Category: Lajme

  • Zelensky thotë se Ukraina do të rifillojë goditjet ndaj rafinerive ruse

    Zelensky thotë se Ukraina do të rifillojë goditjet ndaj rafinerive ruse

    Zelensky thotë se Ukraina do të rifillojë goditjet ndaj rafinerive ruse

    Presidenti ukrainas, Volodymyr Zelensky ka deklaruar se shteti i tij do të rifillojë sulmet ndaj rafinerive ruse të naftës.

    Ai ka akuzuar Shtetet e Bashkuara të Amerikës për tërheqjen e mbështetjes thelbësore.

    Zelensky ka deklaruar se kishte kufizuar sulme të tilla për tre ditë me urdhër të Uashingtonit, ndërsa Rusia, sipas tij, kishte vazhduar të sulmonte infrastrukturën energjetike të Ukrainës.

    Gjithashtu, ai ka akuzuar SHBA-në për tërheqjen e ndarjes së inteligjencës mbi sulmet ruse dhe ngadalësimin e shërbimeve satelitore Starlink të përdorura nga ushtria e Ukrainës për të ushtruar presion mbi Kievin që t’i jepte fund sulmeve plotësisht pasi arriti një marrëveshje për të importuar naftë ruse.

    Ai ka akuzuar Rusinë se ka shkelur “armëpushimin energjetik” të dakrduar me presidentin amerikan, Donald Trump, raporton BBC, deklaratat e tij të dhëna për Financial Times.

    Zelensky ka pranuar se ndihej i tradhtuar nga SHBA-ja kur u pyet nga Piers Morgan të mërkurën në mbrëmje, pasi Uashingtoni duket se tërhoqi elementët kryesorë të mbështetjes së tij.

  • Haradinaj: Mbrojtja e UÇK-së është mbrojtje e sigurisë kombëtare

    Haradinaj: Mbrojtja e UÇK-së është mbrojtje e sigurisë kombëtare

    Haradinaj: Mbrojtja e UÇK-së është mbrojtje e sigurisë kombëtare

    Ish-kryetari i AAK-së, Ramush Haradinaj, ka deklaruar se mbrojtja e Ushtrisë Çlirimtare të Kosovës (UÇK) lidhet drejtpërdrejt me sigurinë kombëtare dhe lirinë e Kosovës, duke theksuar se kjo mbështetje duhet të jetë e vazhdueshme.

    Deputeti Haradinaj tha se siguria kombëtare e Kosovës buron nga vlerat e lirisë dhe lidhja e UÇK-së me Shtetet e Bashkuara të Amerikës dhe NATO-n.

    “Siguria jonë kombëtare buron nga vlerat e lirisë, nga UÇK-ja, e cila është e lidhur ngushtë me Amerikën dhe NATO-n. Pak a shumë ky është filli, deri te liria. Ne, në vazhdimësi, pra jo vetëm kur rrezikohet UÇK-ja, ose të themelet e lirisë, por ne në vazhdimësi duhet të jemi mbrojtje të UÇK-së. Jo për shkak të atyre që janë gjallë sot, ose që kanë qenë dikur në udhëheqje të UÇK-së, por për shkak të vetë të sigurisë tonë kombëtare”, tha ai.

    Ai shtoi se rrezikimi i UÇK-së, qoftë nga faktorë të jashtëm apo nga gabimet e brendshme, sipas tij, paraqet rrezik edhe për sigurinë kombëtare dhe lirinë e vendit.

    “Kur rrezikohet UÇK-ja, qoftë nga armiqtë e jashtëm, apo nga gabimet tona, ta dini që rrezikojmë sigurinë kombëtare, pra lirinë tonë. Veprimet janë shumë të vona, po kuptohet, për punë të mira, edhe i japim mbështetje”, tha ai.

  • BE-ja dënon dhunën në Tiranë: Dialogu konstruktiv mes të gjitha palëve është e vetmja rrugë

    BE-ja dënon dhunën në Tiranë: Dialogu konstruktiv mes të gjitha palëve është e vetmja rrugë

    BE-ja dënon dhunën në Tiranë: Dialogu konstruktiv mes të gjitha palëve është e vetmja rrugë

    Delegacioni i Bashkimit Europian në Tiranë ka reaguar për protestën e studentëve, e cila është shoqëruar me përshkallëzim të dhunës dhe dëmtime të pronës publike e private.

