Category: Lajme

  • Ekskluzive | Hajnat hyjnë në shtëpinë e 56-vjeçares në Bishtazhin të Gjakovës – marrin armën 1,700 euro dhe syzet “Louis Vuitton”

    Ekskluzive | Hajnat hyjnë në shtëpinë e 56-vjeçares në Bishtazhin të Gjakovës – marrin armën 1,700 euro dhe syzet “Louis Vuitton”

    Ekskluzive | Hajnat hyjnë në shtëpinë e 56-vjeçares në Bishtazhin të Gjakovës – marrin armën 1,700 euro dhe syzet “Louis Vuitton”

    Një rast i vjedhjes së rëndë është raportuar më 8 tetor në fshatin Bishtazhin të Gjakovës, ku persona ende të paidentifikuar dyshohet se kanë hyrë në shtëpinë e një 56-vjeçareje dhe kanë marrë një armë dhe një palë syze të markës “Louis Vuitton”.

    Burimet e Sinjalit bëjnë me dije se ankuesja, P.G., është paraqitur në Stacionin Policor në Gjakovë pasi ka vërejtur se nga dhoma e gjumit i mungonte arma e tipit REX ZERO 1 CP, së bashku me kutinë e saj.

    Sipas deklarimit të saj, ajo jeton e vetme dhe kishte ardhur në Kosovë për pushime, ndërsa ka thënë se askush tjetër nuk kishte qasje të rregullt në shtëpi.

    Ankuesja ka deklaruar se armën e kishte parë për herë të fundit më 5 tetor, kur ia kishte ndryshuar vendin. Arma nuk mbahej në kasafortë, por në kutinë e saj, të vendosur në një dollap në dhomën e gjumit.

    Sipas informacioneve që ka siguruar Sinjali, ajo ka vërejtur se doreza e dritares së dhomës së gjumit ishte e dëmtuar, çka ka ngritur dyshime se dikush mund të ketë hyrë nga aty.

    Vlera e armës, sipas deklarimit të ankueses, është rreth 1,700 euro, ndërsa nga shtëpia mungojnë edhe një palë syze të markës “Louis Vuitton”, me vlerë rreth 800 euro.

    Dëmi i përgjithshëm i deklaruar arrin në rreth 2,500 euro.

    Për rastin është njoftuar Prokurori i Shtetit, me udhëzim të të cilit është iniciuar procedura për veprën penale “Vjedhje e rëndë”.

    Personi apo personat e dyshuar ende nuk janë identifikuar, ndërsa rasti mbetet nën hetime.

    Sinjali – aty ku e vërteta flet para lajmit!

    /GazetaSinjali/

    The post Ekskluzive | Hajnat hyjnë në shtëpinë e 56-vjeçares në Bishtazhin të Gjakovës – marrin armën 1,700 euro dhe syzet “Louis Vuitton” appeared first on Sinjali.

    Burimi: Sinjali

  • Rrahën një person në Prishtinë, dy të dyshuarit dërgohen në mbajtje

    Rrahën një person në Prishtinë, dy të dyshuarit dërgohen në mbajtje

    Dy persona janë arrestuar nën dyshimin se të njëjtit kanë sulmuar fizikisht një person.

    Sipas raportit 24 orësh të Policisë së Kosovës bëhet e ditur se rasti ka ndodhur të enjten rreth orës 23:30 në rrugën “Afrim Zhitia”, në Prishtinë.

    Tutje thuhet se me vendim të prokurorit të dyshuarit pas intervistimit janë dërguar në mbajtje.

    “Rr. Afrim Zhitia, Prishtinë 08.10.2026-23:30. Janë arrestuar dy të dyshuar meshkuj kosovarë nën dyshimin se të njëjtit kanë sulmuar fizikisht viktimën mashkull kosovar. Me vendim të prokurorit, të dyshuarit pas intervistimit janë dërguar në mbajtje”, thuhet në raport. /Telegrafi/

  • Ushtria amerikane do ta transmetojë drejtpërdrejt ekzekutimin me pushkatim të autorit të sulmit në Fort Hood

    Ushtria amerikane do ta transmetojë drejtpërdrejt ekzekutimin me pushkatim të autorit të sulmit në Fort Hood

    Ushtria amerikane planifikon ta transmetojë drejtpërdrejt ekzekutimin me pushkatim të Nidal Hasan, ish-psikiatrit të ushtrisë që vrau 13 persona dhe plagosi 32 të tjerë në bazën ushtarake Fort Hood, në Teksas, në vitin 2009. Njoftimi u bë nga Sekretari amerikan i Mbrojtjes, Pete Hegseth, ndërsa Pentagoni konfirmoi se transmetimi do të realizohet, pa dhënë ende hollësi të mëtejshme.

