Blog

  • Dardanet sot ndeshen me Austrinë në “Fadil Vokrri”

    Dardanet sot ndeshen me Austrinë në “Fadil Vokrri”

    Dardanet sot ndeshen me Austrinë në “Fadil Vokrri”

    Kombëtarja e Kosovës te kategoria e vajzave, ka zhvilluar stërvitjen e fundit para përballjes me Austrinë, në kuadër të “play-offit” të kualifikimeve për Kupën e Botës 2027.

    “Dardanet” kanë mbyllur përgatitjet për ndeshjen që zhvillohet sot në stadiumin “Fadil Vokrri” në Prishtinë, raporton Klankosova.tv.

    Kosova dhe Austria do të përballen nga ora 18:00, në një sfidë të rëndësishme për vazhdimin e rrugëtimit drejt Botërorit 2027.

    Skuadra kosovare synon ta shfrytëzojë faktorin vendas dhe mbështetjen e tifozëve për të siguruar rezultat pozitiv në këtë përballje.

    Hyrja për tifozët është falas, kurse për teleshikuesit, ndeshja transmetohet në kanalin Sport3 të platformës Artmotion.

  • Reshje shiu në vend, Policia apelon për kujdes në trafik

    Reshje shiu në vend, Policia apelon për kujdes në trafik

    Reshje shiu në vend, Policia apelon për kujdes në trafik

    Policia e Kosovës u ka bërë thirrje qytetarëve që të kenë kujdes të shtuar në trafik gjatë ditëve me reshje shiu, mjegull dhe rrugë të lagështa.

    Përmes një fotografie të publikuar në Facebook, Policia ka dhënë udhëzime për ngasësit, duke apeluar për respektimin e rregullave të trafikut dhe përshtatjen e sjelljes në timon me kushtet atmosferike.

    “Mjegulla, shiu dhe rrugët e lagështa kërkojnë kujdes të shtuar. Gjatë gjithë këtij sezoni, ndryshimi i motit kërkon ndryshim të sjelljes në timon”, thuhet mes tjerash në apelin e Policisë./ Klankosova.tv

  • Pesë shenjat që fansat e Lady Gaga-s nuk i vunë re, por që zbuluan në heshtje se ajo “po priste fëmijën e saj të parë”

    Pesë shenjat që fansat e Lady Gaga-s nuk i vunë re, por që zbuluan në heshtje se ajo “po priste fëmijën e saj të parë”

    Lady Gaga është zyrtarisht nënë e një foshnjeje të porsalindur, pasi këngëtarja është parë duke shëtitur me familjen e saj tashmë të zgjeruar.

    Gaga, emri i vërtetë i së cilës është Stefani Joanne Angelina Germanotta, është parë duke shëtitur në Kaliforninë Veriore me të fejuarin e saj, Michael Polansky, ndërsa foshnjën e tyre, sipas raportimeve, e mbante në një mbajtëse foshnjash në ngjyrë neutrale, të vendosur përpara trupit.

    Çifti i njohur mendohet se ka nisur lidhjen në vitin 2019 dhe janë të fejuar që prej vitit 2024. Gaga ka bërë disa herë të ditur se synojnë të martohen së shpejti.

    Fotot e siguruara nga Page Six tregojnë 40-vjeçaren të veshur me një kardigan të gjerë, tuta sportive dhe flokët e lidhur në një topuz biond.

    Sipërmarrësi i teknologjisë, Polansky, shihet në foto duke ecur përpara saj, i veshur me kapele, bluzë me kapuç, pantallona të shkurtra dhe shapka.

    Sigurisht, këto fotografi kanë ardhur si një surprizë për shumë njerëz, pasi Gaga nuk kishte bërë më parë ndonjë njoftim publik për një shtatzëni, për një nënë surrogate apo për birësim.

    Por kishte disa shenja.

    Ajo kishte folur më parë për mënyrën se si do t’i rriste fëmijët

    Në një intervistë për ELLE në janar të vitit 2025, ajo tha:

    “Do të doja që fëmijët e mi ta kuptonin se çfarëdo kuptimi që arti im ka për ta, kjo varet tërësisht prej tyre”.

    Ajo shtoi se “nuk do të donte kurrë t’u impononte një mënyrë të caktuar të menduari apo t’u tregonte se si duhet të më shohin mua”.

    Ajo kishte thënë se së shpejti do të bëhej nënë

    Gaga nuk e kishte fshehur dëshirën për të pasur një fëmijë me Polansky.

