Category: Lajme

  • Haaland thyen rekorde, 61 gola në vetëm 60 ndeshje në Champions

    Haaland thyen rekorde, 61 gola në vetëm 60 ndeshje në Champions

    Haaland thyen rekorde, 61 gola në vetëm 60 ndeshje në Champions

    Erling Haaland vazhdon të shkëlqejë në Ligën e Kampionëve, duke arritur shifrën e 61 golave në vetëm 60 ndeshje të zhvilluara në këtë garë.

    Sulmuesi norvegjez shënoi dy gola në përballjen mes Manchester Cityt dhe Paris Saint-Germainit, e cila përfundoi me fitoren 4-2 të skuadrës franceze në “Etihad”.

    Me këtë statistikë, Haaland ka arritur të shënojë 60 gola në Champions më shpejt se Lionel Messi, të cilit i janë dashur 80 ndeshje për ta arritur këtë shifër.

    Për më tepër, Haaland ishte një ditë më i ri se Messi kur arriti këtë moment historik: norvegjezi në moshën 26 vjeç e 85 ditë, ndërsa argjentinasi në moshën 26 vjeç e 86 ditë.

    Sinjali – aty ku e vërteta flet para lajmit!

    /GazetaSinjali/

    The post Haaland thyen rekorde, 61 gola në vetëm 60 ndeshje në Champions appeared first on Sinjali.

    Burimi: Sinjali

  • Zelensky zotohet për sulme ndaj rafinerive, shpreh zemërim për ndërprerjen e ndarjes së të dhënave nga SHBA-ja

    Forcat ukrainase e kanë goditur një rafineri nafte në rajonin e Rjazanit në Rusi, thanë zyrtarët rusë të enjten, disa orë pasi presidenti ukrainas, Volodymyr Zelensky, njoftoi se Ukraina do t’i rifillonte sulmet ndaj objekteve energjetike ruse dhe shprehu zemërimin ndaj vendimit të Shteteve të Bashkuara për ta ndërprerë ndarjen e të dhënave satelitore.

    Duke e sfiduar “armëpushimin energjetik”, të shpallur në mënyrë të njëanshme javën e kaluar nga presidenti amerikan, Donald Trump, Zelensky i tha gazetës Financial Times në një intervistë të publikuar të enjten se “i erdhi fundi” pezullimit të sulmeve ndaj objekteve të naftës në Rusi.

    Disa orë më vonë, guvernatori i Rjazanit, Pavel Malkov, shkroi në Telegram se “rajoni ynë po përballet me një sulm masiv me dronë”, duke shtuar se “në rafinerinë e naftës shpërtheu një zjarr”.

    Më vonë, Ministria e Mbrojtjes e Rusisë tha se Ukraina kishte tentuar një sulm masiv ndaj rafinerisë së naftës në Rjazan, duke shtuar se mbetjet e dronëve të rrëzuar kishin shkaktuar zjarr në objekt.

    Ushtria ukrainase nuk e ka komentuar sulmin, i cili do të ishte i pari nga Kievi qëkurse Trump shpalli armëpushimin më 11 tetor.

    Rafineria e Rjazanit, në pronësi të kompanisë Rosneft, është shënjestruar disa herë nga dronët muajt e fundit dhe përbën gati 5 për qind të kapacitetit të përgjithshëm të Rusisë për përpunimin e naftës, shkruan REL.

    Asnjëra nga palët ndërluftuese nuk e konfirmoi zyrtarisht pranimin e armëpushimit të shpallur nga Trump. Ndërsa Ukraina i pezulloi sulmet ndaj rafinerive ruse për tri ditë, Rusia vazhdoi të godiste objektet energjetike dhe infrastruktura të tjetra të Ukrainës.

    “Bllokimi [i sulmeve ndaj rafinerive] ka skaduar. Mjaft më”, tha Zelensky për Financial Times.

