Blog

  • Xhemajli rrëfen takimin e parë me Nuhi Berishën

    Xhemajli rrëfen takimin e parë me Nuhi Berishën

    Bajrush Xhemajli ka rrëfyer në Debat Plus, në kuadër të ciklit “Dosjet”, takimin e parë me veprimtarin e çështjes kombëtare, Nuhi Berishën, në fillim të shtatorit të vitit 1982.

    Ai ka treguar se takimi ishte organizuar përmes aktivistëve të tjerë ilegalë dhe se, për të verifikuar identitetin e njëri-tjetrit, kishin përdorur një mënyrë të caktuar komunikimi.

    “Tha: ‘A mos ke orë?’, se nuk kam, thashë po e kam. Tha sa është ora, thashë 18:00. O, tha ‘Azem’, si je”, ka rrëfyer Xhemajli për momentin kur e kuptuan se ishin takuar me personin e duhur.

    Pas takimit, ata kishin shkuar te varrezat e Jahudisë, ku kishin qëndruar deri në mëngjes duke biseduar për veprimtarinë e tyre.

    Xhemajli e ka përshkruar Berishën si një të ri trim, të guximshëm dhe të përkushtuar, me të cilin gjatë muajve pasues kishte zhvilluar takime të tjera dhe kishte bashkëpunuar në veprimtarinë ilegale.

    Ai ka treguar gjithashtu se lajmi për vrasjen e Jusuf Gërvallës, Kadri Zekës dhe Bardhosh Gërvallës kishte qenë shumë i rëndë për të, duke e cilësuar atë si një humbje të madhe për çështjen kombëtare.

    Burimi: Dukagjini

  • Kosova nënshkruan marrëveshje mbi 40 milionë euro për shëndetësinë me Bankën Evropiane

    Kosova nënshkruan marrëveshje mbi 40 milionë euro për shëndetësinë me Bankën Evropiane

    Nënshkruhet marrëveshja mes Republikës së Kosovës dhe Bankës Evropiane për Investime për sektorin e shëndetësisë në vlerë prej 41 milionë euro.

    Ministri i Financave, Hekuran Murati tha se ky projekt do të sigurojë pajisje mjekësore moderne dhe do të ndikojë në infrastrukturën e pacientëve në QKUK dhe në spitalet rajonale të Prizrenit, Pejës, Gjakovës dhe atë të Gjilanit.

    “Qeveria e Republikës së Kosovës, e përfaqësuar nga Ministria e Financave, sot po nënshkruan bashkë me Bankën Evropiane të Investimeve dhe Bankën për Zhvillim të Këshillit të Evropës marrëveshje kredi për projektin e pajisjeve mjekësore dhe përmirësimit të infrastrukturës. Vlera e përgjithshme e këtij projekti është 41 milionë euro, dhe bashkëfinancimi është i ndarë barabartë nga dy bankat, pra EIB dhe CEB. Investimi do të sigurojë pajisje mjekësore moderne dhe do të ndikojë në infrastrukturën e pacientëve në Qendrën Klinike Universitare të Kosovës në Prishtinë, si dhe në spitalet rajonale të Prizrenit, Pejës, Gjakovës dhe atë të Gjilanit”, tha Murati.

    Ministri i Shëndetësisë, Arben Vitia tha se modernizimi i infrastrukturës dhe teknologjisë mjekësore është një nga prioritetet e strategjisë sektoriale të shëndetësisë 2025-2030.

    “Strategjia sektoriale e shëndetësisë 2025-2030, pasqyron prioritetet e Qeverisë së Republikës së Kosovës për sektorin e shëndetësisë. Në objektivat strategjikë të kësaj strategjie, kemi identifikuar riorganizimin e institucioneve shëndetësore dhe modernizimin e infrastrukturës dhe teknologjisë mjekësore si një nga prioritetet e sotme. Strategjia i jap një rëndësi të veçantë përmirësimit të infrastrukturës fizike të institucioneve shëndetësore sekondare dhe terciare me furnizimin e tyre me pajisje mjekësore moderne për një periudhë afatgjatë”, tha Vitia.

    Robert de Groot, zëvendëspresident i Bankës Evropiane të Investimeve tha se kujdesi shëndetësor është nga format më të thjeshta ku investimet publike ofrojë shërbime për popullin.