    Gjatë një paraqitjeje në The Late Show With Stephen Colbert në tetor të vitit të kaluar, Gaga tha se të qenit nënë do të ishte “roli i saj i ardhshëm kryesor”.

    “Do të doja të bëja shumë gjëra. Të gjitha këto mundësi janë të hapura. Por ajo që dua vërtet është të bëhem nënë. Ky është roli im i ardhshëm kryesor, shpresoj.”

    Ajo kishte shprehur se më së shumti dëshironte të bëhej nënë

    Po atë vit, çifti foli për planet e tyre për Rolling Stone.

    Polansky zbuloi se ata po mendonin të martoheshin gjatë një prej periudhave të pushimit nga Mayhem Tour e Gagës.

    “Ne flasim për këtë gjatë gjithë kohës,” tha ai.

    Ai zbuloi se çifti nuk dëshironte “një dasmë shumë të madhe” dhe se kishin diskutuar gjithashtu për mënyrën se si do t’i rrisnin fëmijët e tyre duke qenë të ekspozuar ndaj famës.

    Ai iu referua fëmijëve të Elton John dhe David Furnish, të cilëve Gaga u është kumbarë, dhe tha:

    “Gjëja më e rëndësishme është që ta bëjmë të ndihet sikur kjo është thjesht familja jonë, kjo është ajo që bëjmë ne.”

    Daljet e saj publike ishin rralluar

    Sipas raportimeve të Daily Mail, Gaga po “qëndronte larg vëmendjes” në Marin County, Kaliforni, për të ndërtuar një jetë të qetë me Polansky.

    Ajo kishte munguar gjithashtu dukshëm në Met Gala 2026 dhe ishte parë për herë të fundit publikisht në premierën në Nju Jork të The Devil Wears Prada 2 në prill, pasi kishte përfunduar turneun e saj botëror Mayhem Ball.

    Edhe në rrjetet e saj sociale, postimet me fotografi ishin bërë gjithnjë e më të rralla. Në gusht, fotografitë e saj me pamje si polaroid ishin postimet e para pas disa muajsh.

    Njerëzit menduan se ishte martuar fshehurazi

    Para lajmit për foshnjën e Gagës, një tjetër artikull i Daily Mail spekulonte se këngëtarja mund të ishte në muajin e mjaltit, pasi persona të afërt me të pretenduan se nuk kishin pasur kontakte me të për javë të tëra.

    “Askush nuk e ka parë apo dëgjuar prej saj për më shumë se një muaj,” pretendoi një burim. “Të gjithë në rrethin e saj mendojnë se ajo është martuar fshehurazi me Michael dhe tani është në muajin e mjaltit, duke u përpjekur të bëjnë një fëmijë.”

  • Ekskluzive | Vjedhjet s’kanë të ndalur në Kosovë – hajnat hyjnë me forcë në një shtëpi në Suharekë dhe marrin pistoletën, fishekët e bizhuteri

    Ekskluzive | Vjedhjet s’kanë të ndalur në Kosovë – hajnat hyjnë me forcë në një shtëpi në Suharekë dhe marrin pistoletën, fishekët e bizhuteri

    Ekskluzive | Vjedhjet s’kanë të ndalur në Kosovë – hajnat hyjnë me forcë në një shtëpi në Suharekë dhe marrin pistoletën, fishekët e bizhuteri

    Një tjetër rast i vjedhjes së rëndë është raportuar më 8 tetor, kësaj radhe në Lagjen e Re në Suharekë, ku persona ende të paidentifikuar dyshohet se kanë hyrë me forcë në një shtëpi gjatë kohës kur familja nuk ndodhej aty.

    Burimet e Sinjalit bëjnë me dije se pronari i shtëpisë, A. K, ka raportuar se vjedhja dyshohet të ketë ndodhur në intervalin kohor nga rreth 08:00 deri në 22:45.

    Sipas deklarimit të tij, personat e panjohur kanë depërtuar me forcë përmes derës së ballkonit, e më pas kanë hyrë në dhomën e gjumit.

    Nga aty dyshohet se kanë marrë një pistoletë të kalibrit 9 mm, si dhe pesë fishekë të së njëjtës armë, të cilët nuk kanë qenë të vendosur në pistoletë.

    Përveç armës dhe municionit, sipas ankuesit, hajnat kanë marrë edhe bizhuteri të ndryshme për femra.

