Sipas njoftimit të familjes, ceremonia e varrimit do të mbahet në mesditë, në varrezat e fshatit Pogragjë.
Familja Arifi ka njoftuar se Bajram Arifi, 29-vjeçari që u vra dje në fshatin Pogragjë të Gjilanit, do të varroset nesër, të martën, më 13 tetor.
“Familjarë e miq të nderuar, ju njoftojmë se varrimi i më të dashurit tonë, Bajram Arifi, do të bëhet ditën e martë, më 13.10.2026, me drekë në varrezat e fshatit Pogragjë”, thuhet në njoftimin e familjes.
Ndërkohë, Policia e Kosovës ka bërë të ditur se i dyshuari për vrasjen është larguar nga vendi i ngjarjes dhe ndodhet në kërkim policor.
Sipas dyshimeve, i dyshuari për vrasjen e 29-vjeçarit është babai i tij.
Lajmin e ka konfirmuar për RTK Kanun Veseli, zëdhënës i Policisë së Kosovës për Rajonin e Ferizajt.
Ngjarja ka ndodhur rreth orës 15:40, në rrugën “Cen Dugolli” në Ferizaj.
“Në vendin e ngjarjes kanë dalë ekipet e Policisë së Kosovës dhe ato të Emergjencës, të cilat kanë konstatuar vdekjen e viktimës.Përveç patrullës policore, në vendin e ngjarjes kanë dalë edhe hetuesit rajonalë, ndërsa janë njoftuar edhe inspektorët e punës”, ka thënë Veseli.
Lidhur me rastin është njoftuar prokurori i shtetit, i cili është informuar për veprimet e ndërmarra nga organet kompetente.
Nga 12 deri më 16 tetor 2026, më shumë se 400 të rinj nga 42 vende mblidhen në Bochum të Gjermanisë, për Sfidën Europiane të Sigurisë Kibernetike (ECSC).
Mes tyre, do të ketë edhe të rinj nga Kosova, siç njofton Agjencia Kombëtare e Sigurisë Kibernetike në Francë (ANSSI).
ECSC është gara vjetore ku ekipet kombëtare europiane përballen në sfida praktike të llojit Capture the Flag (CTF).
Edicioni i vitit 2026 mbledh 35 vende europiane dhe shtatë shtete të ftuara: Armeninë, Australinë, Kanadanë, Kosta Rikën, Kosovën, Singaporin dhe Shtetet e Bashkuara.
Ekipet zgjidhin sfida në fushën e sigurisë së uebit, kriptografisë, inxhinierisë së kundërt ose shfrytëzimit të cenueshmërive të softuerëve dhe pajisjeve kompjuterike. Çdo sfidë e zgjidhur zbulon një “flag” (shenjë identifikuese) që sjell pikë, dhe sa më pak të zgjidhet një sfidë nga garuesit, aq më shumë pikë vlen ajo.
Sulm – Mbrojtje: Secili ekip vë në funksion shërbimet e veta, korrigjon dobësitë e tyre dhe, në të njëjtën kohë, përpiqet të shfrytëzojë dobësitë e kundërshtarëve.
Akuc Bol, 31 vjeçe, nga Londra, pretendon se prej dy vitesh nuk përdor deodorant, pasi kaloi në një dietë tërësisht me fruta dhe perime të pagatuara.
Ajo nisi të ndiqte këtë mënyrë ushqyerjeje në vitin 2024, e frymëzuar nga një kamp ushqyerjeje me bazë bimore në SHBA, si dhe nga dëshira për të mbështetur mirëqenien e kafshëve dhe për të shmangur ushqimet e përpunuara.
Sipas saj, ndryshimi në ushqyerje ndikoi edhe në aromën e trupit. Edhe kur djersitet shumë gjatë orëve të vallëzimit, ajo thotë se nuk ka më aromën e pakëndshme të trupit. Akuc pretendon se këtë ia kanë konfirmuar edhe motra dhe miqtë e saj.
Dieta e saj përfshin smoothie me fruta, sallata të mëdha dhe perime të dehidratuara. Ajo ka përshtatur edhe festat familjare me mënyrën e saj të ushqyerjes, duke përgatitur ushqime pa produkte shtazore dhe pa gatim, shkruan Mirror, transmeton Klankosova.tv.
Megjithatë, zgjedhja e saj ka ngjallur kritika në rrjetet sociale, ku disa e kanë akuzuar për çrregullime të të ushqyerit, pretendime që ajo i mohon.
Akuc thotë se është e vendosur ta vazhdojë këtë dietë gjatë gjithë jetës, ndonëse pranon se në fillim e kishte të vështirë të përshtatej me ushqimet e ftohta dhe se shpesh ndiente të ftohtë.