    “Kujdesi shëndetësor është një nga mënyrat më të dukshme përmes të cilave investimet publike ofrojnë shërbime për njerëzit. Çdo ditë, 24 orë në ditë, 7 ditë në javë, qytetarët duhet të jenë në gjendje të mbështeten te kujdesi thelbësor mjekësor për veten dhe familjet e tyre. Dhe duke nënshkruar këtë operacion sot, ne po ndihmojmë për të siguruar që profesionistët shëndetësorë dhe pacientët në mbarë Kosovën të kenë qasje në pajisje dhe lehtësira moderne. Kjo do të thotë pajisje mjekësore të avancuara dhe përmirësim i infrastrukturës mbështetëse, duke rezultuar në diagnostikim më të mirë, trajtim më efektiv dhe kujdes të përmirësuar për pacientët”, tha de Groot.

    Johannes Böhmer, zëvendësguvernator për Strategjinë e Zhvillimit Social në Bankën për Zhvillim të Këshillit të Evropës tha se pa shëndet, çdo gjë është asgjë.

    “Mund të themi se pa shëndet, çdo gjë është asgjë. Dhe mendoj se popullatat në të gjitha vendet tona presin një sistem të fortë shëndetësor si një shërbim bazë që qeveritë duhet ta sigurojnë në mënyrë që të mbajnë popullatën e tyre funksionale. Pa shëndet, shumë gjëra të tjera bëhen dytësore dhe për këtë arsye, kjo është edhe më e rëndësishme”, tha ai. /KSP

    Burimi: Dukagjini

  • Kurti falënderon komandantin e KFOR-it për kontributin

    Kurti falënderon komandantin e KFOR-it për kontributin

    Kurti falënderon komandantin e KFOR-it për kontributin

    Kryeministri i Kosovës Albin Kurti, ka pritur në takim lamtumirës komandantin e KFOR-it Ozkan Ulutash.

  • Ky është 54-vjeçari nga Ferizaj që humbi jetën pasi u rrëzua nga objekti ku po punonte

    Ky është 54-vjeçari nga Ferizaj që humbi jetën pasi u rrëzua nga objekti ku po punonte

    Ky është 54-vjeçari nga Ferizaj që humbi jetën pasi u rrëzua nga objekti ku po punonte

    Ka humbur jetën një punëtor në një objekt në ndërtim në rrugën “Cen Dugolli” në Ferizaj.

    Zëdhënësi i policisë për rajonin e Ferizajt, Kanun Veseli për Klankosova.tv ka bërë të ditur se bëhet fjalë për 54-vjeçarin me inicialet M.M.

    I njëjti dyshohet se gjatë punimeve ndërtimore është rrëzuar nga kati përdhes në bodrum./Klankosova.tv

  • Kuvendi për Specialen: Kosova kërkon drejtësi, jo ikje nga ajo (VIDEO)

    Kuvendi për Specialen: Kosova kërkon drejtësi, jo ikje nga ajo (VIDEO)

    Kuvendi për Specialen: Kosova kërkon drejtësi, jo ikje nga ajo (VIDEO)

    Kryesia e Kuvendit të Kosovës, e udhëhequr nga kryeparlamentarja Albulena Haxhiu, u dakordua për pikat e seancës së radhës në mbledhjen e së hënës.

    Pas takimit, vëmendje mori edhe Ligji për Dhomat e Specializuara, pas kritikave të komisioneres së Bashkimit Evropian për Zgjerim, Marta Kos.

    Partia që inicioi ndryshimet, theksoi se vendi po kërkon një proces fer në Hagë.

    Nga Aleanca që e mbështetën nismën, u tha se kuvendi duhet të vazhdojë t`i përkrah krerët e UÇK-së dhe jo vetëm me ligj.

    Ndërkaq, nga partia në pushtet thonë se përgatitjet për fazën e Apelit duhet të bëhen përmes një strategjie shtetërore dhe koordinimit institucional.

    U bë e ditur se kryesia caktoi seancë plenare për 15 tetor, ku pritet të shqyrtohet projektligji kundër pastrimit të parave dhe polotësimi i bordit të BQK-së dhe RTK-së.

  • Vdekja e punëtorit në Ferizaj, ndalohet një person për 48 orë

    Vdekja e punëtorit në Ferizaj, ndalohet një person për 48 orë

    Vdekja e punëtorit në Ferizaj, ndalohet një person për 48 orë

    Gazeta Sinjali ka raportuar më herët për vdekjen e një punëtori në një objekt në ndërtim në Ferizaj, ndërsa tashmë janë bërë të ditura detaje të reja për rastin.

