Category: Lajme

  • Kurti takohet me komandantin e KFOR-it, diskutojnë për sigurinë në Kosovë dhe rajon

    Kurti takohet me komandantin e KFOR-it, diskutojnë për sigurinë në Kosovë dhe rajon

    Kurti takohet me komandantin e KFOR-it, diskutojnë për sigurinë në Kosovë dhe rajon

    Kryeministri i Kosovës, Albin Kurti, ka pritur në takim admiralin George M. Wikoff, komandant i Komandës së Forcave të Përbashkëta Aleate të NATO-s në Napoli, dhe gjeneralmajorin Roberto Vergori, komandantin e ri të KFOR-it.

    Gjatë takimit u diskutua për situatën e sigurisë në Kosovë dhe rajon, zhvillimet aktuale, si dhe bashkëpunimin ndërmjet institucioneve të Kosovës dhe NATO-s.

    Kurti shprehu mirënjohje për kontributin e NATO-s në ruajtjen e paqes dhe stabilitetit në Kosovë dhe në Ballkanin Perëndimor.

    Sinjali – aty ku e vërteta flet para lajmit!

    /GazetaSinjali/

    The post Kurti takohet me komandantin e KFOR-it, diskutojnë për sigurinë në Kosovë dhe rajon appeared first on Sinjali.

    Burimi: Sinjali

  • Studimi zbulon lidhjen mes pijeve me sheqer dhe kancerit të stomakut – çfarë duhet të dini

    Studimi zbulon lidhjen mes pijeve me sheqer dhe kancerit të stomakut – çfarë duhet të dini

    Studimi zbulon lidhjen mes pijeve me sheqer dhe kancerit të stomakut – çfarë duhet të dini

    Konsumimi i shpeshtë i pijeve me sheqer mund të lidhet me rritjen e rrezikut për disa lloje të kancerit, por shkencëtarët theksojnë se ende nuk ka prova të mjaftueshme për të vërtetuar se këto pije e shkaktojnë drejtpërdrejt sëmundjen, ka shkruar Medscape.

    Një studim i ri, i publikuar në revistën Gastro Hep Advances, ka zbuluar se personat që konsumonin më shumë se një pije me sheqer në ditë kishin gati 2.5 herë më shumë raste të kancerit të stomakut sesa ata që i konsumonin shumë rrallë.

    Megjithatë, shifra duhet parë me kujdes: numri i rasteve ishte relativisht i ulët në të dy grupet.

    Sipas studimit, në mesin e personave që pinin më shumë se një pije me sheqer në ditë, u regjistruan 16.3 raste të kancerit të stomakut për çdo 100 mijë persona në vit. Te ata që pinin më pak se një pije në muaj, shifra ishte 7.7 raste për 100 mijë persona në vit.

    Studimi përfshiu më shumë se 112 mijë pjesëmarrës, të cilët raportuan zakonet e tyre ushqimore gjatë viteve.

    Çka tregojnë studimet e tjera?

    Hulumtimet e mëparshme kanë gjetur lidhje mes konsumit të pijeve me sheqer dhe disa llojeve të kancerit, përfshirë atë të gjirit, prostatës, pankreasit dhe zorrës së trashë. Megjithatë, rezultatet ndryshojnë sipas llojit të kancerit dhe studimit.

    Një studim francez, i publikuar në revistën The BMJ në vitin 2019, zbuloi se çdo 100 mililitra shtesë pije me sheqer në ditë lidhej me një rritje prej 18 për qind të rrezikut të përgjithshëm për kancer dhe 22 për qind të rrezikut për kancer të gjirit.

    Këto janë rritje relative të rrezikut, jo përqindje që tregojnë se sa njerëz do të preken nga sëmundja. Po ashtu, lidhja statistikore nuk provon vetvetiu se sheqeri është shkaku.

    Si mund të ndikojë sheqeri në zhvillimin e kancerit?

    Shkencëtarët po shqyrtojnë disa mekanizma të mundshëm:

    Shtimi në peshë dhe obeziteti: Pijet me sheqer mund të shtojnë marrjen e kalorive dhe të favorizojnë shtimin në peshë. Obeziteti është faktor i njohur rreziku për disa lloje të kancerit.

    Inflamacioni: Konsumi i lartë i sheqerit mund të lidhet me procese inflamatore në organizëm, të cilat mund të ndikojnë në funksionimin e qelizave.