    Pronari posedon leje të rregullt për armën.

    Njësitë policore kanë dalë në vendin e ngjarjes dhe kanë ndërmarrë veprimet e nevojshme hetimore.

    Rasti është iniciuar për veprën penale “Vjedhje e rëndë”, ndërsa personi apo personat e dyshuar ende nuk janë identifikuar.

    Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

    Sinjali – aty ku e vërteta flet para lajmit!

    /GazetaSinjali/

    The post Ekskluzive | Vjedhjet s’kanë të ndalur në Kosovë – hajnat hyjnë me forcë në një shtëpi në Suharekë dhe marrin pistoletën, fishekët e bizhuteri appeared first on Sinjali.

    Burimi: Sinjali

  • Trumpi flet për bisedime me Iranin, bie pak çmimi i naftës në tregjet ndërkombëtare

    Trumpi flet për bisedime me Iranin, bie pak çmimi i naftës në tregjet ndërkombëtare

    Çmimi i naftës Brent ka rënë drejt 103 dollarëve për fuçi të premten, duke zbutur fitimet e sesionit paraprak, pas deklaratave të presidentit amerikan, Donald Trump, se Shtetet e Bashkuara janë të angazhuara në bisedime produktive me Iranin.

    Trump ka deklaruar në rrjetet sociale se SHBA-ja do të përmbahet nga sulmet ndaj Iranit deri pas zgjedhjeve afatmesme, ndërsa ka pretenduar se vëllime rekord të naftës bruto po kalojnë përmes Ngushticës së Hormuzit. Megjithatë, ai ka theksuar se bllokada detare amerikane ndaj porteve iraniane do të mbetet plotësisht në fuqi.

    Ndërkohë, raportime të mëvonshme kanë bërë të ditur se SHBA-ja kishte përgatitur plane për sulme që do të zgjasnin tri ditë ndaj Iranit, me objektiva që përfshijnë rezervat e dronëve dhe raketave, infrastrukturën energjetike dhe lokacione të tjera.

    Të enjten, çmimi i naftës Brent u rrit deri në 5.7 për qind, pasi Teherani intensifikoi sulmet ndaj cisternave që lundrojnë në Ngushticën e Hormuzit. Sipas raportimeve, në javën e fundit janë shënjestruar nëntë anije.

    Ngushtica e Hormuzit është një nga korridoret më të rëndësishme detare për transportin global të naftës. Çdo përshkallëzim i konfliktit në këtë zonë mund të ndikojë në furnizimin me energji dhe të shtojë pasigurinë në tregjet ndërkombëtare.

    Në anën tjetër, uragani Isaias ka kërcënuar prodhimin e naftës në det të hapur në Gjirin e Meksikës. Si pasojë, prodhuesit kanë ndërprerë përkohësisht rreth 1.3 milionë fuçi naftë bruto në ditë.

    Burimi: Dukagjini

  • Ekskluzive | Bastisje te vëllezërit Elezi në Suharekë – gjenden kokainë, 1 mijë euro cash, fishekë dhe 50-euroshe e dyshuar false

    Ekskluzive | Bastisje te vëllezërit Elezi në Suharekë – gjenden kokainë, 1 mijë euro cash, fishekë dhe 50-euroshe e dyshuar false

    Ekskluzive | Bastisje te vëllezërit Elezi në Suharekë – gjenden kokainë, 1 mijë euro cash, fishekë dhe 50-euroshe e dyshuar false

    Një aksion policor është zhvilluar mbrëmjen e 8 tetorit në Suharekë, ku gjatë bastisjes së dy lokacioneve që lidhen me dy vëllezër janë gjetur substancë e dyshuar narkotike, para të gatshme, municion dhe një kartëmonedhë që dyshohet se është e falsifikuar.

    Burimet e Sinjalit bëjnë me dije se rreth orës 21:00, hetuesit për narkotikë, së bashku me njësitë e tjera relevante, kanë zbatuar një urdhëresë të Gjykatës Themelore në Prizren dhe kanë kryer kontrolle në dy shtëpi banimi që lidhen me Edon Elezin dhe Egzon Elezin.

    Gjatë kontrolleve janë gjetur dhe sekuestruar tri doza me substancë të dyshuar kokainë, me peshë totale rreth 0.80 gramë.

