Category: Lajme

  • Bëri thirrje për t’ia marrë jetën Ramush Haradinajt, Specialja ngre aktakuzë ndaj Skender Llugiqit

    Bëri thirrje për t’ia marrë jetën Ramush Haradinajt, Specialja ngre aktakuzë ndaj Skender Llugiqit

    Bëri thirrje për t’ia marrë jetën Ramush Haradinajt, Specialja ngre aktakuzë ndaj Skender Llugiqit

    Prokuroria Speciale e Kosovës, ka dorëzuar aktakuzë në Gjykatën Themelore në Prishtinë ndaj Skender llugiqit për dy vepra penale, “Kanosja” dhe “Nxitja e përçarjes dhe mosdurimit”.

    Sipas aktakuzës, i pandehuri, më 12.08.2026, rreth orës 14:00, në objektin e Kuvendit të Kosovës, ka kanosur deputetin e Aleancës, Ramush Haradinajn.

    “Gjithashtu, nga fillimi i muajit gusht deri më 12.08.2026, i pandehuri sipas aktakuzës përmes rrjeteve sociale dhe veprimeve publike ka nxitur urrejtje dhe mosdurim ndaj të dëmtuarit, duke kontribuar në cenimin e rendit dhe sigurisë publike”, thuhet në njoftimin e Prokurorisë Speciale.

    Më 14 gusht, Gjykata Themelore në Prishtinë i kishte caktuar masën e paraburgimit prej një muaji Skender Llugiqit, si i dyshuar se ka bërë thirrje për vrasjen e ish-kryeministrit të Kosovës, Ramush Haradinajt.

    Lajmin për Klankosova.tv e kishte konfirmuar zëdhënësja e kësaj gjykate, Mirlinda Gashi.

    Llugiqi, gjatë qëndrimit në sallën e Kuvendit të Kosovës më 12 gusht, e cila ishte hapur për pritjen e mërgimtarëve, kishte bërë thirrje LIVE për pushkatimin e Haradinajt. /Klankosova.tv

  • Certifikohen 18 operatorë të Njësive Speciale të Policisë për mjekësi emergjente

    Certifikohen 18 operatorë të Njësive Speciale të Policisë për mjekësi emergjente

    Certifikohen 18 operatorë të Njësive Speciale të Policisë për mjekësi emergjente

    Në Qendrën Klinike Universitare të Kosovës (QKUK), u mbajt ceremonia e ndarjes së certifikatave për 18 operatorë të Njësive Speciale të Policisë së Kosovës, të cilët përfunduan me sukses trajnimin njëmujor “Avancimi i njohurive bazike në mjekësinë emergjente”.

    Trajnimi u realizua në kuadër të bashkëpunimit ndërmjet Policisë së Kosovës dhe Shërbimit Spitalor dhe Klinik Universitar të Kosovës (SHSKUK), me qëllim të avancimit të njohurive dhe shkathtësive praktike të pjesëtarëve policorë për ofrimin e ndihmës së parë mjekësore në terren dhe reagimin fillestar në situata emergjente, transmeton Klankosova.tv.

    Përmes këtij trajnimi, pjesëmarrësit fituan njohuri dhe përvojë praktike për përballimin e situatave të ndryshme emergjente shëndetësore, duke kontribuar në ngritjen e kapaciteteve profesionale dhe operative, reagimin e shpejtë dhe efektiv, si dhe mbrojtjen e jetës dhe shëndetit të qytetarëve dhe pjesëtarëve të Policisë së Kosovës.

    Në ceremoninë e certifikimit morën pjesë përfaqësues të menaxhmentit të QKUK-së dhe Policisë së Kosovës, të cilët vlerësuan rëndësinë e bashkëpunimit ndërinstitucional dhe ndikimin e tij në zhvillimin e vazhdueshëm profesional të personelit policor.

    Me këtë rast, Kolonel Taibe Canolli dhe Kolonel Mentor Shabani, në emër të Policisë së Kosovës, vlerësuan kontributin e SHSKUK-së dhe në veçanti të Klinikës Emergjente për përkushtimin dhe mbështetjen profesionale në realizimin e këtij trajnimi.

