Category: Lajme

  • Agron Bajrami emërohet kryenegociator për dialogun teknik me Serbinë

    Agron Bajrami emërohet kryenegociator për dialogun teknik me Serbinë

    Agron Bajrami emërohet kryenegociator për dialogun teknik me Serbinë

    Qeveria e Kosovës e ka emëruar kryenegociator për dialogun teknik me Serbinë Agron Bajramin, ambasadorin e Kosovës në Belgjikë.

    Vendimi është marrë më 17 shtator dhe është nënshkruar nga kryeministri i Kosovës.

    Në vendim të Qeverisë thuhet se funksioni i Bajramit si kryenegociator përfundon me mbarimin e mandatit të kryeministrit, nëse emërimi i tij nuk ndërpritet më herët.

    Në vendim përcaktohet gjithashtu se Bajrami është i obliguar të bëjë deklarimin e pasurisë, në pajtim me ligjin në fuqi.

    The post Agron Bajrami emërohet kryenegociator për dialogun teknik me Serbinë appeared first on Insajderi.

  • Reagimi i Elijonës pas dasmës së Aurorës dhe Kushtrimit merr vëmendje (VIDEO)

    Reagimi i Elijonës pas dasmës së Aurorës dhe Kushtrimit merr vëmendje (VIDEO)

    Reagimi i Elijonës pas dasmës së Aurorës dhe Kushtrimit merr vëmendje (VIDEO)

    Treshi-përsheshi, Elijona, Klodi dhe Londrim, përfundimisht ka ndarë rrugët.

    Siç diskuton gazetarja Blerina Shoshi, Elijona nuk është duke u marrë më me Klodin dhe Londrimin, derisa shtoi se këta dy të fundit janë parë duke kaluar kohë bashkë, transmeton Klankosova.tv.

    Diçka tjetër që ka marrë vëmendjen është postimi i saj gjatë dasmës së Kushtrimit dhe Aurorës.

    Gazetari Agon Rexhepi tha se është akt i pjekurisë që ajo nuk ka marrë pjesë në një dasmë, duke e zgjedhur qetësinë për veten në rend të parë.

  • Hargreaves: Biznesi dhe investimet, kapitulli i ri Kosovë-Britani

    Hargreaves: Biznesi dhe investimet, kapitulli i ri Kosovë-Britani

    Hargreaves: Biznesi dhe investimet, kapitulli i ri Kosovë-Britani

    Ambasadori britanik në Kosovë, Jonathan Hargreaves, ka uruar Kosovën për zgjedhjen e presidentes së re, duke e cilësuar këtë si një mundësi për një fillim të ri dhe një epokë të re në zhvillimin e vendit.

    Në një fjalim para përfaqësuesve të bizneseve, investitorëve dhe institucioneve, Hargreaves ka thënë se Kosova duhet të lidhet edhe më fuqishëm me fqinjët evropianë dhe institucionet euroatlantike, jo vetëm në aspektin politik dhe të sigurisë, por edhe në atë ekonomik.

    “Dhe më lejoni ta nis, kryeministër, duke e uruar Kosovën për zgjedhjen e presidentes së re. Jo vetëm për faktin se, me sa di unë, kjo është presidentja e tretë ose, sipas disa përllogaritjeve, e katërta grua që ka pasur Kosova. Pra, me sa di unë, ky është një rekord. Dhe kjo është gjithashtu një shembull fantastik për pjesën tjetër të botës. Por kjo është edhe një mundësi e jashtëzakonshme për një fillim të ri, një epokë të re në zhvillimin e Kosovës, të lidhur edhe më vendosmërisht, në aspektin ekonomik, politik dhe të sigurisë, me fqinjët tuaj evropianë dhe me institucionet euroatlantike”, ka deklaruar Hargreaves.

    Ambasadori britanik ka folur edhe për organizimin e takimit, duke thënë se aty janë mbledhur investitorë, drejtues biznesesh, sipërmarrës, përfaqësues të qeverisë dhe miq të Kosovës nga Mbretëria e Bashkuar dhe rajoni.

