Category: Lajme

  • Milani blindon talentin Alphadjo Cisse, gati kontrata e re

    Milani blindon talentin Alphadjo Cisse, gati kontrata e re

    Milani blindon talentin Alphadjo Cisse, gati kontrata e re

    Milani po përgatit rinovimin e kontratës me talentin Alphadjo Cisse, pas paraqitjeve mbresëlënëse të sulmuesit të ri në këtë fillim sezoni.

    Futbollisti i lindur në vitin 2006 ka shënuar pesë gola në shtatë ndeshje, përfshirë një tregolësh në Salzburg në Ligën e Evropës.

    Sipas Calciomercato, kuqezinjtë synojnë t’i ofrojnë një kontratë të re deri në fund të vitit 2026, me zgjatje edhe për një sezon dhe mundësi për një vit tjetër.

    Pjesë e marrëveshjes pritet të jetë edhe rritja e ndjeshme e pagës, e cila fillimisht mund të arrijë në 1.2–1.3 milion euro në sezon, plus bonuse.

    Në vitet e ardhshme, të ardhurat e tij mund të rriten gradualisht deri në tre milionë euro në sezon.

  • Kolonët izraelitë sulmojnë fshatrat në gjithë Bregun Perëndimor, plagosen disa persona dhe një gazetare e huaj

    Kolonët izraelitë sulmojnë fshatrat në gjithë Bregun Perëndimor, plagosen disa persona dhe një gazetare e huaj

    Kolonët izraelitë sulmojnë fshatrat në gjithë Bregun Perëndimor, plagosen disa persona dhe një gazetare e huaj

    Kolonët izraelitë kanë sulmuar të premten disa fshatra palestineze në Bregun Perëndimor, duke u vënë flakën automjeteve dhe ullishteve, si dhe duke rrahur banorë e një gazetare të huaj. Sulmet janë pjesë e valës së fundit të dhunës që synon të pengojë korrjen vjetore të ullinjve, e cila po zhvillohet gjatë këtij muaji.

    Zyrtarët lokalë dhe Gjysmëhëna e Kuqe Palestineze kanë raportuar sulme në të paktën tetë fshatra në pjesën veriore të Bregut Perëndimor, ku ndodhet pjesa më e madhe e ullishteve. Për dhjetëra mijëra familje palestineze, të ardhurat nga kultivimi dhe korrja e ullinjve janë një burim i rëndësishëm jetese.

    Dhuna e kolonëve kundër palestinezëve është rritur ndjeshëm gjatë këtij viti, veçanërisht ditëve të fundit, në prag të zgjedhjeve në Izrael, të planifikuara për 27 tetor.

    Në fshatin Abu Falah, kolonët sulmuan të premten banorët, ndërsa ushtria izraelite u pa duke bastisur zonën dhe duke hedhur gaz lotsjellës.

    Të paktën gjashtë palestinezë u plagosën gjatë sulmeve të së premtes. Në mesin e të lënduarve ishte edhe Heidi Levine, fotografe e gazetës “The Washington Post”, e cila u shtrua në spital pasi u rrah nga kolonët në Abu Falah.

    Levine është gazetarja e dytë që punon për një media ndërkombëtare dhe që sulmohet nga kolonët gjatë sezonit të sivjetmë të korrjes së ullinjve.

    Ndërkohë, ushtria izraelite deklaroi se forcat e sigurisë ishin dërguar në një zonë pranë Abu Falahut, pas raportimeve për një “konfrontim të dhunshëm”.

    Në një deklaratë tjetër, ushtria bëri të ditur se gazetarët e huaj ndodheshin në vendin e ngjarjes dhe se një gazetare “ishte plagosur gjatë konfrontimit”.

    Ushtria izraelite shtoi se rrethanat e incidentit do të shqyrtohen.

    Sinjali – aty ku e vërteta flet para lajmit!

