Category: Lajme

  • Barbara Palvin rikthehet në pasarelë: Kjo është Amerika, pushimi i lehonisë zgjat 6-8 javë

    Barbara Palvin rikthehet në pasarelë: Kjo është Amerika, pushimi i lehonisë zgjat 6-8 javë

    Barbara Palvin rikthehet në pasarelë: Kjo është Amerika, pushimi i lehonisë zgjat 6-8 javë

    Modelja Barbara Palvin ka tërhequr vëmendjen me rikthimin e saj në pasarelën e Victoria’s Secret Fashion Show 2026, vetëm gjashtë javë pasi solli në jetë fëmijën e parë me bashkëshortin, aktorin Dylan Sprouse.

    E pyetur për rikthimin kaq të shpejtë në punë, modelja ka dhënë një përgjigje që ka nxitur reagime në rrjetet sociale.

    “Në Amerikë, pushimi i lehonisë është 6 deri në 8 javë. Nesër bëhen gjashtë javë për mua, kështu që nuk ka asgjë të jashtëzakonshme këtu”, është shprehur ajo.

    Ndërkohë, vëmendje ka marrë edhe bashkëshorti i saj, Dylan Sprouse, i cili është bërë viral në rrjetet sociale për mënyrën se si e mbështet partneren e tij, duke u kthyer në një nga momentet më të komentuara të spektaklit, shkruan Dukagjini.

    Rikthimi i Palvin ka hapur gjithashtu diskutime për presionin ndaj grave që të rikthehen në punë menjëherë pas lindjes dhe për politikat e pushimit të lehonisë në Shtetet e Bashkuara.

    Sinjali – aty ku e vërteta flet para lajmit!

    /GazetaSinjali/

    The post Barbara Palvin rikthehet në pasarelë: Kjo është Amerika, pushimi i lehonisë zgjat 6-8 javë appeared first on Sinjali.

    Burimi: Sinjali

  • Nesër aktgjykimi për rastin e Auron Ferizit, babai kërkon drejtësi (VIDEO)

    Nesër aktgjykimi për rastin e Auron Ferizit, babai kërkon drejtësi (VIDEO)

    Nesër aktgjykimi për rastin e Auron Ferizit, babai kërkon drejtësi (VIDEO)

    Nesër pritet të shpallet aktgjykimi për rastin e Auron Ferizit, 21-vjeçarit që u godit nga një veturë në Viti, aksident që përfundoi me vdekjen e tij.

    Babai i tij, Arton Ferizi, vazhdon të kërkojë drejtësi për të birin. Ai ka shprehur dyshime lidhur me ekspertizën e komunikacionit, duke pretenduar se shpejtësia e veturës ka qenë shumë më e lartë sesa ajo e përcaktuar në ekspertizë.

    “Unë mendoj se ekspertiza e komunikacionit nuk e ka dhënë verdiktin e duhur. Sa e kam parë unë në kamera, shpejtësia ka qenë mbi 100 kilometra në orë, sepse dëmet janë shumë të mëdha. Eksperti ka thënë 57 kilometra në orë, por nuk ka mundësi, sepse e ka hedhur djalin 17 metra larg. Nuk e kuptoj se si e ka nxjerrë atë ekspertizë”, ka deklaruar Ferizi në emisionin “Kosova Today në Klan Kosova.

    Ai e ka cilësuar rastin si akt të rëndë dhe ka kërkuar që drejtësia të marrë vendimin e duhur, duke deklaruar se i akuzuari duhet të dënohet me burgim të përjetshëm.

    “Ky është akt terrorist dhe dua që drejtësia ta marrë vendimin e duhur. Dua që ky idiot të dënohet me burgim të përjetshëm. Edhe pse kjo nuk ma lehtëson dhimbjen, dua ta di se drejtësia është vënë në vend”, tha babai i 21-vjeçarit në Klan Kosova.

  • Haziri: S’kemi hequr dorë nga kërkesat tona - nëse institucionet heshtin, ne do kërkojmë llogari

    Haziri: S’kemi hequr dorë nga kërkesat tona – nëse institucionet heshtin, ne do kërkojmë llogari

    Haziri: S’kemi hequr dorë nga kërkesat tona - nëse institucionet heshtin, ne do kërkojmë llogari

    Organizatori i protestës “Jo në emrin tim!”, Çlirim Haziri ka bërë të ditur që pavarësisht ndaljes së tubimeve, ai theksoi se nuk kanë hequr dorë nga kërkesat e tyre.