    Ai ka vlerësuar veçanërisht rolin e diasporës kosovare në Britani, duke theksuar kontributin e saj në të dyja vendet, raporton EO, transmeton Klankosova.tv

    “Kur njerëzit mendojnë për marrëdhëniet mes Mbretërisë së Bashkuar dhe Kosovës, guxoj të them se shpesh mendojnë fillimisht për sigurinë, politikën apo diplomacinë, dhe kjo është e kuptueshme. Sepse ne në Mbretërinë e Bashkuar jemi krenarë që kemi qëndruar përkrah Kosovës në momentet më të rëndësishme të historisë së saj. Dhe shumë kosovarë, përfshirë padyshim shumë prej jush që jeni këtu sot, kanë kujtime familjare për atë mbështetje dhe atë partneritet ndër vite”, ka thënë ai.

    Hargreaves ka theksuar se marrëdhëniet mes dy vendeve nuk duhet të mbështeten vetëm në historinë e përbashkët, por duhet të zhvillohen edhe përmes bashkëpunimit ekonomik.

    “Por, sigurisht, siç e dimë të gjithë, marrëdhëniet e mëdha nuk mund të mbështeten vetëm në histori. Ato vazhdojnë të zhvillohen dhe ushqehen nga e ardhmja. Dhe mendoj se jemi këtu sot sepse besojmë se kapitulli i ardhshëm i marrëdhënieve mes Mbretërisë së Bashkuar dhe Kosovës duhet dhe do të jetë gjithnjë e më shumë i përqendruar te biznesi, investimet, inovacioni dhe prosperiteti i përbashkët për të dy popujt tanë”, është shprehur ambasadori britanik.

    Sipas tij, diaspora kosovare në Mbretërinë e Bashkuar përbën një burim të rëndësishëm për forcimin e lidhjeve ekonomike mes dy vendeve.

    “Diaspora kosovare në Mbretërinë e Bashkuar, e cila shpesh gjendet edhe këtu, përfshirë edhe sot, ka kontribuar dhe vazhdon të kontribuojë jashtëzakonisht shumë për të dyja vendet tona. Shumë prej tyre mbërritën në Mbretërinë e Bashkuar gjatë viteve të vështira dhe ndërtuan biznese, karriera dhe komunitete. Ata dhe fëmijët e tyre janë bërë sipërmarrës, inxhinierë, akademikë, mjekë, artistë, drejtues biznesesh, politikanë, e disa madje janë bërë edhe superyje me famë botërore”, ka deklaruar Hargreaves.

    Ai ka shtuar se pjesëtarë të diasporës po luajnë një rol të rëndësishëm në lidhjen e Kosovës me tregjet globale, duke investuar në Kosovë kohën, ekspertizën dhe kapitalin e tyre.

  • Anëtari i marinës mbretërore britanike akuzohet për spiunazh për një shtet të huaj

    Anëtari i marinës mbretërore britanike akuzohet për spiunazh për një shtet të huaj

    Një pjesëtar në detyrë i Marinës Mbretërore britanike është arrestuar dhe akuzuar për vepra që lidhen me spiunazhin dhe përfitimin e pretenduar të një fuqie të huaj, njoftuan autoritetet britanike.

    Teddy Young, 24 vjeç, nga Bedfordshire, përballet me disa akuza në bazë të National Security Act 2023, përfshirë pretendimin se ka siguruar, kopjuar, regjistruar ose mbajtur informacione të mbrojtura me synimin që veprimet e tij t’i shërbenin një shteti të huaj. Shteti në fjalë nuk është bërë publik.

    Sipas policisë, veprat e dyshuara kanë ndodhur gjatë periudhës nga 26 nëntori 2024 deri më 21 maj 2025. Young akuzohet gjithashtu se ka ndërmarrë veprime në përgatitje për zbulimin e informacionit të mbrojtur, në kundërshtim me nenin 18 të ligjit britanik për sigurinë kombëtare.