    Po ashtu, janë sekuestruar 1,000 euro para të gatshme, disa qese që dyshohet se shërbenin për paketimin e substancave narkotike, si dhe dy palë gërshërë që dyshohet se përdoreshin për përgatitjen e dozave.

    Sipas informacioneve që ka siguruar Sinjali, hetuesit kanë gjetur edhe tre fishekë të armës së zjarrit, një kartëmonedhë prej 50 eurosh që dyshohet se është e falsifikuar, si dhe dy telefona mobilë.

    Në kuadër të aksionit është arrestuar Edon Elezi, i cili është shoqëruar për intervistim në prani të avokatit të caktuar sipas detyrës zyrtare.

    Ndërkohë, Egzon Elezi nuk është gjetur në shtëpi gjatë bastisjes, ndërsa ndaj tij pritet të ndërmerren veprime të tjera hetimore në koordinim me Prokurorin e Shtetit.

    Pas intervistimit, me vendim të Prokurorit të Shtetit, Edon Elezi është ndaluar për 48 orë.

    Rasti po hetohet nën dyshimet për blerje, posedim, shpërndarje dhe shitje të paautorizuar të narkotikëve, mbajtje të paautorizuar të armëve dhe falsifikim të parasë, ndërsa hetimet po vazhdojnë.

    Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

    Sinjali – aty ku e vërteta flet para lajmit!

    /GazetaSinjali/

    The post Ekskluzive | Bastisje te vëllezërit Elezi në Suharekë – gjenden kokainë, 1 mijë euro cash, fishekë dhe 50-euroshe e dyshuar false appeared first on Sinjali.

    Burimi: Sinjali

  • Ekskluzive | Hajnat s’kanë të ndalur në Fushë Kosovë – me shkallë hyjnë nga ballkoni, pronarit i shkaktojnë rreth 20 mijë euro dëm

    Ekskluzive | Hajnat s’kanë të ndalur në Fushë Kosovë – me shkallë hyjnë nga ballkoni, pronarit i shkaktojnë rreth 20 mijë euro dëm

    Ekskluzive | Hajnat s’kanë të ndalur në Fushë Kosovë – me shkallë hyjnë nga ballkoni, pronarit i shkaktojnë rreth 20 mijë euro dëm

    Një rast i vjedhjes së rëndë është raportuar më 8 tetor në rrugën “Bedri Pejani” në Fushë Kosovë, ku persona ende të paidentifikuar dyshohet se kanë hyrë në një banesë përmes ballkonit dhe kanë marrë para e gjësende me vlerë.

    Burimet e Sinjalit bëjnë me dije se rreth orës 23:50, Policia është njoftuar për vjedhjen, ndërsa njësitë përkatëse kanë dalë menjëherë në vendin e ngjarjes.

    Sipas dyshimeve fillestare, autorët kanë përdorur një shkallë për të arritur në ballkonin e banesës.

    Më pas, duke përdorur forcë dhe një mjet të fortë, dyshohet se kanë hapur derën e ballkonit dhe kanë depërtuar brenda.

    Sipas deklarimit të pronarit, E. A, nga banesa janë marrë një televizor, stoli të ndryshme, ora dore dhe rreth 3 mijë euro para të gatshme.

    Dëmi i përgjithshëm, sipas vlerësimit të ankuesit, arrin në rreth 20 mijë euro.

    Për rastin është njoftuar Prokurori i Shtetit, me udhëzim të të cilit është iniciuar procedura për veprën penale “Vjedhje e rëndë”.

    Personi apo personat e dyshuar ende nuk janë identifikuar, ndërsa hetimet për zbardhjen e plotë të rastit po vazhdojnë.

    Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

    Sinjali – aty ku e vërteta flet para lajmit!

    /GazetaSinjali/

    The post Ekskluzive | Hajnat s’kanë të ndalur në Fushë Kosovë – me shkallë hyjnë nga ballkoni, pronarit i shkaktojnë rreth 20 mijë euro dëm appeared first on Sinjali.

    Burimi: Sinjali

  • Superliga rikthehet sot me dy ndeshje interesante

    Superliga rikthehet sot me dy ndeshje interesante

    Superliga e Kosovës kthehet sot me dy përballje në kuadër të xhiros së tetë, ku Llapi, Ballkani, Drita dhe Malisheva synojnë të marrin pikë të rëndësishme në kampionat.

    Sfida e parë e ditës zhvillohet në Podujevë, ku Llapi përballet me Ballkanin nga ora 14:00, në stadiumin “Zahir Pajaziti”.