    Ata theksuan se bashkëpunimi i tillë është i rëndësishëm për forcimin e kapaciteteve profesionale dhe përgatitjen e pjesëtarëve policorë për reagim efektiv në situata emergjente.

    Policia e Kosovës dhe SHSKUK riafirmuan gatishmërinë për vazhdimin dhe avancimin e bashkëpunimit edhe në të ardhmen, përmes aktiviteteve të përbashkëta që kontribuojnë në shkëmbimin e përvojave dhe ngritjen e vazhdueshme të kapaciteteve profesionale.

    Policia e Kosovës mbetet e përkushtuar në zhvillimin e vazhdueshëm profesional të zyrtarëve policorë, me qëllim të rritjes së efektivitetit operacional dhe mbrojtjes së jetës dhe sigurisë së qytetarëve.

     

  • Trump paralajmëron sulm ndaj objektit bërthamor të Iranit: Do ta shkatërrojmë shpejt

    Trump paralajmëron sulm ndaj objektit bërthamor të Iranit: Do ta shkatërrojmë shpejt

    Trump paralajmëron sulm ndaj objektit bërthamor të Iranit: Do ta shkatërrojmë shpejt

    Presidenti amerikan, Donald Trump, ka paralajmëruar mundësinë e një sulmi ndaj Malit Pickaxe, një strukture nëntokësore të lidhur me programin bërthamor të Iranit, në kuadër të përpjekjeve të SHBA-së për të parandaluar Teheranin që të sigurojë armë bërthamore.

    Në një intervistë për “Newsmax” të enjten mbrëma, Trump ka deklaruar gjithashtu se nuk do të përdorte armë bërthamore në luftën kundër Iranit, e cila nisi në shkurt me sulmet amerikano-izraelite ndaj këtij shteti, raporton agjencia e lajmeve Reuters.

    Trump ka theksuar se Shtetet e Bashkuara do të sigurohen që Irani të mos ketë kurrë armë bërthamore, duke pretenduar se Teherani do t’i përdorte ato nëse do të arrinte t’i siguronte.

    “Arsenali i tyre bërthamor është varrosur nën miliona ton mal. Tani po shohim Malin Pickaxe. Mund të na duhet të shkojmë atje.

    Do ta provojmë atë. Do ta shkatërrojmë shpejt”, i ka thënë Trump agjencisë së lajmeve.

    Mali Pickaxe është një strukturë e fortifikuar, e ndërtuar thellë nën tokë, pranë njërit prej objekteve kryesore bërthamore të Iranit.

    Megjithatë, Trump ka përsëritur se nuk po shqyrton dërgimin e trupave tokësore amerikane në Iran.

    Sinjali – aty ku e vërteta flet para lajmit!

    /GazetaSinjali/

    The post Trump paralajmëron sulm ndaj objektit bërthamor të Iranit: Do ta shkatërrojmë shpejt appeared first on Sinjali.

    Burimi: Sinjali

  • Gjermania dhe Turqia – armatim i përbashkët?

    Gjermania dhe Turqia – armatim i përbashkët?

    Në shkurt të vitit 2024, më në fund erdhi momenti: fluturimi i parë testues i avionit luftarak të padukshëm KAAN. Avioni ishte “Made in Turkey”. Vetëm motori vazhdon të sigurohet nga Shtetet e Bashkuara të Amerikës. Ndërkohë, industria turke e mbrojtjes ka shënuar përparim të jashtëzakonshëm. Jo vetëm që dronët luftarakë dhe zbulues Bayraktar janë prej kohësh një sukses në tregjet e eksportit, por edhe raketat e drejtuara dhe korvetat, anije të vogla luftarake, po tërheqin interes ndërkombëtar.

    Kjo ka zgjuar interesin si të vendeve që investojnë në armatim, si Gjermania, ashtu edhe të kompanive gjermane. Për vite me radhë, Gjermania e pati të vështirë të vendoste nëse duhej të eksportonte armë në Turqi. Agresioni i Ankarasë ndaj vendeve fqinje dhe represioni ndaj popullsisë së saj kishin më shumë peshë sesa partneriteti brenda NATO-s.

