Category: Lajme

  • Kusari për paraburgimi i Gani Gecit: Sinjal për mbrojtjen e sigurisë së gazetarëve

    Kusari për paraburgimi i Gani Gecit: Sinjal për mbrojtjen e sigurisë së gazetarëve

    Juristja e mediave, Flutura Kusari, ka reaguar pas vendimit të Gjykatës Themelore në Prishtinë për caktimin e një muaji paraburgim ndaj Gani Gecit, i dyshuar për kërcënimin e gazetarit Lirim Mehmetaj.

    Përmes një postimi, Kusari e ka vlerësuar vendimin si sinjal në mbështetje të sigurisë së gazetarëve dhe lirisë së medias.

    Ajo ka theksuar rëndësinë e pavarësisë së gjyqësorit dhe të mbrojtjes së gazetarëve nga presionet dhe kërcënimet gjatë ushtrimit të profesionit të tyre.

    “Ky është një sinjal i qartë nga Gjykata Themelore në Prishtinë në favor të sigurisë së gazetarëve dhe mbrojtjes së së drejtës së tyre për të ushtruar profesionin pa presione dhe kërcënime”, ka shkruar Kusari.

    Ajo ka vlerësuar se vendimi tregon rëndësinë e gjyqtarëve të pavarur në mbrojtjen e lirisë së shprehjes dhe të medias.

    Burimi: Dukagjini

  • Ndërrimi i komandës së KFOR-it, Italia paralajmëron  rol më të mëdh të institucioneve të sigurisë në Kosovë

    Ministri i Mbrojtjes i Italisë, Guido Crosetto, ka qëndruar sot në Prishtinë, ku ka marrë pjesë në ceremoninë e ndërrimit të komandës së KFOR-it, me ç’rast gjeneralmajori italian Roberto Vergori mori drejtimin e misionit të NATO-s në Kosovë.

    Ministria e Mbrojtjes e Italisë ka publikuar fjalimin e Crosettos në këtë ceremoni, ku ai foli për objektivat e misionit dhe përshtatjen e pranisë së forcave të KFOR-it me zhvillimet e sigurisë në terren.

    Crosetto paralajmëroi një rol më të madh të institucioneve të sigurisë së Kosovës në mbrojtjen e objekteve të ndjeshme dhe kontrollin e territorit, por theksoi se ky proces duhet të zhvillohet pa krijuar boshllëqe të sigurisë.

    “Sfida do të jetë përshtatja e dislokimit të forcave me kushtet në terren, duke ruajtur një pozicionim të besueshëm dhe aftësinë për të parandaluar tensionet dhe për të ndërhyrë me shpejtësi. Përfshirja më e madhe e institucioneve të sigurisë së Kosovës në mbrojtjen e objekteve të ndjeshme dhe në kontrollin e territorit duhet të realizohet pa krijuar boshllëqe të sigurisë”.

    Ministri italian tha se Italia merr sërish drejtimin e misionit të NATO-s në Kosovë në një periudhë delikate, të cilën e përshkroi si një kontekst sigurie “të qëndrueshëm, por të brishtë”.

    “Detyra do të jetë garantimi i një mjedisi të sigurt dhe i lirisë së lëvizjes, duke mbrojtur të gjitha komunitetet dhe duke udhëhequr transformimin e pozicionimit të KFOR-it drejt një pranie më fleksibile, më pak statike dhe të përqendruar në zonat e ndjeshme”.

    Crosetto rikujtoi se Forcat e Armatosura italiane janë të pranishme në Kosovë për më shumë se 25 vjet, duke kontribuar në garantimin e stabilitetit, si dhe në mbrojtjen e demokracisë dhe lirisë.

    Ai theksoi se riorganizimi i pranisë së KFOR-it do të bëhet gradualisht dhe se procesi mund të kthehet pas, në varësi të situatës së sigurisë në terren.

    “Riorganizimi do të jetë gradual dhe, në çdo rast, i kthyeshëm. Çdo hap do të varet nga kushtet e sigurisë, duke ruajtur mundësinë e përforcimit të pranisë ushtarake nëse është e nevojshme dhe duke garantuar efektivitetin e KFOR-it në mbështetje të stabilitetit të Ballkanit dhe Europës”.

    Në përfundim të fjalimit, ministri italian i dëshiroi sukses gjeneralmajorit Roberto Vergori në detyrën e re, ndërsa shprehu mirënjohje për komandantin e deritanishëm të KFOR-it, gjeneralmajorin turk Özkan Ulutaş.

    “I uroj suksese gjeneralmajorit Roberto Vergori, i bindur se do ta kryejë këtë detyrë me përkushtimin maksimal dhe me të njëjtin seriozitet që ka karakterizuar edhe paraardhësit e tij”.