    Zelensky kishte deklaruar se Ukraina ishte e gatshme t’i ndalte sulmet ndaj rafinerive ruse të naftës nëse Moska do të kishte pranuar t’i ndalte goditjet ndaj infrastrukturës energjetike ukrainase.

    Toni i ashpër i presidentit ukrainas vazhdoi edhe kur foli për krizën e fundit, të shkaktuar nga ndërprerja e furnizimit të Kievit me të dhëna të inteligjencës amerikane.

    Zelensky shtoi se ndërprerja i ishte paraqitur Kievit si një defekt teknik, shpjegim të cilin ai e hodhi poshtë. Ai e cilësoi “të rrezikshme” ndërprerjen e funksionimit të Starshield, versionit ushtarak të sistemit të komunikimit satelitor, Starlink.

    Trysni e shtuar ndaj Pentagonit

    Pentagoni po përballet me trysni të shtuar për të shpjeguar kufizimet e raportuara në komunikimet satelitore të përdorura nga ushtria ukrainase. Senatori republikan, Thom Tillis, kërkoi një hetim nga inspektori i përgjithshëm i Departamentit të Mbrojtjes, duke paralajmëruar se civilët ukrainas dhe personeli amerikan mund të jenë vënë në rrezik të panevojshëm.

    Tillis tha të mërkurën se do t’i kërkonte inspektorit të përgjithshëm të Departamentit të Mbrojtjes të hetonte atë që ai e përshkroi si një ndërprerje potencialisht të rrezikshme që përfshinte Starshield, sistem që kontrollohet nga Qeveria amerikane.

    “Raportimet e fundit sugjerojnë se kjo ngatërresë strategjike mund të ketë ndodhur në një nivel më lokal, brenda sistemeve Starshield të Departamentit të Mbrojtjes, dhe jo te Starlink apo SpaceX”, shkroi Tillis në rrjetet sociale.

    Ai tha se civilët ukrainas, si dhe personeli diplomatik dhe i sigurisë i SHBA-së, ishin vënë në rrezik të panevojshëm, pa paralajmërim paraprak.

    “Në rastin më të mirë, ky ishte një gabim ose lëshim i papranueshëm; në rastin më të keq, një vendim i qëllimshëm për t’ia hapur rrugën një sulmi rus”, shtoi Tillis.

    Radio Evropa e Lirë ka mësuar nga burime në Kongres se një grup ligjvënësish përmes një letre do t’i kërkojë inspektorit të përgjithshëm të Departamentit të Mbrojtjes të hetojë këtë incident. Pritet që letra të dërgohet në ditët në vijim.

    Kërkesa për hetim vjen në kohën kur po shtohen shqetësimet dypartiake lidhur me raportimet se kufizimet e lidhjes satelitore kanë penguar operacionet ushtarake ukrainase.

    Disa kanë spekuluar gjithashtu se kjo mund të jetë një përpjekje e administratës amerikane për t’i bërë trysni Kievit që të përmbahet nga sulmet ndaj rafinerive ruse të naftës.

    Megjithatë, ende nuk është e qartë se kush i autorizoi kufizimet, nëse ato prekën shërbimin komercial Starlink apo sistemin Starshield dhe nëse Uashingtoni e kufizoi gjithashtu mbështetjen me të dhëna të inteligjencës për Kievin.

    Portali Axios, duke cituar burime, raportoi se Shtëpia e Bardhë i kishte thënë Ukrainës se nuk e kontrollon kompaninë SpaceX të Elon Muskut, e cila zotëron Starlink-un.

    Musk shkroi në rrjetin X se “sistemet Starshield janë në pronësi dhe nën kontrollin e qeverisë amerikane. Çdo kufizim i shpejtësisë ose përdorimit vendoset nga ushtria amerikane dhe, në fund të fundit, nga presidenti i SHBA-së”.

    Dan Rice, president i Universitetit Amerikan të Kievit dhe ish-këshilltar i posaçëm i komandantit të përgjithshëm të Forcave të Armatosura të Ukrainës, paralajmëroi se kufizimet mund të kenë pasoja të rënda nëse i pengojnë forcat ukrainase t’i drejtojnë dronët mbrojtës kundër dronëve rusë sulmues.