Gjykata e Apelit e Kosovës i ka dhënë të drejtë Odës së Avokatëve të Kosovës në kontestin disa-vjeçar me Agjencinë për Informim dhe Privatësi, duke rrëzuar vendimin mbi të cilin ishte zhvilluar edhe një debat i gjatë publik për transparencën e Odës.
Me Aktgjykimin AA.nr.327/2025, Apeli ka aprovuar si të bazuar ankesën e OAK-së, ka ndryshuar aktgjykimin e Gjykatës Themelore në Prishtinë dhe ka anuluar vendimin A-291/2022 të Agjencisë për Informim dhe Privatësi. Gjykata nuk e ka kthyer çështjen për rigjykim, por ka vendosur vetë meritorisht, duke aprovuar kërkesëpadinë e Odës. Aktgjykimi e zëvendëson aktin e anuluar dhe ka karakter detyrues.
Ankesa që e çoi çështjen deri te ky epilog ishte paraqitur në emër të OAK-së nga kryetari i saj, avokati Besnik R. Berisha, i cili kishte kërkuar pikërisht ndryshimin e aktgjykimit të shkallës së parë dhe aprovimin në tërësi të kërkesëpadisë së Odës. Apeli, në fund, i dha të drejtë këtij qëndrimi juridik.
Në zanafillë të kontestit ishte një kërkesë për qasje në dokumente e paraqitur në OAK nga Nuraje Bllaca, hulumtuese e “Betimit për Drejtësi”. Pas mosmarrëveshjes për dokumentet e kërkuara, Bllaca ishte ankuar në AIP, ndërsa Agjencia e kishte aprovuar ankesën e saj.
Me vendimin e saj, AIP kishte detyruar OAK-në që brenda shtatë ditësh të ofronte qasje të plotë në një varg dokumentesh të Këshillit Drejtues, përfshirë statistikat për mbledhjet, numrin dhe natyrën e vendimeve, agjendat, procesverbalet dhe vendimet e Këshillit.
Mirëpo, pas betejës gjyqësore, Gjykata e Apelit ka ardhur në përfundimin se pikërisht baza juridike mbi të cilën AIP kishte ndërtuar vendimin e saj ishte e gabuar.
Në arsyetimin e aktgjykimit, Apeli ka konstatuar se Oda e Avokatëve të Kosovës nuk ka pozitën juridike të institucionit publik, nuk ushtron autoritet administrativ shtetëror dhe nuk operon me fonde publike. Gjykata e ka cilësuar OAK-në si organizatë profesionale të pavarur të avokatëve, të financuar nga të ardhurat e veta, duke konstatuar se ajo nuk përfshihet në kategoritë e institucioneve publike të përcaktuara me Ligjin për Qasje në Dokumente Publike.
Me këtë konstatim, Apeli ka rrëzuar në themel interpretimin mbi të cilin AIP kishte ushtruar kompetencën e saj ndaj Odës.
Gjykata ka vlerësuar se vendimi i Agjencisë ishte nxjerrë në kundërshtim me dispozitat materiale të Ligjit për Qasje në Dokumente Publike. Apeli ka konstatuar gjithashtu se edhe Gjykata Themelore kishte zbatuar gabimisht të drejtën materiale kur kishte refuzuar padinë e OAK-së.
Në aktgjykim thuhet qartë se akti administrativ i AIP-së dhe aktgjykimi i shkallës së parë ishin të kundërligjshëm për shkak të zbatimit të gabuar të dispozitave materiale, çka e shtyu Apelin ta ndryshojë vendimin dhe ta zgjidhë vetë çështjen meritorisht.
Ky epilog merr peshë të veçantë edhe për shkak të mënyrës se si çështja ishte trajtuar publikisht ndër vite.
“Betimi për Drejtësi”, përmes hulumtueses së vet që kishte paraqitur kërkesën dhe më pas ankesën në AIP, kishte qenë drejtpërdrejt i përfshirë në procesin që çoi deri te vendimi kundër OAK-së. Paralelisht, në diskursin publik çështja ishte shtyrë si problem i transparencës së Odës.
Aktgjykimi i Apelit e vendos tash debatin në një rrafsh tjetër.
Çështja juridike, në fund, nuk ishte nëse transparenca është vlerë që duhet mbrojtur. Pyetja ishte shumë më konkrete, a kishte AIP bazë ligjore ta trajtonte OAK-në si institucion publik dhe t’i impononte detyrime mbi atë bazë?
Përgjigjja e Apelit është e prerë. Jo.