    Fruktoza: Disa studime kanë gjetur lidhje mes konsumit më të lartë të fruktozës dhe kancerit të stomakut, por nevojiten më shumë kërkime për të kuptuar nëse ekziston një lidhje shkakësore.

    Ende nuk dihet me siguri nëse sheqeri e rrit rrezikun për kancer në mënyrë të drejtpërdrejtë apo nëse një pjesë e lidhjes shpjegohet nga pesha trupore dhe faktorë të tjerë të stilit të jetesës.

    A janë lëngjet e frutave më të shëndetshme?

    Jo të gjitha burimet e sheqerit kanë të njëjtin ndikim.

    Frutat e plota nuk janë lidhur me rritjen e rrezikut për kancer në studimet e përmendura. Ndërkaq, në studimin francez, çdo 100 mililitra shtesë lëng frutash 100 për qind natyral në ditë lidhej me një rritje prej 12 për qind të rrezikut të përgjithshëm për kancer.

    Kjo nuk do të thotë se lëngjet e frutave shkaktojnë kancer, por tregon se edhe ato duhen konsumuar me masë.

    Frutat e plota përmbajnë fibra dhe kërkojnë më shumë kohë për t’u ngrënë, ndërsa në një gotë lëng mund të përfundojnë disa fruta, duke bërë që sheqeri i tyre të konsumohet më shpejt.

    Edhe pijet me ëmbëltues artificialë kanë dhënë rezultate të përziera në studime, ndaj nuk mund të thuhet me siguri se ato janë alternativë plotësisht pa rrezik.

    A duhet ta eliminojnë sheqerin personat me kancer?

    Jo. Nuk ka prova të mjaftueshme se eliminimi i sheqerit nga ushqimi përmirëson rezultatet e trajtimit te personat që tashmë kanë kancer.

    Qelizat kancerogjene përdorin glukozën për energji, por këtë e bëjnë edhe qelizat e shëndetshme. Kjo nuk do të thotë se duke mos ngrënë sheqer mund ta “lësh pa ushqim” tumorin.

    Personat që trajtohen për kancer kanë nevojë për ushqim dhe energji të mjaftueshme, ndaj ndryshimet e mëdha në dietë duhet të diskutohen me ekipin mjekësor.

    Çka rekomandojnë ekspertët?

    Për të ulur rreziqet që lidhen me ushqyerjen, ekspertët këshillojnë të zëvendësohen pijet e gazuara dhe pijet e tjera me sheqer me ujë sa më shpesh, të kufizohet konsumimi i lëngjeve të frutave dhe të preferohen frutat e plota, të mbahet një peshë e shëndetshme përmes ushqyerjes së ekuilibruar dhe aktivitetit fizik, të mos ndërmerren dieta kufizuese nga frika se sheqeri mund të ushqejë kancerin, veçanërisht gjatë trajtimit.

    Sinjali – aty ku e vërteta flet para lajmit!

    /GazetaSinjali/

    The post Studimi zbulon lidhjen mes pijeve me sheqer dhe kancerit të stomakut – çfarë duhet të dini appeared first on Sinjali.

    Burimi: Sinjali

  • Avokati Berisha: Paraburgimi prej 30 ditësh ndaj Gani Gecit, i panevojshëm

    Avokati Berisha: Paraburgimi prej 30 ditësh ndaj Gani Gecit, i panevojshëm

    Avokati i Gani Gecit, Besnik Berisha, pas përfundimit të seancës gjyqësore, ka deklaruar se gjykata ka aprovuar kërkesën për caktimin e masës së paraburgimit prej 30 ditësh ndaj klientit të tij.

    Ai e ka vlerësuar këtë vendim si të papërshtatshëm dhe absolutisht të panevojshëm.

    “Me vendimin nuk ndodhi asgjë. Gjykata sapo e përfundoi seancën lidhur me Gani Gecin. Gjykata e ka aprovuar kërkesën për masën e paraburgimit dhe është caktuar masa e paraburgimit prej 30 ditësh. Natyrisht, e gjykojmë si vendim të papërshtatshëm, absolutisht të panevojshëm”, ka thënë Berisha./EO

    Burimi: Dukagjini

  • Çka thotë dosja e Prokurorisë në rastin e Gani Gecit me Lirim Mehmetajn?