    Ai paralajmëroi se, nëse problemet me lidhjen satelitore i pengojnë dronët mbrojtjes me shpejtësi të lartë të arrijnë shënjestrat e tyre, dronët rusë mund të godasin vende ku ndodhen civilë, duke vrarë gra, fëmijë dhe persona të tjerë që nuk marrin pjesë në luftime.

    Rice theksoi për Radion Evropa e Lirë gjithashtu se forcat ruse kishin shënjestruar universitete, shkolla dhe spitale për fëmijë.

    Mark Montgomery, kundëradmiral në pension, drejtor i lartë i Qendrës për Inovacion në Siguri Kibernetike dhe Teknologji dhe studiues i lartë në Fondacionin për Mbrojtjen e Demokracive, i tha Radios Evropa e Lirë se kufizimet e raportuara kishin dëmtuar aftësinë e Ukrainës për të kontrolluar sulmet me dronë me rreze të mesme veprimi kundër rrugëve ruse të furnizimit dhe objekteve të komandimit e kontrollit që mbështesin forcat e Moskës në territoret e pushtuara të Ukrainës.

    Ndërkohë, Moska vazhdoi sulmet ndaj Ukrainës më 15 tetor, një ditë pasi sulmet ruse me raketa dhe dronë goditën infrastrukturën civile dhe energjetike në mbarë vendin, duke vrarë të paktën nëntë persona dhe duke lënë qindra mijëra të tjerë pa energji elektrike.

    Forcat Ajrore të Ukrainës raportuan në mëngjesin e së enjtes se Rusia kishte lëshuar gjatë natës 580 dronë dhe dy raketa të tipit Kh-59 drejt Ukrainës, duke shtuar se sulmi ishte ende në vazhdim.

    Sinjali – aty ku e vërteta flet para lajmit!

    /GazetaSinjali/

    The post Zelensky zotohet për sulme ndaj rafinerive, shpreh zemërim për ndërprerjen e ndarjes së të dhënave nga SHBA-ja appeared first on Sinjali.

    Burimi: Sinjali

  • Gazetari serb kritikon Vuçiqin për kërcënimet ndaj kundërshtarëve politikë: Po zhvillon luftë personale

    Gazetari serb kritikon Vuçiqin për kërcënimet ndaj kundërshtarëve politikë: Po zhvillon luftë personale

    Gazetari serb Radomir Dimiq ka kritikuar presidentin e Serbisë, Aleksandar Vuçiq, për gjuhën dhe kërcënimet ndaj kundërshtarëve politikë gjatë fushatës parazgjedhore, duke e akuzuar atë se po e shndërron garën zgjedhore në një përplasje personale.

    Në një reagim, Dimiq ka ngritur pikëpyetje për qasjen e Vuçiqit ndaj liderëve të Luginës së Preshevës, të cilët, sipas tij, po shënjestrohen për shkak të bashkimit të tyre për të garuar së bashku në zgjedhjet parlamentare të Serbisë, të parapara për 25 tetor.

    Gazetari ka kritikuar gjithashtu presidentin serb për sulmet ndaj djalit të ministrit në Qeverinë e Kosovës, Nenad Rashiq, i cili, sipas reagimit të tij, është parë duke vallëzuar me studentët në Nish.

    Dimiq ka vënë në pikëpyetje qëndrimin e Vuçiqit ndaj të rinjve që shprehin mbështetje për lëvizjet studentore, duke e kritikuar atë për sulmet ndaj një të riu për shkak të lidhjes familjare me Rashiqin.

    “Zoti Aleksandar Vuçiq, a nuk mendoni se e keni tepruar pak me etiketimet dhe kërcënimet brutale ndaj njerëzve që janë në anën e kundërt politike nga ju?”, ka shkruar Dimiq.

