Blog

  • Autoritetet franceze përpiqen të gjejnë zgjidhje për dhunën që ka kapluar vendin

    Autoritetet franceze përpiqen të gjejnë zgjidhje për dhunën që ka kapluar vendin

    Qeveria franceze, si dhe entitetet e ndryshme politike, janë duke zhvilluar takime dhe bisedime emergjente në tentim t’i përgjigjen krizës së shkaktuar nga dita më e dhunshme, deri më tani, e protestave masive që kanë mbërthyer vendin.

    Takimet vijnë një ditë pasi që policia arrestoi më shumë se 2.000 persona për pjesëmarrje në protesta gjatë së cilave u dogjën dhe shkatërruan ndërtesa publike, objekte historike si dhe prona të ndryshme private, përfshirë dyqane dhe vetura.

    Përfaqësues të partive të ndryshme kanë bërë thirrje për dorëheqjen e ministrit të brendshëm, Laurent Nuñez, duke thënë se forcat e sigurisë duket të mos kenë qenë të gatshme për nivelin e dhunës që shpërtheu të shtunën, gjatë së cilës u shkaktuan miliarda euro dëme nga ana e protestuesve.

    Ndërkohë zyrtar të ndryshëm janë paraqitur në media duke thënë se incidentet e së shtunës nuk kanë qenë pjesë e protestave qytetare por incidente të planifikuara dhe të nxitura nga entitete të jashtme.

    Edhe pronarët e dyqaneve dhe bizneseve të dëmtuara deklaruan se ngjarjet nuk kishin të bëjnë me protesta paqësore por me grupe të organizuara të plaçkitësve të cilat po e përdorin kaosin për të kryer veprime ilegale. Disa prej mediumeve franceze kanë fajësuar partitë e së majtës ekstreme përderisa të tjerat fajësuan migrantët dhe politikat “e buta” të qeverisë së tanishme për dhunën e pandalur në vend.

    Njëkohësisht ka raporte se qeveria në Paris është duke shqyrtuar mundësitë e shpalljes së gjendjes emergjente në vend për të ndaluar dhunën e mëtejme.

    Burimi: RTKLive

  • “Nuk po bëj gjë” – Polici e rrah me shkop gome të riun te Parku Rinia në Tiranë

    “Nuk po bëj gjë” – Polici e rrah me shkop gome të riun te Parku Rinia në Tiranë

    “Nuk po bëj gjë” – Polici e rrah me shkop gome të riun te Parku Rinia në Tiranë

    Një tjetër rast flagrant i dhunës dhe tejkalimit të kompetencave nga forcat e rendit është regjistruar sot, në ditën e shtatë të protestës masive në Tiranë.

    Në zonën e Parkut Rinia, një efektiv i forcave operacionale është filmuar teksa ushtron dhunë të ashpër fizike ndaj një të riu.

    Siç shihet nga pamjet e kapura nga dëshmitarët në vendngjarje, i riu dëgjohet t’i drejtohet efektivit me thirrjet “Nuk po bëj gjë!”, ndërsa mbrohet pa shfaqur asnjë shenjë agresiviteti.

    Pavarësisht thirrjeve të tij, efektivi i policisë ka vijuar ta godasë brutalisht, duke shkaktuar reagime të menjëhershme dhe indinjatë te qytetarët që ndodheshin pranë.

    Sinjali – aty ku e vërteta flet para lajmit!

    /GazetaSinjali/

    The post “Nuk po bëj gjë” – Polici e rrah me shkop gome të riun te Parku Rinia në Tiranë appeared first on Sinjali.

    Burimi: Sinjali

  • Skandal në Turqi, gjurmë kokaine në flokët e aktores së njohur si “Seyran” te “Kafazi i Artë”

    Skandal në Turqi, gjurmë kokaine në flokët e aktores së njohur si “Seyran” te “Kafazi i Artë”

    Skandal në Turqi, gjurmë kokaine në flokët e aktores së njohur si “Seyran” te “Kafazi i Artë”

    Aktorja turke Afra Saraçoğlu, e njohur për publikun si Seyran nga seriali “Kafazi i Artë”, është përfshirë në një hetim për përdorim të narkotikëve, pasi në mostrën e flokëve të saj janë zbuluar gjurmë kokaine.