    Ai u arrestua në shtëpinë e tij në Bedfordshire të martën, më 6 tetor, pas një hetimi të kryer nga Counter Terrorism Policing London. Shërbimi i Prokurorisë së Kurorës autorizoi ngritjen e akuzave një ditë më vonë.

    Komandantja Helen Flanagan, drejtuesja e njësisë kundër terrorizmit në Londër, i cilësoi akuzat si “shumë serioze”, duke theksuar se ato kanë të bëjnë me një pjesëtar në detyrë të forcave të armatosura, transmeton Telegrafi.

    “Ne kemi punuar ngushtë me kolegët përkatës operacionalë në Ministrinë e Mbrojtjes gjatë hetimit, për të siguruar që të mund të ndërmerreshin masat e duhura për të zbutur çdo rrezik të mundshëm që lidhet me këtë çështje”, tha Flanagan.

    Autoritetet kanë theksuar se arrestimi dhe akuzat ndaj Young nuk kanë lidhje me incidentin e fundit në bazën ajrore RAF Fairford.

    Young është lënë në paraburgim dhe pritet të dalë para gjykatës më 8 tetor.

    Një zëdhënës i Marinës Mbretërore konfirmoi se një pjesëtar i saj është akuzuar, por tha se, për shkak se procedurat ligjore janë në zhvillim, nuk është e përshtatshme të jepen komente të mëtejshme në këtë fazë.

    Në rast të një procesi gjyqësor, akuzat ndaj Young duhet të trajtohen si të paprovuara derisa të vendoset ndryshe nga gjykata. /Telegrafi/

  • Ish-ylli i Tottenhamit sfidon Infantinon për postin e presidentit të FIFA-s

    Ish-ylli i Tottenhamit sfidon Infantinon për postin e presidentit të FIFA-s

    Ish-mbrojtësi i Tottenhamit, Ramon Vega, ka zyrtarizuar kandidaturën e tij për president të FIFA-s, duke sfiduar Gianni Infantinon në zgjedhjet që do të mbahen vitin e ardhshëm.

    Infantino pritet të kandidojë për një mandat të ri në Kongresin e 77-të të FIFA-s, i cili do të zhvillohet në Rabat në mars. Megjithatë, pozita e tij është vënë nën presion pas përpjekjeve për të shitur një pjesë të Kupës së Botës te një grup privat investimesh.

    Plani u anulua përfundimisht pas kundërshtimit të madh nga federatat kombëtare, ndërsa UEFA madje kishte kërcënuar në një moment me bojkotimin e garave të FIFA-s. Ky kërcënim u tërhoq para fillimit të Kupës së Botës për Femra U20 në shtator, por situata tregoi shkallën e kundërshtimit ndaj drejtimit të Infantinos.

    Vega po tenton të kandidojë për herë të parë për postin e presidentit të FIFA-s. Ai kishte njoftuar edhe në tetor të vitit 2015 se do të sfidonte Sepp Blatterin, por në fund hoqi dorë nga kandidatura.

    Ramon Vega

    Këtë herë, 55-vjeçari ka hyrë zyrtarisht në garë me një deklaratë të ashpër ndaj udhëheqjes aktuale të FIFA-s nën drejtimin e Infantinos.

    Vega mund të bëhet presidenti i parë i FIFA-s në histori që ka luajtur më parë futboll profesionist, nëse kandidon dhe fiton zgjedhjet përballë Infantinos.

    Zvicerani, i cili ka zhvilluar 23 ndeshje me Kombëtaren e Zvicrës, e nisi karrierën te Grasshoppers, ku qëndroi për gjashtë vite, përpara se të transferohej te Cagliari në Serie A në vitin 1996.

    Më pas, Vega kaloi pesë vite te Tottenhami, duke bërë 64 paraqitje dhe duke shënuar shtatë gola në të gjitha garat. Ai ishte titullar në finalen e Kupës së Ligës në vitin 1999, ku Spurs triumfuan dhe fituan trofeun që do të ishte i fundit i klubit për një dekadë.