    Ai ka akuzuar Vuçiqin se, në vend të një fushate demokratike, po zhvillon një përballje personale kundër atyre që e kundërshtojnë politikisht.

    “Zoti Vuçiq, ju nuk po zhvilloni një fushatë zgjedhore demokratike. Ju po zhvilloni luftën tuaj personale, i vetëm kundër të gjithë atyre që duan ta shpëtojnë vendin nga ju dhe regjimi juaj kriminal”, ka deklaruar gazetari.

    Në përfundim të reagimit të tij, Dimiq ka shprehur bindjen se kundërshtimi ndaj pushtetit aktual mund të shënojë fillimin e një procesi drejt drejtësisë dhe një të ardhmeje më të mirë për qytetarët e Serbisë.

    Burimi: Dukagjini

  • Shiroka-Pula: Puna dhe vepra e akademik Islamit, pjesë e rëndësishme e trashëgimisë së Kosovës

    Shiroka-Pula: Puna dhe vepra e akademik Islamit, pjesë e rëndësishme e trashëgimisë së Kosovës

    Shiroka-Pula: Puna dhe vepra e akademik Islamit, pjesë e rëndësishme e trashëgimisë së Kosovës

    Presidentja Justina Shiroka-Pula, ka marrë pjesë sot në promovimin e dy veprave shkencore të akademik Hivzi Islamit, me rastin e 80-vjetorit të lindjes së tij.

    Sipas njoftimin nga zyra e Presidentes, Shiroka-Pula tha se këto dy vepra shkencore, përfaqësojnë një pjesë të rëndësishme të krijimtarisë së tij shumëvjeçare dhe të kontributit të jashtëzakonshëm në studimin e popullsisë së Kosovës dhe të shqiptarëve.

    Por, sipas saj, kjo ditë ka një domethënie më të gjerë sesa promovimi i dy librave apo shënimi i një jubileu. Kjo pasi, siç u shpreh Presidentja, sot nderohet një jetë të tërë kushtuar dijes, shkencës, arsimit universitar, zhvillimit institucional dhe interesit të përgjithshëm të vendit tonë.

    “Në historinë e çdo institucioni shkencor ka personalitete që nuk dallohen vetëm për veprat që kanë shkruar, por edhe për gjurmët që kanë lënë në zhvillimin e vetë institucionit, në formimin e brezave të rinj dhe në afirmimin e shkencës në hapësirën kombëtare e ndërkombëtare. Një personalitet i tillë është pa dyshim akademik Hivzi Islami”, u shpreh Shiroka-Pula.

    Ajo më tej tha se për të personalisht, kjo ditë ka edhe një vlerë të veçantë, ngase, si kolege e tij prej shumë vitesh, ka pasur mundësinë ta njohë nga afër përkushtimin e tij ndaj punës shkencore, seriozitetin profesional, përgjegjësinë institucionale dhe këmbënguljen për të ruajtur e avancuar autoritetin e Akademisë.

    “Prandaj, kam dëshiruar prej kohësh që këtë përvjetor ta shënojmë në mënyrë dinjitoze, jo vetëm për të vlerësuar veprën e tij shkencore, por edhe për t’i shprehur mirënjohjen tonë për gjithçka që ka bërë për Universitetin, Akademinë dhe shkencën shqiptare”, theksoi Presidentja Shiroka-Pula.

    E para e shtetit më tej tha se tetëdhjetë vjet jetë dhe më shumë se pesë dekada veprimtari akademike e shkencore përbëjnë një rrugëtim të gjatë, të pasur me punë, përgjegjësi, sfida dhe arritje, e që sipas saj, është një rrugëtim që meriton respekt dhe vlerësim të veçantë.

    “Një ndër meritat e tij të veçanta është institucionalizimi i demografisë si disiplinë shkencore dhe universitare në Kosovë. Ai organizoi studimet pasuniversitare në këtë fushë dhe kontribuoi drejtpërdrejt në përgatitjen e brezave të studiuesve të rinj, shumë prej të cilëve vazhduan rrugën e tyre akademike e shkencore”, pohoi Presidentja.