    Sinjali – aty ku e vërteta flet para lajmit!

    /GazetaSinjali/

    The post Ndërrimi i komandës së KFOR-it, Italia paralajmëron  rol më të mëdh të institucioneve të sigurisë në Kosovë appeared first on Sinjali.

    Burimi: Sinjali

  • Kurti takon komandantin e NATO-s në Napoli dhe komandantin e ri të KFOR-it

    Kurti takon komandantin e NATO-s në Napoli dhe komandantin e ri të KFOR-it

    Kryeministri i Kosovës, Albin Kurti, ka pritur në takim komandantin e Komandës së Forcave të Përbashkëta Aleate të NATO-s në Napoli, Admiralin George M. Wikoff, dhe komandantin e ri të KFOR-it, Gjeneralmajorin Roberto Vergori.

    Sipas njoftimit të Zyrës së Kryeministrit, në takim u diskutua për situatën e sigurisë në Kosovë dhe rajon, zhvillimet aktuale, si dhe bashkëpunimin dhe bashkërendimin ndërmjet institucioneve të Kosovës dhe NATO-s.

    Kurti shprehu falënderim dhe mirënjohje për kontributin e NATO-s në ruajtjen e paqes dhe stabilitetit afatgjatë në Kosovë dhe në gjithë Ballkanin Perëndimor.

    Ai vlerësoi gjithashtu përkushtimin e Aleancës për krijimin e një mjedisi të qetë dhe të sigurt për të gjithë qytetarët dhe komunitetet në Kosovë.

    Burimi: Dukagjini

  • Aksident në Gjakovë, këmbësorja pëson lëndime në hundë

    Aksident në Gjakovë, këmbësorja pëson lëndime në hundë

    Aksident në Gjakovë, këmbësorja pëson lëndime në hundë

    Një këmbësore ka pësuar lëndime si pasojë e një aksidenti që ndodhi sot në Gjakovë.

    Siç mëson Klankosova.tv ajo ka pësuar lëndime në hundë dhe është dërguar për tretman mjekësor.

    Sipas burimeve të Klanit brenda policisë, lëndimet e saj janë të lehta dhe ajo është jashtë rrezikut për jetën.

    Në momentin e aksidentit viktima ishte duke kaluar rrugën, ku edhe u godit nga një veturë me targa të Shqipërisë, e cila drejtohej nga një grua tjetër.

  • Caktimi i masës ndaj Gani Gecit, gjykata jep detaje

    Caktimi i masës ndaj Gani Gecit, gjykata jep detaje

    Caktimi i masës ndaj Gani Gecit, gjykata jep detaje

    Një muaj paraburgim i është caktuar ish-deputetit Gani Geci, i cili dyshohet për kanosjen e gazetarit Lirim Mehmetaj.

    Në njoftim e publikuar për media, thuhet se “Gjykata vlerësoj se caktimi i masës së paraburgimit në këtë çështje penale është masë adekuate, pasi ekziston rreziku që i pandehuri të përsërisë veprën penale apo të kryejë veprën penale me të cilën ka kanosur, gjithashtu gjykata vlerëson se rreziku është konkret, real dhe i bazuar në rrethanat e veçanta të këtij rasti”.

    “Në këtë drejtim, gjykata ka marrë parasysh mënyrën dhe rrethanat në të cilat dyshohet se është kryer vepra penale, përmbajtjen dhe intensitetin e kërcënimeve, si dhe sjelljen e të pandehurit pas ngjarjes”, thuhet në njoftim transmeton Klankosova.tv.

    “Gjykata vlerëson se nëse i pandehuri lihet në liri pa masa të përshtatshme parandaluese, mund të tentojë të kontaktojë sërish të dëmtuarin L.M., të ushtrojë presion të mëtejshëm ndaj tij, përmes kanosjeve ose të ndërmarrë veprime për realizimin e kanosjes së pretenduar”.

    “Gjykata poashtu vlerëson se, në rrethanat konkrete të rastit, masat alternative ndaj paraburgimit nuk do të ishin të mjaftueshme për ta evituar rrezikun e përsëritjes së veprës penale ose të kryerjes së veprës me të cilën pretendohet se është kanosur i dëmtuari. Andaj, në këtë fazë të procedurës, masa e paraburgimit është e domosdoshme dhe se asnjëra nga masat e tjera të parapara me nenin 171 të KPPRK-së nuk do të ishte e mjaftueshme për të evituar rrezikun konkret të identifikuar në këtë çështje penale. Palët kanë të drejtë ankese në Gjykatën e Apelit të Kosovës”, përfundon njoftimi i kësaj gjykate transmeton Klankosova.tv.