    /GazetaSinjali/

    The post Kolonët izraelitë sulmojnë fshatrat në gjithë Bregun Perëndimor, plagosen disa persona dhe një gazetare e huaj appeared first on Sinjali.

    Burimi: Sinjali

  • Vetëm pesë ditë në post, Trumpi shkarkon zëdhënësen e Shtëpisë së Bardhë

    Vetëm pesë ditë në post, Trumpi shkarkon zëdhënësen e Shtëpisë së Bardhë

    Katie Zacharia është shkarkuar nga posti i zëdhënëses së Shtëpisë së Bardhë pas më pak se një jave në detyrë, thanë të premten dy zyrtarë amerikanë, pas një fillimi të vështirë në rolin e zëdhënëses kryesore të presidentit Donald Trump.

    Sipas dy zyrtarëve të Shtëpisë së Bardhë, Zacharia është shkarkuar dhe po largohet nga pozita. Gjatë ditëve të para në këtë detyrë, ajo u përball me pyetje lidhur me kualifikimet e saj juridike, si dhe me kritika për paraqitjen në konferencën për media dhe në intervista.

    Largimi i saj e lë Trumpin pa një nga zërat kryesorë të administratës për komunikim publik, pak më shumë se dy javë para zgjedhjeve të mesmandatit në nëntor. Kjo periudhë konsiderohet e rëndësishme për presidentin, i cili synon të promovojë arritjet e administratës së tij dhe të ndihmojë republikanët të ruajnë kontrollin e Kongresit.

    Më herët të premten, Trump u tha gazetarëve se i kishte kërkuar Zacharias të rishqyrtonte nëse dëshironte të vazhdonte në këtë detyrë, pas mbulimit kritik nga mediat gjatë ditëve të para të saj në post.

    “Unë i thashë: Mendoj se do të ishte më mirë për ty të ishe e lumtur, dhe nuk jam i sigurt nëse mund të jesh ndonjëherë e lumtur në këtë punë. Asgjë në këtë punë nuk është e lehtë”, deklaroi Trump para se të largohej nga Shtëpia e Bardhë për një udhëtim gjatë fundjavës.

    Ai shtoi se i kishte thënë asaj të mendonte edhe një herë për vendimin dhe se synonte ta diskutonte përsëri këtë çështje me të.

    Zacharia e nisi punën të hënën, ndërsa konferencën e saj të parë për media në Shtëpinë e Bardhë e mbajti të martën.

    Ajo kishte thënë se ishte kontaktuar më 7 tetor për këtë pozitë dhe se i ishte ofruar posti për të pasuar Karoline Leavitt rreth një javë më parë.

    Gjatë paraqitjeve të saj të para, Zacharia u përball me pyetje rreth karrierës së saj profesionale dhe pretendimeve se kishte ushtruar profesionin e avokates pasi që Trump e kishte prezantuar gjithashtu si avokate.

    “Kam ushtruar të drejtën e transaksioneve ndërkombëtare, me të gjitha kualifikimet përkatëse”, deklaroi ajo në një përgjigje me email të mërkurën.

    Megjithatë, Reuters raportoi se nuk gjeti të dhëna që dëshmonin se Zacharia, e diplomuar në fakultetin juridik të Universitetit Pepperdine, ishte e regjistruar si avokate ose anëtare e dhomës së avokatisë në ndonjë shtet amerikan apo në Distriktin e Kolumbisë.

    Në një intervistë për Fox News të enjten, Zacharia pranoi se nuk e kishte kaluar provimin e avokatisë. Në SHBA, të diplomuarit në fakultetet juridike nuk mund ta ushtrojnë ligjërisht profesionin e avokatit pa u pranuar fillimisht në dhomën përkatëse të avokatisë të një shteti.

    Zacharia dhe Shtëpia e Bardhë nuk iu përgjigjën menjëherë kërkesave për koment lidhur me largimin e saj nga detyra.

    Burimi: Dukagjini

  • Frosinone mund Sassuolon në një superndeshje, Raimondo shkëlqen me het-trik!