    Çka thotë dosja e Prokurorisë në rastin e Gani Gecit me Lirim Mehmetajn?

    Çka thotë dosja e Prokurorisë në rastin e Gani Gecit me Lirim Mehmetajn?

    Gjykata Themelore e Prishtinë ia ka caktuar 30 ditë paraburgim ish-deputetit Gani Geci, i cili dyshohet për kanosjen e gazetarit Lirim Mehmetaj.

    Kjo është konfirmuar për Klankosova.tv nga zëdhënësja e Gjykatës Themelore të Prishtinës, Mirlinda Gashi.

    Në ndërkohë, Klan Kosova ka siguruar edhe kërkesën e plotë për caktimin e masës së sigurisë ndaj Gecit, e cila u aprovua nga Gjykata.

    Çka thotë dosja e Prokurorisë?

    Më 12.10.2026, në Stacionin Policor Qendra në Prishtinë, i dëmtuari Lirim Mehmetaj ka raportuar se më 11.10.2026, rreth orës 19:27, në zyrat e portalit “VOX Kosova”, në Prishtinë, ishte kanosur nga i pandehuri Gani Geci, pas një mosmarrëveshjeje lidhur me një postim të publikuar në Facebook për deputetin Fatos Geci.

    Sipas deklaratës së të dëmtuarit, gjatë takimit, pasi ai kishte refuzuar ta largonte ose ndryshonte postimin, i pandehuri Gani Geci i është drejtuar me fjalët: “Nëse nuk e hek postimin ose nuk e ndryshon, kena me u vra”, si dhe: “Pash një Zot, mos na merr në qafë, ndërro postimin se na duhet meu vra”, me ç’rast thuhet se te i dëmtuari ka shkaktuar frikë dhe ndjenjë pasigurie për jetën dhe sigurinë e tij.

    Ndërsa më datë 12.10.2016, derisa i dëmtuari ishte në emisionin “Debat Plus”, në cilësinë e panelistit, i dyshuari Gani Geci kishte shkuar në afërsi të TV Dukagjinit, ku edhe kishte postuar video në rrjetin social Tik-Tok për t’i bërë me dije të dëmtuari se ndodhej aty dhe e kishte pritur për rreth dy orë që nga studio të dilte tani i dëmtuari.

    Prokuroria tha se dyshimi i bazuar mbështetet në deklaratën e të dëmtuarit, mesazhet e shkëmbyera përmes Facebook Messenger, deklarimin e të pandehurit, si dhe publikimet e tij në rrjetet sociale pas ngjarjes.

    “Këto prova, të vlerësuara në ndërlidhje me njëra-tjetrën, krijojnë dyshim të bazuar se i pandehuri, në kontekstin e presionit për ndryshimin e postimit, ka përdorur shprehjet e raportuara nga i dëmtuari. Verifikimi i mëtejshëm i rrethanave dhe vlerësimi përfundimtar i besueshmërisë së deklarimeve i takojnë procedurës penale”, thuhet në dosjen e Prokurorisë, të siguruar nga Klan Kosova.

    Në rastin konkret, Prokuroria vlerëson se ekziston dyshim i bazuar se “i pandehuri Gani Geci ka kryer veprën penale ‘Kanosja’, nga neni 181 i Kodit Penal të Republikës së Kosovës”.

    “Ky dyshim mbështetet në deklaratën e të dëmtuarit Lirim Mehmetaj, komunikimet e zhvilluara paraprakisht përmes aplikacionit Facebook Messenger, rrethanat e takimit të datës 11.10.2026, rreth orës 19:27, në zyrat e portalit ‘VOX Kosova’, pastaj shkuarja e të dyshuarit te objekti i TV Dukagjinit dhe pritja e të njëjtit derisa i dëmtuari të përfundonte emisionin ku ishte i ftuar si panelist, pastaj video incizimi në CD i cili i është bashkangjitur shkresave të lëndës si dhe në deklarimin e vetë të pandehurit, i cili e pranon takimin, konfirmon pritjen e të dëmtarit që e ka bërë te TV Dukagjini gjatë transmetimit të emisionin në ketë medium, e që vërtetojnë dyshimin e bazuar se i njëjti ka kryer veprën penale e cila i vihet në barrë”, ka thënë Prokuroria në kërkesën e saj për caktimin e masës së paraburgimit ndaj të dyshuarit Gani Geci.