    Sipas tij, nëse institucionet shtetërore zgjedhin heshtjen në vend të përgjegjësisë, sipas Hazirit, ata do të ruajnë të drejtën për të protestuar dhe kërkuar llogari, transmeton Klankosova.tv.

    “Fakti që ne nuk jemi çdo natë në shesh, nuk do të thotë që kemi hequr dorë nga kërkesat tona. Përkundrazi, do ta ndjekim çdo vendim, do ta vlerësojmë çdo veprim, do të kërkojmë përgjigje për çdo zotim institucional, dhe nëse institucionet tona zgjedhin heshtjen në vend të përgjegjësisë, ne e ruajmë të drejtën tonë për të qëndruar këtu në shesh, për të protestuar e kërkuar llogari”, tha ai.

  • Zabërgja i jashtëzakonshëm: Goli i 7-të, feston me shqiponjë (VIDEO)

    Zabërgja i jashtëzakonshëm: Goli i 7-të, feston me shqiponjë (VIDEO)

    Zabërgja i jashtëzakonshëm: Goli i 7-të, feston me shqiponjë (VIDEO)

    Futbollisti i Kosovës Baton Zabërgja, është në formë të jashtëzakonshme.

    Ai e ka realizuar golin e 7-të për skuadrën e tij FC Kharkiv, e cila aktualisht po fiton me rezultat 2:1 ndaj Livyi Bereg, në ndeshjen e javës së nëntë në elitën e futbollit ukrainas.

    Zabërgja e realizoi një gol tejet të bukur në minutën e 36-të.

    Futbollisti i “Dardanëve” bëri festë me shqiponjën duke iu drejtuar publikut.

    25 vjeçari e ka bërë edhe një asistim.

  • Haziri thirrje presidentes: Shqyrtoje Ligjin për Specialen me kujdes dhe përgjegjësi të plotë!

    Haziri thirrje presidentes: Shqyrtoje Ligjin për Specialen me kujdes dhe përgjegjësi të plotë!

    Haziri thirrje presidentes: Shqyrtoje Ligjin për Specialen me kujdes dhe përgjegjësi të plotë!

    Organizatori i iniciativës “Jo në emrin tim!”, Çlirim Haziri në një konferencë për media i ka bërë thirrje presidentes Justina Shiroka-Pulës që Ligjin për Dhomat e Specializuara ta shqyrtojë me kujdes dhe përgjegjësi të plotë.

    Ai theksoi se Ushtria Çlirimtare e Kosovës ka nevojë për një ligj që i qëndron kohës, transmeton Klankosova.tv.

    “I bëj thirrje presidentes që ta shqyrtojë me kujdes dhe përgjegjësi të plotë këtë ligj. Nëse konstatohen dispozita në kundërshtim me Kushtetutën, ta rikthejë Ligjin në Kuvend për shqyrtim”, u shpreh Haziri.

    “UÇK ka nevojë për një ligj kushtetues, e në përputhje me standardet evropiane”, tha ai.

    Pos tjerash, djali i dëshmorit Xhavit Haziri, theksoi edhe një herë që populli i Kosovës beson në pafajësinë e ish-krerëve të UÇK-së.

    Pos tjerash, Haziri potencoi se iniciativa “Jo në emrin tim!” përshëndet themelimin e Grupit Punues për Apelin në Hagë.

  • Milan, “goditje” merkatoje në klub, pritet të vijë ish drejtori sportiv i Eintracht

    Milan, “goditje” merkatoje në klub, pritet të vijë ish drejtori sportiv i Eintracht

    Milan, “goditje” merkatoje në klub, pritet të vijë ish drejtori sportiv i Eintracht

    Vetëm pak muaj pas tentativës së parë, Milani është gati të mirëpresë Markus Krosche. Gerry Cardinale e kishte zgjedhur gjermanin si drejtorin e ri sportiv të klubit kuqezi në muajin maj, por kjo tentativë nuk u mbyll në mënyrë të suksesshme për shkak të rezistencës së Eintrachtit të Frankfurtit.