    Zëdhënësi i Policisë për Rajonin e Ferizajt, Kanun Veseli, ka bërë të ditur për Sinjalin se viktima është M.M., 54 vjeç, ndërsa një person tjetër është ndaluar për 48 orë.

    Rasti ka ndodhur sot rreth orës 15:40, në rrugën “Cen Dugolli” në Ferizaj, ku viktima dyshohet se gjatë punimeve ndërtimore është rrëzuar nga kati përdhes në bodrum.

    Në vendin e ngjarjes kanë dalë njësitë policore dhe ekipet e Emergjencës, të cilat kanë konstatuar vdekjen e tij. Po ashtu, në vendin e ngjarjes kanë intervenuar hetuesit rajonalë, ndërsa janë njoftuar edhe inspektorët e punës.

    Sipas Veselit, B.T., 31 vjeç, është ndaluar për 48 orë nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

    Për të gjitha veprimet policore është njoftuar prokurori i shtetit, ndërsa rasti po trajtohet nga organet kompetente.

    Sinjali – aty ku e vërteta flet para lajmit!

    /GazetaSinjali/

    The post Vdekja e punëtorit në Ferizaj, ndalohet një person për 48 orë appeared first on Sinjali.

    Burimi: Sinjali

  • Kurti në takim lamtumirës me komandantin e KFOR-it: Ulutash largohet nga Kosova si mik

    Kryeministri i Kosovës, Albin Kurti, ka zhvilluar sot një takim lamtumirës me komandantin e KFOR-it, gjeneralmajorin Özkan Ulutaş, të cilin e ka falënderuar për bashkëpunimin dhe bashkërendimin gjatë dy mandateve të tij në krye të misionit të NATO-s në Kosovë.

    Përmes një postimi, Kurti ka bërë të ditur se gjatë takimit kanë diskutuar për rrugën e Kosovës drejt anëtarësimit në NATO, zhvillimet aktuale politike dhe situatën e sigurisë në vend dhe rajon.

    Temë e diskutimit ishte edhe ngritja e kapaciteteve të Forcës së Sigurisë së Kosovës dhe Policisë së Kosovës, si dhe mundësitë për zgjerimin dhe thellimin e bashkëpunimit ndërmjet institucioneve të Kosovës dhe KFOR-it.

    Kurti ka vlerësuar se komunikimi me gjeneralmajorin Ulutaş gjatë dy mandateve të tij ka qenë konstruktiv, duke theksuar se ai largohet nga Kosova si mik.

    “Në dy mandatet e tij të komandës së KFOR-it, komunikimi me Gjeneralmajor Özkan Ulutaş ka qenë konstruktiv, ndërsa ai largohet nga vendi ynë si mik me të cilin do të ruajmë kujtime të mira”, ka shkruar Kurti.

    Kryeministri e ka falënderuar komandantin për bashkëpunimin dhe bashkërendimin, duke shprehur rëndësinë e vazhdimit të bashkëpunimit ndërmjet institucioneve të Kosovës dhe misionit të NATO-s.

    Sinjali – aty ku e vërteta flet para lajmit!

    /GazetaSinjali/

    The post Kurti në takim lamtumirës me komandantin e KFOR-it: Ulutash largohet nga Kosova si mik appeared first on Sinjali.

    Burimi: Sinjali

  • Rasti në Pogragjë: Pasi privoi nga jeta djalin, dyshohet se iku në Serbi (VIDEO)

    Rasti në Pogragjë: Pasi privoi nga jeta djalin, dyshohet se iku në Serbi (VIDEO)

    Rasti në Pogragjë: Pasi privoi nga jeta djalin, dyshohet se iku në Serbi (VIDEO)

    Vrasjen dyshohet se e kreu brenda shtëpisë, por gjurmët u gjetën edhe përtej saj.

    Krejt kjo, pasi mbrëmjën e së dielës, në Pogragjë të Gjilanit, një 29-vjeçar dyshohet se u vra nga babai i tij pas të shtënave të njëpasnjëshme me armë zjarri.

    Kjo i tronditi bashkëfshatarët të cilët thanë se kjo familje nuk ka pasur telashe mes vete më herët.

    Ndërsa një person që jeton afër tyre tregoi se pas shkrepjes së plumbave drejt djalit të vetëm, i dyshuari eshte larguar menjëherë me veturën e tij. E pikërisht ajo u gjet pas 12 orësh në fshatin Sllubicë ku është edhe vija ndarëse me Serbinë, çka shtoi edhe më shumë dyshime.