    Përmes një deklarate, BE-ja ka dënuar përshkallëzimin e dhunës gjatë protestës dhe u ka bërë thirrje protestuesve të tregojnë vetëpërmbajtje dhe të shmangin çdo akt dhune.

    “Dhuna nuk ka vend në demokraci”, ka shkruar BE.

    Bashkimi Europian gjithashtu ka theksuar rëndësinë e respektimit të së drejtës për tubim dhe shprehje paqësore, duke e cilësuar dialogun si rrugën e vetme për adresimin e shqetësimeve.

    “Liria e tubimit dhe e shprehjes janë të drejta themelore dhe vlera thelbësore evropiane. Ato duhet të respektohen dhe të ushtrohen në mënyrë paqësore. Dialogu konstruktiv mes të gjitha palëve është e vetmja rrugë përpara për të adresuar shqetësimet legjitime”, shkruhet në postim.

    Sinjali – aty ku e vërteta flet para lajmit!

    /GazetaSinjali/

    The post BE-ja dënon dhunën në Tiranë: Dialogu konstruktiv mes të gjitha palëve është e vetmja rrugë appeared first on Sinjali.

    Burimi: Sinjali

  • Dy të mitura në kryeqytet raportohen se nuk janë kthyer në shtëpi

    Dy të mitura në kryeqytet raportohen se nuk janë kthyer në shtëpi

    Sipas raportit  të policisë, në rastin e parë vajza me vendbanim në lagjen “Ulpiana” në Prishtinë rreth orës 07:00 është raportuar se ka dalë nga shtëpia për të shkuar në shkollë dhe nuk është kthyer më.

    Ndërsa në rastin e dytë për vajzën me vendbanim në rrugën “Ibrahim Kelmendi”, rreth orës 19:00 është raportuar nga nëna e saj për të cilën ka thënë se ka dalë nga shtëpia dhe ende nuk është kthyer.

    Policia e ka bërë të ditur se të dy rastet janë nën hetime.

    Burimi: RTKLive

  • Krijimi i Grupit Punues nga Qeveria për Apelin në Hagë, Haradinaj: Veprimet janë shumë të vona

    Krijimi i Grupit Punues nga Qeveria për Apelin në Hagë, Haradinaj: Veprimet janë shumë të vona

    Deputeti i Aleancës Ramush Haradinaj, e ka cilësuar si shumë të vonuar vendimin e Qeverisë për themelimin e Grupit Punues për hartimin dhe harmonizimin e Strategjisë Kombëtare Shtetërore lidhur me procedurat e Apelit para Dhomave të Specializuara në Hagë.

    Haradinaj ka thënë se mbrojtja e Ushtrisë Çlirimtare të Kosovës duhet të jetë e vazhdueshme dhe jo vetëm kur rrezikohen ish-krerët e saj apo themelet e lirisë.

    “Sot, kur rrezikohet UÇK-ja, qoftë nga armiqtë e jashtëm apo nga gabimet tona, ta dini që rrezikojmë sigurinë kombëtare, pra lirinë tonë”, ka deklaruar Haradinaj.

    Ai ka thënë se, pavarësisht vonesës, duhet mbështetur çdo angazhim në mbrojtje të ish-krerëve të UÇK-së që po mbahen në Hagë.

    Qeveria formon grupin punues për Apelin në Hagë, kush do të jetë pjesë e tij?

    Burimi: Dukagjini

  • Nis seanca plenare e Kuvendit

    Nis seanca plenare e Kuvendit

    Ka nisur me gjysmë ore vonesë seanca e radhës plenare e Kuvendit të Kosovës, e paraparë të fillojë në orën 10:00.

    Në rend të ditës janë shtatë pika, përfshirë përzgjedhjen e dy anëtarëve joekzekutivë të Bordit të Bankës Qendrore të Kosovës, formimin e Komisionit Ad-Hoc për përzgjedhjen e anëtarëve të Bordit të RTK-së dhe propozimin e Listës Serbe për emërimin e deputetëve në komisionet parlamentare.

    Deputetët do të shqyrtojnë edhe në lexim të dytë Projektligjin për ndryshimin dhe plotësimin e Ligjit për Parandalimin e Pastrimit të Parave dhe Luftimin e Financimit të Terrorizmit.