    Frosinone mund Sassuolon në një superndeshje, Raimondo shkëlqen me het-trik!

    Frosinone mund Sassuolon në një superndeshje, Raimondo shkëlqen me het-trik!

    Frosinone ka nisur me spektakël xhiron e tetë të Serie A, duke mposhtur Sassuolon me rezultat 4-2 në një ndeshje të mbushur me gola dhe emocione. 

    Domenico Berardi barazoi rezultatin minutën e 15-të, pasi Giacomo Calò kishte shënuar për vendasit në minutën e nëntë. Antonio Raimondo më pas mori rolin e protagonistit, duke realizuar dy herë brenda katër minutash, në të 26-tën dhe të 30-tën.

    Kristian Thorstvedt ngushtoi rezultatin në 3-2 në minutën e 35-të, duke rikthyer shpresat e Sassuolos, por Raimondo vulosi fitoren e Frosinones në minutën e 57-të, duke kompletuar het-trikun e tij.

    Me këtë fitore, Frosinone konfirmon ambiciet e saj dhe merr tri pikë të rëndësishme, për pozitën e pestë, kurse Sassuolo është i 11-ti.

  • Trump e quan "hero" babanë që qëlloi sulmuesin e shkollës në Oregon

    Trump e quan “hero” babanë që qëlloi sulmuesin e shkollës në Oregon

    Trump e quan "hero" babanë që qëlloi sulmuesin e shkollës në Oregon

    Të shtënat në shkollën fillore “Silver Rail” në Bend, Oregon – ku humbën jetën pesë persona, përfshirë tre fëmijë, një mësues dhe vetë të dyshuarin – kanë shkaktuar një valë pikëllimi, por edhe vlerësime për burrin që ndërhyri.

    I dyshuari për sulmin është identifikuar si John Griffin, 16 vjeç, banor i Bendit. Këtë e raporton CBS News, partneri i BBC-së në ShBA, duke iu referuar burimeve nga forcat e rendit.

    Personi që ndërhyri për të ndaluar sulmin është identifikuar nga familja e tij si Kaylub Giamanco, një banor i kahershëm i Bendit, i cili ka dy vajza që shkojnë në shkollën fillore “Silver Rail”.

    Giamanco, i cili qëlloi për vdekje të dyshuarin pasi ky i fundit hyri në shkollë, u vlerësua nga Donald Trump si një “hero i madh”. Trump shtoi se, pa ndërhyrjen e tij, situata mund të kishte qenë “shumë më e rëndë”.

    Sipas BBC, ngjarja ka nxitur reagime nga të dyja palët në debatin mbi kontrollin e armëve. Organizatat që kërkojnë legjislacion më të rreptë kanë bërë thirrje për veprim, ndërsa grupet e tjera argumentojnë se masa të tilla nuk do të parandalojnë tragjedi të tjera. /Klankosova.tv

  • Koloneli amerikan: Ushtarët tanë janë të gatshëm të punojnë me aleatët e NATO-s për një Kosovë të sigurtë

    Koloneli amerikan: Ushtarët tanë janë të gatshëm të punojnë me aleatët e NATO-s për një Kosovë të sigurtë

    Koloneli amerikan: Ushtarët tanë janë të gatshëm të punojnë me aleatët e NATO-s për një Kosovë të sigurtë

    Koloneli amerikan Jabari Miller, i cili ka marrë drejtimin e Komandës Rajonale-Lindje të misionit të KFOR-it, ka deklaruar se ushtarët amerikanë janë të gatshëm të bashkëpunojnë me aleatët dhe partnerët e NATO-s për të garantuar një mjedis të sigurt dhe të qëndrueshëm në Kosovë.

    “Ushtarët tanë janë në formë të mirë fizike, të motivuar, të disiplinuar, të trajnuar dhe të gatshëm të punojnë së bashku me aleatët dhe partnerët tanë të NATO-s për të ruajtur një mjedis të sigurt dhe të qëndrueshëm në Kosovë”, ka deklaruar Miller për revistën ushtarake “Stripes”.