Pikërisht këtu vendimi merr karakterin e një “leksioni” juridik për AIP-në dhe, njëkohësisht, e vë në një dritë tjetër narrativën që ishte ndërtuar nga “Betimi për Drejtësi” rreth këtij rasti sepse pas disa vitesh procedurë, rezultati juridik është se OAK kishte të drejtë kur e kundërshtoi bazën mbi të cilën AIP po ndërhynte.
Edhe më domethënës është fakti se Apeli nuk e ka kthyer lëndën për një raund tjetër procedural. Gjykata ka vendosur vetë, duke aprovuar kërkesëpadinë e OAK-së dhe duke anuluar vendimin e Agjencisë.
Në fund, aktgjykimi përcjell një mesazh që tejkalon vetë këtë kontest.
Transparenca nuk mund të përdoret për të krijuar kompetenca që ligji nuk i njeh.
Basketbollisti i skuadrës nga Suhareka realizoi 32 pikë, katër kërcime dhe tetë asistime, duke e përfunduar ndeshjen me indeksin 31. Me këtë paraqitje, Shabazz është përzgjedhur lojtari më i mirë i javës së katërt.
Në mesin e pesë basketbollistëve më të dalluar të javës është edhe Bryson Dawkins i Sigal Prishtinës, i cili regjistroi 27 pikë, 13 kërcime dhe pesë asistime, me indeksin 35.
Paraqitje shumë të mirë kishte edhe Mika Adams i Rahovecit 029, i cili realizoi 30 pikë, nëntë kërcime dhe shtatë asistime, duke regjistruar indeksin 32.
Në Top 5 është përfshirë edhe Ja’cori Payne i Trepçës, me 16 pikë, dy kërcime dhe pesë asistime, me indeksin 24.
Pesëshen më të mirë të javës së katërt e kompleton Lejson Zeqiri i Bashkimit, i cili kontribuoi me 18 pikë dhe katër kërcime, duke regjistruar indeksin 19.
Ka humbur jetën një punëtor në një objekt në ndërtim në Ferizaj.
Lajmin për Klankosova.tv zëdhënësi i policisë për rajonin e Ferizajt, Kanun Veseli i cili njoftoi se ngjarja ka ndodhur rreth orës 15:40, në rrugën “Cen Dugolli” në Ferizaj, pasi gjatë punimeve ndërtimore dyshohet se një 54-vjeçar është rrëzuar nga kati përdhes në bodrum.
“Vdes një punëtor në një objekt në ndërtim në Ferizaj Një person i moshës i 54 vjeç ka humbur jetën sot rreth orës 15:40, në rrugën “Cen Dugolli” në Ferizaj, në objektet ndërtimi, pasi gjatë punimeve ndërtimore dyshohet se është rrëzuar nga kati përdhes në bodrum”.
Veseli ka bërë të ditur se në vendin e ngjarjes kanë dalë policia dhe ekipet e emergjencës, të cilat kanë konstatuar vdekjen e tij.
“Në vend ngjarje kanë dalë, veç patrullës së stacionit edhe hetimet rajonale. Ndërsa janë njoftuar te dalin edhe inspektorët e punës. Për të gjitha veprimet policore është njoftuar prokurori i shtetit”, thuhet në konfirmim./Klankosova.tv
Një pasagjer nga Kuba është ndaluar në aeroportin e Miamit në Shtetet e Bashkuara të Amerikës, pasi autoritetet doganore zbuluan 10 zogj të gjallë të fshehur brenda pantallonave të tij.
Sipas raportimeve të mediave të huaja, doganierët dyshuan për pasagjerin pasi vunë re një fryrje të pazakontë në pjesën e belit.
Gjatë kontrollit të detajuar, autoritetet gjetën gjashtë tuba plastikë, të mbështjellë me shirit ngjitës dhe të qepur brenda pantallonave të tij. Brenda tyre ndodheshin tetë zogj të llojit Yellow-faced Grassquit dhe dy të llojit Blue Grosbeak.
Pasagjeri, i identifikuar si Alberto Hernandez Castillo, nuk i kishte deklaruar shpendët në formularin doganor. Ai pretendoi se i kishte marrë për përdorim personal, por më pas refuzoi të jepte informacione të tjera.
Hernandez Castillo u akuzua për kontrabandë dhe u lirua pasi pagoi një garanci prej 25 mijë dollarësh.
Seanca e radhës gjyqësore për rastin është caktuar për 26 tetor.
Këto çështje u diskutuan në takimin e tetë të Nënkomitetit të Marrëveshjes së Stabilizim-Asociimit (MSA) për inovacionin, shoqërinë e informacionit dhe politikat sociale, të mbajtur më 8 tetor në Bruksel, ndërmjet përfaqësuesve të Kosovës dhe Komisionit Evropian.