    Turqiae shfrytëzoi këtë periudhë për të zhvilluar sistemet e veta të armatimit, të cilat tashmë janë bërë konkurruese në nivel ndërkombëtar dhe tërheqëse për aleatët. Për këtë arsye, Konferenca e katërt Ekonomike Gjermano-Turke në Ankara iu kushtua tërësisht bashkëpunimit në industrinë e mbrojtjes dhe të sigurisë. Synimi i deklaruar i takimit ishte thellimi i bashkëpunimit ekzistues dhe eksplorimi i mundësive për partneritete të reja.

    Bizneset duan të bashkëpunojnë

    Florian Gleich nga kompania Renk Germany udhëtoi posaçërisht në Ankara për këtë ngjarje. Renk, me seli në Augsburg, është një nga prodhuesit më të mëdhenj në këtë sektor dhe, ndër të tjera, prodhon sisteme transmisioni për tankun Leopard 2.

    Më parë, kompania furnizonte produkte edhe për Turqinë, por më pas qeveria federale gjermane vendosi kufizime ndaj eksporteve. Që atëherë, shumë gjëra kanë ndryshuar në Turqi, thotë menaxheri i Renkut, Florian Gleich.

    “Dallimi i madh krahasuar me të kaluarën është se nuk kemi më një marrëdhënie blerës-shitës, por një partneritet. Ne duam të bashkëpunojmë. Ne kemi ekspertizën, ndërsa Turqia ka kapacitetet prodhuese”, thotë ai.

    Interes i madh edhe nga pala turke

    “Made in Germany” mbetet sinonim i cilësisë dhe, përmes partneriteteve me kompanitë gjermane, Turqia do të mund të fitonte qasje në tregje të reja, për shembull në Afrikë, thotë Şevket Ünal, zëvendëspresident për zhvillimin e biznesit ndërkombëtar në Havelsan.

    Kompania e tij zhvillon robotë ushtarakë të telekomanduar, të mbështetur nga inteligjenca artificiale, si mjeti i blinduar i lehtë Barkan, por edhe zgjidhje softuerike. “Në Gjermani, për shembull, ka kantierë të mëdhenj detarë ku ndërtohen anije luftarake me sisteme të caktuara softuerike. Megjithatë, Gjermania nuk ka një softuer të vetin për këto sisteme. Ne, si Havelsan, mund ta zhvillojmë atë së bashku me Gjermaninë dhe më pas të depërtojmë bashkërisht në tregun global”, thotë ai.

    Një parakusht i rëndësishëm mbetet besimi i ndërsjellë. Fjala “besim” u përsërit më shumë se çdo term tjetër gjatë konferencës. Bashkëpunimi industrial bazohet në kontrata, tha ambasadorja gjermane në Turqi, Sybille Katharina Sorg, por bashkëpunimi strategjik industrial bazohet në besim.

    “Në besimin se teknologjitë do të mbrohen dhe se marrëveshjet do të respektohen. Në besimin se partnerët do të mbeten të parashikueshëm. Gjithashtu, në besimin se objektivat tona strategjike janë të harmonizuara me njëri-tjetrin.” Sorg theksoi se shqetësimet që ekzistojnë në Evropë lidhur me Turqinë nuk janë gjithmonë rezultat i keqkuptimeve apo i trajtimit të padrejtë. Sipas saj, ekzistojnë debate reale për shtetin e së drejtës, parashikueshmërinë politike dhe vendimet e politikës së jashtme.

    Roli i veçantë i Turqisë në luftën në Ukrainë

    Kjo sjell në vëmendje rolin e veçantë që luan Turqia brenda NATO-s në kontekstin e luftës së Rusisë kundër Ukrainës. Për shembull, Turqia nuk iu bashkua sanksioneve kundër Rusisë. Po ashtu, ka pasur kërcënime të përsëritura ndaj Greqisë, një tjetër anëtare e NATO-s.

    Sipas Florian Gleich, këto janë çështje që duhen diskutuar dhe sqaruar në interes të bashkëpunimit dhe sigurisë: “Nga njëra anë, është e nevojshme të mbrohet ekspertiza. Kjo është qartësisht e rëndësishme për Gjermaninë. Nga ana tjetër, duhet të shohim se si Evropa në tërësi mund të armatoset më shpejt dhe më me efikasitet, si dhe të shkëmbejë përvoja. Nuk ka kuptim që secili të veprojë i vetëm.”

