Ish-veprimtari Faton Topalli ka deklaruar se organizata ku vepronte kishte zhvilluar aktivitete për kërkesën për Republikën e Kosovës disa vite para demonstratave të vitit 1981.
Në intervistën në Debat Plus, në kuadër të ciklit “Dosjet”, Topalli tregoi se një nga format e veprimtarisë ishte shtrimi i pyetjes “Pse Kosova s’është Republikë?” në shkollat e mesme, përfshirë edhe gjatë orëve të historisë dhe marksizmit.
Ai përmendi rastin e profesorit të historisë Ramadan Haziri, të cilit ia kishte parashtruar këtë pyetje. Sipas Topallit, përgjigjja e tij ishte se kërkesa për Republikë ishte shtruar edhe më herët, por kushtet nuk ishin plotësuar.
Topalli tha se organizata kishte shpërndarë edhe një trakt në vitin 1979, të nënshkruar në emër të organizatave të tjera, me qëllim që kërkesa për Republikë të përhapej më gjerësisht.
“Sepse ideja ka qenë të flitet për Republikën, të përhapet kërkesa për Republikë, e cila prej vitit 1968 nuk ka qenë më opsion i zgjidhjes së shqiptarëve në Jugosllavi”, u shpreh ai.
Sipas Topallit, kërkesa për Republikë në atë periudhë mund të diskutohej më hapur sesa në vitin 1981, kur, siç tha ai, shprehja e saj mund të çonte në burgosje.
Është me 6 yje të bardhë, sfond të kaltër e hartë me ngjyrë të artë.
Këto e identifikojnë Flamurin Kombëtar të Republikës së Kosovës.
Yjet simbolizojnë 6 komunitetet kryesore në Kosovë: shqiptarët, turqit, boshnjakët, goranët, komunitetin rom, ashkalinjë e egjiptian dhe serbët. Derisa harta e simbolizon territorin e vendit, raporton Kiks Kosova.
Që nga dita e shtatëmbëdhjetë e shkurtit të 2008-ës, ky flamur e prezanton zyrtarisht shtetin e Kosovës.
Kësisoj, secili qytetar duhet të përdor stemën dhe flamurin që përkon me atë zyrtarin.
Mirëpo, Kiks Kosova ka vërejtur diçka tjetër.
Raste kur stemë të gabuar përdor një ministri, institucion publik.
Fjala është pikërisht për Ministrinë e Infrastrukturës dhe Transportit.
Jo 1, as 2, por në 6 njoftime publike të kësaj ministrie, e cila udhëhiqet nga Dimal Basha, përdoret një stemë ndryshe nga ajo zyrtarja.
Në vend të 6 yjeve, janë 7, e edhe forma e hartës duket e ndryshuar.
Por ligji nr.03/L-038 e sqaron saktë se simbolet shtetërore mbrohen dhe janë të përcaktuara.
Madje, i njëjti ligj parasheh edhe sanksione për këdo që përdor simbole të ndryshuara.
Por, si ka mundësi që Ministria e Infrastrukturës gabon në diçka si simboli shtetëror që rregullohet me ligj dhe është i përcaktuar qartë?
Kiks Kosova ka ngritur dyshime se këto njoftime mund të jenë krijuar me ndihmën e Inteligjencës Artificiale.
E pikërisht për të konfirmuar apo mohuar dyshimet, redaksia ka dërguar disa pyetje në këtë ministri.
Por, deri në transmetimin e kësaj kronike, nuk morëm përgjigje.
Avokati Ardian Bajraktari, në një prononcim për Kiks Kosovën, shpjegoi se ligji hyn në kategorinë e legjislacionit me interes vital.
Sipas ligjit, për personat që deformojnë simbolet shtetërore ka ndëshkime me gjobë. Por që ndëshkimi i personave përgjegjës bëhet nga gjykata.
Secili institucion publik ka për obligim të jetë transparent me publikun.
Andaj, komunikimi me publikun është kanali kryesor përmes së cilit institucioni shpalos punën e tij para qytetarëve dhe pranon edhe reagimet nga ta.
Kësisoj, mënyra se si institucioni paraqitet në publik, varet totalisht nga mënyra se si zyrtarët e menaxhojnë këtë zyre.
Sipas profesorit universitar, Arben Fetoshi, komunikimi institucional ka mungesë të theksuar të profesionalizmit.
Ndërkaq, sipas Etrit Rexhepit nga Hibrid.info, Inteligjenca Artificiale nuk duhet assesi të zëvendësojë përgjegjësinë njerëzore.