    Në këtë fazë të procedurës, Prokuroria thotë se nuk kërkohet që fajësia e të pandehurit të jetë provuar përtej dyshimit të bazuar, por që të ekzistojë bazë faktike konkrete dhe e arsyeshme për dyshimin se ai e ka kryer veprën penale.

    Prokuroria vlerëson se “deklarata e të dëmtuarit, e shqyrtuar në ndërlidhje me komunikimet elektronike, fotot, dokumentacioni i SMS të komunikimit dhe rrethanat e pranuara të takimit, përmbush këtë standard procedural, pa paragjykuar vlerësimin përfundimtar të provave dhe fajësinë e të pandehurit”.

    Në kërkesë po ashtu potencohen edhe disa rreziqe si: Rreziku i arratisjes, rreziku i fshehjes ose falsifikimit të provave si dhe rreziku i përsëritjes së veprës.

  • Shakaja që doli jashtë kontrollit: Rusia ndëshkon qytetarët që krijuan arinj me IA

    Shakaja që doli jashtë kontrollit: Rusia ndëshkon qytetarët që krijuan arinj me IA

    Shakaja që doli jashtë kontrollit: Rusia ndëshkon qytetarët që krijuan arinj me IA

    Një grua në Lindjen e Largët të Rusisë u gjobit këtë javë pasi një imazh ariu i krijuar me inteligjencë artificiale (IA) – i bërë për të bërë shaka me një mikeshë – u përhap me shpejtësi dhe shkaktoi një operacion kërkimi real, njoftuan gjykatat rajonale.

    “Shakaja doli shpejt jashtë kontrollit. Fotografia e ariut u përhap përmes aplikacioneve të mesazheve dhe policia filloi të merrte telefonata të alarmuara nga banorët”, thuhet në deklaratën e shërbimit për shtyp të gjykatave të rajonit të Amurit, në vendbanimin Magdagachi, raporton Reuters.

    Gruaja telefonoi policinë dhe pranoi se e kishte krijuar imazhin. Një gjykatë urdhëroi këtë javë që ajo të paguante një gjobë prej 15,000 rublash (178 dollarë), u tha në njoftim.

    Në mesin e shtatorit, një grua tjetër në rajonin lindor të Transbajkalit u gjobit me 30,000 rubla (rreth 360 dollarë) për postimin e një imazhi të rremë të një ariu në një fshat, raportoi agjencia ruse e lajmeve ligjore RAPSI, sipas Reuters.

  • Reagon avokati i Mehmetajt: Kërkojmë hetim të plotë dhe mbrojtje efektive të gazetarit

    Reagon avokati i Mehmetajt: Kërkojmë hetim të plotë dhe mbrojtje efektive të gazetarit

    Reagon avokati i Mehmetajt: Kërkojmë hetim të plotë dhe mbrojtje efektive të gazetarit

    Pas përfundimit të seancës dëgjimore ndaj ish-deputetit, Gani Geci, të cilit i është caktuar masa e paraburgimit prej 30 ditësh, nën dyshimet se ka kanosur gazetarin Lirim Mehmetaj, ka reaguar avokati i këtij të fundit, Labinot Vata.

    Avokati Vata ka kërkuar hetim të plotë të rastit dhe mbrojtje efektive të gazetarit Mehmetaj, duke e cilësuar kanosjen për të imponuar largimin e një publikimi, si të kundërligjshme.

    “Si avokat i gazetarit Lirim Mehmetaj, e vlerësoj caktimin e paraburgimit, pas kërkesës së Prokurorisë, si një hap të rëndësishëm për mbrojtjen e sigurisë së tij dhe zhvillimin e papenguar të procedurës. Fakti se Gani Geci ka kërkuar heqjen e një postimi të gazetarit, duke e shoqëruar kërkesën me kanosjen “nëse s’e heq postimin, kemi me u vra”, janë serioze. Kanosja për të imponuar largimin e një publikimi në kuadër të punës gazetareske është e kundërligjshme dhe cenon lirinë e shprehjes dhe ushtrimin e profesionit. Çdo pretendim ndaj një publikimi duhet të ndiqet përmes mjeteve ligjore. Kërkojmë hetim të plotë dhe mbrojtje efektive të gazetarit. Asnjë gazetar nuk duhet ta ushtrojë profesionin nën kërcënim.” – ka thënë ai.