    Nga insitucionet u tha se as viktima e as dorasi i dyshuar nuk kanë pasur të kaluar kriminale.

    Ndiqni kronikën në vazhdim:

  • Tronditëse: Foshnja e porsalindur gjendet e braktisur në një qese pranë Milanos

    Tronditëse: Foshnja e porsalindur gjendet e braktisur në një qese pranë Milanos

    Tronditëse: Foshnja e porsalindur gjendet e braktisur në një qese pranë Milanos

    Një foshnjë e porsalindur është gjetur e braktisur brenda një qeseje pasditen e 12 tetorit në Cinisello Balsamo, pranë Milanos në Itali.

    I porsalinduri, një djalë që ende kishte placentën të lidhur dhe ishte mbështjellë me një copë pëlhure, u zbulua nga një grua që po shëtiste qenin e saj në zonën mes rrugëve Monte Ortigara dhe Pasubio.

    Sipas mediave italiane, gruaja dëgjoi disa tinguj dhe rënkime të lehta, çka e shtyu të afrohej te qesja e lënë mes pemëve. Pasi kuptoi se brenda saj ndodhej një foshnjë, ajo njoftoi menjëherë shërbimet e emergjencës.

    Ngjarja u raportua rreth orës 16:15, ndërsa në vendin e ngjarjes mbërritën ekipet mjekësore dhe forcat e policisë.

    Foshnja u transportua me urgjencë në spitalin Niguarda në Milano, ku po merr trajtim mjekësor. Sipas raportimeve të mediave lokale, gjendja e tij shëndetësore është kritike.

    Sipas informacioneve të publikuara nga “MilanoToday”, lindja dyshohet të ketë ndodhur rreth dy orë para se foshnja të gjendej.

    Ndërkohë, policia ka rrethuar zonën dhe ka nisur hetimet për të zbardhur rrethanat e ngjarjes dhe për të identifikuar personin që e ka braktisur të porsalindurin.

    Deri më tani, nuk ka informacione të tjera zyrtare për identitetin e personit të dyshuar, ndërsa hetimet vijojnë.

    Sinjali – aty ku e vërteta flet para lajmit!

    /GazetaSinjali/

    The post Tronditëse: Foshnja e porsalindur gjendet e braktisur në një qese pranë Milanos appeared first on Sinjali.

    Burimi: Sinjali

  • Aktakuzë për krime lufte ndaj një ish-komandanti policor serb në Zveçan

    Aktakuzë për krime lufte ndaj një ish-komandanti policor serb në Zveçan

    Sipas aktakuzës, gjatë periudhës 1998-1999, në Komunën e Zveçanit, i pandehuri M.Gj., në bashkëkryerje me pjesëtarë të tjerë të forcave policore serbe dhe nën përgjegjësinë individuale dhe atë komanduese, në cilësinë e komandantit të Repartit Policor (përbërja rezervë) në Komunën e Zveçanit, ka kryer vrasje, trajtim çnjerëzor, frikësim, shkatërrim të pasurisë, dëbim masiv dhe spastrim etnik të popullatës civile.

    “Gjatë periudhës 1998-1999, në Komunën e Zveçanit, i pandehuri M.Gj., në bashkëkryerje me pjesëtarët të tjerë të forcave policore serbe dhe nën përgjegjësinë individuale dhe atë komanduese, në cilësinë e Komandantit të Repartit Policor (përbërja rezerve) në Komunën e Zveçanit, ka kryer vrasje, trajtim çnjerëzor, frikësim, shkatërrim të pasurisë, dëbim masiv dhe spastrim etnik të popullatës civile”, thuhet në njoftimin e Prokurorisë.

    Po ashtu, më 29 prill 1999, i pandehuri, me pjesëtarë të tjerë të paidentifikuar, të organizuar në formacione të strukturuara, të uniformuar, pjesëtarë të Ushtrisë Jugosllave dhe të policisë serbe, kishte ndërmarrë operacion për rrethimin e një fshati në Komunën e Zveçanit.

    Gjatë operacionit, u vranë tre banorë civilë, ndërsa shtatë persona të tjerë u rrëmbyen. Trupat e gjashtë prej tyre u gjetën në varrezat e fshatit Suhodoll, ndërsa trupi i viktimës së shtatë ende nuk është gjetur. Po ashtu, u dogjën shtëpi dhe u shkatërrua pasuri materiale.

    Rasti i është kaluar për shqyrtim Gjykatës Themelore në Prishtinë, ndërsa i pandehuri ndodhet në paraburgim.

    Burimi: RTKLive