    Ekzekutimi është planifikuar për 3 dhjetor në Fort Hood. Nëse realizohet sipas planit, ai do të jetë ekzekutimi i parë i një pjesëtari të ushtrisë amerikane që nga viti 1961 dhe ekzekutimi i parë ushtarak me pushkatim që nga viti 1945, gjatë Luftës së Dytë Botërore.

    “Do të sigurohemi që njerëzit të mund ta shohin, që kjo të jetë publike, sepse njerëzit duhet ta kuptojnë se veprime të tilla kanë pasoja të rënda”, tha Hegseth në një intervistë me komentatorin konservator Jack Posobiec.

    Ai shtoi se Hasan do të ekzekutohet nga një skuadër ushtarësh. I pyetur nëse i dënuari kishte paraqitur ndonjë kërkesë të fundit, Hegseth u përgjigj: “Nuk më intereson. Do ta shohim më 3 dhjetor”, transmeton Telegrafi.

    Hasan hapi zjarr më 5 nëntor 2009 në një qendër për përpunimin dhe përgatitjen e personelit ushtarak në Fort Hood. Një juri ushtarake e shpalli fajtor për vrasje dhe tentativë vrasjeje në vitin 2013 dhe e dënoi me vdekje. Hasan, ish-major i ushtrisë amerikane, ka qëndruar në pritje të ekzekutimit pas një procesi të gjatë ligjor. Presidenti Donald Trump e miratoi ekzekutimin me pushkatim në fillim të kësaj jave, sipas njoftimeve zyrtare.

    Vendimi për ta transmetuar ekzekutimin drejtpërdrejt ka nxitur debat mbi dënimin me vdekje, kufijtë e transparencës publike dhe dinjitetin e personit të dënuar. Ekspertë të së drejtës ushtarake dhe të dënimit me vdekje kanë ngritur pyetje për arsyet e transmetimit dhe për faktin nëse ekzekutimi rrezikon të kthehet në një spektakël publik.

    Elisabeth Semel, bashkëdrejtuese e Klinikës për Dënimin me Vdekje në Fakultetin Juridik të Universitetit të Kalifornisë në Berkeley, tha se njoftimi ngre çështje të rëndësishme ligjore dhe të politikave publike, përfshirë mënyrën se si do të ruhet dinjiteti i të dënuarit dhe kush do të lejohet ta ndjekë ekzekutimin.

    Nga ana tjetër, Deborah Denno, profesoreshë e së drejtës në Universitetin Fordham dhe eksperte e dënimit me vdekje, tha se transmetimi mund ta bëjë procesin më transparent dhe ta ndihmojë publikun të kuptojë më mirë se çfarë përfshin zbatimi i dënimit kapital.

    Brenner Fissell, profesor në Fakultetin Juridik të Universitetit Villanova, vuri në dukje se disa shtete amerikane po e shqyrtojnë pushkatimin si alternativë ndaj injeksionit vdekjeprurës, për shkak të vështirësive për sigurimin e barnave dhe gjetjen e personelit mjekësor të gatshëm të marrë pjesë në ekzekutime. Megjithatë, ai tha se në rastin e njoftimit të Hegseth-it, vendimi mund të lidhet më shumë me simbolikën ushtarake dhe theksimin e forcës sesa me këto shqetësime praktike.

    Debati po zhvillohet edhe në kontekstin e pyetjeve të reja për mënyrat e ekzekutimit në SHBA, pas një ekzekutimi të dështuar me injeksion vdekjeprurës në Tennessee. Ndërsa disa ekspertë e shohin transmetimin si një mënyrë për të rritur transparencën, të tjerë paralajmërojnë për pasojat etike dhe shoqërore të shndërrimit të një ekzekutimi në ngjarje publike.

