Category: Lajme

  • Më 17 nëntor shpallet aktgjykimi për rastin e dytë të Thaçit në Hagë

    Më 17 nëntor shpallet aktgjykimi për rastin e dytë të Thaçit në Hagë

    Më 17 nëntor shpallet aktgjykimi për rastin e dytë të Thaçit në Hagë

    Gjykata Speciale në Hagë ka caktuar 17 nëntorin 2026, në orën 10:00, për shpalljen e aktgjykimit në rastin kundër ish-presidentit të Kosovës, Hashim Thaçi, dhe katër të tjerëve, të akuzuar për vepra kundër administrimit të drejtësisë.

    Përveç Thaçit, në këtë çështje gjyqësore të akuzuar janë edhe Bashkim Smakaj, Isni Kilaj, Fadil Fazliu dhe Hajredin Kuçi.

    Sipas njoftimit të Gjykatës Speciale, vendimi për caktimin e datës së shpalljes së aktgjykimit është marrë më 12 tetor 2026 nga gjykatësi i vetëm i çështjes, Christopher Gosnell.

    Njoftimin e publikuar nga Specialja mund ta gjeni KËTU.

  • Qesharake: Ligjin për Specialen që e votuan me pahir nën trysninë e protestave, Kërçeli premton ta ribëjnë “edhe më të mirë” po u rrëzua

    Më 6 tetor, Vetëvendosje, ndonëse gjatë leximit të parë trumbetoi përkrahje të pakushtëzuar, dëshmoi se nuk ia dha votën ligjit për Specialen nga dëshira apo vullneti institucional. Për ditë të tëra ligjin e bërë gati, shumica e udhëhequr nga kryeministri Albin Kurtit kalkuloi, hezitoi dhe u përpoq me çdo manovër procedurale t’i shmangej projektligjit për pazare politike – tashmë të shndërruar në ligj – të Partisë Demokratike të Kosovës.

    Tash, Lëvizja Vetëvendosje po premton një ligj të ri për Dhomat e Specializuara nëse rrëzohet aktuali, duke garantuar se versioni i ardhshëm nuk do të mund të rrëzohet nga Gjykata Kushtetuese.

    Ky zotim, i artikuluar nga deputeti Ilir Kërçeli, vjen vetëm pak ditë pasi partia në pushtet miratoi me hezitim dhe pas përllogaritjeve të zgjatura politike nismën ligjore të propozuar nga PDK-ja.

    I ftuar në emisionin “Frontal” në T7, Kërçeli komentoi mundësinë e shfuqizimit të ndryshimeve të fundit ligjore, duke deklaruar se shumica parlamentare është e gatshme ta rikthejë nismën në Kuvend në rast se ajo nuk e kalon shqyrtimin kushtetues.

    “Duhet të presim dhe të shohim se cilat do të jenë veprimet. Urojmë shumë që të mos rrëzohet, po edhe nëse rrëzohet, Vetëvendosje ka paralajmëruar vazhdimisht, mirëpo edhe jemi zotuar bashkërisht se përsëri do të punojmë në një ligj të ri, i cili nuk do të mund të refuzohet nga Gjykata Kushtetuese”, u shpreh Kërçeli.Reklamë

    Por, pikërisht nisma ligjore për rrëzimin e mundshëm të së cilës shqetësohet tani Kërçeli, kishte hasur në rezistencë procedurale nga shumica parlamentare kur u propozua nga Partia Demokratike e Kosovës.

    Më 5 tetor, ndonëse Kuvendi e miratoi në parim në lexim të parë, grupi parlamentar i Vetëvendosjes refuzoi ta përmbyllte procesin po atë ditë, duke e ndërlidhur ecurinë e tij me sigurimin e votave për postin e presidentit. Kryetarja e Kuvendit, Albulena Haxhiu, kundërshtoi kërkesën e PDK-së për shqyrtim të menjëhershëm në lexim të dytë.