    Sipas saj, veprimtaria krijuese  e akademik Islamit dëshmon jo vetëm besimin që kolegët kanë pasur ndaj tij, por edhe përkushtimin e vazhdueshëm të tij për zhvillimin, organizimin dhe afirmimin e Akademisë.

    Presidentja tha se kontributi shkencor i akademik Islamit është i gjerë dhe shumëdimensional.

    Shiroka-Pula tha se ajo që e dallon veprën e akademik Islamit është qasja e tij gjithëpërfshirëse ndaj fenomeneve demografike.

    Tutje, kreu i shtetit tha se Kosova sot përballet me sfida të mëdha demografike dhe socioekonomike: emigrimin, largimin e të rinjve, ndryshimet në strukturën e moshës së popullsisë, rënien e lindshmërisë dhe ndikimin e këtyre proceseve në tregun e punës, në ekonomi dhe në zhvillimin afatgjatë të vendit.

    Sipas Presidentes, vepra e parë, “Kosova: Tranzicioni i fundit demografik në Evropë”, paraqet një trajtim të thelluar të proceseve të transformimit demografik të popullsisë së Kosovës.

    Në fund, Presidentja Justina Shiroka-Pula tha se ky jubile shënon jo vetëm një moment për të vlerësuar rrugën e deritanishme të akademik Hivzi Islamit, por edhe një rast për të shprehur bindjen se puna dhe vepra e tij do të vazhdojnë të jenë pjesë e rëndësishme e trashëgimisë shkencore dhe akademike të Kosovës. /Klankosova.tv

  • LEX – Arrestohet i dyshuari për grabitjen e filialit të “RIA”-s, Prokuroria kërkon 30 ditë paraburgim

    LEX – Arrestohet i dyshuari për grabitjen e filialit të “RIA”-s, Prokuroria kërkon 30 ditë paraburgim

    LEX – Arrestohet i dyshuari për grabitjen e filialit të “RIA”-s, Prokuroria kërkon 30 ditë paraburgim

    Policia e Kosovës ka arrestuar të dyshuarin për grabitjen e filialit të kompanisë “RIA” në rrugën “Anton Çeta” në Gjakovë, rast për të cilin Gazeta Sinjali raportoi më 11 tetor.

    Prokuroria Themelore në Gjakovë ka bërë të ditur se ka marrë aktvendim për fillimin e hetimeve ndaj të dyshuarit me inicialet Ç.Zh., si dhe ka paraqitur kërkesë në Gjykatën Themelore në Gjakovë për caktimin e masës së paraburgimit në kohëzgjatje prej 30 ditësh.

    Sipas Prokurorisë, grabitja ka ndodhur më 10 tetor 2026, rreth orës 15:00, në rrugën “Anton Çeta”, në një filial të kompanisë “RIA”, ku i dyshuari, i maskuar dhe nën kërcënimin e thikës, dyshohet se ka marrë rreth 8 mijë euro.

    Burimet e Sinjalit raportuan se i dyshuari kishte hyrë në filial rreth orës 15:10 dhe kishte kanosur punëtoren, duke i kërkuar t’ia dorëzonte paratë. Sipas deklarimit të viktimës, nga frika dhe paniku ajo nuk kishte arritur të reagonte, ndërsa i dyshuari dyshohet se i kishte marrë vetë paratë nga dollapi ku mbaheshin ato.

    Pas grabitjes, i dyshuari ishte larguar në drejtim të panjohur dhe kishte qenë në arrati deri më 15 tetor, kur u arrestua nga Policia e Kosovës.

    “Me këto veprime i pandehuri Ç.Zh. ka kryer veprën penale ‘Grabitja’ nga neni 317, paragrafi 2, lidhur me paragrafin 1 të Kodit Penal të Republikës së Kosovës”, thuhet në njoftimin e Prokurorisë.