    Sipas Amnesty International, raporti i organizatës për ekzekutimet gjatë vitit 2025 dokumentoi të paktën 17 ekzekutime publike në botë: 11 në Iran dhe gjashtë në Afganistan. /Telegrafi/

  • Gjendet një trup i pajetë në liqenin e fshatit Livoç të Gjilanit

    Gjendet një trup i pajetë në liqenin e fshatit Livoç të Gjilanit

    Policia e Kosovës ka bërë të ditur se është gjetur pa shenja jete një person në fshatin Livoq i Epërm të Gjilanit.

    Rasti ka ndodhur të enjten, në ora 14:12.

    “Ankuesi mashkull kosovar, ka njoftuar policinë se në liqenin në fshatin Livoç, ka parë një trup të pajetë. Njësitë policore kanë dalë në vendin e ngjarjes bashkë me zjarrfikësit që e kanë nxjerrë trupin nga uji”, thuhet në raport.

    Në vendin e ngjarjes ka dalë ekipi mjekësor, i cili ka konstatuar se viktima është pa shenja jete.

    Viktima nuk kishte dokumente, por sipas hetimeve fillestare dyshohet se bëhet fjalë për një mashkull kosovar, i raportuar si person i zhdukur para dy ditësh.

    Me vendim të prokurorit, trupi i pajetë është dërguar në IML për obduksion. Rasti në hetime.

  • QKMF-ja në Viti përfiton donacion prej rreth 50 mijë eurosh në pajisje mjekësore

    QKMF-ja në Viti përfiton donacion prej rreth 50 mijë eurosh në pajisje mjekësore

    Qendra Kryesore e Mjekësisë Familjare (QKMF) në Viti ka përfituar një donacion në pajisje mjekësore dhe teknike, në vlerë prej rreth 50 mijë eurosh, nga AQH-ja.

    Sipas njoftimit të institucioneve shëndetësore të Vitisë, donacioni përfshin pajisje për shërbimin e urgjencës primare dhe laboratorin, të cilat do të përdoren në QKMF-në në Viti dhe në Qendrën e Mjekësisë Familjare (QMF) në Pozheran.

    Në kuadër të donacionit është përfshirë edhe një lavatriçe industriale për shërbimin e lavanderisë.

    Pajisjet e dhuruara përfshijnë defibrilatorë, aparate EKG, otoskopë, pajisje për nxjerrjen e trupave të huaj, centrifuga laboratorike, aparate për matjen e HbA1c dhe CRP-së, si dhe frigoriferë për laboratorin dhe barnatoren.

    Sipas njoftimit, këto pajisje pritet të ndihmojnë në forcimin e kapaciteteve diagnostikuese dhe të shërbimit të urgjencës, duke kontribuar në përmirësimin e cilësisë dhe sigurisë së shërbimeve shëndetësore për qytetarët e Vitisë.

    Përfaqësuesit e institucioneve shëndetësore kanë falënderuar AQH-në për donacionin dhe mbështetjen e vazhdueshme, duke theksuar rëndësinë e bashkëpunimit ndërinstitucional për avancimin e kujdesit shëndetësor parësor. /Telegrafi/

  • Mbi post-festumin presidencial dhe traumat e shoqërisë kosovare

    Mbi post-festumin presidencial dhe traumat e shoqërisë kosovare

    Politika e Kosovës përherë është një përplasje e madhe emocionale. Kjo jo përherë është e shëndetshme. Por nga përplasjet mësojmë shumë – sidomos mbi traumat dhe halucinacionet e patrajtuara të shoqërisë. Përtej rrethanave dramatike në të cilat u zgjodh presidentja e republikës (pa fajin e saj), pyetja më e rëndësishme është kjo: a do të ketë Kosova qeverisje cilësore me Vetëvendosjen? Rreziku është i madh që retorika boshe të vazhdojë – ndonëse koha e arsyetimeve ka marrë fund qëmoti.

    I.

    Ajo që pamë në javët e fundit shpalosi të kaluarën e patrajtuar dhe tragjike brenda shoqërisë shqiptare të Kosovës. Kush s’ballafaqohet me të, e bart me vete si bombë të kurdisur me sahat.

    Shqetësuese ishte (e vazhdon të jetë) atmosfera e linçimit dhe e etiketimit: “Nëse nuk je me ne, je spiun serb”. Kanë kaluar 27 vjet që Serbia është dëbuar nga Kosova, por politika dhe parapolitika ende mbijetojnë duke përmendur Serbinë.

