtë.

    Rasti i vrasjes së Liridona Ademajt ka shkaktuar reagime të shumta në opinionin publik, ndërsa tashmë pritet vendimmarrja e shkallës së dytë lidhur me ankesën e të dënuarit.

    Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

    Sinjali – aty ku e vërteta flet para lajmit!

    /GazetaSinjali/

    The post LEX | I dënuar me burgim të përjetshëm për vrasjen e Liridona Ademajt, Naim Murseli kërkon ulje të dënimit – Caktohet seanca në Apel appeared first on Sinjali.

    Burimi: Sinjali

  • Shiroka-Pula pret ambasadorin Malaj, flasin për forcimin e bashkëpunimit

    Shiroka-Pula pret ambasadorin Malaj, flasin për forcimin e bashkëpunimit

    Ambasadori Malaj e uroi Shiroka-Pulën për zgjedhjen në detyrën e presidentes dhe ka shprehur shpresën se gjatë mandatit të saj do të intensifikohen më tej marrëdhëniet bilaterale mes Kosovës dhe Shqipërisë.

    Sipas njoftimit të Presidencës, Shiroka-Pula la theksuar rëndësinë që Kosova dhe Shqipëria të vazhdojnë të ecin bashkërisht dhe të mbështesin njëra-tjetrën.

    Ajo ka nënvizuar se, krahas rritjes së koordinimit në politikën e jashtme, Kosova pret mbështetje nga Shqipëria në rrugëtimin euroatlantik dhe në procesin e anëtarësimit në organizata ndërkombëtare.

    Në takim, të dyja palët janë pajtuar për thellimin e bashkëpunimit në fusha të ndryshme me interes të përbashkët.

    Burimi: RTKLive

  • Prishtina organizon punëtori për mjedisin dhe sigurinë digjitale në shkolla

    Prishtina organizon punëtori për mjedisin dhe sigurinë digjitale në shkolla

    Sipas njoftimit të komunës, programi, i mbështetur edhe nga Drejtoria e Arsimit, parasheh organizimin e punëtorive për nxënësit e të gjitha shkollave të Prishtinës.

    Përmes këtyre aktiviteteve, nxënësit do të mësojnë se si t’i ripërdorin mbeturinat plastike dhe materialet e tjera për krijimin e produkteve të reja. Po ashtu, aktivitetet synojnë të rrisin ndërgjegjësimin për ndotjen nga plastika, mbrojtjen e mjedisit dhe sigurinë në botën digjitale.

    Me këtë bashkëpunim, synohet që përmes edukimit praktik dhe aktiviteteve kreative të nxitet përgjegjësia mjedisore dhe të zhvillohen njohuritë e nxënësve për sfidat bashkëkohore.

    Burimi: RTKLive

  • Presidentja pret në takim ambasadorin e Shqipërisë, kërkon mbështetjen për integrimin euroatlantik të Kosovës

    Presidentja pret në takim ambasadorin e Shqipërisë, kërkon mbështetjen për integrimin euroatlantik të Kosovës

    Presidentja e Kosovës, Justina Shiroka-Pula, ka pritur sot në takim ambasadorin e Shqipërisë, Petrit Malaj.

    Gjatë takimit, ambasadori Malaj e ka uruar Shiroka-Pulën për zgjedhjen në detyrën e presidentes, duke shprehur shpresën për intensifikimin e mëtejshëm të marrëdhënieve bilaterale mes dy vendeve.

    Sipas njoftimit, Presidentja Shiroka-Pula ka theksuar rëndësinë e vazhdimit të bashkëpunimit dhe mbështetjes së ndërsjellë mes Kosovës dhe Shqipërisë.

    “Ajo nënvizoi se, përveç rritjes së koordinimit në sferën e politikës së jashtme, Kosova pret mbështetje të fuqishme nga Shqipëria edhe në rrugëtimin euroatlantik dhe në procesin e anëtarësimit në organizata ndërkombëtare.Të dy bashkëbiseduesit u pajtuan për thellimin e bashkëpunimit në fusha të ndryshme të interesit të dyanshëm”, thuhet në njoftim.

    Burimi: Dukagjini

  • Deklarata e Gecit për Thaçin, Kajtazi: Soji i tij gënjen e mashtron, flet më keq sesa Specialja (VIDEO)

    Deklarata e Gecit për Thaçin, Kajtazi: Soji i tij gënjen e mashtron, flet më keq sesa Specialja (VIDEO)

    Deklarata e Gecit për Thaçin, Kajtazi: Soji i tij gënjen e mashtron, flet më keq sesa Specialja (VIDEO)

    Deputeti i Grupit Parlamentar i Vetëvendosjes, Fatos Geci, ka akuzuar ish-presidentin Hashim Thaçi për 245 vrasje të shqiptarëve.

    Në emisionin “Kosova Today”, gazetari Shkumbin Kajtazi tha se deputeti Geci të dielën tha një të pavërtetë, transmeton Klankosova.tv.

    “Ai e tha një të pavërtetë, që tha se janë 200 e sa viktima, ndërkohë që as Gjykata Speciale s’e thotë atë numër. Këtu është problemi. Soji i tij, edhe gënjejnë, edhe mashtrojnë, dhe nuk bazohen në asnjë gjë, dhe flasin më keq sesa Gjykata Speciale në këtë rast. Për faktin që qëndron në Grupin më të madh Parlamentar, për bindjen time është shqetësim, dhe Vetëvendosja distancoheshin kur ai dha një deklaratë dëshirore, ndërsa tani heshtin”, tha ai në Klan Kosova.

  • Ndalja e protestave për çlirimtarët, Shala: Tradhtia më e madhe! (VIDEO)

    Ndalja e protestave për çlirimtarët, Shala: Tradhtia më e madhe! (VIDEO)

    Ndalja e protestave për çlirimtarët, Shala: Tradhtia më e madhe! (VIDEO)

    Opinionisti Azdren Shala, në emisionin “Kosova Today” ka folur rreth protestës “Jo në emrin tim!”, e cila nuk vazhdoi deri më sot ecurinë e saj, që nga miratimi i ndryshim/plotësimit të Ligjit për Dhomat e Specializuara të Kosovës.

    Sipas Shalës, tradhtia më e madhe është ndalja e protestave, që kërkonin drejtësi për ish-krerët e UÇK-së pas vendimit dënues ndaj tyre nga Haga, transmeton Klankosova.tv.

    “Unë kam qenë pakica që ka tentuar gjithë kohës, dhe vazhdon hala me mendu që është gabim që është ndalë protesta. Kjo është tradhtia më e madhe”, tha ai.

  • 142 lindje për një javë në Gjinekologjinë e QKUK-së

    142 lindje për një javë në Gjinekologjinë e QKUK-së

    142 lindje për një javë në Gjinekologjinë e QKUK-së

    Klinika e Gjinekologjisë në Qendrën Klinike Universitare të Kosovës (QKUK) ka regjistruar 142 lindje gjatë periudhës 5–11 tetor 2026.

    Sipas raportit javor, 84 lindje ishin spontane, ndërsa 58 u kryen me prerje cezariane.

    Nga foshnjat e lindura, 70 ishin meshkuj dhe 73 femra, ndërsa gjatë kësaj periudhe u regjistrua edhe një lindje e binjakëve.

    Sinjali – aty ku e vërteta flet para lajmit!

    /GazetaSinjali/

    The post 142 lindje për një javë në Gjinekologjinë e QKUK-së appeared first on Sinjali.

    Burimi: Sinjali