  • Gjysma e Prishtinës, gjithë ditën pa ujë (VIDEO)

    Një gypi, ia pa sherrin gati gjysma e Prishtinës.

    Tubi me diametër 150mm shpërtheu para orës 7:00 të mëngjesit e uji vërshoi gjithë rrugën “Luan Haradinaj”.

    Pa furnizim me ujë mbeti qendra e qytetit, lagjja Dardania e një pjesë e lagjes Kalabria.

    Ekipet e Ujësjellësit “Prishtina” e nxorën tubacionin e prishur për ta zëvendësuar me një tjetër. Mirëpo, sanimi u vështirësua edhe për shkak të shiut për çka teknikët përdornin kova për ta larguar ujin e grumbulluar.

    E qytetarët ishin në hall meqë gjithë ditën mbetën pa kryer nevojat elementare.

    Andaj, iu desh të përdorin metoda alternative.

    Zëdhënësja e KRU “Prishtina”, Arjeta Mjeku, tha se arsyeja e prishjes së tubit dyshohet të jetë vjetërsia meqë është montuar prej viteve të ‘80-ta.

    Nga kjo kompani paralajmëruan që furnizimi me ujë të kthehet gjatë ditës. /Klankosova.tv

  • Konstituohet bordi i Korporatës për Ruajtjen e Energjisë, synohet ulja e importeve

    Është konstituuar bordi i Korporatës për Ruajtjen e Energjisë (KRE Sh.A.), ndërmarrje e re publike që do të menaxhojë sistemin e baterive për ruajtjen e energjisë elektrike në Istog, me kapacitet prej 125 megavatësh.

    Në mbledhjen e parë konstituive të bordit, të mbajtur të mërkurën, morën pjesë kryeministri Albin Kurti, ministrja e Ekonomisë, Artane Rizvanolli, si dhe përfaqësues të institucioneve të përfshira në projekt.

    Kurti tha se themelimi i kësaj korporate do t’i shtojë sistemit energjetik të Kosovës kapacitete të reja për ruajtjen e energjisë dhe do të ndihmojë në zvogëlimin e nevojës për importe.

    Ndërkaq, ministrja Rizvanolli bëri të ditur se dy kompani amerikane kanë dorëzuar oferta për projektimin dhe ndërtimin e sistemit të baterive. Sipas saj, punimet pritet të nisin vitin e ardhshëm dhe të përfundojnë më 2028.

    Projekti është pjesë e Programit Kompakt, me vlerë prej 236.7 milionë dollarësh. Nga kjo shumë, 202 milionë dollarë janë grant nga Shtetet e Bashkuara të Amerikës, ndërsa 34.7 milionë dollarë janë kontribut i Qeverisë së Kosovës.

    Korporata synon të ruajë tepricat e energjisë elektrike kur prodhimi është më i lartë dhe t’i shfrytëzojë ato në periudhat kur kërkesa rritet, duke kontribuar në optimizimin e sistemit energjetik të vendit.

    Sinjali – aty ku e vërteta flet para lajmit!

    /GazetaSinjali/

    The post Konstituohet bordi i Korporatës për Ruajtjen e Energjisë, synohet ulja e importeve appeared first on Sinjali.

    Burimi: Sinjali

  • Komisioni Evropian: Nuk ka indikacione se është ndërprerë shkëmbimi i inteligjencës me Ukrainën

    Komisioni Evropian: Nuk ka indikacione se është ndërprerë shkëmbimi i inteligjencës me Ukrainën

    Komisioni Evropian ka deklaruar se nuk ka indikacione që shkëmbimi i inteligjencës amerikane me Ukrainën është ndërprerë, ndërsa ka refuzuar të komentojë raportimet për ndërprerje të shërbimeve të Starlinkut në këtë vend.

    Zëdhënësit e Komisionit Evropian thanë se janë në dijeni të raportimeve për Starlinkun, por theksuan se nuk do të komentojnë për këtë çështje derisa të kenë më shumë informacione.

    “Është e rëndësishme të theksohet gjithashtu se nuk kemi indikacione që shkëmbimi i inteligjencës është ndërprerë”, deklaroi zëdhënësja kryesore e Komisionit Evropian, Paula Pinho, raporton The Guardian.