    Rasti ka nisur para dyd ditësh, kur Mehmetaj ishte i ftuar në emisionin “Debat Plus” dhe tha se pas publikimit të një postimi lidhur me deputetin e Lëvizjes Vetëvendosje, Fatos Geci, nga kjo familje i kanë kërkuar ta fshijë postimin ose ta ndryshojë përmbajtjen.

    Mehmetaj ka thënë se pas refuzimit për ta larguar postimin, ka lajmëruar rastin në Polici për kanosje.

  • Rama paralajmëron padi për shpifje ndaj deputetit të VV-së

    Rama paralajmëron padi për shpifje ndaj deputetit të VV-së

    Rama paralajmëron padi për shpifje ndaj deputetit të VV-së

    Kryetari i Prishtinës, Përparim Rama, i ka kërkuar deputetit të Lëvizjes Vetëvendosje, Egzon Azemi, që t’i tërheqë akuzat që i cilëson të pabazuara për kryerje të veprave penale, t’i përgënjeshtrojë publikisht dhe të kërkojë falje.

    Përmes një reagimi publik, Rama ka paralajmëruar se, nëse Azemi nuk i përmbush këto kërkesa brenda shtatë ditëve, do të ushtrojë padi civile për shpifje dhe kompensim të dëmit jomaterial.

    Kreu i Prishtinës, ka kritikuar deklaratat e deputetit, duke thënë se asnjë parti politike nuk mund të marrë rolin e prokurorisë apo të gjykatave në Republikën e Kosovës.

    “Drejtësia nuk ndahet në zyrat e partive politike. Fajësia nuk përcaktohet me statuse në Facebook dhe askush nuk shpallet fajtor sipas dëshirave të pushtetit!”, ka shkruar Rama.

    Ai ka theksuar se nuk i frikësohet asnjë hetimi apo procesi ligjor, por ka kundërshtuar atë që e cilëson si propagandë, shpifje dhe linçim publik për qëllime politike.

    “Drejtësia nuk është pronë e Vetëvendosjes. Mandati i deputetit nuk është licencë për të shpifur, përkundrazi!”, ka përfunduar Rama reagimin e tij.

  • LEX | “Paraburgim për shkak të emrit, jo kushteve ligjore” – Besnik R. Berisha paralajmëron ankesë në Apel

    LEX | “Paraburgim për shkak të emrit, jo kushteve ligjore” – Besnik R. Berisha paralajmëron ankesë në Apel

    LEX | “Paraburgim për shkak të emrit, jo kushteve ligjore” – Besnik R. Berisha paralajmëron ankesë në Apel

    Avokati Besnik R. Berisha ka reaguar pas vendimit të Gjykatës Themelore në Prishtinë, e cila i ka caktuar masën e paraburgimit prej një muaji Gani Gecit, të dyshuar për kanosje ndaj gazetarit Lirim Mehmetaj.

    Pas përfundimit të seancës dëgjimore, e cila zgjati gati dy orë, Berisha e ka cilësuar vendimin si absolutisht të padrejtë, të panevojshëm dhe në kundërshtim me praktikën gjyqësore.

    “Vendim absolutisht i padrejtë, i panevojshëm dhe në kundërshtim me çdo praktikë gjyqësore. Jemi të bindur se masa e paraburgimit është caktuar për shkak të emrit të përveçëm dhe jo për shkak të kushteve ligjore. Besojmë fuqishëm që ky vendim do të korrigjohet në instancën e Apelit”, ka deklaruar Berisha.

    Sipas tij, caktimi i paraburgimit ndaj Gecit nuk ka qenë i nevojshëm dhe nuk mbështetet në kushtet ligjore për shqiptimin e kësaj mase.

    Avokati ka theksuar se klienti i tij e respekton lirinë e shprehjes, duke pretenduar se deklaratat e tij janë keqinterpretuar dhe se është krijuar një perceptim i gabuar për qëllimin e kërkesës së Gecit.

    “Nuk ka asnjë dilemë që Gani Geci e respekton fjalën e lirë. Ai ka kërkuar që të mos i linçohet familja duke e lidhur me Serbinë dhe të mos pretendohet se familjarët e tij kanë lidhje apo çfarëdo forme asociimi me Serbinë”, ka thënë Berisha.