    Tani situata ka ndryshuar; Krosche dha dorëheqjen dhe është gati të nisë aventurën e tij te Milani. Marrëveshja financiare ishte arritur prej kohësh, por duhej përcaktuar saktësisht pozicioni i drejtuesit të ri në strukturën e klubit, si dhe mënyra e organizimit të punës dhe aspekte të tjera. Detaje të rëndësishme këto që duket se janë sistemuar dhe tani në javët e ardhshme pritet edhe zyrtarizimi.

    Por është e vështirë që Krosche të marrë me vete edhe krahun e djathtë të tij, Timmo Hardung, i destinuar të qëndrojë te Eintrachti i Frankfurtit. Megjithatë dikush do ta shoqërojë ish drejtorin sportiv të klubit gjerman dhe nuk përjashtohet mundësia që të bëhet fjalë për një profesionist italiane. Një zgjedhje që mund të rezultojë e goditur në një klub të dominuar në repartin sportiv nga të huaj.

    Kush është Markus Krosche

    Përpara se të bëhej drejtues, Krosche ishte një mesfushor i nivelit të mirë në ekipet e moshave të Ëerder Bremenit, përpara se të bëhej një figurë emblematike e Paderbornit, ku drejtoi edhe ekipin e dytë në vitin kur i dha fund karrierës si futbollist. Pas tërheqjes nga futbolli i luajtur, kaloi dy vjet te Bayer Leverkuseni, ku punoi së bashku me trajnerin Roger Schmidt. Në vitin 2017 u shkarkua dhe u rikthye te Paderborni si drejtor sportiv, duke e ngjitur klubin nga kategoria e tretë në Bundesligë. Më pas kaloi te Leipzigu, duke zënë vendin e vetë Rangnickut, dhe në vitin 2021 e çoi skuadrën deri në gjysmëfinalet e Champions League. Pas dorëheqjes, nisi një aventurë të re te Eintracht Frankfurti, me të cilin fitoi Europa League dhe përfundoi kampionatin në vendin e tretë. Pikërisht te Eintrachti dëshmoi aftësinë e tij për të zbuluar talente, duke u mbështetur më shumë te intuita dhe vëzhgimi nga afër i lojtarëve sesa te algoritmet. Preferon të vërë bast mbi lojtarë me potencial, në vend që të zgjedhë emra të afirmuar, dhe falë fitimeve të konsiderueshme nga shitjet e tyre, u sjell përfitime të mëdha klubeve ku punon, shkruan Tch.

    Blerjet e Krosche

    Goditjet e tij më të mëdha në merkato kanë qenë Kolo Muani dhe Marmoush, të cilët i afroi me parametra zero dhe më pas i shiti përkatësisht për 95 dhe 75 milionë euro te PSG-ja dhe Manchester City. Por edhe Ekitike, të cilin e bleu për 30 milionë euro nga PSG-ja dhe e shiti te Liverpooli për 95 milionë, si dhe Pacho, i afruar për 13 milionë euro nga Antëerp-i dhe i shitur sërish te PSG-ja për 40 milionë euro.

    Sinjali – aty ku e vërteta flet para lajmit!

    /GazetaSinjali/

    The post Milan, “goditje” merkatoje në klub, pritet të vijë ish drejtori sportiv i Eintracht appeared first on Sinjali.

    Burimi: Sinjali

  • Vrasja e dy vëllezërve në Kamëz: I plagosur rëndë edhe vëllai i tretë, autori polic ushtarak

    Vrasja e dy vëllezërve në Kamëz: I plagosur rëndë edhe vëllai i tretë, autori polic ushtarak

    Vrasja e dy vëllezërve në Kamëz: I plagosur rëndë edhe vëllai i tretë, autori polic ushtarak

    Policia ka dhënë informacionin zyrtar lidhur me ngjarjen e rëndë të ndodhur mesditën e së dielës në zonën e Bathores, në Kamëz, ku dy vëllezër u vranë me armë zjarri dhe një tjetër mbeti i plagosur.

    Sipas njoftimit të Policisë, konflikti ka nisur për motive të dobëta mes Ngushëllim Manzit dhe tre vëllezërve Selam, Nazmi dhe Shefqet Islami. Debati dyshohet se është përshkallëzuar deri në përdorimin e armës së zjarrit.

    Ngjarja u regjistrua në rrugën “Petrela”, ku shërbimet e Komisariatit të Policisë Nr. 5 mbërritën menjëherë pas njoftimit për të shtëna me armë.