    Kjo kacafytje vulgare u shoqërua me akuza, kundërakuza, mashtrime paranoide, sjellje abuzive dhe keqpërdorim të vullnetit të qytetarëve. Është krijuar një gjendje psikoze halucinante. Pasojë e kësaj është mungesa thelbësore e gatishmërisë për ta kuptuar realitetin. Lokal dhe gjeopolitik

    Por në këtë mejdan qytetarët e Kosovës i kanë parë mirë të gjithë – sidomos ditëve të fundit: edhe gënjeshtarët, edhe kërcënuesit, edhe rrëmujaxhinjtë, edhe naivët, edhe profiterët e çastit.

    Qytetarët e Kosovës u ofenduan sërish me krijimin artificial të dramave politike e institucionale: si nga ata që kalkulojnë deri në çastin e fundit, ashtu edhe nga të tjerët që çështjet jopolitike duan t’i përdorin për beteja elektorale.

    Nëse i kthehemi pak veprës së Migjenit, atëherë pas bijve të shqipes shohim hije të trazueme, trashëgimtarë të vuejtjes që në vend të strategjisë politike shpalosin, faqe botës, disa klithma të pakënaquna t’instinktit. Kjo barrë flaket vetëm kur njerëzit janë të lirë nga linçimi. Dhe nga linçuesit që hiqen si patriotë.

    II.

    Njëra ndër skenat më bizare në historinë politike të Kosovës u pa të mërkurën, kur deputetët, duke u shtirur se po bëhen merak për fatet e vendit, ngarendën si pa frymë drejt kutisë së votimit për të hedhur votën për kryetaren e shtetit, e cila, pa fajin e saj, ngarendte po ashtu të vinte në Kuvend para mesnatës. Kohë s’kishte, koha ikte, fluturonte.

    Deputetët vraponin mbrëmë te kutia me vrull e turr, jo se janë bërë merak qe disa muaj për fatet e Kosovës, jo, e bënin këtë për të shpëtuar mandatet e tyre, të cilat frikësoheshin se mund t’i humbnin nëse vendi përplaset në zgjedhjet parlamentare të radhës.

    Nëse ka një imazh që do të mbesë në historinë e monstruoziteteve politike të Kosovës – ky i se mërkurës ishte njëri nga ta. Sërish pa fajin e presidentes, në Kuvend u mbajt fjalimi më i shkurtër i një të zgjedhureje/zgjedhuri në këtë post të rëndësishëm. Opinioni nuk di asgjë për qëndrimet e saj në çështjet më të rëndësishme të vendit. Improvizimi tregon se çfarë respekti kanë deputetët, partitë e kryetarët e partive për postet qendrore të shtetit.

    Vetëm një klasë politike totalisht e papërgjegjshme e zbret parlamentin në pazar.

    III.

    E them përsëri: më ka penguar papërgjegjësia e partive politike në procesin e zgjedhjes së presidentes së vendit. Duke parë prej disa dekadash ceremonitë e zgjedhjes së presidentit apo presidentes në shtete të tjera, unë, natyrisht, kam dëshirë që edhe Kosova të përparojë e ta nderojë postin e presidentit me proces zgjedhor e ceremoni dinjitoze. Sepse posti nderohet, në radhë të parë. E me këtë nderohet edhe njeriu që e merr këtë post.

    Por, çfarë ka bërë klasa politike, nuk është përgjegjësi e presidentes Justina Shiroka-Pula. Ajo e prishi rehatinë e vet për të shmangur zgjedhjet e reja dhe ndoshta edhe eskalimin e dhunës nga disa nxitës që çirreshin (edhe publikisht): “Do të ketë dhunë!”

    Jo, s’duam dhunë! Jemi demokraci dhe kush i fiton zgjedhjet, e merr pushtetin. Me metoda antidemokratike e me kanun nuk mund askush të marrë pushtetin. Kush ka ambicie politike, nuk duhet të qëndrojë te korneri. Themeloni parti, hyni në politikë, nëse keni dëshirë. Nëse s’guxoni, bëni atë punë që dini më së miri, por bëjeni me nder. Nuk mund të jesh edhe gazetar, edhe politikan. Si gazetar je vëzhgues i politikës, por jo akter. Akter bëhesh kur futesh në politikë.