    Megjithatë, testet e gjakut dhe të urinës kanë rezultuar negative, ndërsa aktorja ka mohuar kategorikisht përdorimin e substancave narkotike.

    Sipas mediave turke “Halk TV” dhe “Ensonhaber”, Zyra e Prokurorit Publik në Bakırköy po zhvillon një hetim për përdorimin e narkotikëve nga persona të njohur të botës së artit dhe sportit. Gjatë një operacioni të xhandarmërisë më 18 shtator, u arrestuan 18 persona.

    Saraçoğlu nuk ndodhej në Turqi në kohën e operacionit. Ajo u ndalua në aeroportin e Stambollit pas kthimit nga Franca dhe u dërgua në Institutin e Mjekësisë Ligjore, ku iu morën mostra gjaku, urine dhe flokësh. Pas procedurave, ajo u lirua.

    Sipas rezultateve të analizave, gjurmët e kokainës u zbuluan në flokët e aktores, ndërsa testet e gjakut dhe urinës rezultuan negative.

    Pas publikimit të lajmit, Saraçoğlu reagoi përmes rrjeteve sociale, duke mohuar përdorimin e drogës.

    “Unë jam absolutisht kundër përdorimit të substancave të paligjshme, nuk ka vend për to në jetën time dhe nuk do të ketë kurrë”, deklaroi aktorja.

    Ajo shtoi se, për shkak të natyrës së punës dhe pjesëmarrjes në ngjarje të mëdha, dyshon se gjurmët mund të jenë shkaktuar nga ekspozimi ose kontakti pasiv, pa dijeninë e saj.

    Aktorja theksoi gjithashtu se ishte kthyer vullnetarisht nga jashtë shtetit, se po bashkëpunon me autoritetet dhe se gjatë kontrollit të banesës së saj nuk ishte gjetur asgjë e dyshimtë.

    Sipas raportimeve, gjurmë droge janë zbuluar edhe te aktoret Melisa Şenolsun dhe Aydan Osmanlı, si dhe te ish-futbollisti Hasan Şaş. Şenolsun deklaroi se lajmin e kishte pritur me habi dhe mohoi përdorimin e narkotikëve.

    Ndërkohë, testet e aktorëve Aras Bulut İynemli, Melis Sezen dhe Yeşim Yeşilçimen, reperit Sefa dhe gazetarit Yağız Sabuncuoğlu rezultuan negative.

    Hetimet ndaj personazheve të njohura në Turqi kanë vazhduar që nga dhjetori i vitit 2025, kur u ndaluan këngëtarja Aleyna Tilki, aktorja İrem Sak dhe influencuesja Danla Bilic.

    Sinjali – aty ku e vërteta flet para lajmit!

    /GazetaSinjali/

    The post Skandal në Turqi, gjurmë kokaine në flokët e aktores së njohur si “Seyran” te “Kafazi i Artë” appeared first on Sinjali.

    Burimi: Sinjali

  • Luis Enrique me plan të qartë taktik: Barcelona s’duhet të marrë frymë

    Luis Enrique me plan të qartë taktik: Barcelona s’duhet të marrë frymë

    Luis Enrique me plan të qartë taktik: Barcelona s’duhet të marrë frymë

    Trajneri i Paris Saint-Germainit, Luis Enrique, ka ndezur atmosferën para supersfidës ndaj Barcelonës në Ligën e Kampionëve, duke theksuar se presioni mbi Lamine Yamalin me krahasime historike është i gabuar.

    Spanjolli i doli në mbrojtje yllit të ri katalanas, duke kërkuar që ai të ecë në rrugën e vet pa hijen e legjendës argjentinase, transmeton Klankosova.tv.

    Sa i përket krahasimit me Messin, po flasim për më të mirin në historinë e futbollit. Asnjë lojtar nuk e përballon dot atë peshë. Lamine po bën shumë mirë që kërkon të jetë thjesht vetvetja; kjo dëshmon pjekuri dhe inteligjencë të madhe,” theksoi tekniku spanjoll.