    Në fund të vitit 2000, Vega u transferua në formë huazimi te Celtic, ndërsa pati edhe një periudhë të shkurtër te Watford në First Division.

    Pas pensionimit nga futbolli, Vega iu përkushtua biznesit. Në vitin 2009, ai tentoi gjithashtu të merrte nën kontroll Portsmouthin, atëherë pjesë e Ligës Premier, por përpjekja e tij rezultoi e pasuksesshme./Telegrafi/

  • Dua Lipa dhe Callum Turner më të dashuruar se kurrë, publikohen fotografi duke u puthur në buzë

    Dua Lipa dhe Callum Turner më të dashuruar se kurrë, publikohen fotografi duke u puthur në buzë

    Dua Lipa dhe Callum Turner më të dashuruar se kurrë, publikohen fotografi duke u puthur në buzë

    Dua Lipa dhe Callum Turner dëshmuan se janë ende në fazat e para të martesës, teksa shfaqën hapur dashurinë e tyre gjatë një ndeshjeje të New York Yankees në Yankee Stadium të mërkurën.

    Këngëtarja e “Levitating”, 31 vjeçe, dhe bashkëshorti i saj aktor, 36 vjeç, u martuan në Marylebone Town Hall në Londër në maj, ndërsa në qershor organizuan një festë luksoze disaditore në Itali.

    Dhe çifti i lumtur dukej se po shijonte plotësisht lumturinë martesore, teksa u puthën dhe u përqafuan gjatë ndeshjes së fazës së play-off-it të American League Division Series të MLB-së, mes New York Yankees dhe Tampa Bay Rays.

    Dua tërhoqi vëmendjen me stilin e saj elegant për mbrëmjen e takimit, duke veshur një xhaketë në ngjyrë të kuqe të errët, me print krokodili, ndërsa flokët e saj të zinj i kishte lënë të binin lirshëm mbi supe.

    Ndërkohë, Callum u shfaq më sportiv dhe komod me një triko krem me zinxhir dhe me teksturë ribbed, ndërsa pamjen e kompletoi me një dorë gjigante prej shkume në ngjyrë blu, për të treguar mbështetjen e tij për ekipin e Nju Jorkut.

    Çifti ishte në shoqëri të mirë gjatë ndeshjes, pasi u panë duke biseduar me “Marlins Man”, një përdorues jashtëzakonisht i njohur në X, i cili është i apasionuar pas ekipit të MLB-së, Miami Marlins.

    The post Dua Lipa dhe Callum Turner më të dashuruar se kurrë, publikohen fotografi duke u puthur në buzë appeared first on Insajderi.

  • Trepça njofton për avari, ekipet teknike punojnë në sanimin e dëmeve

    Trepça njofton për avari, ekipet teknike punojnë në sanimin e dëmeve

    Sipas njoftimit të Trepçës, avaria ka ndodhur më 7 tetor rreth orës 19:30, kur në minierë ndodheshin 63 minatorë, të cilët ishin në ndërrimin e dytë.

    Pas ndërprerjes së energjisë, 54 minatorë kanë dalë në sipërfaqe përmes shkallëve emergjente, ndërsa nëntë të tjerë kanë qëndruar në minierë deri në rikthimin e furnizimit me energji.

    Energjia elektrike është rikthyer në minierë në orën 02:30, ndërsa nëntë minatorët e mbetur kanë dalë në sipërfaqe 20 minuta më vonë, në orën 02:50.

    Trepça njoftoi se Njësia e Flotacionit ka mbetur jashtë funksionit për shkak të dëmtimeve të shkaktuara nga avaria në trafon 35 kV.

    Ekipet teknike janë duke punuar në sanimin e dëmeve, përfshirë kontrollimin dhe zëvendësimin e pesë siguresave mbrojtëse 6.3 kV dhe elementeve të tjera të instalimit elektrik.