    Ky hezitim nxiti tensione jashtë Kuvendit. Jashtë Kuvendit, protestuesit prej javësh kërkonin miratimin e ligjit, ndërsa largimi i deputetëve të pushtetit pa votimin përfundimtar çoi në përshkallëzimin e pakënaqësisë qytetare.

    Nën trysninë e këtyre zhvillimeve, Vetëvendosje ndryshoi qëndrim brenda pak orësh. Të nesërmen, më 6 tetor, ndryshimet ligjore u miratuan me 88 vota për, asnjë kundër dhe asnjë abstenim. Menjëherë pas këtij votimi, Kuvendi vazhdoi me procedurën për zgjedhjen e presidentit, duke zgjedhur Justina Shiroka Pulën në krye të shtetit.

    Ndryshimet e miratuara parashohin, ndër të tjera, kufizimin e dënimit maksimal në 15 vjet burgim, mundësinë e ankesës në Gjykatën Supreme të Kosovës dhe vuajtjen e dënimeve në Kosovë.

    Miratimi i ligjit solli menjëherë reagimin e Bashkimit Evropian: më 8 tetor, BE-ja theksoi përmes një qëndrimi zyrtar se ndryshimet bien ndesh me detyrimet ndërkombëtare të Kosovës dhe kërkoi respektimin e mandatit të Dhomave të Specializuara

    The post Qesharake: Ligjin për Specialen që e votuan me pahir nën trysninë e protestave, Kërçeli premton ta ribëjnë “edhe më të mirë” po u rrëzua appeared first on Sinjali.

    Burimi: Sinjali

  • Haga cakton datën e aktgjykimit për Thaçin, Smakajn, Kilajn, Fazliun dhe Kuçin

    Haga cakton datën e aktgjykimit për Thaçin, Smakajn, Kilajn, Fazliun dhe Kuçin

    Dhomat e Specializuara të Kosovës në Hagë kanë caktuar 17 nëntorin, në orën 10:00, për shpalljen e aktgjykimit në çështjen gjyqësore ndaj Hashim Thaçit, Bashkim Smakajt, Isni Kilajt, Fadil Fazliut dhe Hajredin Kuçit.

    Pesë të akuzuarit përballen me akuza për pengim të drejtësisë dhe mosbindje ndaj gjykatës, ndërsa ndaj Thaçit rëndojnë edhe akuza për shkelje të fshehtësisë së procedurës.

    Sipas aktakuzës së konfirmuar më 29 nëntor 2024 dhe të bërë publike më 6 dhjetor të po atij viti, Prokuroria pretendon se, gjatë periudhës nga 12 prilli deri më 2 nëntor 2023, Thaçi u ka dhënë informacione konfidenciale për dëshmitarët e Prokurorisë Bashkim Smakajt, Isni Kilajt dhe Fadil Fazliut, gjatë vizitave në objektin e paraburgimit.

    Aktakuza pretendon gjithashtu se Thaçi, së bashku me të akuzuarit dhe persona të tjerë, ka tentuar të ndikojë në dëshmitë e disa dëshmitarëve, me qëllim pengimin e zyrtarëve të DHSK-së në kryerjen e detyrave të tyre zyrtare.

    Sa i përket Hajredin Kuçit, Prokuroria pretendon se Thaçi ishte marrë vesh me të që të kontaktonte dëshmitarë të Prokurorisë në procesin gjyqësor për krime lufte ndaj Thaçit dhe të tjerëve, në kundërshtim me një urdhër të gjykatës. Sipas aktakuzës, Kuçi ka kontaktuar edhe një dëshmitar tjetër me iniciativën e tij.

    Në bazë të aktakuzës, Thaçi përballet me tri akuza për tentativë të pengimit të personave zyrtarë në kryerjen e detyrave zyrtare, katër akuza për shkelje të fshehtësisë së procedurës dhe katër akuza për mosbindje ndaj gjykatës.