    Konferenca në Ankara i dha një shtysë të re bashkëpunimit gjermano-turk në fushën e mbrojtjes, por njëkohësisht ngriti pritshmërinë që fjalët të shoqërohen me hapa konkretë sa më shpejt të jetë e mundur.

    Şevket Ünal nga Havelsan paralajmëron se momenti duhet shfrytëzuar: “Ne mund të bashkëpunojmë shumë shpejt me kompanitë gjermane dhe të zhvillojmë projekte të përbashkëta në kohë të shkurtër. Megjithatë, nëse hasim pengesa që ngadalësojnë motivimin tonë, i gjithë projekti mund të ndalet po aq shpejt sa ka filluar.”

    Interesi për bashkëpunim në industrinë e mbrojtjes është aktualisht i lartë në të dyja palët. Nga ana turke, ai është aq i madh sa që edhe ministri i Mbrojtjes, Yaşar Güler, mori pjesë në mbrëmjen përmbyllëse të konferencës.

    Burimi: RTKLive

  • Dogana e Kosovës informon bizneset për rregullat e tregtisë ndërkombëtare

    Dogana e Kosovës informon bizneset për rregullat e tregtisë ndërkombëtare

    Sipas Doganës, rregullat INCOTERMS janë standarde ndërkombëtare të publikuara nga Oda Ndërkombëtare e Tregtisë (ICC), të cilat ndihmojnë në qartësimin e përgjegjësive të palëve dhe në shmangien e keqkuptimeve gjatë realizimit të marrëveshjeve tregtare.

    Versioni INCOTERMS 2020 përfshin 11 rregulla të përdorura në tregtinë ndërkombëtare, të përshtatshme për mënyra të ndryshme transporti.

    Një nga ndryshimet kryesore krahasuar me versionin e vitit 2010 është zëvendësimi i termit DAT (Delivered at Terminal) me DPU (Delivered at Place Unloaded), duke qartësuar se vendi i dorëzimit mund të jetë çdo vend i dakorduar, jo vetëm një terminal.

    Dogana thekson se rregullat INCOTERMS nuk e zëvendësojnë kontratën e shitblerjes, por shërbejnë si pjesë plotësuese e saj, kur palët pajtohen për zbatimin e tyre.

    Sipas njoftimit, njohja dhe zbatimi i drejtë i këtyre rregullave ndihmojnë bizneset të kuptojnë më mirë përgjegjësitë e tyre, të planifikojnë kostot dhe të menaxhojnë rreziqet që lidhen me lëvizjen e mallrave përtej kufijve.

    Dogana e Kosovës ka ritheksuar përkushtimin e saj në informimin e publikut dhe komunitetit të biznesit, duke promovuar transparencën, zbatimin e legjislacionit dhe lehtësimin e tregtisë së ligjshme.

    Burimi: RTKLive

  • Ibishi: Kosova është e përgatitur për t’iu përgjigjur situatave të sigurisë

    Ibishi: Kosova është e përgatitur për t’iu përgjigjur situatave të sigurisë

    Ish-zëvendësministri i Punëve të Brendshme, Ismet Ibishi, ka deklaruar se nuk e sheh të mundshme një luftë serioze në Kosovë, pavarësisht tensioneve dhe deklaratave të zyrtarëve serbë.

    Deklarata e Ibishit vjen pas paralajmërimit të zëvendëskryeministrit të parë dhe ministrit të Punëve të Jashtme të Kosovës, Glauk Konjufca, i cili në një intervistë për Hungary Insider ka thënë se ambiciet territoriale të Serbisë përbëjnë kërcënim serioz për sovranitetin e Kosovës dhe stabilitetin rajonal.

    Ibishi, në “FIVE” në Dukagjin, u shpreh se, ndonëse Serbia mbetet burim shqetësimi, prania e forcave të NATO-s në Kosovë dhe kapacitetet e institucioneve të sigurisë janë faktorë të rëndësishëm për përballimin e situatave të mundshme.

    Ai ka përmendur edhe sulmin në Banjskë, duke thënë se, edhe në atë rast kur kishte tendenca për një konflikt serioz dhe marrjen e veriut të Kosovës, institucionet e vendit ishin të gatshme të reagonin.