    Ai ka ngritur pretendime edhe për mënyrën se si Prokuroria e kishte paraqitur deklaratën e Gecit, duke përmendur shprehjen “Largoje atë postim se kemi me u vra”.

    Sipas Berishës, Prokuroria fillimisht e kishte përfshirë këtë formulim, por më pas e kishte larguar gjatë seancës dëgjimore.

    Mbrojtja pretendon se Geci kishte kërkuar largimin e postimit për shkak të përmbajtjes që, sipas tij, e lidhte familjen e tij me Serbinë dhe jo me qëllim të kanosjes së gazetarit.

    Berisha ka rikujtuar gjithashtu ngjarjen e 12 tetorit 2001, duke deklaruar se Geci kishte qenë viktimë e një sulmi ku kishin mbetur të vrarë miq të tij, përfshirë edhe një gazetar.

    Në fund, avokati ka paralajmëruar kundërshtimin e vendimit në Gjykatën e Apelit, duke shprehur bindjen se masa e paraburgimit do të ndryshohet nga instanca më e lartë gjyqësore.

    Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

    Sinjali – aty ku e vërteta flet para lajmit!

    /GazetaSinjali/

    The post LEX | “Paraburgim për shkak të emrit, jo kushteve ligjore” – Besnik R. Berisha paralajmëron ankesë në Apel appeared first on Sinjali.

    Burimi: Sinjali

  • Kurti takon drejtuesit e NATO-s dhe KFOR-it, diskutohet për sigurinë në Kosovë

    Kurti takon drejtuesit e NATO-s dhe KFOR-it, diskutohet për sigurinë në Kosovë

    Sipas njoftimit të Zyrës së Kryeministrit, gjatë takimit është diskutuar për situatën e sigurisë në vend dhe rajon, zhvillimet aktuale, si dhe bashkëpunimin e bashkërendimin ndërmjet institucioneve të Kosovës dhe NATO-s.

    “Kryeministri Kurti shprehu falënderime dhe mirënjohje për kontributin e Aleancës së Atlantikut të Veriut, anëtare e së cilës synojmë të bëhemi, për paqen e qëndrueshme dhe stabilitetin afatgjatë në Kosovë dhe mbarë Ballkanin Perëndimor”, thuhet në njoftim.

    Po ashtu, Kurti shprehu mirënjohje për përkushtimin e NATO-s për një mjedis të qetë e të sigurt për të gjithë qytetarët dhe të gjitha komunitetet. 

    Burimi: RTKLive

  • Flakë dhe tym në Tiranë, protestuesit vandalizojnë kryeqytetin

    Flakë dhe tym në Tiranë, protestuesit vandalizojnë kryeqytetin

    Tirana është përfshirë nga tensionet gjatë ditës së dytë të protestës studentore, ku protestuesit kanë hedhur gurë, fishekzjarrë dhe koktej molotov drejt institucioneve shtetërore, ndërsa janë shkaktuar dëme edhe në hapësira publike, biznese dhe objekte private në qendër të kryeqytetit shqiptar.

    Protestuesit kanë marshuar drejt Kuvendit, ndërsa gjatë protestës janë dëgjuar edhe thirrje për djegien e objekteve.

    Sipas raportimeve, flakët kanë përfshirë stola, kosha mbeturinash dhe pemë, ndërsa dëme janë shkaktuar edhe në banka dhe biznese.

    Ndër institucionet drejt të cilave janë hedhur mjete piroteknike dhe koktej molotov janë Ministria e Arsimit, Kuvendi dhe Kryeministria.

    Ndërkohë, studentë nga Universiteti i Mjekësisë, Universiteti Bujqësor i Tiranës (UBT), Universiteti Politeknik, Fakulteti i Drejtësisë dhe institucione të tjera universitare janë mbledhur para Ministrisë së Arsimit.

    Aty kanë nisur hedhjet e mjeteve piroteknike drejt godinës, ndërsa para saj është pozicionuar edhe policia.

    Tensione janë regjistruar edhe në Fakultetin e Shkencave të Natyrës, ku disa protestues kanë thyer derën kryesore dhe janë futur brenda ambienteve të fakultetit.

    Burimi: Dukagjini