Në fushën e punësimit, Komisioni Evropian inkurajoi autoritetet e Kosovës të finalizojnë dhe miratojnë legjislacionin e vonuar për punësimin, balancën ndërmjet jetës profesionale dhe asaj private, si dhe sigurinë dhe shëndetin në punë. Po ashtu, kërkoi përfundimin e ristrukturimit të Agjencisë së Punësimit dhe forcimin e kapaciteteve të saj, me qëllim zbatimin më efikas të masave për uljen e papunësisë dhe joaktivitetit, veçanërisht te gratë në moshë pune.
BE-ja theksoi gjithashtu rëndësinë e sigurimit të burimeve të mjaftueshme financiare dhe njerëzore për Inspektoratin e Punës, si dhe rritjen e transparencës në raportimin e aksidenteve në vendin e punës. Ndërkaq, vlerësoi zbatimin pilot të Skemës së Garancisë për të Rinjtë dhe inkurajoi krijimin e kushteve për zbatimin e saj të plotë.
Sa i përket mbrojtjes sociale, Komisioni Evropian vlerësoi progresin në reformimin e skemave të asistencës sociale, por theksoi nevojën për zbatimin e plotë të reformave, përfshirë miratimin e Ligjit për Asistencën Sociale dhe Përfitimet Sociale. Po ashtu, kërkoi monitorim të rregullt të shërbimeve sociale dhe trajtimin me përparësi të financimit të tyre nga komunat përmes një granti të veçantë.
Në fushën e digjitalizimit, BE-ja inkurajoi Kosovën të vazhdojë zbatimin e Strategjisë së Qeverisjes Elektronike 2023–2028 dhe Agjendës Digjitale 2023, si dhe të zgjerojë shërbimet që ofrohen për qytetarët dhe bizneset përmes platformës eKosova.
Komisioni kërkoi gjithashtu ndarjen e burimeve të mjaftueshme për zbatimin e Strategjisë Kombëtare për Sigurinë Kibernetike dhe planit të veprimit. Po ashtu, theksoi nevojën që legjislacioni i Kosovës të harmonizohet plotësisht me direktivat dhe rregulloret përkatëse të Bashkimit Evropian në fushën e sigurisë kibernetike, identifikimit elektronik dhe komunikimeve elektronike.
Në fushën e politikave audiovizuale, palët u pajtuan se Kosova duhet të vazhdojë harmonizimin e legjislacionit me Direktivën për Shërbimet Mediatike Audiovizuale dhe Aktin Evropian për Lirinë e Medias. Komisioni Evropian theksoi gjithashtu nevojën për gjetjen e një zgjidhjeje të qëndrueshme për financimin e transmetuesit publik.
Sa i përket arsimit, BE-ja vlerësoi progresin në rritjen e përfshirjes së fëmijëve në edukimin e hershëm, zgjerimin e arsimit dhe aftësimit profesional, si dhe miratimin e kurrikulës së re për fëmijët e moshës 0–6 vjeç.
Megjithatë, Komisioni theksoi se aftësitë bazë, shkencat, teknologjia, inxhinieria, matematika dhe digjitalizimi duhet të jenë prioritete në politikat arsimore. Ndërkaq, autoritetet e Kosovës prezantuan masat për përmirësimin e rezultateve në lexim, matematikë dhe shkenca, pas rezultateve të testimit PISA.
Në arsimin dhe aftësimin profesional, të dyja palët theksuan nevojën për përshtatjen më të mirë të aftësive me kërkesat e tregut të punës, rishikimin e kurrikulave dhe profileve të aftësimit, si dhe riorganizimin e sistemit të financimit.
Komisioni Evropian kërkoi gjithashtu nga Kosova të miratojë Ligjin për Trashëgiminë Kulturore dhe të vazhdojë angazhimin në mbrojtjen e trashëgimisë kulturore.
Në fushën e kërkimit shkencor dhe inovacionit, BE-ja theksoi nevojën për investime të mëtejshme dhe financim të mjaftueshëm, me synimin që ndarjet buxhetore për këtë sektor të arrijnë rreth 1 për qind të Bruto Produktit Vendor (BPV). Po ashtu, inkurajoi Kosovën të vazhdojë punën për finalizimin e Strategjisë Kombëtare të Specializimit të Mençur.
Takimet e nënkomiteteve të MSA-së shërbejnë për të monitoruar reformat e Kosovës në procesin e integrimit evropian dhe për të identifikuar fushat ku Bashkimi Evropian mund të ndihmojë. Rekomandimet e dakorduara në këto takime shërbejnë si bazë për veprimet e mëtejshme të autoriteteve të Kosovës.