     I pyetur për mënyrën se si do ta ndalë talentin 17-vjeçar, Enrique zbuloi planin e thjeshtë taktik:

     Recepti është i qartë: duhet ta pengojmë ta prekë topin. Sa herë e ka në këmbë, ai shpërthen rrezik. Çelësi i ndeshjes është që ne ta kontrollojmë posedimin dhe të mos e lëmë Barcelonën të bëjë lojën e saj.”

     Pavarësisht së kaluarës së lavdishme në “Camp Nou”, Enrique theksoi se miqësitë harrohen sapo të nisë loja.

  • Tentoi të ‘avullonte’ paratë nga bankomati, policia ndalon protestuesin e mitur (VIDEO)

    Tentoi të ‘avullonte’ paratë nga bankomati, policia ndalon protestuesin e mitur (VIDEO)

    Tentoi të ‘avullonte’ paratë nga bankomati, policia ndalon protestuesin e mitur (VIDEO)

    Një 15-vjeçar është ndaluar nga Policia e Tiranës, pasi dyshohet se është një nga personat e përfshirë në tentativën për vjedhjen e një bankomati në rrugën “Luigj Gurakuqi”, gjatë protestës së 15 tetorit.

    Policia ka bërë të ditur se persona të paidentifikuar thyen një bankomat me qëllim vjedhjen e parave, transmeton Klankosova.tv.

    Sipas Policisë, ndalimi i të miturit u krye pas veprimeve hetimore dhe operacionale për identifikimin e personave të dyshuar për kryerjen e veprimeve të kundërligjshme gjatë protestave të ditëve të fundit.

    Ndërkohë, vijon puna për identifikimin dhe ndalimin e personave të tjerë që dyshohet se janë përfshirë në këtë rast.

  • Hapet aplikimi për subvencionimin e faturave të rrymës për familjet e cenueshme, këto janë kriteret

    Hapet aplikimi për subvencionimin e faturave të rrymës për familjet e cenueshme, këto janë kriteret

    Hapet aplikimi për subvencionimin e faturave të rrymës për familjet e cenueshme, këto janë kriteret

    Afati për aplikim për Programin për Mbrojtjen e Konsumatorëve të Cenueshëm të Energjisë Elektrike për vitin 2026-2027 do të jetë i hapur nga 19 tetori 2026 deri më 31 mars 2027.

    Sipas njoftimit të Ministrisë për Punë, Familje dhe Vlerat e Luftës Çlirimtare, familjet që i plotësojnë kriteret mund të përfitojnë subvencionim të faturave të energjisë elektrike, transmeton Klankosova.tv.

    Sipas njoftimit të ministrisë, aplikimi bëhet nga një anëtar i ekonomisë familjare dhe mund të lidhet vetëm me një njehsor elektrik.

    Si mund të aplikohet?

    Aplikimi realizohet në mënyrë elektronike përmes platformës eKosova, në kategorinë e shërbimeve “Familja”.

    Të interesuarit mund të aplikojnë në këtë link: https://ekosova.rks-gov.net/Service/1

    Ndërkaq, familjet që nuk kanë mundësi të aplikojnë në mënyrë elektronike mund të kërkojnë ndihmë në Qendrat për Punë Sociale.

    Afati i aplikimit deri më 31 mars 2027

    Afati për aplikim ka filluar më 19 tetor 2026 dhe përfundon më 31 mars 2027.

    Subvencionimi nis nga muaji në të cilin aprovohet aplikimi dhe nuk zbatohet në mënyrë retroaktive. Për këtë arsye, ministria rekomandon që familjet që i plotësojnë kriteret të aplikojnë sa më herët, në mënyrë që të përfitojnë nga mbështetja gjatë periudhës së programit.

    Të dhënat do të verifikohen nga institucionet

    Ministria ka bërë të ditur se të dhënat e deklaruara gjatë aplikimit do të verifikohen nga institucionet përkatëse.

    Deklarimi i të dhënave të pasakta ose të paplota mund të çojë në refuzimin e aplikimit ose në detyrimin për kthimin e mbështetjes së përfituar.