    Me vendim të Prokurorit të Shtetit, i dyshuari është dërguar në ndalim për 48 orë, ndërsa kërkesa për caktimin e paraburgimit prej 30 ditësh i është paraqitur gjykatës.

    /GazetaSinjali/

    The post LEX – Arrestohet i dyshuari për grabitjen e filialit të “RIA”-s, Prokuroria kërkon 30 ditë paraburgim appeared first on Sinjali.

    Burimi: Sinjali

  • Gashani: Kosova do t’i organizojë Lojërat Mesdhetare 2030

    Gashani: Kosova do t’i organizojë Lojërat Mesdhetare 2030

    Reagimi i tij vjen pasi kryetari i Prishtinës, Përparim Rama, paralajmëroi se Kosova rrezikon ta humbë të drejtën e organizimit të këtyre lojërave, duke publikuar një letër të Komitetit Ndërkombëtar të Lojërave Mesdhetare (ICMG).

    Në një postim në Facebook, Gashani e kritikoi Ramën për publikimin e korrespondencës, duke thënë se ajo nuk i pasqyron të gjitha komunikimet dhe angazhimet institucionale.

    Ai theksoi se përkushtimi i Qeverisë për organizimin e Lojërave Mesdhetare mbetet i palëkundur, ndërsa vështirësitë dhe çështjet e ngritura po trajtohen përmes bashkëpunimit institucional.

    “Publikimi i kësaj korrespondence, pa pasqyruar tërësinë e komunikimeve dhe angazhimeve institucionale, me një dramaticitet të panevojshëm dhe me alarm të pabazë, përbën një qasje, thënë më së buti, problematike të kryetarit të Prishtinës, pa e përmendur faktin këtu se letra për trajtimin e punëve e shqetësimeve mes institucionesh partnere – jo për publikime e teatralitet në Facebook – i është drejtuar edhe atij, jo vetëm titullarëve tjerë të institucioneve, që ai, në stilin e fëmijës së pakënaqur e qaraman kur vijnë mysafirët, tenton t’i sulmojë”, ka shkruar Gashani.

    Ai tutje ka thënë se Qeveria e Republikës së Kosovës që nga fillimi është dhe do të jetë garantuesja e tyre.

    “Lojërat Mesdhetare janë një projekt me rëndësi të jashtëzakonshme për sportin, për vendin tonë dhe për prezantimin e Kosovës në arenën ndërkombëtare. Prandaj, energjia dhe vëmendja jonë do të mbeten të përqendruara te puna konkrete, bashkëpunimi institucional dhe arritja e rezultateve, jo tek ankesat e ngritja e alarmeve e disfatizmit që është jo vetëm i rrezikshëm, por edhe i pavend e i pabazë. Lojërat Mesdhetare janë një përgjegjësi e përbashkët dhe një mundësi historike për Kosovën. Qeveria e Republikës së Kosovës që nga fillimi është dhe do të jetë garantuesja e tyre. Prandaj, qytetarë të Kosovës, po e themi përsëri: Kosova do të organizojë Lojërat Mesdhetare 2030! Kosova do të organizojë e do të shkëlqejë në Lojërat Mesdhetare 2030, në organizim të tyre dhe në sukseset e garuesve tanë në arenat sportive!”, ka shtuar Gashani.

    Paraprakisht kryetari i Prishtinës, Përparim Rama, ka thënë se Kosova rrezikon ta humbë organizimin e Lojërave Mesdhetare 2030, duke ia atribuar përgjegjësinë Qeverisë dhe Komitetit Organizativ.

    Sipas letrës së publikuar nga Rama, ICMG-ja ka shprehur shqetësim për mospërmbushjen e disa detyrimeve financiare dhe administrative. Në të thuhet se nuk ka marrë përgjigje ndaj një letre të dërguar më 21 shtator 2026, ndërsa përmenden edhe mungesa e garancisë bankare dhe mospagesa e një tarife.