    Rendi i ditës:                                                     

    1. Miratimi i procesverbaleve nga seancat e mëparshme;
    2. Deklarimet jashtë rendit të ditës;
    3. Pyetjet parlamentare;
    4. Përzgjedhja e dy anëtarëve joekzekutivë të Bordit të Bankës Qendrore të Republikës së Kosovës;
    5. Formimi i Komisionit Ad-Hoc për përzgjedhjen e kandidatëve për dy anëtarë nga komuniteti shqiptar, një anëtar nga komuniteti serb dhe një anëtar nga komunitetet joshumicë në Bordin e Radiotelevizionit të Kosovës;
    6. Propozimi i Grupit Parlamentar të Listës Serbe për emërimin e deputetëve në komisionet parlamentare;
    7. Shqyrtimi i dytë i Projektligjit nr. 11/L-017 për ndryshimin dhe plotësimin e Ligjit nr. 05/L-096 për Parandalimin e Pastrimit të Parave dhe Luftimin e Financimit të Terrorizmit.

    Burimi: Dukagjini

  • Protesta e djeshme në Tiranë, Ministria e Shëndetësisë: 89 të lënduar, mes tyre 61 policë

    Protesta e djeshme në Tiranë, Ministria e Shëndetësisë: 89 të lënduar, mes tyre 61 policë

    89 persona kanë marrë kujdes shëndetësor pas protestës së djeshme në Tiranë, mes tyre 61 efektivë të Policisë dhe 18 protestues në Spitalin Universitar të Traumës, si dhe 10 pacientë në Qendrën Spitalore Universitare “Nënë Tereza”.

    Sipas informacionit të bërë publik nga dy institucionet shëndetësore, aktualisht në Spitalin Universitar të Traumës vijojnë të jenë të shtruar katër efektivë policie dhe dy protestues, të cilët do të mbeten nën kujdesin e ekipit mjekësor.

    Siç raportojnë mediat në Shqipëri, personat e tjerë të paraqitur në këtë spital kanë marrë trajtimin e nevojshëm dhe janë larguar me rekomandimin e mjekëve.

    Ndërkohë, në QSUT, 10 pacientët janë trajtuar në shërbimet e Urgjencës Polivalente, Djegie-Plastikës dhe Okulistikës. Pas vlerësimit dhe marrjes së trajtimit të nevojshëm, të gjithë janë larguar nga spitali me rekomandimin e mjekëve.

    Aktualisht, në QSUT nuk ka persona që vijojnë të marrin kujdes shëndetësor pas protestës së djeshme në kryeqytet.

    Ndërkaq, në Spitalin Universitar të Traumës pritet t’i nënshtrohen ndërhyrjeve mjekësore një protestues dhe dy efektivë policie.

    Burimi: Dukagjini

  • Të paktën 28 të vdekur nga shembja e çatisë së një shkolle në Pakistan, shumica fëmijë

    Të paktën 28 të vdekur nga shembja e çatisë së një shkolle në Pakistan, shumica fëmijë

    Të paktën 28 të vdekur nga shembja e çatisë së një shkolle në Pakistan, shumica fëmijë

    Të paktën 27 nxënës, shumica prej tyre nën moshën 13-vjeçare, dhe një mësues kanë humbur jetën të enjten, pasi çatia e një shkolle u shemb gjatë procesit mësimor në qytetin Peshawar të Pakistanit. Autoritetet kanë paralajmëruar se numri i viktimave mund të rritet, raportoi Reuters.

    Sipas zëdhënësit të spitalit “Lady Reading”, Mohammad Asim, shumica e viktimave u dërguan në spital pa shenja jete, ndërsa 20 persona të tjerë u trajtuan për lëndimet e marra.

    Pamjet televizive nga vendi i ngjarjes treguan ambulanca që mbërrinin me urgjencë dhe ekipe të shpëtimit që nxirrnin nga rrënojat nxënës të gjakosur.

    Oficeri i emergjencave të distriktit, Iftikhar Khan, tha se deri në atë moment ekipet e shpëtimit kishin arritur të nxirrnin dhjetëra fëmijë nga rrënojat.

    “Deri më tani kemi nxjerrë të paktën 45 fëmijë nga rrënojat”, tha Khan.

    Ai shtoi se kishte raportime se në rrënoja mund të kishte ende fëmijë të tjerë të bllokuar, çka rrit shqetësimet për bilancin përfundimtar të tragjedisë.