    Deklarata e Millerit vjen pas marrjes së komandës së Komandës Rajonale-Lindje të KFOR-it nga ushtarët amerikanë të Regjimentit të Dytë të Kalorësisë dhe njësive mbështetëse të Divizionit të Parë të Këmbësorisë, me seli në Gjermani.

    Sipas një njoftimi të Ushtrisë Amerikane për Evropën dhe Afrikën, ceremonia e ndërrimit të komandës u mbajt të hënën në kampin Bondsteel, në Kosovë.

    Trupat amerikane në detyrë aktive e morën komandën nga Brigada e 53-të e Këmbësorisë e Gardës Kombëtare të Floridës. Ky ndryshim shënon rikthimin e ushtarëve amerikanë në detyrë aktive në udhëheqjen e kësaj komande, për herë të parë që nga shtatori i vitit 2014.

    Ndërkaq, zëdhënësi i komandës, rreshteri i shtabit Hunter Tate, ka bërë të ditur se vendimi për ndryshimin e udhëheqjes është marrë për shkak të “disponueshmërisë aktuale të forcave dhe nevojave të misionit”.

    Sinjali – aty ku e vërteta flet para lajmit!

    /GazetaSinjali/

    The post Koloneli amerikan: Ushtarët tanë janë të gatshëm të punojnë me aleatët e NATO-s për një Kosovë të sigurtë appeared first on Sinjali.

    Burimi: Sinjali

  • Spiunazh përmes reklamave në internet, kompania izraelite dyshohet se gjurmoi miliona përdorues

    Një kompani izraelite e reklamimit digjital dyshohet se ka shfrytëzuar reklamat e zakonshme në internet për të gjurmuar miliona përdorues dhe për të mundësuar instalimin e programeve të spiunazhit në pajisjet e tyre, pa qenë nevoja që viktimat të klikonin ndonjë lidhje apo të shkarkonin dokumente.

    Zbulimi është bërë nga studiuesit e sigurisë kibernetike të Citizen Lab, pranë Universitetit të Torontos, në bashkëpunim me kompaninë amerikane Confiant. Ata kanë identifikuar një sistem të sofistikuar mbikëqyrjeje të lidhur me kompaninë izraelite Discover-Tech, e cila dyshohet se ka shfrytëzuar infrastrukturën e reklamimit digjital për të gjurmuar përdorues dhe për të lehtësuar sulme kibernetike.

    Sipas gjetjeve të publikuara më 15 tetor, reklamat e lidhura me Discover-Tech janë shfaqur në më shumë se 120 mijë faqe interneti dhe 75 mijë aplikacione, duke krijuar mundësi për gjurmimin e një numri të madh përdoruesish në mbarë botën.

    Hetimi, për të cilin kanë raportuar edhe Politico dhe Reuters, ka ngritur shqetësime serioze për mënyrën se si infrastruktura globale e reklamave digjitale mund të shfrytëzohet për mbikëqyrje dhe spiunazh, përcjell Reporteri.net.

    Si funksiononte sistemi i spiunazhit përmes reklamave?

    Në pamje të parë, reklamat dukeshin krejtësisht të zakonshme, duke promovuar telefona, kufje dhe produkte të tjera elektronike. Megjithatë, pas tyre fshihej një mekanizëm që mundësonte identifikimin dhe gjurmimin e përdoruesve.

    Sipas studiuesve, në disa raste mjaftonte që reklama të shfaqej në ekranin e telefonit apo kompjuterit për të mbledhur informacione rreth përdoruesit.

    Discover-Tech përdorte një platformë të quajtur Controlium, përmes së cilës klientët mund të identifikonin përdoruesit, të analizonin pajisjet e tyre dhe të përcaktonin objektiva të mundshëm për sulme kibernetike.