    Bashkim Smakaj, Isni Kilaj dhe Fadil Fazliu akuzohen secili për nga një vepër të tentativës së pengimit të personave zyrtarë në kryerjen e detyrave zyrtare dhe nga një vepër të mosbindjes ndaj gjykatës. Ndërkaq, ndaj Hajredin Kuçit janë ngritur dy akuza për mosbindje ndaj gjykatës.

    Gjykimi nisi më 27 shkurt 2026, ndërsa paraqitja e provave përfundoi më 5 gusht. Gjykatësi i Vetëm për Gjykimin e Çështjes e shpalli çështjen të mbyllur më 14 shtator, pas paraqitjes së deklaratave përmbyllëse.

    Isni Kilaj u lirua me kusht më 3 dhjetor 2025, ndërsa Bashkim Smakaj dhe Fadil Fazliu u liruan me kusht më 3 shkurt 2026.

    Burimi: Dukagjini

  • Voziti 164 km/h në zonën 60, kapet sërish të nesërmen pavarësisht ndalesës për vozitje, Policia ia sekuestron veturën

    Voziti 164 km/h në zonën 60, kapet sërish të nesërmen pavarësisht ndalesës për vozitje, Policia ia sekuestron veturën

    Voziti 164 km/h në zonën 60, kapet sërish të nesërmen pavarësisht ndalesës për vozitje, Policia ia sekuestron veturën

    Policia e Kosovës ka shqiptuar gjoba të rënda ndaj një kundërvajtësi që është kapur dy ditë radhazi duke tejkaluar dukshëm kufizimin e shpejtësisë në rrugën Prishtinë–Pejë, në fshatin Qyshk.

    Sipas njoftimit të Drejtorisë Rajonale të Policisë në Pejë, më 10 tetor 2026, shoferi është kapur duke vozitur me 164 km/h në zonën ku kufizimi i shpejtësisë është 60 km/h. Matja është bërë me radar laser, ndërsa atij i është shqiptuar gjobë prej 500 eurosh, pesë pikë negative dhe masë mbrojtëse prej gjashtë muajsh.

    Të nesërmen, më 11 tetor, i njëjti kundërvajtës është kapur sërish në të njëjtin lokacion, këtë herë duke vozitur me 140 km/h, po ashtu në zonën e kufizuar në 60 km/h.

    Policia ka bërë të ditur se shoferi kishte ndalesë për drejtimin e automjetit deri më 18 nëntor 2026. Për shkeljen e dytë, atij i është shqiptuar sërish gjobë prej 500 eurosh, pesë pikë negative dhe masë mbrojtëse prej gjashtë muajsh, si dhe i është sekuestruar automjeti.

    Drejtoria Rajonale e Policisë në Pejë ka njoftuar se do të vazhdojë aktivitetet në terren për parandalimin e aksidenteve, duke theksuar se do të ketë zero tolerancë ndaj kundërvajtësve në komunikacion.

    Sinjali – aty ku e vërteta flet para lajmit!

    /GazetaSinjali/

    The post Voziti 164 km/h në zonën 60, kapet sërish të nesërmen pavarësisht ndalesës për vozitje, Policia ia sekuestron veturën appeared first on Sinjali.

    Burimi: Sinjali

  • Presidentja kërkon rikthimin e Dialogut Strategjik me SHBA-në

    Presidentja kërkon rikthimin e Dialogut Strategjik me SHBA-në

    Sipas njoftimit nga Presidenca, në takim, presidentja ka theksuar se Republika e Kosovës e çmon lart mbështetjen bipartizane e të vazhdueshme të Shteteve të Bashkuara të Amerikës, aleates strategjike dhe partneres së pazëvendësueshme.

    Në këtë kontekst, Presidentja ka potencuar nevojën e rikthimit të menjëhershëm të Dialogut Strategjik si instrument thelbësor për thellimin e partneritetit strategjik dhe për avancimin e prioriteteve të përbashkëta.

    Presidentja ka nënvizuar se synim parësor i Republikës së Kosovës mbetet anëtarësimi në NATO.