    Burimi: Dukagjini

  • 30 ditë paraburgim për Gani Gecin, avokati Berisha: Masa u caktua për shkak të emrit të përveçëm

    30 ditë paraburgim për Gani Gecin, avokati Berisha: Masa u caktua për shkak të emrit të përveçëm

    30 ditë paraburgim për Gani Gecin, avokati Berisha: Masa u caktua për shkak të emrit të përveçëm

    Gjykata Themelore në Prishtinë ia ka caktuar 30 ditë paraburgim ish-deputetit të LDK-së, Gani Geci, i dyshuar për kanosje ndaj gazetarit Lirim Mehmetaj.

    Vendimi është marrë pas seancës dëgjimore të mbajtur sot, ndërsa avokati i Gecit, Besnik R. BERISHA, e ka kundërshtuar masën e caktuar nga gjykata, duke e cilësuar atë të panevojshme dhe në kundërshtim me praktikën e deritanishme gjyqësore.

    “Gjykata e ka aprovuar kërkesën për caktimin e masës së paraburgimit dhe është caktuar masa e paraburgimit për 30 ditë. Natyrisht, ne e gjykojmë si një vendim absolutisht të papërshtatshëm ligjërisht, të panevojshëm dhe në kundërshtim me çdo praktikë që gjykata e ka zbatuar deri më sot. Jemi të bindur se masa e paraburgimit është caktuar për shkak të emrit të përveçëm, e jo për shkak të kushteve ligjore. Megjithatë, besojmë fuqishëm se vendimi do të korrigjohet”, ka deklaruar Berisha.

    The post 30 ditë paraburgim për Gani Gecin, avokati Berisha: Masa u caktua për shkak të emrit të përveçëm appeared first on Sinjali.

    Burimi: Sinjali

  • Konstituohet Bordi i Korporatës për Ruajtjen e Energjisë, synohet zvogëlimi i importit

    Konstituohet Bordi i Korporatës për Ruajtjen e Energjisë, synohet zvogëlimi i importit

    Konstituohet Bordi i Korporatës për Ruajtjen e Energjisë, synohet zvogëlimi i importit

    Kosova do të ketë një ndërmarrje të re publike për ruajtjen e energjisë elektrike, e cila do të mundësojë grumbullimin e tepricave të energjisë dhe shfrytëzimin e tyre në periudhat kur kërkesa është më e lartë.

    Korporata për Ruajtjen e Energjisë (KRE Sh.A.) do të ketë në pronësi dhe do të operojë sistemin e baterive në Istog, me fuqi prej 125 megavatësh.

    Ministria e Ekonomisë ka mbajtur takimin e parë konstituiv të Bordit të Korporatës për Ruajtjen e Energjisë të mërkurën, ku morën pjesë kryeministri i Kosovës, Albin Kurti, ministrja e Ekonomisë, Artane Rizvanolli, si dhe përfaqësues të institucioneve të përfshira në realizimin e projektit.

    Kurti tha se themelimi i kësaj korporate i shton sistemit energjetik të Kosovës një kapacitet që deri më tani i ka munguar, duke theksuar se investimi do të ndikojë edhe në zvogëlimin e nevojës për import të energjisë elektrike.

    “…Programi kompakt ka vlerën prej 236.7 milionë dollarë, me ç’rast 202 milionë dollarë janë grand nga SHBA dhe 34.7 milion janë kontribut nga Qeveria e Republikës. KRE do të ketë pronësi dhe do të operojë bateritë në Istog, me fuqi prej 125 megavat. Bashkë me sistemin prej 90 megavatorësh të KOSTT-it në Ferizaj, vendi ynë do të ketë 340 megavat orë kapacitet të ri në ruajtjen e energjisë. Kështu zvogëlojmë nevojën për importe…”, tha ai.

    Ndërkaq, ministrja e Ekonomisë, Artane Rizvanolli, bëri të ditur se dy kompani amerikane kanë dorëzuar oferta për projektimin dhe ndërtimin e sistemit të baterive.

    Sipas saj, punimet planifikohet të nisin vitin e ardhshëm dhe të përfundojnë në vitin 2028.

    Ajo theksoi se, përveç investimit në infrastrukturë, projekti synon të krijojë edhe kapacitete profesionale për menaxhimin e teknologjisë së ruajtjes së energjisë.

    Drejtori i Korporatës së Sfidës së Mijëvjeçarit (MCC), Rinor Gjonbalaj, tha se konstituimi i bordit shënon fillimin e një faze të re, gjatë së cilës fokusi duhet të jetë ndërtimi i një ndërmarrjeje publike profesionale dhe financiarisht të qëndrueshme.

    Ndërsa, drejtoresha ekzekutive e MCA Kosova, Florina Duli-Sefaj, theksoi se bordi i ri do të ketë përgjegjësinë e ndërtimit të strukturave dhe kapaciteteve të nevojshme për funksionimin e korporatës.