Ai thotë se ajo mund të shërbejë vetëm si mjet ndihmës.
Ndiqni kronikat e përgatitura nga Kiks Kosova për këtë çështje:
Kancelari gjerman, Friedrich Merz, ka bërë thirrje që Evropa të rrisë mbështetjen financiare për Ukrainën, në mënyrë që vendi të përballojë dimrin dhe të sigurojë financimin e nevojshëm për vitin e ardhshëm.
Duke folur të enjten në Bruksel, ku liderët e Bashkimit Evropian janë mbledhur në një samit për të diskutuar ndihmën për Kievin, Merz theksoi se Ukraina ka nevojë për mbështetje të qëndrueshme dhe afatgjatë.
“Duhet të bëjmë gjithçka që është e mundur për ta ndihmuar Ukrainën ta përballojë dimrin, por edhe vitin e ardhshëm”, deklaroi kancelari gjerman.
Ai shtoi se do të nevojitet rritje e mëtejshme e fondeve për t’i mundësuar Ukrainës të përballojë sfidat financiare dhe të vazhdojë mbrojtjen e saj kundër agresionit rus.
Sipas Reuters, ministri ukrainas i Financave, Serhiy Marchenko, kishte deklaruar në shtator se Ukrainës i mungojnë 32.6 miliardë dollarë për buxhetin e rregullt të vitit 2027, ndërsa hendeku financiar për buxhetin e mbrojtjes vlerësohet në 45 miliardë dollarë.
Merz foli edhe për asetet ruse të ngrira në Bashkimin Evropian, duke kundërshtuar mundësinë e transferimit të një pjese të tyre në Shtetet e Bashkuara për t’u përdorur si mjet presioni në negociatat për paqe.
Ai theksoi se asetet ruse, vlera e të cilave vlerësohet në rreth 210 miliardë euro, duhet të mbeten në Evropë.
“Kjo është çështje e jona dhe ne vendosim për të”, tha Merz.
Kancelari gjerman paralajmëroi gjithashtu për intensifikimin e sulmeve ruse ndaj Ukrainës, duke vlerësuar se lufta nuk ka të bëjë vetëm me integritetin territorial të këtij vendi, por edhe me rendin politik evropian.
“Jam ende plotësisht i bindur se nuk po mbrojmë vetëm integritetin territorial të Ukrainës, por edhe rendin politik të Evropës, të cilin Rusia po e vë nën presion të madh në çdo aspekt”, deklaroi Merz.
Policia e Kosovës, në bashkëpunim me autoritetet kroate, ka transferuar një shtetas kosovar nga Kroacia në Kosovë, për ta vuajtur pjesën e mbetur të dënimit me burg.
Sipas njoftimit të Policisë së Kosovës, transferimi është realizuar më 15 tetor 2026 nga Drejtoria për Bashkëpunim Ndërkombëtar Policor, në koordinim me njësitet përkatëse policore dhe institucionet e drejtësisë.
I dënuari, sipas Kodit Penal të Kroacisë, ishte shpallur fajtor për vepër penale kundër jetës dhe trupit, përkatësisht tentativë të vrasjes së rëndë.
Transferimi është bërë në bazë të legjislacionit në fuqi dhe marrëveshjeve dypalëshe mes Kosovës dhe Kroacisë, me qëllim që pjesën e mbetur të dënimit ta vuajë në institucionet korrektuese të Kosovës.
Pas transferimit, i dënuari i është dorëzuar Shërbimit Korrektues të Kosovës për vazhdimin e procedurave të mëtejshme ligjore.
Drilon Cokli, vëllai i Erona Coklit, e cila u vra në moshën 21-vjeçare nga ish-bashkëshorti i saj, ka rrëfyer për Sinjalin momentet e rënda të ngjarjes tragjike, në të cilën edhe vetë mbeti i plagosur.
Ai ka treguar se ende e ka të vështirë ta pranojë humbjen e motrës, duke kujtuar çastet kur ajo u qëllua me armë zjarri brenda ambienteve të Qendrës për Punë Sociale në Ferizaj, më 12 prill 2024.
“Është shumë interesante, nuk munda ta kuptoja as si bëhet fjalë që motra ime nuk është gjallë. E pashë ishte para syve të mi. Është e vërtetë, kur u godit me armë për herë të parë, e pashë të mbështetur për muri, pastaj i njëjti person më goditi edhe mua”, rrëfen Cokli për Sinjalin.
Ai ka përshkruar edhe momentet kur, pas të shtënave të para, doli në korridor duke kërkuar ndihmë, ndërsa më pas dëgjoi të shtëna të tjera.