    “Mbështetja e Shteteve të Bashkuara është kyçe në këtë rrugëtim. Anëtarësimi i Kosovës në NATO do të thotë më shumë siguri dhe stabilitet jo vetëm për vendin tonë, por për të gjithë rajonin”, ka deklaruar presidentja Shiroka Pula.

    Ajo e ka falënderuar senatoren Shaheen për angazhimin dhe kontributin e vazhdueshëm ndaj Kosovës. Në veçanti, është vlerësuar qëndrimi i saj në mbështetje të vazhdimit të pranisë ushtarake amerikane në kuadër të KFOR-it. Letra e dërguar Sekretarit të Shtetit, Marco Rubio, është cilësuar si iniciativë shumë domethënëse, duke theksuar se kjo prani ka rëndësi të jashtëzakonshme strategjike për sigurinë e Kosovës dhe parandalimin e tensioneve në rajon.

    Presidentja ka rikujtuar edhe reagimin e vendosur të senatores Shaheen pas agresionit të 24 shtatorit 2023 të Serbisë në Banjskë, ku mbeti i vrarë rreshteri Afrim Bunjaku, si dhe thirrjen e saj për përgjegjësi ndaj autorëve.

    Në shenjë falënderimi, presidentja Shiroka Pula i ka ndarë senatores Jeanne Shaheen Medaljen Presidenciale të Meritave, për mbështetjen e vazhdueshme ndaj Republikës së Kosovës dhe kontributin në forcimin e sigurisë, ruajtjen e paqes dhe promovimin e stabilitetit në rajon.

    Ndryshe, kjo është dekorata e parë e akorduar nga Presidentja Shiroka Pula që nga marrja e mandatit.

    Burimi: RTKLive

  • Agjentët federalë bastisin shtëpinë e kongresmenes Ilhan Omar, kritike e Trumpit

    Agjentët federalë bastisin shtëpinë e kongresmenes Ilhan Omar, kritike e Trumpit

    Agjentët federalë amerikanë kanë kontrolluar të hënën banesën e kongresmenes demokrate Ilhan Omar në Washington, në kuadër të një hetimi federal në vazhdim, ka konfirmuar Departamenti i Drejtësisë i SHBA-së.

    Zyrtarë të Homeland Security Investigations (HSI), njësisë hetimore të autoriteteve amerikane të imigracionit, janë parë në orët e hershme të mëngjesit jashtë banesës së Omarit.

    Një zëdhënës i Departamentit të Drejtësisë i ka thënë agjencisë Reuters se autoritetet kanë ekzekutuar një urdhër kontrolli të autorizuar nga gjykata, të siguruar nga ky departament.

    “Ky veprim i zbatimit të ligjit është pjesë e një hetimi federal në vazhdim”, thuhet në deklaratën e Departamentit të Drejtësisë.

    Omar, e cila përfaqëson një distrikt në Minesota dhe është një nga kritiket e zëshme të presidentit amerikan, Donald Trump, ka reaguar duke thënë se nuk do të heshtë përballë këtij veprimi.

    Ajo e ka cilësuar kontrollin si përshkallëzimin e fundit të asaj që e përshkruan si fushatë frikësimi ndaj saj nga presidenti Trump.

    Ndërkaq, udhëheqësit demokratë në Dhomën e Përfaqësuesve e kanë dënuar operacionin, duke e cilësuar atë si “shpërdorim të pushtetit” nga administrata Trump.

    Sipas raportimeve të mediave amerikane, kontrolli lidhet me një hetim penal për mashtrim, që ka të bëjë me dokumentet e imigracionit të dorëzuara në emër të Omarit nga babai i saj i ndjerë, kur ajo ishte fëmijë.

    Megjithatë, deri më tani nuk janë bërë të ditura akuza ndaj kongresmenes në lidhje me kontrollin e së hënës.