    Sipas Trepçës, procesi i sanimit është vështirësuar nga mungesa e pjesëve rezervë në magazinë. Njësia e Flotacionit pritet të rikthehet në funksion pas përfundimit të riparimeve dhe verifikimeve teknike e të sigurisë.

     

    Burimi: RTKLive

  • A duhet ta lani fytyrën me ujë të ngrohtë apo të ftohtë?

    A duhet ta lani fytyrën me ujë të ngrohtë apo të ftohtë?

    Temperatura e ujit që përdorim për të larë fytyrën mund të ndikojë drejtpërdrejt në shëndetin dhe pamjen e lëkurës.

    Edhe pse uji i ftohtë mund të japë një ndjesi freskie dhe të ndihmojë përkohësisht në uljen e ënjtjes dhe inflamacionit, dermatologët rekomandojnë që për pastrimin e përditshëm të përdoret uji i vakët.

    Uji shumë i ftohtë nuk e largon në mënyrë aq efektive yndyrën, grimin dhe papastërtitë nga lëkura, ndërsa temperaturat shumë të ulëta mund të shkaktojnë tharje dhe irritim, veçanërisht te personat me lëkurë të ndjeshme.

    Foto ilustruese

    Në anën tjetër, uji i nxehtë mund të jetë edhe më irritues, pasi mund të dëmtojë barrierën natyrore të lëkurës, të shkaktojë tharje dhe të ndikojë në bllokimin e poreve.

    Për një rutinë të shëndetshme, rekomandohet që fytyra të lahet dy herë në ditë me ujë të vakët dhe një pastrues të butë, të përshtatur me llojin e lëkurës.

    Pastruesi duhet të aplikohet me majat e gishtave, pa fërkim të fortë dhe pa përdorur sfungjerë apo peshqirë për të pastruar më thellë lëkurën.

    Pas shpëlarjes, fytyra duhet të thahet butësisht me një peshqir të pastër dhe më pas të aplikohet krem hidratues, teksa lëkura është ende pak e lagësht.

    Uji i ftohtë mund të përdoret herë pas here pas pastrimit për një ndjesi freskie, por nuk duhet të zëvendësojë ujin e vakët si pjesë e rutinës së përditshme.

    Në përfundim, as uji i akullt dhe as ai i nxehtë nuk janë zgjedhja ideale: për një lëkurë të pastër dhe të shëndetshme, uji i vakët është alternativa më e rekomanduar. /Telegrafi/

  • Avaria në tunelin e parë, Trepça jep detaje - procesi i sanimit është vështirësuar nga mungesa e pjesëve rezervë në magazinë

    Avaria në tunelin e parë, Trepça jep detaje – procesi i sanimit është vështirësuar nga mungesa e pjesëve rezervë në magazinë

    Trepça ka dhënë sot informacione shtesë lidhur me avarinë që ka ndodhur në Trafon Tuneli, si pasojë e së cilës është ndërprerë furnizimi me energji elektrike për Minierën me Flotacion Trepça në Stan Tërg dhe Njësinë e Flotacionit.

    Në njoftim thuhet se procesi i sanimit është vështirësuar nga mungesa e pjesëve rezervë në magazinë.

    Duke njoftuar për daljen në sipërfaqe të minatorëve, Trepça njofton se 54 minatorë kanë dalë në sipërfaqe përmes shkallëve emergjente, ndërkaq 9 minatorët e mbetur kanë qëndruar në minierë deri në rikthimin e furnizimit me energji elektrike.

    Lexoni të plotë njoftimin e Trepçës për avarinë në Trafon Tuneli i Parë:

    Më datë 07.10.2026 në orën 19:30, ka ndodhur një avari në Trafon Tuneli, përkatësisht në sistemin 35 kV, si pasojë e së cilës është ndërprerë furnizimi me energji elektrike për Minierën me Flotacion Trepça në Stan Tërg dhe Njësinë e Flotacionit.