    Kur një person përzgjidhej si objektiv, sistemi mund të përdorej për të dërguar programe spiunazhi përmes reklamave. Kjo teknikë njihet si “zero-click”, pasi nuk kërkon që viktima të ndërmarrë ndonjë veprim.

    Ndryshe nga sulmet tradicionale, ku përdoruesi duhet të klikojë në një lidhje të dyshimtë apo të shkarkojë një skedar të infektuar, në këtë rast komprometimi mund të ndodhë në mënyrë të fshehtë gjatë ngarkimit të reklamës.

    Megjithatë, studiuesit nuk kanë konstatuar se çdo person që ka parë reklamat është infektuar. Gjurmimi masiv i përdoruesve dhe instalimi i programeve të spiunazhit përfaqësojnë dy nivele të ndryshme të aktivitetit të identifikuar.

    45 kompjuterë të Al Jazeera-s u komprometuan me programin Candiru

    Një nga zbulimet më shqetësuese të hetimit lidhet me televizionin ndërkombëtar Al Jazeera.

    Citizen Lab ka konfirmuar se 45 kompjuterë me sistemin operativ Windows, të lidhur me këtë organizatë mediatike, janë komprometuar me programin e spiunazhit Candiru gjatë viteve 2024 dhe 2025.

    Sipas analizës së të dhënave të rrjetit të televizionit, infektimi është realizuar përmes reklamave të shpërndara nga Discover-Tech.

    Candiru është një kompani izraelite e teknologjisë së mbikëqyrjes, e cila në vitin 2021 u vendos në listën e zezë të Departamentit amerikan të Tregtisë.

    Autoritetet amerikane e kishin lidhur teknologjinë e saj me sulme ndaj zyrtarëve qeveritarë, gazetarëve, aktivistëve dhe akademikëve.

    Programet e këtij lloji mundësojnë qasje në informacione private, përfshirë mesazhe, fotografi, email-e dhe komunikime të tjera, varësisht nga pajisja dhe niveli i komprometimit.

    Reklamat u shfaqën edhe në rrjete të NATO-s dhe institucioneve ndërkombëtare

    Hetimi ka zbuluar se reklamat e lidhura me Discover-Tech janë shfaqur edhe në rrjete të përdorura nga institucione me rëndësi të veçantë ndërkombëtare.

    Sipas studiuesve, në mesin e tyre janë rrjete të lidhura me NATO-n, Organizatën e Kombeve të Bashkuara, Komisionin Evropian, Pentagonin dhe Gjykatën Penale Ndërkombëtare.

    Reklamat janë identifikuar gjithashtu në rrjete të lidhura me disa qeveri kombëtare dhe kompani të mëdha të teknologjisë.

    Megjithatë, prania e reklamave në këto rrjete nuk dëshmon se institucionet përkatëse janë hakuar. Gjetjet tregojnë se infrastruktura e reklamimit ka krijuar mundësi për identifikimin dhe gjurmimin e përdoruesve edhe në mjedise me ndjeshmëri të lartë.

    Discover-Tech shpërndante të paktën 10 milionë reklama në ditë

    Sipas Jerome Dangu, bashkëthemelues i kompanisë Confiant, Discover-Tech shpërndante të paktën 10 milionë reklama në ditë në mbarë botën.

    Ai vlerëson se qindra miliona njerëz mund të jenë ekspozuar ndaj reklamave të kompanisë.

    Studiuesit kanë identifikuar aktivitet të lidhur me këtë sistem në vende të ndryshme, përfshirë Jemenin, Brazilin, Meksikën dhe Çekinë.

    Një nga shqetësimet kryesore lidhet me mënyrën se si funksionon tregu i reklamimit digjital. Ai mbështetet në shkëmbimin e të dhënave mes shumë kompanive, shpesh brenda një fraksioni të sekondës, duke krijuar mundësi që informacionet e përdoruesve të shfrytëzohen për qëllime përtej reklamimit tradicional.