    ICMG-ja ka paralajmëruar se këto çështje mund të rrezikojnë përgatitjet për organizimin e lojërave. Sipas letrës, më 19 dhjetor, Komiteti Ekzekutiv pritet ta shqyrtojë propozimin për thirrjen e një Asambleje të Jashtëzakonshme, e cila do të vendosë për hapat e mëtejmë.

    “Ajo që kemi paralajmëruar vazhdimisht, sot po konfirmohet zyrtarisht nga Komiteti Ndërkombëtar i Lojërave Mesdhetare (ICMG). Tash, kur është radha e Qeverisë qendrore dhe Komitetit Organizativ, në krye të të cilit Albin Kurti e ka vendosur vetveten, si asnjë shtet tjetër, Kosova po rrezikon ta humbasë këtë mundësi historike! Sot, ICMG konfirmon mungesën e përgjigjeve institucionale dhe si rrjedhojë më 19 dhjetor do të shqyrtohet situata dhe do të procedohet me thirrjen e një Asambleje të Jashtëzakonshme që do të vendosë për të ardhmen e Lojërave. Kjo është humbja më e madhe për Kosovën dhe qytetarët e saj!”, ka shkruar Rama.

    Lojërat Mesdhetare “Prishtina 2030” konsiderohen një prej ngjarjeve më të rëndësishme sportive që pritet të organizohen në Kosovë.

    Burimi: RTKLive

  • Kosova ia ndalon hyrjen 27 tonëve misër nga Serbia

    Kosova ia ndalon hyrjen 27 tonëve misër nga Serbia

    Kosova ia ndalon hyrjen 27 tonëve misër nga Serbia

    Agjencia e Ushqimit dhe Veterinarisë (AUV) ka refuzuar importin e 27 tonëve misër nga Serbia, pasi analizat laboratorike kanë konstatuar nivel të aflatoksinës mbi kufirin e lejuar.

    Sipas njoftimit, në ngarkesën prej 27 mijë kilogramësh misër merkantil, të importuar nga operatori ekonomik “IDEAL GROUP” SH.P.K., është konstatuar prania e aflatoksinës në nivelin prej 33 mikrogramësh për kilogram, ndërsa kufiri i lejuar është 20 mikrogramë për kilogram.

    Rezultati është konfirmuar edhe përmes superanalizës së realizuar nga laboratori referent në Austri.

    Pas konstatimit të tejkalimit të kufirit të lejuar, AUV-ja ka nxjerrë vendim për refuzimin e importit dhe ka urdhëruar kthimin e të gjithë sasisë së misrit në vendin e origjinës.

    Agjencia ka bërë të ditur se kontrollet e intensifikuara të importeve do të vazhdojnë, me qëllim të mbrojtjes së shëndetit të qytetarëve dhe parandalimit të hyrjes në tregun e Kosovës të produkteve që nuk i përmbushin standardet e sigurisë ushqimore.

    Sinjali – aty ku e vërteta flet para lajmit!

    /GazetaSinjali/

    The post Kosova ia ndalon hyrjen 27 tonëve misër nga Serbia appeared first on Sinjali.

    Burimi: Sinjali

  • Gashani i kundërpërgjigjet Ramës për Lojërat Mesdhetare: Alarm pa bazë

    Gashani i kundërpërgjigjet Ramës për Lojërat Mesdhetare: Alarm pa bazë

    Gashani i kundërpërgjigjet Ramës për Lojërat Mesdhetare: Alarm pa bazë

    Ministri i Sportit dhe Rinisë, Blerim Gashani, ka reaguar pas paralajmërimit të kryetarit të Prishtinës, Përparim Rama, se Kosova rrezikon ta humbë organizimin e Lojërave Mesdhetare 2030.

    Gashani e ka cilësuar reagimin e Ramës si “dramaticitet të panevojshëm” dhe “alarm të pabazë”, duke theksuar se Qeveria po vazhdon punën në bashkëpunim me Komitetin Ndërkombëtar të Lojërave Mesdhetare (ICMG) dhe institucionet përkatëse.