    Si pasojë, Selam Islami, rreth 30 vjeç, humbi jetën në vendngjarje, ndërsa Nazmi Islami, 48 vjeç, dhe Shefqet Islami, rreth 44 vjeç, u transportuan në spital. Pavarësisht ndihmës mjekësore, 48-vjeçari nuk arriti të mbijetojë, ndërsa vëllai tjetër vijon të jetë nën kujdesin e mjekëve.

    Pas ngjarjes u bë i mundur kapja dhe arrestimi i autorit të dyshuar, Ngushëllim Manzi, rreth 40 vjeç, i cili, sipas Policisë, është punonjës i Policisë Ushtarake.

    Gjatë veprimeve hetimore, autoritetet sekuestruan edhe një pistoletë, e dyshuar si arma e përdorur në krim, shkruan euronews.al.

    Ndërkohë, grupi hetimor vijon punën për dokumentimin e plotë ligjor të ngjarjes dhe sqarimin e rrethanave që çuan në konfliktin me pasoja fatale.

    Hetimet për rastin vijojnë.

    Sinjali – aty ku e vërteta flet para lajmit!

    /GazetaSinjali/

    The post Vrasja e dy vëllezërve në Kamëz: I plagosur rëndë edhe vëllai i tretë, autori polic ushtarak appeared first on Sinjali.

    Burimi: Sinjali

  • Haziri: Presidentja ta dekretojë ligjin ose ta kthejë në Kuvend për rishqyrtim

    Haziri: Presidentja ta dekretojë ligjin ose ta kthejë në Kuvend për rishqyrtim

    Çlirim Haziri, drejtues i iniciativës “JO NË EMRIN TIM”, në konferencën e sotme për media ka kërkuar nga institucionet e Republikës së Kosovës veprime konkrete dhe angazhim të koordinuar shtetëror lidhur me proceset gjyqësore ndaj ish-udhëheqësve të Ushtrisë Çlirimtare të Kosovës.

    Haziri ka rikujtuar se iniciativa, për 21 ditë e 21 net, qëndroi në sheshet e Prishtinës me kërkesën që institucionet të marrin përgjegjësinë që u takon pas vendimit të 16 shtatorit, të cilin e konsideron thellësisht të padrejtë.

    Ai i ka bërë thirrje Presidentes së Republikës së Kosovës që ta shqyrtojë me kujdes dhe përgjegjësi të plotë Ligjin për ndryshimin dhe plotësimin e Ligjit për Dhomat e Specializuara dhe Zyrën e Prokurorit të Specializuar, i cili ndodhet në Presidencë.

    “Nëse konstatohen dispozita që nuk janë në harmoni me Kushtetutën apo kanë çfarëdo problemi ligjor, kërkojmë që Presidentja ta ushtrojë kompetencën e saj kushtetuese dhe ta kthejë ligjin në Kuvend për rishqyrtim. Nëse ka nevojë, të ndryshohet e të përmirësohet çfarëdo që duhet ndryshuar e përmirësuar”, ka deklaruar Haziri.

    Ai ka theksuar se UÇK-ja ka nevojë për një ligj kushtetues, të zbatueshëm dhe në përputhje me standardet evropiane, që i qëndron kohës dhe prodhon rezultate konkrete.

    Një nga pritjet kryesore të iniciativës, sipas Hazirit, është që mundësia e monitorimit të proceseve gjyqësore, përmes bashkëpunimit me institute, universitete dhe ekspertë të drejtësisë, të shndërrohet në një mekanizëm real, të pavarur dhe profesional.

    Ky mekanizëm duhet të mundësojë vlerësimin e procedurave, provave dhe respektimit të të drejtave themelore të të akuzuarve, si dhe të prodhojë analiza juridike, raporte profesionale dhe vlerësime të pavarura, të cilat do t’u përcillen edhe institucioneve të Bashkimit Evropian dhe organizatave ndërkombëtare.

    “Ne nuk kërkojmë drejtësi të privilegjuar për UÇK-në. Ne kërkojmë drejtësi të drejtë!”, ka thënë ai.