    Google ndërpret bashkëpunimin me kompaninë izraelite

    Pas publikimit të gjetjeve, disa kompani dhe organizata të mëdha kanë ndërmarrë masa ndaj Discover-Tech.

    Google ka konfirmuar se e ka përjashtuar kompaninë nga platformat e saj të reklamimit për shkak të shkeljeve sistematike të politikave të saj.

    Edhe kompania Beeswax, pjesë e Comcast, ka ndërprerë qasjen e Discover-Tech në platformën e saj.

    Ndërkohë, IAB Europe, organizatë e industrisë evropiane të reklamimit digjital, ka pezulluar statusin e kompanisë në listën e shitësve të miratuar.

    Sipas raportimeve të Reuters, përpjekjet për të marrë komente nga drejtuesit e Discover-Tech dhe pronarët e Candiru nuk kanë marrë përgjigje.

    Studiuesit paralajmërojnë për rreziqet ndaj privatësisë

    Ekspertët e Citizen Lab vlerësojnë se rasti nxjerr në pah një rrezik serioz për sigurinë dhe privatësinë e përdoruesve të internetit.

    Infrastruktura e reklamave digjitale, e krijuar për t’i ndihmuar bizneset të arrijnë konsumatorët, mund të shfrytëzohet edhe për identifikimin, gjurmimin dhe sulmin ndaj individëve të caktuar.

    Rreziku është veçanërisht shqetësues për gazetarët, aktivistët, zyrtarët shtetërorë dhe personat që trajtojnë informacione të ndjeshme.

    Studiuesit u kanë bërë thirrje autoriteteve rregullatore dhe institucioneve të sigurisë kibernetike që të hetojnë mënyrën se si funksionon tregu i reklamave digjitale dhe të ndërmarrin masa për të parandaluar keqpërdorime të ngjashme.

    Rasti tregon se kërcënimet kibernetike nuk kufizohen vetëm te lidhjet e dyshimta apo dokumentet e infektuara. Në raste të caktuara, edhe një reklamë që shfaqet automatikisht gjatë shfletimit të internetit mund të shndërrohet në mjet për mbikëqyrje dhe sulme të synuara.

    Sinjali – aty ku e vërteta flet para lajmit!

    /GazetaSinjali/

    The post Spiunazh përmes reklamave në internet, kompania izraelite dyshohet se gjurmoi miliona përdorues appeared first on Sinjali.

    Burimi: Sinjali

  • Tottenhami kërkon 75 milionë funte për Pedro Porron

    Tottenhami kërkon 75 milionë funte për Pedro Porron

    Tottenhami kërkon 75 milionë funte për Pedro Porron

    Tottenham Hotpsurs do të kërkojë 75 milionë funte për të shqyrtuar shitjen e mbrojtësit të djathtë, Pedro Porro, i cili ka zgjuar interesimin e Barcelonës dhe Real Madridit.

    Sipas TEAMtalk, klubi londinez nuk dëshiron të ndahet nga futbollisti spanjoll dhe synon ta mbajë në skuadër.

    Kontrata e re pesëvjeçare e Porros e vendos Tottenhamin në një pozitë të favorshme negociuese, duke ua vështirësuar gjigantëve spanjollë transferimin e tij.

  • Vdes kryetari i parë i Këshillit të Shoqatave të Familjeve të Personave të Zhdukur

    Vdes kryetari i parë i Këshillit të Shoqatave të Familjeve të Personave të Zhdukur

    Vdes kryetari i parë i Këshillit të Shoqatave të Familjeve të Personave të Zhdukur

    Ka ndërruar jetë avokati Sheremet Ademi, kryetari i parë dhe një nga themeluesit e Këshillit Koordinues të Asociacioneve Familjare të Personave të Zhdukur të Kosovës.

    Lajmi është bërë i ditur nga udhëheqësi i Njësisë së Komisionit Qeveritar për Persona të Zhdukur, Kushtrim Gara, i cili përmes një shkrimi prekës ka përkujtuar kontributin e tij jetësor.