    Sipas tij, aktualisht nuk sheh rrezik për një luftë serioze në Kosovë, megjithëse ka theksuar se institucionet e rendit marrin masa shtesë të sigurisë gjatë zgjedhjeve dhe ngjarjeve të rëndësishme.

    “Prej një fqinji të tillë (Serbia) kurrë nuk mund të presim dicka të mirë, por mendoj që duke pasur parasysh prezencën e forcave të NATO-s në Kosovë dhe si përgjegjësi ekskluzive për sigurinë e Kosovës mendoj që edhe në si shtet me kapacitetet tona që janë mirë të përgatitura e të stërvitura për tu përgjigjur në një luftë me përmasa të vogla jemi të përgatitur edhe vetë sikur kur ishte rasti i Banjskës që ishte tendencë që të hyhet në një konflik serioz për marrjen e veriut të Kosovës. Nuk e shoh një rrezik potencial, por organet e rendit marrin masa kur ka zgjedhje e ngjarje të tilla e mund të ketë ndonjë tendencë se nuk shoh të mundshme ndonjë luftë serioze në trojet tona”, u shpreh Ibishi.

    Ibishi ka komentuar edhe deklaratën e zëvendëskryeministrit serb, Ivica Daçiq, se flamuri serb do të valojë në Prizren.

    Ai e ka cilësuar këtë deklaratë si pjesë të retorikës politike për mbledhjen e votave para zgjedhjeve në Serbi, duke theksuar se pretendimi i tillë mbetet vetëm dëshirë e politikanëve serbë.

    “Një gjë e tillë nuk do të ndodhë kurrë”, është shprehur Ibishi.

    Burimi: Dukagjini

  • Pezullohen dy efektivë policie në Tiranë për përdorim të dhunës ndaj protestuesve, nis hetimi disiplinor

    Pezullohen dy efektivë policie në Tiranë për përdorim të dhunës ndaj protestuesve, nis hetimi disiplinor

    Pezullohen dy efektivë policie në Tiranë për përdorim të dhunës ndaj protestuesve, nis hetimi disiplinor

    Dy punonjës të Policisë së Shtetit janë pezulluar nga detyra pas publikimit të videove në rrjetet sociale, ku shfaqen duke tejkaluar detyrën dhe parimin e proporcionalitetit gjatë ndërhyrjes në një tubim në Tiranë.

    Sipas njoftimit zyrtar të Policisë së Shtetit, me urdhër të Drejtorit të Përgjithshëm, Skënder Hita, janë pezulluar inspektorët E. P. dhe T. Ç., të cilët shërbenin në Patrullën e Përgjithshme.

    Gjithashtu, Drejtoria e Standardeve Profesionale ka nisur procedurat për hetimin disiplinor ndaj dy efektivëve.

    Policia e Shtetit thekson në njoftim se nuk do të tolerojë raste dhune apo tejkalimi të detyrës nga punonjësit e saj, duke nënvizuar se veprime të tilla dëmtojnë imazhin e institucionit dhe besimin

    Sinjali – aty ku e vërteta flet para lajmit!

    /GazetaSinjali/

    The post Pezullohen dy efektivë policie në Tiranë për përdorim të dhunës ndaj protestuesve, nis hetimi disiplinor appeared first on Sinjali.

    Burimi: Sinjali

  • Dëshmi të reja kundër komedianit Brand, i akuzuar për vepra penale seksuale

    Dëshmi të reja kundër komedianit Brand, i akuzuar për vepra penale seksuale

    Dëshmi të reja kundër komedianit Brand, i akuzuar për vepra penale seksuale

    Një nga gjashtë gratë që akuzojnë Russell Brandin për vepra penale seksuale, deklaroi të premten në një gjykatë në Londër se aktori dhe komediani britanik u shndërrua në një “maniak me sy të egërsuar”, kur u përpoq ta tërhiqte atë brenda një kabine tualeti në vendin e saj të punës.