    Haziri ka përsëritur bindjen në pafajësinë e ish-udhëheqësve të UÇK-së, duke theksuar se askush nuk duhet të konsiderohet përfundimisht fajtor pa një vendim të formës së prerë, të mbështetur në prova dhe në një proces të drejtë gjyqësor.

    Ai ka deklaruar se iniciativa konsideron që Gjykata Speciale ka bërë shkelje serioze gjatë procesit dhe se vendimi nuk është mbështetur në një vlerësim të drejtë, të paanshëm dhe të plotë të provave. Për këtë arsye, ka kërkuar që këto shkelje të shqyrtohen dhe të vlerësohen nga ekspertë të pavarur, mbi bazën e standardeve ndërkombëtare të drejtësisë.

    Duke folur për të drejtat e viktimave, Haziri ka theksuar se edhe ato kanë të drejtë ta dinë të vërtetën, të mbështetur në fakte dhe prova./EO

    Burimi: Dukagjini

  • Vizitat shëndetësore në shkollat e Prishtinës, Gashi: Kontrollet do të ndihmojnë në përcjelljen e gjendjes së nxënësve ndër vite

    Vizitat shëndetësore në shkollat e Prishtinës, Gashi: Kontrollet do të ndihmojnë në përcjelljen e gjendjes së nxënësve ndër vite

    Drejtoria e Shëndetësisë në Komunën e Prishtinës ka nisur realizimin e vizitave sistematike shëndetësore në shkollat e kryeqytetit, me qëllim të identifikimit të hershëm të problemeve të mundshme shëndetësore te nxënësit.

    Në këtë projekt janë përfshirë nxënësit e klasave të para, të pesta dhe të nënta, ndërsa procesi pritet të përfundojë brenda rreth një muaji.

    Në një intervistë për Ekonomia Online, drejtori i Shëndetësisë, Bujar Gashi, ka vlerësuar se projekti po zhvillohet me sukses, duke theksuar rëndësinë e vazhdimësisë së këtyre vizitave për përcjelljen dhe vlerësimin e gjendjes shëndetësore të fëmijëve ndër vite.

    “Në përgjithësi mirë, kujdesi parësor shëndetësor, ashtu si dhe vitet e tjera, ka vazhduar me projektin e rëndësishëm, sa i përket vizitave sistematike shëndetësore në shkollat e kryeqytetit. Në bazë të projektit janë të përfshira klasat e para, të pesta dhe të nënta në të gjitha shkollat e kryeqytetit. Si proces ka nisur mirë dhe është duke shkuar mirë, kështu që të gjitha ekipet janë në terren në shkolla të ndryshme, varësisht prej proceseve se si shkojnë punët dhe kur përfundon një shkollë, fillohet me shkollën tjetër. I tërë procesi parashikohet që të përfundojë brenda afërsisht një muaji, kështu që presim deri kah gjysma e nëntorit, fillimi i nëntorit, që të kemi përfundimin e kompletuar të projektit në të gjitha shkollat e kryeqytetit”, ka thënë Gashi.

    Ai ka theksuar se vizitat sistematike shëndetësore janë realizuar edhe në vitet e mëparshme, me përjashtim të vitit të kaluar, kur projekti nuk është realizuar për arsye teknike.

    Sipas tij, synimi është që ky projekt të vazhdojë në kontinuitet, në mënyrë që të mundësohet përcjellja e gjendjes shëndetësore të nxënësve ndër vite.

    “Vizitat sistematike datojnë më herët, përveç vitit të kaluar që teknikisht nuk është realizuar. Vitet e tjera, edhe gjatë pandemisë, normalisht për shkak të restrikcioneve të kohës dhe të afërsisë, nuk është realizuar, ndërsa para dy viteve po, dhe tash normalisht që shpresojmë që këto vizita sistematike të jenë në kontinuitet, që së paku pas katër viteve ta kemi mundësinë që në këto vizita sistematike të vizitojmë të njëjtit nxënës që i kemi vizituar këtë vit. Sepse tash vitin tjetër i bie që të vizitohet klasa e parë tjetër, e klasa e dytë që sivjet janë vizituar nuk vizitohen, mirëpo këta të njëjtit do të vizitohen pas katër viteve. Dhe kështu gjeneratë pas gjenerate që në vitin e katërt të kemi një evaluim apo vlerësim apo krahasim të gjeturave që kemi pasur tek këta fëmijë, rekomandimeve që i kemi dhënë dhe sa janë plotësuar apo sa janë rregulluar problemet shëndetësore të tyre”, ka deklaruar Gashi për Ekonomia Online.