    Ka njerëz që e kanë luksin të mos jenë fare pjesë e politikës, sepse në jetë i kanë arritur të gjitha: punë, profesion, realizim ambiciesh, karrierë, mirëqenie, udhëtime (para së gjithash kulturore). Zonja presidente është një prej tyre. Kështu që respektojeni pak postin e presidentes dhe njeriun që e përfaqëson atë post. Imagjinojeni se këtë post e ka mbajtur edhe dr. Ibrahim Rugova.

    Mund të mos na pëlqejnë rrethanat e zgjedhjes, për të cilat – kurrë s’është e tepër të përsëritet – presidentja s’ka faj, por është e padrejtë të diskualifikohet pak orë pas hyrjes në zyrë. Një nga problemet kryesore që kemi si shoqëri është pështyrja instinktive ndaj çdo autoriteti. Kështu s’arrihet askund.

    Sepse ka njerëz që politikën e shohin si shërbim, jo si mundësi përfitimi apo lojërash e agjendash politike. Asnjë president nuk mund të jetë lider opozite. As prijës agjendash personale. E kanë provuar disa në Kosovë dhe kanë dështuar keq.

    IV.

    Në vitin 2010, presidenti gjerman Horst Köhler dha një intervistë. Tha se në rast nevoje dhe për të mbrojtur rrugët tregtare, Gjermania mund të përdorë edhe ushtrinë. Atëherë ishin kohëra të tjera dhe u çuan si gjelat politikanë të majtë e të gjelbër gjermanë duke e akuzuar presidentin Köhler madje edhe për shkelje të Kushtetutës. Edhe disa gazetarë e humbën atëbotë çdo kontroll.

    Presidenti Köhler e konsideroi kritikën si të tepruar, të pajustifikuar dhe pa respektin e nevojshëm për postin e tij. Ai dha dorëheqjen për të shmangur, sipas tij, dëmtimin e autoritetit të postit të presidentit. Köhler ishte burrë zotëri, ekonomist me doktoraturë, zyrtar i lartë në Ministrinë e Financave, drejtor i Fondit Monetar Ndërkombëtar. Vitin e kaluar, më 2025, në revistën DER SPIEGEL një gazetar shkroi një tekst të gjatë pendues mbi fushatën kundër presidentit Köhler. Që në titull gazetari nënvizoi se edhe 15 vjet pas dorëheqjes “unë kam ndërgjegjen e vrarë” mbi krejt situatën e krijuar para dorëheqjes së Köhler.

    V.

    Vera e vitit 2031 mund të jetë e bukur. Presidentja Shiroka-Pula përfundon mandatin, Kosova i afrohet hyrjes në BE, skena politike normalizohet dhe një konstelacion tjetër qeveritar është aq normal sa ngrënia e qofteve dhe pirja e një birre te kafja e Martin Hajdarajt në Prishtinë. Kosova është e të gjithëve. Edhe e atyre që sot nuk kanë pushtet ekzekutiv, por me më shumë mend në kokë mund ta fitojnë një ditë. Por jo me kërcënime.

    Pyetja më e rëndësishme është kjo: a do të ketë Kosova qeverisje cilësore me Vetëvendosjen? Rreziku është i madh që retorika boshe të vazhdojë. Mungesa e llogaridhënies poashtu. Bashkë me oportunizmin e shoqëruar me duartrokitje. Por kush ia do të mirën Kosovës, nuk duartroket, por kërkon përgjegjësi e llogari – edhe nga lideri. Domethënë: nga kryeministri. Koha e arsyetimeve ka marrë fund qëmoti.

  • Ekskluzive | Kapet në Podujevë i dënuari me 100 ditë burg për narkotikë – dërgohet në vuajtje të dënimit

    Ekskluzive | Kapet në Podujevë i dënuari me 100 ditë burg për narkotikë – dërgohet në vuajtje të dënimit

    Ekskluzive | Kapet në Podujevë i dënuari me 100 ditë burg për narkotikë – dërgohet në vuajtje të dënimit

    Policia ka realizuar më 8 tetor një urdhëresë gjyqësore ndaj një personi të kërkuar në Podujevë, i cili ishte dënuar me 100 ditë burgim për një vepër penale që lidhet me narkotikët.