    Në momentin e avarisë, në minierë kanë qenë gjithsej 63 minatorë, të cilët ishin në ndërrimin e dytë dhe ishte planifikuar ta përfundonin ndërrimin në orën 23:00.

    Pas ndërprerjes së energjisë elektrike:

    – 54 minatorë kanë dalë në sipërfaqe përmes shkallëve emergjente;

    – 9 minatorët e mbetur kanë qëndruar në minierë deri në rikthimin e furnizimit me energji elektrike.

    Furnizimi me energji elektrike për Minierën me Flotacion Trepça në Stan Tërg është rikthyer në orën 02:30, ndërsa 9 minatorët e mbetur kanë dalë në sipërfaqe në orën 02:50.

    Pas rikthimit të energjisë elektrike, ndërrimi i parë ka filluar punën normalisht në minierë.

    Ndërkohë, Njësia e Flotacionit ka mbetur jashtë funksionit për shkak të dëmtimeve të shkaktuara nga avaria në trafon 35 kV.

    Ekipet teknike janë duke punuar në sanimin e avarisë, përfshirë kontrollimin dhe zëvendësimin e pesë (5) siguresave mbrojtëse 6.3 kV, si dhe të elementeve të tjera përkatëse të instalimit elektrik.

    Procesi i sanimit është vështirësuar nga mungesa e pjesëve rezervë në magazinë, pasi këto pjesë nuk disponohen aktualisht në stok.

    Pas përfundimit të riparimeve dhe kryerjes së të gjitha verifikimeve teknike dhe të sigurisë, do të bëhet rikthimi i plotë i furnizimit me energji elektrike dhe vënia në funksion e Njësisë së Flotacionit.

    Ne mbesim të angazhuar me të gjitha mundësitë tona dhe pa kursyer asgjë nga ajo që dimë e mundemi, për ta kthyer situatën në normalitet. Për zhvillimet e mëtejshme dhe përfundimin e sanimit të avarisë do të njoftoheni me kohë. /Telegrafi/

  • Ekskluzive | Marihuanë, kokainë dhe një substancë tjetër e dyshuar – dy të rinj kapen me narkotikë në Prishtinë

    Një rast i posedimit të paautorizuar të substancave narkotike është zbuluar mbrëmjen e 7 tetorit në rrugën “Hakif Zejnullahu” në Prishtinë.

    Burimet e Sinjalit bëjnë me dije se rreth orës 22:00, një njësi policore ka ndaluar një veturë të tipit Volkswagen, në të cilën ndodheshin tre persona.

    Gjatë kontrollit, te Muhamet Podrimaj është gjetur një sasi e dyshuar marihuane me peshë rreth 0.59 gramë.

    Ndërsa te Rozafa Haxhiu është gjetur një sasi e dyshuar kokaine me peshë rreth 0.27 gramë, si dhe një kokërr me ngjyrë të verdhë, e cila dyshohet se është substancë narkotike.

    Sipas informacioneve që ka siguruar Sinjali, në hapësirën ku po qëndronte personi i tretë, rreth një metër larg veturës, janë gjetur edhe një qese me rreth 3.19 gramë marihuanë dhe rreth 1 gram substancë të dyshuar kokainë.

    Substancat e dyshuara janë sekuestruar nga Policia, ndërsa në vendin e ngjarjes kanë dalë edhe njësitë relevante për procedurat e mëtejshme.

    Pas konsultimit me Prokurorin e Shtetit, rasti është iniciuar për “Posedim të paautorizuar të narkotikëve, substancave psikotrope apo analoge”.

    Dy personat e dyshuar janë liruar në procedurë të rregullt, ndërsa rasti mbetet nën hetime.

    Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

    Sinjali – aty ku e vërteta flet para lajmit!

    /GazetaSinjali/

    The post Ekskluzive | Marihuanë, kokainë dhe një substancë tjetër e dyshuar – dy të rinj kapen me narkotikë në Prishtinë appeared first on Sinjali.

    Burimi: Sinjali