    Zëvendëskryeministri i Pakistanit, Ishaq Dar, reagoi përmes një postimi në rrjetin social X, duke thënë se shembja e çatisë së shkollës në Peshawar ka “prekur thellë të gjithë kombin”.

    “Fëmijët tanë janë pasuria jonë më e çmuar dhe çdo humbje e tillë është një tragjedi për të gjithë vendin”.

    Sinjali – aty ku e vërteta flet para lajmit!

    /GazetaSinjali/

    The post Të paktën 28 të vdekur nga shembja e çatisë së një shkolle në Pakistan, shumica fëmijë appeared first on Sinjali.

    Burimi: Sinjali

  • Deputetët nisin të mblidhen për seancën plenare

    Deputetët nisin të mblidhen për seancën plenare

    Deputetët nisin të mblidhen për seancën plenare

    Një numër i vogël i të zgjedhurve të popullit kanë arritur në sallën plenare të Kuvendit, aty ku nga ora 10:00 është paralajmëruar të nisë seanca e sotme.

    Në rendin e ditës janë gjithsej shtatë pika, përfshirë përzgjedhjen e anëtarëve të Bordit të Bankës Qendrore të Republikës së Kosovës, formimin e një komisioni ad-hoc për përzgjedhjen e anëtarëve të Bordit të Radiotelevizionit të Kosovës, si dhe shqyrtimin e dytë të një projektligji për luftimin e pastrimit të parave dhe financimit të terrorizmit, transmeton Klankosova.tv.

    Këto janë pikat e rendit të ditës:

    -Miratimi i procesverbaleve nga seancat e mëparshme.

    -Deklarimet jashtë rendit të ditës.

    -Pyetjet parlamentare.

    -Përzgjedhja e dy anëtarëve joekzekutivë të Bordit të Bankës Qendrore të Republikës së Kosovës.

    -Formimi i Komisionit Ad-Hoc për përzgjedhjen e kandidatëve për dy anëtarë nga komuniteti shqiptar, një anëtar nga komuniteti serb dhe një anëtar nga komunitetet joshumicë në Bordin e Radiotelevizionit të Kosovës.

    -Propozimi i Grupit Parlamentar të Listës Serbe për emërimin e deputetëve në komisionet parlamentare.

    -Shqyrtimi i dytë i Projektligjit nr. 11/L-017 për ndryshimin dhe plotësimin e Ligjit nr. 05/L-096 për Parandalimin e Pastrimit të Parave dhe Luftimin e Financimit të Terrorizmit.

    Kujtojmë se Komisioni për të Drejtat dhe Interesat e Komuniteteve dhe Kthim ka miratuar me shumicë votash Projektligjin për ndryshimin dhe plotësimin e Ligjit për Parandalimin e Pastrimit të Parave dhe Luftimin e Financimit të Terrorizmit, nga aspekti i të drejtave dhe interesave të komuniteteve.

  • Azemi: Pavarësisht procedimit të pagave, greva dhe protesta do të vazhdojnë

    Azemi: Pavarësisht procedimit të pagave, greva dhe protesta do të vazhdojnë

    Azemi: Pavarësisht procedimit të pagave, greva dhe protesta do të vazhdojnë

    Federata Sindikale e Punëtorëve Teknikë të Sektorit Privat të Kosovës ka njoftuar se greva dhe protestat e punëtorëve teknikë të shkollave fillore dhe të mesme në Komunën e Prishtinës do të vazhdojnë, deri në realizimin e kërkesave të tyre.

    Përmes një njoftimi publik, federata bën të ditur se, ndonëse Komuna e Prishtinës i ka proceduar pagat për muajin shtator, punëtorët teknikë të shkollave nuk janë paguar në përputhje me pagën minimale, transmeton Klankosova.tv.

    Kreu i Sindikatës, Jusuf Azemi ka bërë të qartë se protestat dhe greva do të vazhdojnë sipas strategjisë së mëtejshme të përcaktuar nga federata, deri në përmbushjen e kërkesave të punëtorëve.

    Federata Sindikale e Punëtorëve Teknikë të Sektorit Privat të Kosovës u ka bërë thirrje institucioneve përgjegjëse që të trajtojnë këtë çështje dhe të sigurojnë realizimin e të drejtave të punëtorëve.

    Mund të jetë një imazh i teksti