    Ai ka ritheksuar se përkushtimi i Qeverisë për organizimin e këtij eventi sportiv mbetet i plotë, pavarësisht vështirësive dhe obligimeve që duhet të përmbushen.

    “Lojërat Mesdhetare janë një përgjegjësi e përbashkët dhe një mundësi historike për Kosovën. Qeveria e Republikës së Kosovës që nga fillimi është dhe do të jetë garantuesja e tyre”, ka shkruar Gashani.

    Në fund, ministri ka deklaruar se Kosova do t’i organizojë Lojërat Mesdhetare 2030 dhe do të synojë sukses edhe në garat sportive.

    Sinjali – aty ku e vërteta flet para lajmit!

    /GazetaSinjali/

    The post Gashani i kundërpërgjigjet Ramës për Lojërat Mesdhetare: Alarm pa bazë appeared first on Sinjali.

    Burimi: Sinjali

  • Java e 10-të e Superligës: Vëmendja te ndeshjat Llapi-Drita dhe Ballkani - Prishtina

    Java e 10-të e Superligës: Vëmendja te ndeshjat Llapi-Drita dhe Ballkani – Prishtina

    Java e 10-të e Superligës: Vëmendja te ndeshjat Llapi-Drita dhe Ballkani - Prishtina

    Federata e Futbollit e Kosovës, ka publikuar orarin e ndeshjeve të javës së 10-të në Albi Mall Superligën e Kosovës në futboll.

    Xhiroja e re do të nisë të shtunën, më 17 tetor, me përballjen ndërmjet Llapit dhe Dritës, e cila do të zhvillohet nga ora 14:00 në stadiumin “Zahir Pajaziti” në Podujevë.

    Katër ndeshjet e tjera do të luhen të dielën dhe të hënën.

    Të dielën, më 18 tetor, Gjilani do të përballet me Feronikelin 74 nga ora 18:00, në stadiumin me bari artificial në Gjilan, transmeton Klankosova.tv.

    Ndërkaq, nga ora 14:00, Malisheva do të jetë nikoqire e Vushtrrisë, në stadiumin “Liman Gegaj” në Malishevë.

    Java e 10-të do të vazhdojë të hënën, më 19 tetor, me dy ndeshjet e fundit.

    Nga ora 14:00, Ballkani do të përballet me Prishtinën në stadiumin e qytetit në Suharekë, ndërsa nga ora 18:00, Dukagjini do ta presë Drenicën në stadiumin “18 Qershori” në Klinë.

  • Ndeshja për kreun e tabelës, Malisheva e Prishtina ndajnë pikët

    Ndeshja për kreun e tabelës, Malisheva e Prishtina ndajnë pikët

    Ndeshja për kreun e tabelës, Malisheva e Prishtina ndajnë pikët

    Malisheva dhe Prishtina nuk kanë arritur të shkëputen nga njëra-tjetra në garën për kreun e Superligës së Kosovës, pasi ndeshjen e drejtpërdrejtë e kanë mbyllur me rezultat 1:1, në kuadër të xhiros së nëntë.

    Skuadra vendase kaloi e para në epërsi në minutën e 29-të, kur Xhemajl Ibishi realizoi për 1:0, rezultat me të cilin u mbyll pjesa e parë.

    Prishtina u rikthye në lojë në pjesën e dytë, duke kërkuar golin e barazimit. Përpjekjet e mysafirëve u kurorëzuan me sukses në minutën e 76-të, kur Assane Diatta shënoi nga pika e bardhë për 1:1.

    Pavarësisht përpjekjeve të të dyja skuadrave deri në përfundim të takimit, rezultati mbeti i pandryshuar dhe ekipet u ndanë me nga një pikë.

    Pas këtij barazimi, Malisheva dhe Prishtina kanë nga 20 pikë. Malisheva mbetet në vendin e parë në tabelë, ndërsa Prishtina renditet e dyta, me një ndeshje më pak të zhvilluar.