    Skuadra vendase po kalon një fillim të vështirë të sezonit, pasi në shtatë xhirot e para ka regjistruar vetëm një fitore dhe gjashtë humbje. Për këtë arsye, podujevasit do të kërkojnë të shfrytëzojnë terrenin vendas për t’u rikthyer te rezultatet pozitive.

    Në anën tjetër, as Ballkani nuk vjen në këtë takim në momentin më të mirë, pasi nuk ka arritur të fitojë në tri ndeshjet e fundit. Suharekasit synojnë ta ndërpresin këtë seri dhe të rikthehen te fitorja.

    Dueli tjetër zhvillohet në Gjilan, ku Drita e pret Malishevën nga ora 18:00, në stadiumin me bari artificial.

    Kampionët e Kosovës do të synojnë të shfrytëzojnë përparësinë e terrenit vendas për të arkëtuar pikët e plota, por përballë do ta kenë një kundërshtar që po kalon një periudhë mjaft të mirë.

    Malisheva ka regjistruar pesë fitore, një barazim dhe vetëm një humbje në shtatë xhirot e para, duke dëshmuar se është një skuadër konkurruese në këtë edicion. Përballja me Dritën pritet të jetë një tjetër provë e rëndësishme për formën e malishevasve.

    Xhiroja e tetë e Superligës do të vazhdojë të shtunën me dy ndeshje të tjera, ndërsa kjo xhiro do të përmbyllet të dielën me përballjen ndërmjet Prishtinës dhe Dukagjinit.

    Burimi: RTKLive

  • Biblioteka Kombëtare synon pjesëmarrjen në Panairin e Frankfurtit

    Biblioteka Kombëtare synon pjesëmarrjen në Panairin e Frankfurtit

    Gjatë vizitës, Bekim Aliu, Shqipe Canolli Haziri dhe Berat Dakaj ndoqën aktivitetin e rrjetit letrar “Traduki”, të organizuar në stendën e botuesve zviceranë, ku autorë dhe përkthyes diskutuan për sfidat e përkthimit letrar.

    Ata zhvilluan gjithashtu takime me përfaqësues të organizimit të panairit, ku shqyrtuan mundësinë që Biblioteka Kombëtare e Kosovës të marrë pjesë në edicionin e ardhshëm, për të prezantuar botimet e autorëve nga Kosova.

    Në kuadër të vizitës, përfaqësuesit e bibliotekës vizituan edhe stendën e Shoqatës së Botuesve të Kosovës, së bashku me konsullin e përgjithshëm të Kosovës në Frankfurt, Gëzim Gashi, dhe konsullin Hyzri Bunjaku.

    Sipas Bibliotekës Kombëtare, këto takime përbëjnë një mundësi për zgjerimin e bashkëpunimit dhe rritjen e prezencës së librit shqip në skenën ndërkombëtare.

    Burimi: RTKLive

  • Milani planifikon transferimin e Endrickut në një marrëveshje të ngjashme me Nico Paz

    Milani planifikon transferimin e Endrickut në një marrëveshje të ngjashme me Nico Paz

    Gjiganti italian, Milani synon nënshkrimin e sulmuesit brazilian, Endrick nga Real Madridi, në një marrëveshje të ngjashme sikurse Como me Nico Paz.

    Sulmuesi brazilian zgjodhi të qëndronte në Santiago Bernabeu gjatë verës, pasi zhvilloi bisedime me Jose Mourinhon.

    Megjithatë, tani ai është penduar për vendimin, pasi ka pasur vështirësi për të siguruar minutazh të rregullt këtë sezon. Menaxheri portugez aktualisht favorizon Carlos Espin përpara Endrick si sulmuesin e dytë të zgjedhur pas Kylian Mbappe.

    Endrick është i hapur për mundësi më të mira në janar nëse situata e tij nuk përmirësohet dhe thuhet se është i interesuar për një transferim në Milan.

    Sipas Calciomercato, Milani është shfaqur si një nga pretendentët kryesorë për të nënshkruar me sulmuesin e Real Madridit, Endrick, në afatin kalimtar të janarit.

    Rossonerët po planifikojnë të nënshkruajnë përgjithmonë me 20-vjeçarin dhe të përfshijnë një klauzolë riblerjeje për Real Madridin në marrëveshje, ngjashëm me atë që bëri Como me Nico Paz. /Telegrafi/