    Kriteret

    Mbështetja në formë të subvencionimit të faturës së energjisë elektrike, sipas këtij programi, u ofrohet ekonomive familjare që përdorin energjinë elektrike për nevoja të amvisërisë dhe të cilat pas shqyrtimit dhe verifikimit të të dhënave, rezultojnë se i përmbushin kushtet dhe kriteret e përcaktuara në këtë program.

    Për të përfituar nga ky program, Ekonomia Familjare duhet të plotësojë në mënyrë kumulative kriteret, si në vijim:

    -Të gjithë anëtarët e Ekonomisë Familjare të jenë shtetas të Republikës së Kosovës me banim të përhershëm në territorin e Republikës së Kosovës ose shtetas të huaj të pajisur me leje të qëndrimit të përhershëm në territorin e Republikës së Kosovës;

    -Të hyrat mesatare mujore për një periudhë prej 12-të muajve të fundit të Ekonomisë Familjare, të jenë të barabarta ose më pak se njëqind e pesëdhjetë euro (150 €) për anëtar të Ekonomisë Familjare;

    -Vlera kumulative e patundshmërive (testi i aseteve) në pronësi të anëtarëve të Ekonomisë Familjare të jetë e barabartë ose më pak se njëqind mijë euro (100,000.00 €).

    Kujtojmë që ditë më parë, këtë çështje e ka trajtuar edhe KIKS Kosova.

  • “No Kings”, mijëra protestues në rrugët e SHBA-së kundër Trumpit

    “No Kings”, mijëra protestues në rrugët e SHBA-së kundër Trumpit

    “No Kings”, mijëra protestues në rrugët e SHBA-së kundër Trumpit

    Mijëra protestues kanë marshuar në disa qytete të Shteteve të Bashkuara të Amerikës në kuadër të protestave mbarëkombëtare “No Kings”, kundër presidentit Donald Trump, duke kërkuar respektimin e të drejtave të barabarta dhe pjesëmarrje më të madhe qytetare në zgjedhje.

    Demonstratat u mbajtën në Uashington, Los Angeles dhe South Portland të shtetit Maine, ku qytetarët shprehën kundërshtimin e tyre ndaj politikave të administratës Trump.

    Në kryeqytetin amerikan, protestuesit bartën një figurë të presidentit Trump të punuar me letër, pranë Memorialit të Lincoln. Ndërkaq, në Los Angeles, turma të mëdha u mblodhën para bashkisë, ku vëmendje tërhoqi edhe një protestues i veshur si personazhi Batman.

    Një pjesë e madhe e pankartave u bënin thirrje qytetarëve të votonin herët në zgjedhjet e mesmandatit, ndërsa në South Portland protestuesit u rreshtuan përgjatë rrugës dhe morën mbështetje nga shoferët, të cilët u binin borive.

    Gjatë marshimeve, folësit dhe demonstruesit kërkuan mbrojtjen e të drejtave të barabarta. Disa prej tyre kërkuan gjithashtu që Agjencia Amerikane e Emigracionit dhe Doganave (ICE) t’i japë fund veprimtarisë së saj.

    Protestat “No Kings” janë pjesë e një mobilizimi qytetar kundër politikave të administratës Trump dhe asaj që organizatorët e konsiderojnë përqendrim të tepruar të pushtetit në duart e presidentit amerikan.

    Sinjali – aty ku e vërteta flet para lajmit!

    /GazetaSinjali/

    The post “No Kings”, mijëra protestues në rrugët e SHBA-së kundër Trumpit appeared first on Sinjali.

    Burimi: Sinjali

  • Fermerët marrin lajmin e mirë, këtë javë nisin pagesat për vitin 2026

    Fermerët marrin lajmin e mirë, këtë javë nisin pagesat për vitin 2026

    Fermerët marrin lajmin e mirë, këtë javë nisin pagesat për vitin 2026

    Ministria e Bujqësisë, Pylltarisë dhe Zhvillimit Rural (MBPZhR), përmes Agjencisë për Zhvillimin e Bujqësisë (AZhB), ka njoftuar se gjatë kësaj jave do të nisë lëshimi i vendimeve dhe realizimi i pagesave për fermerët përmes skemës së Pagesave Direkte 2026.