    Burimet e Sinjalit bëjnë me dije se bëhet fjalë për Besart Gashin, ndaj të cilit ishte aktive një urdhëresë gjyqësore për ekzekutimin e dënimit.

    Urdhëresa është realizuar rreth orës 14:30, në kuadër të planit operativ për ekzekutimin e urdhëresave të gjykatave.

    Sipas informacioneve që ka siguruar Sinjali, Gashi ishte dënuar me 100 ditë burgim për veprën penale “Posedim i paautorizuar i narkotikëve, substancave psikotrope dhe analoge”.

    Pas arrestimit, ai është dërguar në vuajtje të dënimit.

    Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

    Sinjali – aty ku e vërteta flet para lajmit!

    /GazetaSinjali/

    The post Ekskluzive | Kapet në Podujevë i dënuari me 100 ditë burg për narkotikë – dërgohet në vuajtje të dënimit appeared first on Sinjali.

    Burimi: Sinjali

  • I bëri për spital nënën dhe motrën, prangoset ferizajasi

    I bëri për spital nënën dhe motrën, prangoset ferizajasi

    I bëri për spital nënën dhe motrën, prangoset ferizajasi

    Një rast i dhunës në familje është raportuar në Ferizaj, ku një person dyshohet se ka sulmuar fizikisht nënën dhe motrën e tij.

    Sipas raportit 24-orësh të Policisë, rasti ka ndodhur dje rreth orës 11:00, pas një konflikti verbal.

    Dy viktimat kanë pranuar tretman mjekësor dhe më pas janë dërguar në strehimore.

    “Ndërsa i dyshuari është arrestuar dhe  me vendim të prokurorit  është dërguar në mbajtje, rasti në procedurë hetimore”, thotë PK./Klankosova.tv

  • Siriani dyshohet se hyri ilegalisht në Kosovë, turku e ndihmoi – të dy prapa grilave

    Siriani dyshohet se hyri ilegalisht në Kosovë, turku e ndihmoi – të dy prapa grilave

    Siriani dyshohet se hyri ilegalisht në Kosovë, turku e ndihmoi – të dy prapa grilave

    Policia e Kosovës ka arrestuar dy persona meshkuj në Vërmicë, nën dyshimin për kalim të paautorizuar të kufirit dhe ndihmë ndaj një personi për hyrje ilegale në territorin e Kosovës.

    Rasti ka ndodhur më 8 tetor, kur njësia policore gjatë patrullimit ka ndaluar dy persona, një shtetas të Turqisë dhe një shtetas të Sirisë, transmeton Klankosova.tv.

    Sipas hetimeve fillestare, dyshohet se shtetasi sirian ka hyrë ilegalisht nga Shqipëria në Kosovë, ndërsa shtetasi turk dyshohet se e ka ndihmuar dhe kishte për qëllim ta transportonte atë deri në Prizren.

    Të dyshuarit janë arrestuar dhe, me vendim të prokurorit, janë dërguar në mbajtje.

  • Maunja kishte parregullsi me plombimin, Dogana gjobit shoferin

    Maunja kishte parregullsi me plombimin, Dogana gjobit shoferin

    Maunja kishte parregullsi me plombimin, Dogana gjobit shoferin

    Një shofer mauneje është gjobitur me 500 euro në Pikën e Kalimit Kufitar në Vërmicë, pasi zyrtarët doganorë kanë konstatuar parregullsi në sistemin e plombimit të automjetit që transportonte mallra për import.

    Sipas Doganës së Kosovës, gjatë kontrollit është vërejtur se sistemi mundësonte ndërhyrje edhe pas vendosjes së plombës, duke mos garantuar sigurinë e mallrave gjatë transportit.

    “Për këtë rast është iniciuar procedurë kundërvajtëse doganore, në bazë të Kodit Nr. 08/L-247 për Doganat dhe Akcizat, për mosrespektim të rregullave që lidhen me procedurën e transitit, përfshirë dispozitat për paraqitjen e mallrave të paprekura në zyrën doganore të destinacionit dhe përdorimin e plombave të përshtatshme për sigurimin e identifikimit të tyre. Si rezultat, ndaj shoferit është shqiptuar gjobë në vlerë prej 500 eurosh”, thuhet mes tjerash në njoftim./ Klankosova.tv