    Ademi, i cili gjatë luftës kishte të zhdukur vëllain dhe dy nipër, e njihte nga afër peshën e rëndë të mungesës dhe pritjes.

    Këtë dhimbje personale ai e shndërroi në një mision për t’u qëndruar pranë familjeve të tjera, duke u bërë një ndër zërat më të fuqishëm e të palodhur në kërkimin e së vërtetës dhe drejtësisë pas luftës në Kosovë.

    Në mesazhin e tij, Kushtrim Gara ka theksuar se pavarësisht sfidave shëndetësore në vitet e fundit, vullneti dhe përkushtimi i Sheremet Ademit nuk u shuan kurrë.

    Përkushtimi, qëndresa dhe kontributi i tij do të mbeten përgjithmonë si një udhërrëfyes dhe borxh i pashlyeshëm mirënjohjeje për shoqërinë dhe institucionet.

  • Sulmet e huthëve në Arabinë Saudite, ambasada e Kosovës me apel për shtetasit kosovarë: Qëndroni në ambiente të mbyllura

    Sulmet e huthëve në Arabinë Saudite, ambasada e Kosovës me apel për shtetasit kosovarë: Qëndroni në ambiente të mbyllura

    Sulmet e huthëve në Arabinë Saudite, ambasada e Kosovës me apel për shtetasit kosovarë: Qëndroni në ambiente të mbyllura

    Ambasada e Republikës së Kosovës në Mbretërinë e Arabisë Saudite u ka bërë thirrje shtetasve kosovarë që jetojnë dhe punojnë në këtë vend të tregojnë kujdes të shtuar, të respektojnë udhëzimet e autoriteteve saudite dhe të shmangin lëvizjet e panevojshme, në kuadër të zhvillimeve të situatës aktuale në vend dhe rajon.

    Në njoftimin e saj, Ambasada këshillon qytetarët që, kur kjo rekomandohet nga autoritetet kompetente, të qëndrojnë në ambiente të mbyllura dhe të përcjellin me vëmendje udhëzimet dhe njoftimet zyrtare të institucioneve të Arabisë Saudite.

    Njëkohësisht, shtetasit kosovarë këshillohen të mos u drejtohen aeroporteve pa e verifikuar paraprakisht statusin e fluturimeve me kompanitë përkatëse ajrore, duke pasur parasysh ndërprerjet dhe pezullimet e shpeshta të operimeve ajrore.

    Sa u përket udhëtimeve drejt aeroporteve në shtetet fqinje, Ambasada thekson se ato duhet të ndërmerren vetëm në raste të domosdoshme, pas vlerësimit të kushteve dhe mundësive të udhëtimit.

    Ambasada ka bërë të ditur se, sipas informatave që disponon, shtetasit e Republikës së Kosovës që ndodhen në Arabinë Saudite janë mirë me shëndet.

    Institucioni diplomatik njofton se po i përcjell me vëmendje zhvillimet dhe mbetet i përkushtuar për t’i informuar qytetarët për çdo zhvillim me rëndësi që lidhet me sigurinë dhe mirëqenien e tyre.

    Në fund, Ambasada u bën thirrje të gjithë shtetasve të Kosovës në Mbretërinë e Arabisë Saudite dhe në rajon që të ruajnë qetësinë, të tregojnë kujdes të shtuar dhe të mbështeten vetëm në burime zyrtare të informacionit.

    Kontaktet emergjente të Ambasadës së Republikës së Kosovës në Arabinë Saudite:

    Numri emergjent mobil: 0537508835

    WhatsApp: +9660537508835

    Sinjali – aty ku e vërteta flet para lajmit!

    /GazetaSinjali/

    The post Sulmet e huthëve në Arabinë Saudite, ambasada e Kosovës me apel për shtetasit kosovarë: Qëndroni në ambiente të mbyllura appeared first on Sinjali.

    Burimi: Sinjali