“Mund të them se kanë kaluar rreth 20 minuta. Dola në prag të derës dola nga aty dhe dëgjova edhe një krismë. Ajo krismë e vulosi vrasjen e saj”, ka rrëfyer ai.
Drilon Cokli ka treguar se pas plagosjes jeta e tij ndryshoi tërësisht. Ai kujton dhimbjet fizike, vështirësitë gjatë rikuperimit dhe makthet që e shoqëronin gjatë netëve.
“Nuk është e lehtë që një 15-vjeçar ta kalojë gjithë atë traumë. Në fillimet pas plagosjes sime ishte shumë e rëndë. Ishte makthi që të kapte çdo natë, ishte dhimbja e krahut që nuk të lejonte të qëndroje rehat. Ishte jetë e vështirë në ato momente”, ka thënë ai për Sinjalin.
Ai ka treguar se përpiqej të qëndronte i fortë para familjes, edhe pse e kishte të vështirë ta përballonte humbjen e motrës.
“Sot, kur e mendoj, e kisha motrën para syve. Kur u bë edhe varrimi kur e kisha para vetes, nuk munda të qaja. Nuk po e besonin sytë e mi atë që kishte ndodhur”, është shprehur Cokli.
Rasti i vrasjes së Erona Coklit është rikthyer në vëmendjen e drejtësisë. Më 14 tetor, Valon Aliu, i dënuar me 24 vjet burgim nga Gjykata Themelore në Ferizaj, doli para Gjykatës së Apelit, ku rasti po shqyrtohet në shkallën e dytë.
Më 3 prill 2026, Gjykata Themelore në Ferizaj e kishte shpallur Aliun fajtor, duke i shqiptuar dënim prej 24 vjetësh burgim për vrasje të rëndë, armëmbajtje pa leje dhe kanosje.
Vendimi kishte shkaktuar pakënaqësi te familjarët e viktimës, të cilët kishin vlerësuar se dënimi nuk përputhej me peshën e krimit.
Drilon Cokli ka theksuar se pas kësaj ngjarjeje jeta e familjes nuk është më si më parë, duke kërkuar më shumë kujdes dhe përgjegjësi nga institucionet për veprimet e tyre.
“Jeta është kthyer përmbys, nuk është më si përpara. Por sot duhet të qëndrojmë që institucionet të kenë pak më shumë kujdes në gjërat dhe veprimet që i kanë bërë”, ka thënë ai.
Erona Cokli u vra në moshën 21-vjeçare, duke lënë pas një djalë të vogël. Vrasja e saj ndodhi brenda Qendrës për Punë Sociale në Ferizaj, ndërsa gjatë ngjarjes u plagos edhe vëllai i saj, Driloni.
Rasti vazhdon të jetë në shqyrtim në Gjykatën e Apelit.
Sipas njoftimit të Komunës së Fushë Kosovës, kjo ndërhyrje infrastrukturore synon të përmirësojë qarkullimin e automjeteve, të lehtësojë trafikun dhe të rrisë sigurinë për të gjithë pjesëmarrësit në komunikacion.
Komuna ka bërë të ditur se investimet në infrastrukturë po vazhdojnë me qëllim të përmirësimit të kushteve për qytetarët dhe lehtësimit të lëvizjes në zonat e qytetit.
Punimet në këtë segment rrugor janë pjesë e ndërhyrjeve që synojnë përmirësimin e infrastrukturës rrugore në Fushë Kosovë.
Në Greqi, stuhitë prekën Atikën, Evian, ishujt Sporade dhe Rodosin, duke shkaktuar mbyllje rrugësh, ndërprerje të energjisë elektrike dhe bllokim të automjeteve. Në Evia, dalja nga shtrati e lumit Kireas detyroi mbylljen e një rruge kryesore, ndërsa një urë ndihmëse u shemb pranë Politikas.
Ndërkohë, në Stamboll, reshjet e rrëmbyeshme përmbytën rrugë, tunele, banesa dhe stacione të transportit publik. Sipas autoriteteve, u regjistruan 1.277 raste përmbytjesh, 15 rrëshqitje dheu dhe 47 raste të personave të bllokuar. Shërbimet e trageteve dhe disa linja tramvaji u ndërprenë përkohësisht, ndërsa trafiku u rëndua ndjeshëm.