    Sipas njoftimit të ministrisë, për këtë skemë janë pranuar gjithsej 33,460 aplikime, ndërsa shqyrtimi administrativ i tyre dhe kontrollet në terren për sipërfaqet bujqësore tashmë kanë përfunduar.

    Paralelisht me realizimin e pagesave, do të publikohen edhe listat e përfituesve. Pas përfundimit të këtij procesi, do të vazhdohet me pagesat për skemat e tjera të mbështetjes për bujqësinë.

    Ministria ka bërë të ditur gjithashtu se fermerët që kanë kultivuar grurë do të mbështeten për sipërfaqet e mbjella, plehun artificial dhe shpenzimet e naftës.

    Mbështetja për këto kategori do të realizohet sipas normave dhe shumave të aplikuara në vitet e mëparshme.

    Sinjali – aty ku e vërteta flet para lajmit!

    /GazetaSinjali/

    The post Fermerët marrin lajmin e mirë, këtë javë nisin pagesat për vitin 2026 appeared first on Sinjali.

    Burimi: Sinjali

  • Prishtina triumfon në Suharekë, mposht Ballkanin

    Prishtina triumfon në Suharekë, mposht Ballkanin

    Skuadra kryeqytetase tregoi karakter dhe vendosmëri në këtë përballje, duke arritur ta sigurojë fitoren falë golit të Rin Ahmetit në minutën e 49-të.

    Ndeshja mes dy skuadrave u karakterizua me rivaliteti të theksuar,  ndërsa Prishtina arriti ta shfrytëzojë rastin vendimtar për të dalë nga kjo sfidë me tri pikë të rëndësishme.

    Goli i Ahmetit rezultoi vendimtar për kryeqytetasit, të cilët arritën ta ruajnë epërsinë deri në vërshëllimën e fundit të gjyqtarit.

    Pas kësaj fitore, Prishtina ka 23 pikë aq sa ka edhe Malisheva në kreun e tabelës, kurse, Ballkani renditet e gjashta me 13 sosh.

    Burimi: RTKLive

  • LEX | Një kilogram kokainë për 27 mijë euro – aktakuzë në rastin e Abedin Ismajlit, Besart Mulakut dhe Fisnik Ukës

    Prokuroria Speciale ka ngritur aktakuzë ndaj tre personave për shitje të paautorizuar të narkotikëve dhe armëmbajtje pa leje, në një rast që përputhet me arrestimin e Abedin Ismajlit, Besart Mulakut dhe Fisnik Ukës, të raportuar ekskluzivisht nga Gazeta Sinjali.

    Sipas aktakuzës, më 22 prill 2025, rreth orës 15:00, në Prishtinë, të pandehurit, duke vepruar në bashkëkryerje dhe pas koordinimit paraprak, dyshohet se kanë shitur një kilogram kokainë për 27 mijë euro.

    Aktakuza është dorëzuar në Gjykatën Themelore në Prishtinë. Prokuroria i ngarkon të pandehurit me veprat penale të shitblerjes dhe shpërndarjes së paautorizuar të narkotikëve, si dhe posedimit të paautorizuar të armëve.

    Sinjali kishte raportuar më 22 prill 2025 se Abedin Ismajli, Besart Mulaku dhe Fisnik Uka ishin arrestuar gjatë një operacioni të Antidrogës. Sipas raportimit të atëhershëm, gjatë bastisjeve ishin sekuestruar 2.6 kilogramë kokainë, një armë me 35 fishekë, dy vetura, tre telefona dhe 4 mijë euro para të gatshme.

    Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

    Sinjali – aty ku e vërteta flet para lajmit!

    /GazetaSinjali/

    The post LEX | Një kilogram kokainë për 27 mijë euro – aktakuzë në rastin e Abedin Ismajlit, Besart Mulakut dhe Fisnik Ukës appeared first on Sinjali.

    Burimi: Sinjali