    Drejtori i Shëndetësisë ka bërë të ditur se projekti është mirëpritur nga prindërit dhe nxënësit, ndërsa ka vlerësuar bashkëpunimin me ekipet mjekësore, mësimdhënësit, drejtorët e shkollave dhe Drejtorinë e Arsimit.

    “Në përgjithësi kemi paraqitje pozitive edhe nga ana e prindërve, sigurisht është pritur mirë edhe nga nxënësit. Normalisht po flasim për klasat e pesta-nënta, sado që ata të klasave të para pak e kanë hezitim, mirëpo bashkëpunimi me ekipet mjekësore, me mësuesit e tyre, me drejtorët e shkollave, në bashkëpunim edhe me drejtorinë e arsimit, kemi gjetur një mirëkuptim të mirë dhe sepse këtu është një bashkëpunim i madh edhe për shkak të hapësirave, edhe e krijimit të kushteve të mira për mjekët se cilët do të qëndrojnë disa ditë në një shkollë, bashkëpunimi, evidentimi i nxënësve, përcjellja e tyre nga klasa, domethënë kemi një bashkëpunim të shkëlqyer. Prindërit e presin gjithmonë mirë, sepse nga këto vizita kanë vetëm përfitime, që sa më herët të gjejmë problemet shëndetësore të mundshme tek këta fëmijë, që të marrin rekomandimet dhe të vizitojnë profilet e caktuara me specialistët”, ka thënë Gashi./EO

    Burimi: Dukagjini

  • Aprilia pushton Evropën që në debutim: Tuareg Rally merr dy tituj dhe dy vendet e para

    Aprilia pushton Evropën që në debutim: Tuareg Rally merr dy tituj dhe dy vendet e para

    Aprilia Tuareg Racing ka dominuar Kampionatin Evropian “Tout Terrain Rally Cup 2026”, duke fituar titullin e përgjithshëm dhe atë në kategorinë M5 për motoçikletat me dy cilindra.

    Thomas Marini u shpall kampion i Evropës në të dyja klasifikimet, ndërsa bashkëgaruesi i tij, Jacopo Cerutti, përfundoi në vendin e dytë.

    Ky është titulli i parë evropian në klasifikimin e përgjithshëm për Aprilia Tuareg Racing, ndërsa për Marinin suksesi ka vlerë të veçantë, pasi e arriti në sezonin e tij të parë me motoçikletën Aprilia Tuareg Rally.

    Garuesi nga San Marino e nisi kampionatin në Santiago de Compostela të Spanjës, ku përfundoi i dyti në klasifikimin e përgjithshëm, pas bashkëgaruesit Cerutti, duke fituar edhe dy etapa.

    Në garën e radhës në Pefki Evia të Greqisë, ai mori dy fitore ditore në kategorinë e tij, ndërsa në raundin e fundit në Râmnicu Sărat të Rumanisë siguroi fitoren e parë të përgjithshme, me katër fitore ditore dhe podium në çdo etapë.

    Cerutti e përfundoi kampionatin si nënkampion i Evropës, duke kompletuar suksesin e dyfishtë të Aprilias në të dyja klasifikimet. Italiani kishte fituar dy gara të përgjithshme në Spanjë dhe Greqi, por u detyrua të tërhiqej pas një rrëzimi të rëndë në raundin e fundit në Rumani, ku po luftonte me Marinin për titullin.

    Aprilia në Kosovë përfaqësohet nga Ventoro Motors by Auto Mita.

    “Jam shumë i lumtur që fitova titullin evropian në klasifikimin e përgjithshëm dhe në kategorinë time, veçanërisht pasi ky është viti im i parë me Aprilian. Të fitosh me një motoçikletë dhe ekip të ri është burim i madh krenarie”, deklaroi Marini, duke vlerësuar edhe punën e përbashkët me ekipin GCorse.

    Ky triumf i shtohet sukseseve të Aprilia Tuareg Racing në garat jashtë rruge, pas dy fitoreve radhazi në Africa Eco Race në vitet 2024 dhe 2025, si dhe tre titujve radhazi në Italian Motorally nga viti 2023 deri më 2025.

    Burimi: Dukagjini