Autoritetet turke angazhuan mbi 8.300 pjesëtarë të ekipeve të reagimit emergjent, së bashku me më shumë se 2.200 automjete dhe mjete të rënda, për të përballuar pasojat. Banorëve në të dyja vendet u është bërë thirrje të shmangin udhëtimet e panevojshme dhe të qëndrojnë larg rrugëve të përmbytura dhe zonave me rrezik rrëshqitjeje.
Plani i Bordit të Paqes së presidentit amerikan Donald Trumpit për vendosjen e një force ndërkombëtare të stabilizimit në Gaza, sipas gazetës britanike The Guardian, po has në telashe.
Sipas The Guardian Izraeli nuk po lejon nisjen e ndërtimit të një baze ushtarake ku do të qëndronin trupat ndërkombëtare, përfshirë ushtarë nga Kosova dhe Maroku.
Sipas raportimit të gazetës britanike The Guardian, baza e planifikuar do të shërbente për vendosjen e përkohshme të 150 ushtarëve ndërkombëtarë, si pjesë e një force më të gjerë prej 500 trupash nga Maroku dhe Kosova, të cilët tashmë janë dërguar në kuadër të këtij angazhimi.
Kontrata për ndërtimin e bazës iu dha në gusht kompanisë amerikane Arkel International, me seli në Luiziana. Megjithatë, dy muaj më vonë, punimet ende nuk kanë nisur, pasi Izraeli nuk po lejon hyrjen e kontraktuesve dhe kamionëve në Gaza.
Një person me njohuri të drejtpërdrejta për këtë çështje i ka thënë The Guardian se pa lejen e Izraelit, projekti nuk mund të vazhdojë.
Baza e përkohshme parashihet të ndërtohet në një hapësirë të fortifikuar prej rreth 100 me 100 metrash, në një lokacion që më parë ishte shfrytëzuar nga Fondacioni Humanitar i Gazës.
Një 45-vjeçar nga Meksika është ndaluar në Aeroportin Këln-Bon në Gjermani, pasi u përpoq të kontrabandonte më shumë se 90 zvarranikë, përfshirë dhjetëra gjarpërinj helmues dhe hardhuca.
Sipas BBC-së, burri, i cili punon si zjarrfikës në Meksikë, tërhoqi vëmendjen e zyrtarëve doganorë për shkak të sjelljes së tij të shqetësuar, derisa po përpiqej të kalonte përmes daljes së gjelbër, ku udhëtarët deklarojnë se nuk kanë mallra për të raportuar.
Fillimisht, atij iu bë një test për lëndë narkotike, i cili rezultoi pozitiv për kokainë. Megjithatë, gjatë kontrollit të valixhes nuk u gjet drogë, por një numër i madh zvarranikësh të fshehur në shishe shamposh e kremrash, enë plastike dhe çorape të mbledhura.
Në mesin e kafshëve u gjetën 37 gjarpërinj helmues dhe 55 hardhuca, përfshirë iguana. Sipas zëdhënësit të zyrës doganore të Këlnit, Jens Ahland, disa prej tyre mbaheshin në kushte çnjerëzore, ndërsa të tjerë kishin ngordhur gjatë udhëtimit nga Meksika, përmes Stambollit.
I dyshuari u tha zyrtarëve se kafshët i kishte sjellë si nder për një të njohur nga Brazili. Megjithatë, atij iu ndalua hyrja në Gjermani dhe u kthye në Stamboll.
Ndërkohë, zvarranikët që kanë mbijetuar janë dërguar në një qendër për gjarpërinj në Gjermani, ku po mbahen nën kujdes.
Ky nuk është rasti i parë i kontrabandës së zvarranikëve në këtë aeroport. Gjashtë vjet më parë, doganierët kishin zbuluar 26 zvarranikë të rrallë, 10 prej të cilëve kishin ngordhur, të fshehur në pako me lodra dhe ëmbëlsira nga Meksika. Kafshët atëherë ishin destinuar për blerës privatë në Gjermani.
Sipas njoftimit të Policisë së Kosovës, transferimi është realizuar më 15 tetor, nga Drejtoria për Bashkëpunim Ndërkombëtar Policor, në koordinim me njësitet relevante policore dhe institucionet e drejtësisë.
I dyshuari ishte dënuar në Kroaci për vepër penale kundër jetës dhe trupit, përkatësisht për tentativë të vrasjes së rëndë.
Policia bëri të ditur se transferimi është realizuar në bazë të legjislacionit në fuqi dhe marrëveshjeve dypalëshe, përmes bashkëpunimit ndërmjet institucioneve të Kosovës dhe Kroacisë.
Pas transferimit, ai i është dorëzuar Shërbimit Korrektues të Kosovës për vazhdimin e procedurave ligjore.