    Omar, e cila erdhi në Shtetet e Bashkuara nga Somalia kur ishte fëmijë, u zgjodh për herë të parë në Kongres në vitin 2018. Ajo është pjesë e grupit të ligjvënësve demokratë të njohur si “The Squad”, të cilët kanë qenë ndër kundërshtarët më të zëshëm të Trumpit.

    Kontrolli vjen rreth tri javë para zgjedhjeve të mesmandatit në SHBA, në të cilat republikanët e Trumpit synojnë të mbrojnë shumicat e tyre të ngushta në Kongres

    Burimi: Dukagjini

  • Çitaku: Po të kishte drejtësi, Thaçi, Veseli, Krasniqi e Selimi sot do të ishin në shtëpi (VIDEO)

    Çitaku: Po të kishte drejtësi, Thaçi, Veseli, Krasniqi e Selimi sot do të ishin në shtëpi (VIDEO)

    Çitaku: Po të kishte drejtësi, Thaçi, Veseli, Krasniqi e Selimi sot do të ishin në shtëpi (VIDEO)

    Sekretarja e PDK-së Vlora Çitaku, ka folur sërish për aktgjykimin dënues ndaj ish-krerëve të UÇK-së, Hashim Thaçi, Kadri Veseli, Jakup Krasniqi dhe Jakup Krasniqi.

    Ajo në DPT te Fidani deklaroi se po të kishte drejtësi, ish-krerët e UÇK-së sot do të ishin në shtëpi.

    “Fatkeqësisht, ky ka qenë një proces i deformuar në thelb. Është zhvilluar pa asnjë lloj mbikëqyrje. Ne nuk e kemi dëgjuar Bashkimin Evropian të deklarohet për procesin, deri tani. Kur reaguam ne si shtet, jo si parti politike. Pa asnjë lloj, një monstrum juridik”, tha Çitaku.

    Çitaku theksoi se kjo gjykatë u themelua nga vet Kosova si rezultat i një letër-këmbimi me BE-në.

    “Ne jemi vetëm të interesuar që ta kthejmë procesin në binarë të drejtë”, shtoi sekretarja e PDK-së në Klan Kosova.

    Ajo shtoi se Hashim Thaçi, Kadri Veseli, Jakup Krasniqi dhe Rexhep Selimi, e kanë llogaritë veten të vdekur në ditën që e kanë veshë uniformën e UÇK-së.

  • Gjykata Speciale del me njoftim për datën e shpalljes së aktgjykimit ndaj Thaçit dhe të tjerëve

    Gjykata Speciale në Hagë ka caktuar 17 nëntorin 2026, në orën 10:00, si datë për shpalljen e aktgjykimit në çështjen kundër Hashim Thaçit, Bashkim Smakajt, Isni Kilajt, Fadil Fazliut dhe Hajredin Kuçit.

    Pesë të akuzuarit po gjykohen për vepra kundër administrimit të drejtësisë.

    Sipas njoftimit të Gjykatës Speciale, vendimi për caktimin e datës është marrë më 12 tetor 2026 nga gjykatësi i vetëm i çështjes, Christopher Gosnell.

    “Gjykatësi i Vetëm për gjykimin e çështjes, gjykatësi Gosnell, caktoi datën për seancën e shqiptimit të Aktgjykimit në çështjen kundër Thaçit, Smakajt, Kilajt, Fazliut dhe Kuçit, e cila do të mbahet të martën, më 17 nëntor 2026, në orën 10:00”, thuhet në njoftimin e Gjykatës Speciale.

    Sinjali – aty ku e vërteta flet para lajmit!

    /GazetaSinjali/

    The post Gjykata Speciale del me njoftim për datën e shpalljes së aktgjykimit ndaj Thaçit dhe të tjerëve appeared first on Sinjali.