    Brand, dikur një nga personalitetet më të njohura televizive në Britani dhe ish-bashkëshorti i këngëtares amerikane Katy Perry, po përballet me gjyq nën akuzat për tri raste përdhunimi, tri raste sulmi seksual dhe një rast sulmi me natyrë të pahijshme ndaj gjashtë grave, në periudhën midis viteve 1999 dhe 2009, transmeton Klankosova.tv.

    51-vjeçari i mohon akuzat dhe pas arrestimit, i tha policisë se nuk është përfshirë kurrë në veprimtari seksuale pa pëlqimin e palës tjetër.

    Dëshmitarja tregoi se fillimisht kishte shkëmbyer disa fjalë me humor me Brandin lidhur me bluzën që ai kishte veshur – të cilën ajo i tha se i pëlqente – por shtoi se sjellja e tij ndryshoi pasi ajo e shoqëroi për t’i treguar se ku ndodheshin tualetet.

    Ajo tha se Brand kishte qenë mjaft i sjellshëm, por më pas u shndërrua në “një maniak me sy të egërsuar që përpiqej të më tërhiqte në tualet”.

    “I thashë: ‘Çfarë po bën? A je i çmendur? Më lër të lirë’”, dëshmoi ajo para gjykatës.

    Ajo shtoi se, kur ai kuptoi që “nuk po ia dilte” – pasi ajo ishte mjaft e fortë – ai hyri vetë në tualet. Sipas saj, i gjithë incidenti zgjati rreth 20 sekonda. Gruaja nuk e raportoi atë që i kishte ndodhur te punëdhënësi i saj në atë kohë, me arsyetimin se do të ishte thjesht fjala e saj kundër fjalës së tij; megjithatë, ajo iu drejtua policisë pasi pa një dokumentar të vitit 2023 rreth Brandit.

    Sipas Reuters, avokati i tij, Ian Winter, pretendoi se Brand i kishte kërkuar asaj të shkonin në tualet për një lloj aktiviteti seksual – duke pranuar se ajo nuk kishte dhënë pëlqimin – dhe se këndvështrimi i saj për ngjarjen kishte ndryshuar pasi kishte parë dokumentarin. /Klankosova.tv

  • Kos: Ukraina një nga vendet që po përparon më së shpejti drejt anëtarësimit në BE

    Kos: Ukraina një nga vendet që po përparon më së shpejti drejt anëtarësimit në BE

    Kos: Ukraina një nga vendet që po përparon më së shpejti drejt anëtarësimit në BE

    Komisonarja për Zgjerim e Bashkimit Evropian, Marta Kos, ka thënë se Ukraina është ndër vendet që po shënon përparim të madh në rrugën drejt anëtarësimit në Bashkimin Evropian.

    Përmes një postimi në X, ajo tha se vendi ka hapur këtë javë dy grup-kapituj tjerë.

    “Ukraina është ndër vendet që po shënojnë përparimin më të madh drejt anëtarësimit në Bashkimin Evropian. Pas hapjes së dy grup-kapitujve të tjerë negociues këtë javë, diskutova hapat e ardhshëm me kryeministrin Sergii Koretskyi”, ka shkruar Kos në X, transmeton Klankosova.tv.

    Ajo njoftoi se ka diskutuar me kryeministrin ukrainas, Sergii Koretskyi, me të cilin janë pajtuar për krijimin e një grupi të përbashkët pune, me qëllim përshpejtimin e përparimit në përmbushjen e kritereve të ndërmjetme dhe avancimin e reformave thelbësore në fushën e sundimit të ligjit dhe luftës kundër korrupsionit.

    “Ky hap dëshmon përkushtimin tonë për të mbështetur rrugën e Ukrainës drejt anëtarësimit në BE”, tha Komisonarja për Zgjerim e Bashkimit Evropian, Marta Kos. /Klankosova.tv

  • Manchester United rikthehet në garë për Frenkie de Jong

    Manchester United rikthehet në garë për Frenkie de Jong

    Manchester United rikthehet në garë për Frenkie de Jong

    Manchester United po përgatitet të rihapë bisedimet për mesfushorin holandez të Barcelonës, Frenkie de Jong.

    Sipas TuttoJuve, “Djajtë e Kuq” kryesojnë garën për firmën e tij.

    Barcelona e vlerëson lojtarin 65 milionë euro, shumë që konsiderohet tepër e lartë nga Juventusi.