    Burimi: Sinjali

  • Shiroka Pula kërkon rikthimin e menjëhershëm të Dialogut Strategjik në takimin me senatorët amerikanë

    Shiroka Pula kërkon rikthimin e menjëhershëm të Dialogut Strategjik në takimin me senatorët amerikanë

    Shiroka Pula kërkon rikthimin e menjëhershëm të Dialogut Strategjik në takimin me senatorët amerikanë

    Presidentja e Kosovës, Justina Shiroka Pula, ka pritur sot në takim senatorët amerikanë Jeanne Shaheen dhe Dick Durbin, me të cilët ka diskutuar për partneritetin mes Kosovës dhe Shteteve të Bashkuara të Amerikës.

    Gjatë takimit, presidentja ka shprehur mirënjohjen për mbështetjen e vazhdueshme dhe bipartizane të SHBA-së, duke e cilësuar atë si aleate strategjike dhe partnere të pazëvendësueshme të Kosovës.

    Në këtë kontekst, Shiroka Pula ka theksuar nevojën për rikthimin e menjëhershëm të Dialogut Strategjik, si një instrument të rëndësishëm për thellimin e partneritetit dhe avancimin e prioriteteve të përbashkëta.

    Ajo ka ritheksuar gjithashtu se anëtarësimi i Kosovës në NATO mbetet një nga synimet kryesore të vendit, duke vënë në pah rëndësinë e mbështetjes amerikane në këtë proces.

    “Mbështetja e Shteteve të Bashkuara është kyçe në këtë rrugëtim. Anëtarësimi i Kosovës në NATO do të thotë më shumë siguri dhe stabilitet jo vetëm për vendin tonë, por për të gjithë rajonin”, ka deklaruar presidentja Shiroka Pula.

    Sinjali – aty ku e vërteta flet para lajmit!

    /GazetaSinjali/

    The post Shiroka Pula kërkon rikthimin e menjëhershëm të Dialogut Strategjik në takimin me senatorët amerikanë appeared first on Sinjali.

    Burimi: Sinjali

  • Merz kundërshton marrëveshjen SHBA-Rusi për naftëne: E paimagjinueshme për Evropën

    Kancelari gjerman, Friedrich Merz, ka kundërshtuar marrëveshjen e njoftuar mes Shteteve të Bashkuara dhe Rusisë për furnizimin e tregjeve me naftë dizel ruse, duke e cilësuar një vendim të tillë të paimagjinueshëm për Gjermaninë dhe Evropën.

    Merz ka ritheksuar mbështetjen e Gjermanisë për Ukrainën, duke theksuar se Berlini do të vazhdojë bashkëpunimin me partnerët evropianë për arritjen e një paqeje të drejtë dhe të qëndrueshme, që garanton lirinë e Ukrainës dhe sigurinë e Evropës.

    “Presidenti Zelensky mund të mbështetet te Gjermania dhe Evropa në këtë situatë. Ne qëndrojmë pranë Ukrainës dhe do të vazhdojmë të bashkëpunojmë brenda kornizës së Bashkimit Evropian, me qëllim arritjen e një paqeje të drejtë dhe të qëndrueshme, që do të ruajë si lirinë e Ukrainës, ashtu edhe sigurinë e Evropës”, deklaroi Merz.

    Duke folur për marrëveshjen e raportuar për furnizimin me naftë dizel ruse, kancelari gjerman theksoi se një vendim i tillë është i papranueshëm për Berlinin dhe partnerët e tij evropianë.

    “Rusia do të negociojë seriozisht vetëm nën presion. Kjo është arsyeja pse ne po i mbajmë sanksionet tona kundër Rusisë”, u shpreh ai.

    Merz shtoi se sulmet e vazhdueshme ruse ndaj infrastrukturës energjetike të Ukrainës e bëjnë edhe më të domosdoshme forcimin e mbështetjes për Kievin.

    Sinjali – aty ku e vërteta flet para lajmit!

    /GazetaSinjali/

    The post Merz kundërshton marrëveshjen SHBA-Rusi për naftëne: E paimagjinueshme për Evropën appeared first on Sinjali.

    Burimi: Sinjali